祺森冰室

營業中

休息中

認識坪洲，除了「蝦多士」，就沒有其他了，所以一入到坪洲，就要去朝聖，哩度以綠色為主，感覺良好，同埋已經重新裝修後，好覺好文青。🎈蝦多士，即叫即炸的蝦多士十分香脆，不過稱數唔上好好食，每件一開四，饀料不多，蝦粒好少，蝦味不足，整體普普通通，如果要突登排一個，我覺得無必要也。🎈經典的西多士，上枱好失望，勁簿身，切落多士中間有好小既花生醬，加入糖漿食落一般。🎈枝裝大檸樂，雖然好多地方都有得飲支裝可樂，但係嚟到離島飲番杯支裝嘅可樂，感覺好寫意💕💕

同朋友第一次嚟坪洲，見到好多人推薦祺森冰室蝦多士😋3:45先落船，4點閂門好彩趕得切😍肺炎時期入冰室前有量體溫👍🏻果然值得一試，朋友本身麻麻地食蝦都大讚配沙律醬好食🤤🤤🤤本身睇相以為好大份驚太heavy，另外嗌多份西多士share~西多士價錢都唔平，比較普通。本身肚餓建議可以一人食一份蝦多士☺️下次再嚟坪洲一定再戰蝦多士🦐！

五一黃金周嘅最后一日，把握時間去離島呼吸下新鮮空氣。呢間祺森冰室其實係當地都幾有名氣，最出名係佢嘅蝦多士。仲要佢個地理位置都幾方便，好近碼頭。可能係因為公眾假期，我一到步已經排晒長龍啦。排左大概半小時，終於入得！⭐️蝦多士(4件) 山長水遠甘黎到，一定要食佢個蝦多士！冇講大話，佢個蝦多士真係做得好有水準！蝦肉再撈左少少薯茸黎炸，外皮甘香酥脆，內里仲見到成粒蝦肉。雖然價錢有少少貴(47蚊得4件)，但香港蝦多士已經買少見少，所以都物超所值！⭐️西多士西多士就不過不失啦，普通茶記水準。⭐️tiramisu紅豆冰呢個唔係普通人接受得到，係似落左花生醬嘅紅豆冰，味道偏甜飲落有少少漿口添。⭐️椰子菠蘿冰懷舊菠蘿冰係我嘅最愛，加入左新鮮菠蘿同椰子水，比我揀我會prefer菠蘿冰多過紅豆冰。

假期離島一日遊，揀咗坪洲，貪少人啲，可以出黎唞吓氣。上網睇一體見到祺森冰室嘅蝦多士幾出名，一於就同朋友試吓。離遠都見到門口有一條人龍，等左大約半個鐘就入得。大約2:30入座，全日早餐，炒粉麵都賣晒😅其實坪洲嘅餐廳主要都係茶餐廳不過呢間最高人氣，所以大家如果想食多啲野就要早啲到。😖😖唔緊要啦其實都係想試蝦多士 ⭐️蝦多士💰47連飲品加$10，要左Tiramisu 紅豆冰蝦多士的確幾好食，入面真係有隻蝦，炸粉唔算好厚，入面唔知係咪有啲薯蓉？🤔 好食既，不過定價有啲貴。Tiramisu 紅豆冰，個人覺得嘛嘛地，有花生醬味，唔似Tiramisu 😅西多士💰37 連飲品，加左$10轉椰香菠蘿冰。嘛嘛地，中間花生醬唔夠多，乾爭爭咁。朋友話似係新鮮菠蘿🍍都ok! 始終係假日，門口好多人等位，所以職員都好心急收碟🙈

來到呢間冰室會發現每台都必定會叫蝦多士 有上網做資料蒐集都會知道呢道嘅蝦多士係坪洲嘅名物 😂😂 由於唔係太肚餓 同男朋友叫左一個飯+一個蝦多士share 今次係我第2次食 一樣好味 炸得鬆脆唔油 個餡係有薯蓉 沙律醬 同大大隻蝦 好似套餐係$37 覺得幾抵 滑蛋雞扒飯 滑蛋好出色 個汁係豉油汁+燒汁嘅混合體 送飯一流 雞扒都幾嫩滑 我地一人一啖本極速就ko 左 😂 餐飲加左$10轉奶茶紅豆冰 d紅豆超級多同大粒 叫左少甜茶味剛剛好 值得一試

大概7-8年前去過祺森，當時真的很有香港冰室風格😍白燈、木椅背卡位，很光猛。今次來到，首先門面完全認唔到，現在是比較摩登的石屎灰牆，給人很密封感覺。進入店內室內比較暗，和以前十分大對比😆但仍沿用舊時的木椅背👍🏻尋回一點回憶❤️一場來到，別無他選，一定要叫蝦多士🦐久別重逢，果然沒有令我失望，多士內的蝦大大粒，有咬口，再加上熱辣辣白汁，脆皮可口👍🏻另外亦外賣多份，打算遊坪洲時再吃，雖然凍咗，但外面仍很脆👍🏻至於西多士正常，沒有太突出，但一定要趁熱食，如果凍咗就十分油膩。飲品方面：奶茶紅豆冰，咖啡紅豆冰，我本人覺得咖啡紅豆冰有點格格不入，咖啡和紅豆沒有融為一體，咖啡更搶了紅豆味👎🏻略太苦味。

今日同男朋友黎坪洲郊遊，經過祺森冰室，見到好多人排隊，我地難得一場黎到，就梗係要排埋一份啦。我地都等左幾個字先有位。坐抵睇餐牌，選擇唔算多。我梗係要食佢最出名既蝦多士啦，男朋友就要XO醬雙丸湯烏冬，跟餐要凍檸茶。蝦多士果然係名物，咬落酥脆唔油膩，入面竟然係包住一隻隻既蝦，好驚喜，真材實料。我就冇跟餐，只係散叫，跟餐就包野飲。XO醬雙丸湯烏冬既雙丸係豬肉丸同墨魚丸。整體不過不失，冇乜特別。凍檸茶幾好飲，解渴。

今日想親親大自然又見好似好耐冇入離島吸收新鮮空氣所以選擇入黎坪洲與世隔絕一天黎之前首先當然係查看一下有沒美食搵到有幾間都多人推介的特色餐廳㨂左"祺森冰室"啦位置唔算難搵 始終坪洲有幾大呀？😹睇住google map 好快就由碼頭行到過來跟住點左網上好多人推介的"蝦多士"同埋普通的餐腸通粉仲有一杯熱奶茶同茶走"蝦多士"一定要趁熱食 先祈唔好攤凍我個覺得係好食既但唔算足料 入面係有d 蝦碎同蝦肉如果料可以多d 就更加好啦哈哈飲品方面唔錯 茶同奶既配合幾好！跟住舖頭唔算大間 店員態度算nice整體唔錯 但下次再黎既話應該會試第二間

係疫症時候， 大家都去行山同郊外。 今日同老公就揀左坪洲去chill 下，其實都係為左食物而入去。 由中環搭船2x分鍾就入到， 其實都幾快下。 坪洲係1個相對長洲黎講比較寧靜同休閒既地方， 就算今日星期日都唔算太多人。食左一行就去左祺森冰室， 雖然坪洲唔多人， 但大家下午茶都係要等左20分鐘左右。睇openrice食評， 大家都係叫蝦多士， 咁我都唔例外， 外層麵包係脆而且唔油膩， 但內饀我就麻麻地， 應該好多粉漿，有蝦仁但唔特別。我比較鍾意老牌酒樓鳳城蝦多士， 但我老公就鍾意lee到既唔油膩。

來到坪洲, 大家都推薦到祺森品嘗蝦多士!! 所以一到埗便點了2個餐 - 蝦多士, 還有西多士 ($34)試試!! 另外還點了紅豆冰和什果冰!!首先送上來的是新鮮熱辣辣的蝦多士, 一放進口便感覺到好熱, 而且感覺到好足料!!  然後發現有很多攬碎的蝦碎在多士裡, 入面還有很香很滑的薯蓉伴在一起, 外脆內軟的感覺, 非常好食!!!另外還有西多士, 大大件, 多士有好香的牛油味和雞蛋味!! 也是炸得好金黃, 香脆!! 也是十分好食!!最後飲品方面, 飲管好可愛, 是印有菠蘿圖案的紙製飲管! 紅豆蓉好甜好食! 什果冰就跟一舨的差不多!

早前放假，悶悶地決定搭船去離島探索下，順便試地道小食。去之前已經係網上做定功課，知道好多人都會嚟呢間冰室食蝦多士，當日午餐就決定係到食。餐廳座位唔算好多且較逼狹，通道都偏狹窄，食完正常就會想走。-蝦多士(4件)  $39一碟4小件嘅蝦多士，貴其實唔係問題，但如果貴而性價比唔高就會令人失望。多士底部特別硬身，感覺似隔夜再翻炸，但又炸過火的口感。整體口感唔算好酥香，蝦肉亦唔算多。蝦多士味道只屬普通，個人認為只係噱頭之作。-火腿鮮茄奄列 $35奄列可自選唔同配料，今次揀咗火腿同鮮茄。雞蛋唔算特別嫩滑，配搭鮮茄幾有蕃茄炒蛋風味。-鮮茄肉碎通粉 $39通粉都係普普通通，鮮茄湯底尚算可以。-Tiramisu 紅豆冰加錢轉咗Tiramisu 紅豆冰，呢杯飲品反而有啲驚喜。飲到少許咖啡香，Tiramisu同紅豆冰味道又幾夾。

第一次黎坪洲見唔少人都推呢間蝦多士，亦有唔少人話唔特別，不過既然黎左就試下兩個人只當食個小食，叫左蝦多士餐$47(本身只要蝦多士$39)等左陣就到，有四件，啱啱炸起好熱入面算足料，好清楚見到有蝦，另外似加埋好滑嘅薯蓉，加埋沙律醬，好味見人地話呢間要排隊，我地可能早(10:30左右)就去食，唔洗排隊但都算ok多人，起碼唔見有吉位，不過好少見人叫蝦多士咁，可能都係原居民，見佢地都係叫麵餐為主另外呢間嘅凍檸茶唔錯，好香茶味，唔係咩特別茶，但佢唔會加太多水，夠香呢間嘅蝦多士下次可以再encore

鮮茄牛肉飯係好普通, 但要做得好食就...🤔通常一般茶記都係得個紅色芡汁, 加些少蕃茄同牛肉, 咁...就賣幾十蚊喇🤫點知今日有驚喜🤩 呢到嘅鮮茄牛飯, 除咗蕃茄同埋牛肉, 個汁仲有啲洋蔥絲, 蘑菇粒, 青椒絲呀咁! 成件事豊富晒! 味道有啲酸甜得嚟仲好香口😋 牛肉唔會乸到淋jet jet, 食落有噍頭, 幾好👍🏻另外加杯凍榛子珈啡，即刻爽晒✌🏻#唔好以為碟飯好細只係我要求要三份一飯#食得哂先好嗌 #惜食咪做大嘥鬼#坪洲名物 #祺森冰室 #Foodie2046

天朗氣清入了坪洲平曰遊，去之前當然搜集資料，有咩景點，有咩好食。雑誌有介紹過嚟間茶餐廳的蝦多士，專程來試吓，可能期望過高，失望大了。裝潢好有懷舊感覺，街坊來幫襯的亦多，服務也不錯。蝦多士終於在我面前了，賣相一般，口感也不是太有驚喜，只不過內藏一隻大蝦，算是真材實料，油膩感也控制得好。普普通通的蝦多士吧了。奶茶味道算是濃厚但不夠滑身，中規中矩啦⋯⋯！下次再嚟的話，我諗會試一下紅豆冰，因為有多款口味。

聞名而來, 話說呢度出名蝦多士於是乎Order左1碟黎淺嘗1.     蝦多士蝦多士一份有4件，但未影相已經俾朋友食左一件,麥無聽過要相機食先咩~略嫌外皮炸得有d燶, 原隻蝦肉包喺多士入面, 啖啖肉,點賣個沙律醬仲正!但唔覺得特別有驚喜, 2.   公司三文治比較起蝦多士,反而中意佢個公司三文治多D,烘過既麵包特別脆口,D餡料既配搭都唔錯有蛋，火腿，芝士，蕃茄, 相當健康, 仲可以留肚食賣其他街頭特色小食….