祺森冰室

營業中

休息中

上星期六下午二時也來過祺森餐廳，因太多人排隊又趕時間關係所以吃不到，今次專登早些來吃！大約中午12時就下船， 來到剛好不用排隊，入面還有兩張枱， 全日套餐有10款可選擇，有我想吃的蝦多士，勁正！蝦多士即叫即炸，塊皮好脆好香口， 入面啲餡似薯蓉，是有蝦的薯蓉，夠入味但又不會太鹹，味道正！食完真係好想叫多碟打包，下次黎坪洲必定再來吃這間的蝦多士！而紅豆冰就不過不失，下次想試下奶茶紅豆冰或咖啡紅豆冰，感覺較特別

Weekend去好少人去嘅坪洲行吓…食個Tea呢間冰室喺坪洲永安街，好多年歷史枱枱櫈櫈磚磚瓦瓦都有歲月痕跡食物方面最馳名係三角蝦多士，以前聽電台聽過出名奄尖嘅DJ蘇施黃食過都話好正蝦多士一份有4件，好足料！原隻蝦肉包喺多士入面，咬落表皮酥脆，入面就啖啖爽口蝦肉食蝦多士蘸沙律醬更正！食碗通粉個湯底都有雞湯味，食唔到有味精/胡椒粉雞翼就外脆內嫩，油炸後雞皮好酥脆，入面就保持嫩滑雞翼嘅水份鎖緊咗，油炸時無流失水份所以香口得嚟肉質仲好軟嫩平常紅豆冰食得多今次試試佢款Tiramisu味紅豆冰！啜入口Tiramisu蛋糕味超濃粒粒紅豆都好大粒真係名副其實粒粒紅豆冰勺一匙紅豆>再啜一口>只係獨欠雪糕球如果再加一球雪糕，3者喺口中融合就Perfect池啦！

難得入到黎坪洲，點可以唔試下名物蝦多士呢黎之前我都有諗到底有幾巴閉，可以稱得上坪洲名物同家人叫左份蝦多士黎share，炸得有d黑，脹卜卜，但係食落去，其實同其他餐廳嘅蝦多士，我諗唔到有咩過人之處，仲要唔係賣得平，味道一般，稱不上名物，更加唔需要排隊黎食另外我叫左份咸牛肉炒蛋三文治，呢個同其他茶餐廳都係差唔多，幾足料

因為好天, 所以今日來到坪洲玩下。去到這間人氣蝦多士茶餐廳, 當然要叫個蝦多士食下。到達時已經滿座, 所以我們在餐廳外面打卡。不過我們只有兩個人, 所以沒等多久就有位了。蝦多士 ($45)蝦多士炸得稍為燶了些, 味道正常, 但沒有驚喜的感覺, 悶左少少菠蘿冰 ($26)本來以為是菠蘿汁做成的, 但實質味道卻像是7喜加上菠蘿肉, 有些奇怪, 味道很淡, 這個不太推薦。整體來說, 是一間普普通通的茶餐廳, 蝦多士正正常常, 不算難食, 但不至於很好吃。

難得假期可以去遠的行下坪洲以前讀書時候黎過之後都未黎過，同印象中有的距離比以前熱鬧好多咁遠黎到梗係試下出名既蝦多士睇住地圖唔太難揾好快就揾到到達門口唔太多人舖頭細細唔太多位兩個人會易入的超過2位就比較難安排入座但整體黎講都好快有位一入座梗係叫招牌既奶茶紅豆冰和蝦多士蝦多士炸得香脆，唔油膩每件都有蝦但饀料唔太多味道不錯可以一試奶茶紅豆冰較出色奶茶香濃仲叫左咖喱吉列豬排飯呢個冇影相呢間炸物唔錯咖喱和豬排分開上炸豬排香脆唔乾但咖喱就麻麻試埋佢tiramisu 味紅豆冰味道唔錯真係有tiramisu 味😆幾得意但對比之下我都係鐘意奶茶紅豆冰多的

🦐坪洲名物「蝦多士」🥪相信好多foodie都去過長洲掃街今次我嚟介紹吓比較少人認識嘅坪洲✨祺森冰室之所以咁岀名✨全因10年之前蘇施黃大讚✨「全港最美味的蝦多士」✨而土生土長的我係呢十年嚟不斷見到假日愈來愈多遊客排隊🤔令我覺得好不解😂突然變岀名了個感覺好似你屋企樓下間茶記無啦啦勁多人排隊潮聖一樣😂😂實際上 蝦多士內涵偏向薯蓉狀唔係蝦膠嗰種爽口彈牙感 原來用咗白汁混埋豬肉碎、洋葱碎同鮮蝦🦐所以入口係creamy而唔係彈牙口感味道係不錯的亦都炸得外皮好酥脆但偏細件的 當小食係唔錯選擇👍🏻今次我去食都係因為有朋友入嚟帶佢去試😂不過如果你入開坪洲又見唔洗排隊就去試試吧 香口小食都幾唔錯的😌但唔好抱住非試不可嘅心態😌另外仲叫咗豬扒麵同瘦肉煎蛋麵豬扒炸得夠脆 不過比較薄身瘦肉都比較乾身

母親節·坪沖遊🌹老公話呢間祺森冰室係坪洲幾出名，路過又見到4、5對人係到排緊隊，出名鍾意排隊的香港人當然唔會執輸啦！前排d人都等到謝哂皮....最後都等左成半個鐘先有位～～餐廳其實都係一間村屋的地下佢的menu其實同一般茶餐廳差不多👇🏻我地選了出名的蝦多士🦐脹卜卜的，咬落去淡淡蝦肉，果然名不虛傳👍🏻加少少沙律醬都幾好食，必食推介！天氣太熱，完全食唔落飯，所以我點了這個蕃茄肉碎通粉🍅🐷正當香港無豬賣的時候，坪洲竟然仲有豬肉碎供應，Amazing! 通粉有口感，不會很林，蕃茄肉碎加了香草🌿，感覺似加了茄膏，蕃茄味香濃，都幾好食。老公則點了非常受歡迎的滑蛋照燒雞扒飯🐔🐣最出色都係個照燒汁，簡直係成碟飯的靈魂啊！份量又多～～可以一試！最後我們一人叫了一杯紅豆冰飲！左邊係奶茶紅豆冰，右邊係Tiramisu 紅豆冰。個人比較喜歡奶茶紅豆冰，因為無咁甜。紅豆份量非常多，食得好飽好開心🥳。下次再幫襯！

睇d飲食channel 話好食黎坪洲一定要黎咁咪試下囉或者可以坪洲真係冇咩餐廳啦所以咁大名氣坦白吾差 但未去到可以好出名叫左個西多士同蝦多士餐要左杯椰子波蘿冰同tiramisu紅豆冰西多士係正常野蝦多士都幾好食紅豆冰就怪怪地菠蘿冰就有陣椰子都幾得意

那天是4月3日星期三, 往坪洲的船也不是很滿, 因為是平日吧。朋友和我也是第一次來這離島, 我們帶着悠然的心情, 逛了碼頭附近的幾條橫街窄巷。最後就決定到這小鋪一嚐下午茶。依據門面和內在的觀察, 地方還算潔淨。內裏就是茶餐廳的樣子, 有卡位, 牆角頂有播放電視。我點了全日早餐, 因為看見有我愛的茄汁豆。但那兩片蒜蓉包沒什麼蒜蓉味, 還比較硬, 其他還可以的。而我朋友則選了吉列豬扒配雜果沙律。豬扒皮是脆的, 可以點旁邊的沙律醬。整體來說, 環境、食物和價錢都可以接受。吃完便要繼續上山環島遊了, 哈。>_<"

入到坪洲漫活之下試下呢間有名氣既蝦多士蘇施王讚過係全香港數一數二脆既蝦多士的確係好脆口入面包裹住薯蓉沙津同一粒蝦肉有點不似期望中既滿滿蝦肉薯蓉麵包同脆皮加埋有點濟既感覺不宜多吃😹

見放假冇咩野做，就同兩個寶貝仔去坪洲行吓，之前上網睇過啲人話一定要去祺森冰室食蝦多士，於是，落船第一件事就係去食！我地等了10多分鐘到，就入到餐廳，餐廳得一個侍應，落單，收錢，執枱都係佢，忙到喊！餐廳細細間，坐滿人，對我來說有點窄！不過都可以的！我們點了一個麻辣雞肉炒飯，蕃茄牛肉飯，蝦多士！小朋友就叫了菠蘿冰！麻辣雞肉炒飯最好味，好香口，不太辣，小朋友都食到！蕃茄牛肉飯唔知係咪個廚師太忙，啲蕃茄有啲燶味！但牛肉都好焾，個汁都好味既！菠蘿冰就唔太甜，好有小時候感覺！我覺得ok,但阿仔就不太感興趣了！最後係招牌蝦多士，有啲薯蓉在中間，所以都算幾香口嘅！我覺得值得一試。

人生第一次去坪洲既我。。。。。試左人人話好食既蝦多士。。。。。滿懷期待。。。失望而回我地叫左豬扒炒烏冬， 味道正常蝦多士。。。。好油又吾覺好味豬扒三文治....好乾又叫左 紅豆冰，椰汁菠蘿冰紅豆冰好味，菠蘿冰竟然好難飲。。。。一黎到得一兩粒冰。。。。

每逢假日，香港最熱門、最多遊人的離島一定係長洲及南丫島 ⋯⋯ 今時今日的大嶼山已經不再是30幾年前的大嶼山，多了港鐵東涌線、赤鱲角國際機場及東涌新市鎮後，再稱呼大嶼山為離島已經不合時宜。至於另外一個離島坪洲，同樣有不少居住人口，甚至有公共屋村、居屋、市政大樓及公共圖書館，相比起長洲及南丫島，則肯定是最寧靜及最民風淳樸的離島，皆因坪洲渡假設施及旅遊景點匱乏，不會如其他離島般，每逢週末便變得異常喧鬧，是真真正正與世無爭的小島。亦因為太過平淡，記憶中，上一次去坪洲應該是三十幾年前了！今日因為參加了一個坪洲親子導覽團，終於再次踏足坪洲，亦趁着這個機會，記下了第一篇坪洲的餐廳食評。雖然心底裏明白最多遊客擁着排隊的餐廳，未必是真真正正好味道的餐廳 ⋯⋯ 但總覺得唔去幫襯一次，就好像沒有去過當地遊覽。所以，上午的親子導覽團完結後，最後還是揀了「祺森冰室」醫肚。在坪洲竟然完全碰不到一個操普通話的中國人，反而外籍人士就碰到了幾個。根據導覽團領隊（坪洲出生的原居民）介紹，原來坪洲也有少量外籍人士居民。從餐廳門口人龍的衣着推斷，好明顯全部都是非坪洲居民香港人；反而對面及斜對面的兩間殘舊冰室及茶餐廳，雖然唔算

去到坪洲 係最多餐廳的大街中 選左一間比較出名 較多人排隊的餐廳 剛好我地入去果時無人排隊 但週末日子繁忙時段可能都要等下位 好 入正題啦 餐廳環境係比一般餐茶廳好同整潔 以下係餐牌選擇唔算好多 但對於我黎講都足夠 我今次叫左 蕃茄肉碎通粉 同 好出名的蝦多士通粉食左一大半先記得影相 本身份量係多好多 呢碗通粉好屋企感覺 我好中意 蝦多士炸得唔錯 每一舊內都有一隻完整的蝦 整體係合格 但唔算特別好食 總括而言 呢間餐廳係地道民生小店 如果你期望好特別好出色的野食 呢間未必係首選 但入開坪洲或者係街坊 一試無妨 價錢都合理

假期一家人到坪洲走走，除了放風當然要吃些地道好吃的。在網上隨意搜尋一下，結果就不斷出現「蝦多士」，好吧！那便往馳名的祺森冰室出發吧！帶著小孩始終希望坐得舒適一點，所以對裝潢太隨意或太擠迫的餐廳會有點保留，還好祺森士多的格局也很明亮企理，門口加了一張懷舊得長櫈，餐廳配色也用心，似乎是新裝修過的。 食物方面，我們點了套餐，其中一個當然是有必吃的蝦多士，飲品則配紅豆冰，蝦多士果然名不虛傳，看到賣相已覺得好味！而吃下去十分香脆可口，蝦的份量也多，下次應該一人一份啊！