影片
更多
2023-05-02
1446 瀏覽
【油尖旺區】【禾牛薈火煱館】喺尖東同個同事搵嘢食，放心，係男同事嚟，一向都係同佢出去做啲試食 job。但係呢排我都冇乜 job 做，有得做嗰次又自己唔舒服推咗，所以都有一段時間冇同佢食飯。咁啱大家都有啲時間食飯，就去打邊爐啦。嚟到尖東呢間火鍋店，其實係我揀嘅，不過我都係求其揀，呢度附近都幾多邊爐或者燒肉等等。只係 1am紅館 嘅 post 我多數係自己食嘅，因此一直都冇機會食呢啲咁解。樓下有阿姐安排入座，搭電梯上到二樓有人帶位入座。坐低覺得都幾舒服，安排咗角落頭卡位，私隱度幾高，而且有獨立電視，幾啱啲中意有私人空間嘅客人。我哋入到去湯底要咗 $198 嘅「招牌禾牛薈」，有牛肚、牛膀、牛筋、大腸，其實就係牛雜牛骨湯底咁，又幾好，濃而不膩。火鍋料主要食 $368 嘅大「本地招牌手切肥牛」，質素平庸咗啲，灼多一秒都變香口膠，牛味唔算好出。而 $188 嘅「自家製四寶丸」有手打蝦丸、墨魚丸、鯪魚球、牛丸，我哋幾中意個蝦丸，粒粒鮮蝦幾好食，算幾驚喜嘅。叫咗個熟食，係 $98 嘅「脆豚牛卷」，外層酥脆，餡係以自家手切本地肥牛釀製，係有大腸嘅口感，點埋個糖醋汁，唔錯。飲品方面叫咗 $68 嘅「自家製
嚟到尖東呢間火鍋店，其實係我揀嘅，不過我都係求其揀，呢度附近都幾多邊爐或者燒肉等等。只係 1am紅館 嘅 post 我多數係自己食嘅，因此一直都冇機會食呢啲咁解。樓下有阿姐安排入座，搭電梯上到二樓有人帶位入座。
坐低覺得都幾舒服，安排咗角落頭卡位，私隱度幾高，而且有獨立電視，幾啱啲中意有私人空間嘅客人。我哋入到去湯底要咗 $198 嘅「招牌禾牛薈」，有牛肚、牛膀、牛筋、大腸，其實就係牛雜牛骨湯底咁，又幾好，濃而不膩。
火鍋料主要食 $368 嘅大「本地招牌手切肥牛」，質素平庸咗啲，灼多一秒都變香口膠，牛味唔算好出。而 $188 嘅「自家製四寶丸」有手打蝦丸、墨魚丸、鯪魚球、牛丸，我哋幾中意個蝦丸，粒粒鮮蝦幾好食，算幾驚喜嘅。
叫咗個熟食，係 $98 嘅「脆豚牛卷」，外層酥脆，餡係以自家手切本地肥牛釀製，係有大腸嘅口感，點埋個糖醋汁，唔錯。飲品方面叫咗 $68 嘅「自家製竹蔗水」一酌同埋 $19 嘅「天地一號蘋果味」，正常，唔算好貴嘅。
差唔多食完，有人遞咗兩客甜品嚟，我食咗嗰個奶凍都唔錯，另一件係同事食就一般。加埋每人 $50 嘅醬料費再加個一之下，張單夾埋係 $1087.9，每人五百幾。老實講呢個價食呢啲嘢真係令我哋有啲失望，唔會為個蝦滑再食囉。。。
（地址：尖沙咀金馬倫道48號中國保險大廈1樓及2樓）
#1amfoodie #foodie #hkfoodie #thatfoodiething #globaleats #followforfollowback #love #eat #1am油尖旺區 #尖沙咀 #尖東 #紅磡 #1am紅館 #禾牛薈火煱館 #禾牛薈火鍋館 #禾牛薈 #港式火鍋 #招牌禾牛薈 #牛雜 #本地招牌手切肥牛 #肥牛 #自家製四寶丸 #蝦丸 #脆豚牛卷 #自家製竹蔗水 #天地一號蘋果味 #甜品 #醬料費 #1am0841 #1ambackup
17 瀏覽
0 讚好
0 留言
張貼
