福元湯圓

營業中

休息中

每到宵夜時段，就會想起北角福元湯圓。店舖雖小，但曾獲獎米芝蓮，可見其甜品非常出色。不要看店面較樸實，這裏的甜品可謂驚人優秀！芝麻合桃糊湯圓，香醇不黏牙齒，絲絲入口，細膩幼滑，內斂精緻，輕輕攪拌，泛起濃香，雲湧江濤，讓人讚不絕口！薑汁芝麻湯圓，形態飽滿，狀若玉珠，油潤細緻，豐潤渾厚，齒頰留香。楊枝甘露不過不失，只可以說來福元，必須點湯圓，因為這裏的湯圓的確非常絕頂，而這種楊枝甘露的甜品，本人則認為其他餐廳可能做法更佳。

嗌咗桑寄生蓮子蛋茶湯圓，老公嗌咗個鮮奶燉蛋，因為食完餐飯唔夠飽～桑寄生蓮子蛋茶湯圓好好味，芝麻湯圓大粒滑溜，茶味道好好，桑寄生蓮子蛋茶都整得好認真，有好多粒蓮子。但係老公預期個鮮奶燉蛋係會比較重燉蛋味，但係最後變咗奶加蛋嘅混合體，佢覺得唔夠甜同唔夠濃

我時常都覺得好吃的中式糖水是平凡華麗，寄語人生。不以外貌取人，真材實料才是中華國粹。此湯丸入口良，未如傳聞，皮厚;而薑糖底是鮮薑味多，像後添混多。相比佐敦的佳佳，坐得也不夠舒適。總結是試過便好 。

這天與男性朋友於北角聚餐過後，突然心癢想吃個糖水再歸家，便馬上想起這間米芝蓮推介的福元湯圓，二話不說小妹我便過來這裡享用我的飯後甜品。這間糖水店是北角的老字號，主打每天手工製作的湯圓和小丸子。餐廳裝潢簡約樸素，座位雖然不算太多，但絲毫沒有影響食客到此，客人是座無虛席呢。芝麻糊湯圓我選擇了凍的芝麻糊加湯圓，色澤黑漆的芝麻糊味道香濃，口感黏稠順滑，甜度恰好，絲毫沒有渣粒，湯圓大顆飽滿，共有三粒，入口外皮薄身，咬開後芝麻餡料流滿口腔，味道細膩醇香，綿密微甜。花生湯圓花生湯圓共有五粒，使用糖薑水作為糖水，糖薑水色澤金黃清澈，可見有少量薑片浸於糖水中，糖薑水入口醇厚辛辣，薑味濃郁，味道正宗。花生湯圓飽滿圓潤，外皮柔軟薄身，咬開後餡料如流沙狀般佈滿口腔，花生味道濃郁，甜度恰到好處，且夾雜著碎花生粒，細膩中帶脆口，口感更為豐富。整體而言，環境簡約樸素，乾淨衛生，糖水味道製作出色，湯圓餡料飽滿豐富，是必食的平民米芝蓮老字號糖水店。

有日男朋友接完我收工之後，去咗炮台山食飯，食完飯之後就順路去埋炮台山最出名嘅「福元湯圓」食湯圓～花生湯圓（$26）一碗有5粒湯圓，薑湯薑味都幾重，帶少少辛香，皮比小寧波厚，咬開嘅時候，花生餡都夠流沙，緩緩地流出來，花生餡有白芝麻和細碎花生粒係裏面，幾有咬口。果皮蓮子百合紅豆沙（$20）加湯圓（$9）所有湯水加湯圓，都有三粒，都算合理，紅豆沙有啲稀，味道比較淡，但勝在紅豆入口夠軟腍，蓮子亦十分鬆化，加翻d分！

大約晚上9點，直接入座食左5粒芝麻湯圓，$26，餡多皮薄，相當滿足，飲埋薑水lamlam脷呀第二次幫襯架啦，上次食西米露，都相當香，西米煮得好，Q彈幾鍾意呢d款式簡簡單單既糖水店

呢間糖水舖一向都係街坊之間好出名架喇，但可能其他地區嘅人未必知我係食完佢地最出名個湯丸之後，覺得真係驚為天人，所以先想推介比大家我同朋友們係大約八點半左右去到，個場都已經爆爆地但好好彩我地一去就有人走，所以先唔洗等太耐我叫左個桂花酒釀湯圓，有芝麻同花生湯丸揀，我揀左花生湯丸。個糖水一黎到已經見到d湯丸粒粒都好大粒，而且糖水聞落好香一黎到已經見到d湯丸好大粒個桂花酒釀好香桂花味，而且甜得黎佢唔係死甜果隻味，感覺好滋潤養生個花生湯圓一咬開係爆餡！而且d花生應該係自己炒完磨嘅，所以同出面食果d好唔同，寧舍香同埋濃花生味仲有佢個皮真係超好食，勁煙韌，但又唔會咬得好辛苦果隻，係軟熟得黎有咬口嘅感覺爆餡花生湯圓我係食呢間之前未諗過原來湯圓都可以咁好食，30蚊真係超值！

記憶中，福元湯丸皮薄餡靚，花生芝麻好香滑。見網上外賣平台 可以送，立即外送三碗同朋友一齊分享。但一放入口已經覺得口感差咗好多，皮非常厚，餡少，湯丸皮完全不能入口，極之失望😞

老字號中式糖水店真係買少見少，包括北角呢間福元湯圓，位置唔太起眼，係天橋底轉入去，店舖面積不大，放到3-4張檯，個日去都好多人叫外賣，生意接唔停手🙈.最出名一定係湯圓，每日都人手製造，另外芝麻糊、芒果布甸、西米露，同樣都受食客歡迎🤤.花生湯圓 $26 9/10👍🏻我叫左碗花生湯圓，湯圓粒粒都大大粒，皮薄餡多，一食真係爆餡，好似心太軟咁，入面有粗粒花生同炒香左既芝麻，香之餘仲煙煙韌韌，而糖水係薑水，勁辣，我幾鍾意🥰

夜晚約咗朋友，所以下午茶時間就去咗北角周圍行下先。原來行完諗住搵間Cafe下食少少嘢，但好多間都full哂😣喺搵緊嘅途中就俾我見到哩間福元湯圓😆其實本身就好鍾意食湯圓，見到鋪頭入面冇咩人所以就一於坐低試下啦🤣其實佢都幾多選擇，有甜品/糖水/涼粉/西米露/鴛鴦甜品等等，但第一次嚟就決定試個基本啲嘅，所以就叫咗碗黑芝麻湯圓🤓• • • • •🧚🏻‍♀️黑芝麻湯圓🧚🏻 [$26]一放低個碗已經聞到好香薑味🤩第一啖就試咗佢嘅糖薑水先，飲落好有薑嘅辣味😈一碗有五粒，而佢嘅湯圓望落會透到少少黑芝麻餡料嘅色出嚟就知道佢嘅皮夠薄，而且每一粒都好大粒，飽滿到好似就嚟爆開咁😝咬落外皮煙韌軟糯，而且黑芝麻餡料真係好多，一咬就湧哂出嚟，好流心，仲要黑芝麻味好濃郁😍真心好好食，絕對推薦大家嚟試下👍🏻• • • • •總括嚟講覺得好正😻鍾意食湯圓嘅話極推薦大家嚟哩間試下👻佢鋪仔細細，估唔到啲湯圓係咁高質🥰食嘅途中仲不斷見到有人入嚟叫外賣，係真係冇停過！就咁已經知道哩間真係好多人都鍾意食🤪下次會再嚟試埋佢嘅花生湯圓同其他甜品😋• • • • •📝餐牌：

之前有介紹話係全港3間之一嘅主打湯圓的老字號糖水店，主打每日手工製作嘅湯圓和小丸子，帶有豬油香。招牌糖水有鴛鴦薑汁湯圓、酒釀桂花丸子、中式糖水加湯圓，湯圓大大粒係必食！網民評價湯圓夠大粒、外皮夠透薄又夠煙韌💛黃店認證：6.12已經表態反惡法；6.12、11.11、1.29罷工。.👓黑芝麻湯圓(糖薑水五粒）$26湯丸偏大粒飽滿，脹卜卜肥嘟嘟咁，食兩粒已經少滯🤣但皮薄餡多，外皮夠透薄帶點煙韌，黑芝麻餡非常流心一咬就湧出來，濃芝麻香。傳統薑湯底都幾薑辣下，有別於帶甜嘅黑糖薑水，如果唔鍾意薑味辣味可以選擇其他糖水做配搭。👓花生湯圓(糖薑水五粒）$26花生餡都好香，頗多一粒粒花生粒幾有口感，不過流心效果冇黑芝麻甘明顯和味道冇咁香濃。👓桂花酒釀湯圓 $30糖水係有散發桂花香米香，但食落酒味較淡反而可以再濃味點。湯圓係芝麻餡料，由於比較濃味所以有點蓋過桂花酒糖水，會建議揀反酒釀丸子！⭐️整體來講呢間糖水舖湯圓係幾好食，不過又未去到網民講到咁驚艷，唔需要特登由其他地方黎打卡食🤣同埋依間舖人流都幾旺，八點幾左右已經陸續好多人入嚟幫襯。

如果要係中式同西式糖水揀我應該有8成時間都係揀西式有時天氣凍或者唔舒服 就會想食返啲熱嘅中式甜品當中第一排位絕對係呢間北角糖水舖芝麻湯圓又流心又唔厚皮濃薑汁底更加感覺到有幾足料雖然經常要排隊 不過啲人都去得幾快所以都唔洗等好耐😎

//#黃店地圖系列間野叫：福元湯圓邊度黎：北角炮台山福元街7號利都樓地下I-1舖環境點：小店屹立炮台山多年 店舖樸實無華 座位不多 貼滿多位明星與老闆之合照🌝：612 1111罷市▪喳咋加芝麻湯圓 $298分綠豆沙加芝麻湯圓 $298分平時唔食喳咋嘅我 無啦啦屎忽痕嗌左黎食 估唔到咁足料 好多豆 仲有少少芋頭粒 重點係比起綠豆沙 佢反而無咁甜 姥姥級人士應該好啱食 至於綠豆沙就十分綿滑 磨到起沙隔曬渣 不得不提當然係個湯圓 大粒到好似BB拳頭咁 一咬開黑芝麻餡傾盆而出 湯圓皮煙韌又唔會太厚.⚠小店仲可以外賣生湯圓($42/10粒) 有花生/芝麻/兩溝賣 呢排除非必要做返工狗 大家都係少出街微妙 買定幾盒生湯圓同食糧積穀防疫好過 港共政府不作為 大家請自保 珍惜眼前人

平時成日經過都冇留意到有間賣湯圓既店。今日元宵節，特別想食湯圓。7點幾時，已經有好多人排緊隊。但當時岩岩食飽飯，所以行左陣先再去。點知，8點幾仲多人，即刻排隊先。睇得出大家都係為應節，大家又好自律，排隊買完湯圓，再揾位坐，好快食完就即起身走讓位比其他人。到9點幾時，條隊就更長喇，真係好好彩。我地叫左碗薑汁芝麻湯圓，總共有五粒，比起平時糖水店，依間既湯圓大粒好多，餡料都好足，皮又薄，真係好好食。不過，我就覺得個薑汁唔係好夠辣又唔係太熱咁。

自從去年十一月食過福元湯圓一直念念不忘 完全被驚豔到😂😂但作為一個吃貨 真的不想重複吃同一家店於是 知道自己要到港島的前一天便努力搜尋港島東的中式糖水舖看了半天😅沒什麼吸引的專注賣中式糖水的真的沒幾間真的很怕那些西式甜品兼賣中式糖水的店為撐場面而硬塞進菜單 結果只能遞上 那碗沖出來非生磨的芝麻糊 跟如水稀的腐竹糖水☹️沒選擇下又再訪福元湯圓🤩依舊不知道座位安排如何？因為店面只得老細(?當他是😆)但店中間亂中有序排著一條長長的人龍注意⚠️無論外賣堂食都是先排隊付款加點單幸好有些好心的街坊 跟我們說”有位就坐啦 無人理㗎”😆😆人情味💯分 眼見不少第一次來的客人都一樣懵懵懂懂小店實在應加點人手 現在般沒統一入座規矩 只會造成不必要的混亂及爭執黑芝麻湯圓 (糖薑水五粒)($26)鎮店之寶 湯圓之流心程度沒話說！「皮薄餡靚」糖薑水沒下糖 薑味滿嗆吃到上火😂很熱糖不甩 (八粒) ($26)和一般的大不同連水上？是怕黏嗎？糖、椰絲、花生用小包分裝略嫌糖粉分量太少畢竟每一塊糯米糍都分量十足😛糯米糍軟糯 煮得恰好還買了十粒生湯圓($42)才走😊