祥興咖啡室

營業中

休息中

Takeaway of bbq pork spaghetti and cream corn and fish rice. BBQ pork was fine but the spaghetti tasted off - like it had been sitting too long or so. The pork and the accompanying fried egg and ham were fine. The fish rice also was fine. Surprisingly as I’ve always had a good experience here.

幾十年的跑馬地老字號茶餐廳保留多年前的舊式裝修無論水吧、卡位、地板、吊風扇等都好似回到六七十年代香港早上來到已見人龍 來食個港式早餐菠蘿包蛋撻加熱奶茶就係我最理想的港式早餐菠蘿包($8)果然係招牌貨超脆菠蘿皮麵包鬆軟 如果可以烘返熱就更正蛋撻($8)相對失色 賣相就很不錯可惜酥皮腍身完全唔脆 蛋味亦唔夠香濃奶茶偏薄身茶底亦欠茶香 比較似西式奶茶欠缺港式奶茶個種香醇濃厚感 有點失望環境就夠哂懷舊可惜食物水準麻麻地唔值得山長水遠過來食

疫情期間，兩人食早餐，攞了飛，要等5-6張。到我們時，說了要求不搭台，所以要多等一下，但伙記發悔氣咁話台就得十張，唔搭台就唔知幾時到你。明白地方有限，亦明白需要多等一下，但疫情間唔想搭台都好正常啫，咁咪終於決定唔食走人囉。 真心就改善下啦，今時今日咁既服務態度！

黎到跑馬地，當然要黎食最出名的＂祥興咖啡室＂，歷史悠久，由於疫情關係，4月1日起將更改營業時間為早上七點至下午五點。今日黎到已經四點幾，所以好多野都陸續無得食，包括：菠蘿包丶雞髀丶雞翼、蛋撻⋯⋯😅。最終決定食碗沙爹牛柳絲公仔麵＄48，凍檸檬茶加＄3，咖央奶油西多士＄39。牛柳絲唔錯，唔煙韌，唔會痴牙，份量多。西多士都唔錯，好鬆軟。極速食完之後就去對面剪頭髮💇🏻‍♂️。雖然好可惜，唯有下次早一點黎再食過菠蘿油啦。

今日心血來潮要返工之前食個靚早餐先我哋兩個都點咗沙嗲牛柳但係依家啲沙嗲一啲都唔沙嗲（好多茶餐廳都係）唔知係咪啲沙嗲醬轉左食譜但係我哋唔記得咗，都係照嗌，食落先發現我哋個早餐係一碗麵配一隻蛋再配半塊厚多士碗麵除咗個沙嗲唔同咗味都算正常隻反蛋都煎得幾靚，冇燶同埋係流心嘅但係重點嚟喇⋯⋯我塊多士角落頭有黑色點開頭以為係燶咗，點知近睇原來係發霉揮手示意叫侍應阿姐過嚟點知佢一路收對面張枱一路叫我：講啦我就叫佢你過嚟啦然後佢又叫我：你講啦我話：我想換過碟蛋同多士（因為放埋一齊，仲要疊住）跟住問我點解（其實我都唔想小事化大但係你逼我大大聲）“塊多士發霉㗎”個阿姐仲要應我因為佢要話返俾師傅聽是但你啦你鍾意喺其他客面前出醜我唔會阻止你好快碟‘新’嘅蛋同多士就嚟咗但係一睇就知係佢切走咗邊邊囉其實你切走佢，我真係唔介意我最介意係切走咗仲有霉囉！！你都拎返去‘換’㗎啦都唔睇清楚嬲到即刻掉咗落碗麵湯，之後先醒起未影證據！到埋單嗰時，收銀枱個姐姐賣緊麵包咁我都冇催你吖，靜靜地企係個收銀枱到等然後佢問我：你等咩呀我都不甘示弱：等俾錢佢仲要回多句：哦，咁單呢？真係嬲！我都冇要求乜嘢吖～又冇要你道歉又冇要你平俾我好似我

經過跑馬地，3點幾同朋友行到攰攰地，見有少少肚餓就去搵間茶餐廳坐下食少少野。見到呢間冰室好似幾正宗咁，就二話不說入去試試，一坐低之後點左2個茶餐，菠蘿油配2杯奶茶!!!!食完之後見唔係咁飽，見到個餐牌寫住有雞脾叫，14蚊，咁就叫一隻啦！！！去到埋單果陣先發現⋯⋯佢一隻雞髀收左我地38蚊!!!!!!!!!!!!咁就問返個侍應，佢竟然一句話冇得散叫雞脾，要成個茶餐叫！！！！ok fine，茶餐就茶餐，咁我杯野飲呢？三個餐比2杯野飲就算，呢間野真係勁唔老實，一定冇下次!!!!!!!!不得不比劣評！！！！！！！！！！！

呢度既菠蘿包非常好味，每次過來跑馬地呢邊都會幫襯祥興，今日嚟到已經系下午茶時間了，就嗌左份下午茶餐得芝士炒蛋菠蘿包和一杯凍奶茶，芝士炒蛋同埋菠蘿包呢個組合好少見，一般其他茶餐廳都系甜食，呢度就系鹹食，不過味道上煎蛋同菠蘿包都幾夾，菠蘿包外層個皮好脆，裏面就好鬆軟，芝士小小融，食落正好，極力推薦。

一早入去買個菠蘿包都要受到d甘既氣！有禮貌甘同個侍應講話要個菠蘿包，手中已一早揸住現金係佢眼前比佢，呢個短髪細眼的女人自己入完機望都唔望，問都唔問就應為個個都一定用八達通比錢，就話拍得咭，自己見冇反應再望到我手中現金就即刻不耐煩黑面，然後找錢就大大聲將兩蚊一野拍在枱上。而家我黎買野架，得罪你乜野？自己望都晤望人地用乜比錢仲要態度惡過人，簡直不知所謂！以為自己間野係跑馬地有d名氣就不可一世甘款，茶餐廳基本既野食都冇仲要天價價錢，d人黎幫襯係因為成個跑馬地冇野食咋！收皮啦！

今日咁岩係附近返工，想食個早餐，見到佢啲蛋撻同波蘿包好似好新鮮咁，就比佢吸引左入去，諗住試下佢！結果真係無令我同朋友失望，yummy!!!!!蛋撻個皮夠脆係第一樣加分位，而目熱辣辣，真係好好味，不過我第一淡食果陣無估到咁辣口，唔小心辣親左我一下，不過好食既就由佢！個波蘿油都好正，好新鮮！

菠蘿包好食，好多人都知但菠蘿包再加咸既野呢？呢樣真係未必人人都接受到而我係醫院期間，朋友買過一次外賣俾我食後，就係呢一次。。。食過一次。。。我真係上左癮餐蛋太陽蛋菠蘿包！超好味餐肉夠香夠厚，好好味 (並不是咸肉一舊)太陽蛋漏黃超正！菠蘿包不算最好味，味道同質地不過不失，但勝在熱辣辣 菠蘿包皮不易散再加埋佢地杯熱奶茶，真係嘆到痺我係一個奶茶精，茶味要香，奶不能太多但質地要滑。呢杯就符合晒要求真係日日食都得呀！

今次就特地一試在Lunch Time 坐叮叮到跑馬地午餐。而我們選擇了這間有名氣的祥興咖啡室。在門外排隊的時候看見有蛋撻，我便忍不住，躍躍欲試。我點了個常餐，加雪菜（我最愛）再加蛋撻。坦白說，質素與一般茶餐廳差不多，蛋撻亦是，酥皮不夠實，有點鬆散。唯一可取之處，是叉燒，韌度剛好，可以一讚。可能我未能夠嘗試菠蘿包，所以這次的午餐略為失色。

回憶中的祥興N年前係跑馬地返學, 時不時會來祥興食中午飯, 亦曾經係呢度見過明星. 國貨城而家可能唔去祥興了. 當時老闆見我哋係學生會減2蚊.自從裝修完都無來過了.碗雪菜肉絲米正常, 大大碗, 多士係厚多. 奶茶正常. 所有嘢都正常, 茶餐廳質素.我原本將厚多轉了菠蘿包, 菠蘿包都食完又跟單上厚多比我. 原來張單無打轉菠蘿包, 侍應叫我食埋佢仲唔收菠蘿包錢.就係咁, 令我記起以前的祥興.

每次係跑馬地返工 中午食飯必食餐廳之一餐廳裝修懷舊好有特式細心睇仲見到牆身好多簽名原來好多明星成日黎幫襯我每次黎都會叫常餐叉燒通配火腿炒蛋夠晒方便 加野飲都係$51 係跑馬地黎講價錢總算合理

今日同朋友行完山， 行咗落跑馬地，又餓餓地，所以揾個下午茶食下。。。由於大家都係九龍人，又唔入馬場，十年都唔會來跑馬地一次，所以呢度有咩食都真係唔知！跑馬地唔算大，我地周圍望，都冇乜特別嘢好食。眼見前面有間賣波蘿包嘅茶餐廳，佢個波蘿麵包又好似幾好食，仲要有波蘿包餐，幾得意，於是就吸咗我地一行五人入去。牆壁上有好多明星算名，大概係10幾20年前的。。。叫嘢食先問題來了。。。原來呢間茶餐廳嘅特色，係叫乜冇乜🙅🏻‍♀️🤷🏻‍♀️原來下午茶只可叫下午茶餐，同菠蘿包餐🤔餐牌其他食物一概冇！都算啦。。。朋友叫通粉，又話冇，叫佢食螺絲粉😂🤣😂咩玩法？芝士炒蛋菠蘿包菠蘿包好脆，同埋加熱左，係好味嘅熱杏仁霜呢杯野超級唔掂，d粉搞都唔搞下就送來我哋張枱落單嘅時候，侍應仲話你哋只可以坐到4:15， 之後要交枱。。。我哋落單嘅時候係3:45⋯⋯我想總結一句，無論呢間餐廳個菠蘿包有幾好食，服務都非常差，所以我都唔會再幫襯。

五香肉丁麵+熱奶茶，即食麵麵條係硬，雞蛋係唔接受柯打太陽蛋(一定要反蛋)，最期待的奶茶淡而無茶味。咁簡單下午茶餐都可以差成咁，以前既祥興去咗边？! 是但一間茶記都好過佢，😩中伏!，