祥興咖啡室

營業中

休息中

起碼隔個禮拜11-12點都嚟食早+午餐, 每次入門口都同個伙記講几位然後等佢指/話你知坐邊。今日如常啦, 入門口講聲1位, 件伙記企係到"入去啦, 自己揾位!! 妖!!"

我從來都覺得茶餐廳無需要令你賓至如歸 但係起碼俾你感覺是正常服務 唔係你得罪佢全家 嗰度嘅侍應全部講嘢冇尾音 服務態度極差 我覺得佐敦牛奶公司佢哋只不過係有系統並唔係態度惡劣 依間茶餐廳冇禮貌嘅程度我諗真係全港之冠

因有親戚入院，這兩天都在附近的祥興食早餐，但受無禮的對待。昨天早上，妹妹點了個米粉餐，結果來了公仔麵，告知侍應，換來黑口黑面，拿了碗麵在我們面前大力掉進桶裏發洩。今天早上我點了個麵餐，送來的卻是米粉。於是我要求更換，侍應聽後應了一下，然後當冇事發生。過了一會再提出要求，那個侍應向他人大聲地講：「佢話吾要米粉喎！」我立即更正，不是我不要，是你落錯單，我講得很清楚，（因昨天已試過）。怎料她仲回敬一句：「知你講得好大聲啦！」我已沒好氣跟她理論，這𥚃的服務態度，一句講晒「不知所謂」這𥚃的食物質素其實不錯，但老闆請著這班伙記，簡直替他「倒米」。

去跑馬地做野，最難係諗食乜，一來跑馬地好鬼細，二來果頭係真。住宅區無乜舖頭，重點係果邊d野真係唔平最後選左呢間祥興咖啡室，他舖面應該重新裝修過，靚左好多坐底之後叫左呢個蛋牛飯食落真係無咩特別，蛋太乾，鼓油汁太少，唔係好夠撈飯不過他勝在地點好，裝修又靚，價錢係跑馬地來講叫平，下次應該唔會叫呢個飯😂😂

去養和探完病去食，入到去見到set餐有個雙扒餐（豬同鷄），再叫多個招牌麵餐，先講過扒餐，d飯太軟痴埋一pat pat雞扒用粉炸唔好食，豬扒炸可以接受（覺得煎豬扒好食好多），麵餐食完唔覺得係招牌野，野食普通價錢中上，熱奶茶唔滑有少少澀有代進步

I ordered breakfast and changed noodle to rice noodle. The waiter put down a noodle before the invoice issued. I started eating. A waiter came and scolded at me that I have eaten other’s breakfast with a very bad manner. Another waiter came and told me that they would charge me $7 more. It was not the matter of extra $7. I paid the bill. But I am very unsatisfied with their bad attitude and service. It’s their fault to put down the wrong item. But the two waiters scolded at me for their mistake.

油煙大，行出門口成件外套油煙味服務差，落漏單，叫佢追單hea你，結果都係冇落單叫你白等亦唔理幫襯左幾次奶茶都係有酸澀味麵包有新鮮出爐但係都係攞返凍嘅俾你以前未換手裝修重開嘅時候成日幫襯，而家得返個外殼，餐牌全面加價，入面不知所謂

食物不錯，尤其是奶茶茶味香濃，更常有出爐蛋撻及菠蘿包，然而員工的服務則令人搖頭嘆息: 人多位少要搭枱，卻攞錯電腦飛入單；同樣人數，後來者可以先入座，先來者卻要取號等候…，不一而足；其實員工的服務態度不算太差，只是餐廳太出名，冒名而至者太多，員工服務及人流管理方面明顯跟不上食客要求。要知該處的價錢比附近的茶餐廳貴一成有多，比得上銅鑼灣及中環受歡迎的茶餐廳，但服務卻只是屋邨茶記的質素～員工更大聲交談私事，旁若無人。

During lunch hour, me and my friends went to a hong kong cha chaan tang in Happy Valley. Since happy valley do not have mtr directly access to, so you need to take both mtr to causway bay and interchange with tram to happy valley. The cha chaan tang is quite near to the tram station so not a hard to find but still takes you 3 mins to walk from the station to the restaurant.It is also an old hong kong cha chaan tang, got a good vibrancy and very famous for its pineapple bun and other snacks. You

星期六中午同朋友黎食過快飯，點知由攞飛到埋單都感覺唔到佢哋有想食客食得開心既意圖。先講食物。叫左凍奶茶，餐蛋麵，熱檸水，土魷肉餅飯，叫個菠蘿包。公平啲，食物尚算稱職。餐蛋麵有啲未煮熟嗮，可能因為比較忙。齋食物我會俾3星（有少少因為冇2.5星既選項，兩粒又有啲過意唔去）。再講價錢。連凍飲加錢，基本上餐蛋麵餐要～60蚊，午飯餐要～七十蚊。貴唔貴？貴。過唔過分？平心而論，唔過分，因為地方係跑馬地，餐廳係所謂老字號，覺得貴只係我窮。。。好啦，講咁耐，食物一般，價錢唔抵，咁緊係賣令人賓至如歸既服務啦下話？唔好意思，一開始已經劇透左，最唔滿意係呢樣。- 攞飛既時候，問左句“等幾耐倒？”，回覆“唔知喎，等陣啦！”文字打唔出態度，自己想像下啦。總知唔係想溝妳果條仔講“BB豬，唔知喎，等陣啦～”果隻啦。- 坐低，果位阿姐面容係好神奇既，可以係完全冇表情之下話俾你知“快L啲”同“I hate my job!”。（讀者你可能諗緊“呢條友好有想像力”，如果係咁，你自己黎感受一下果個發哥都冇既表情。）- 然後，叫幾樣都冇。咁都算。但係冷面阿姨既態度係我哋唔知掟咁，午餐時間走去叫中午例餐？你混吉啊？大佬。。。點估

老牌茶餐廳裝修係好特別，呢間亦都係跑馬地做咗好多年，係跑馬地最舊嘅一間茶餐廳。但係始終啲嘢都係唔好食，其實茶餐廳如果連杯奶茶都做唔好，真係好極都有個譜。啲麵包同蛋糕亦都唔得，替他茶餐廳嘅嘢都係交吓行貨算數。我覺得你想去睇吓舊式茶餐廳係點可以去下，但係想食好野千其唔好去。

之前食個喇沙湯麵一向好味有水準，點知今日再食原來餐牌都改了，餐牌寫係正宗喇沙但湯底沒有喇沙味，而且湯不熱，但有特色係一碗有兩個麵底，是油麵和米粉配咸檸檬忌廉汽水。但始終希望餐廳回復雞絲喇沙麵配多士火腿炒蛋。

這是它變身後我第一次光顧 祥興茶餐廳 。。。屹立在跑馬地 垃圾站旁 數十年， 經歷了多少個風雨秋， 依然默默地 為街坊服務， 每天出爐新鮮的蛋撻 、菠蘿油 、和各種麵食 、咖央多士、 奶茶、 咖啡鴛鴦等， 極受歡迎 。通常賣一陣就會被掃清。 懶理你是達官名人、 百萬票房紅星、 公司主席， 要食 。。。就要乖乖地在 垃圾站前 排隊等位。 所以 我覺得他可能是香港最 有實力 的餐廳之一 。。。。 好像蓮花一樣 出於污泥而不染 (一笑)。說回他的招牌名物 ，不能不提 。。。外脆內軟、 口感煙韌 的 菠蘿包 。新鮮出爐的 香噴噴 蛋撻 ;還有 唔係好多茶餐廳有供應的 咖央多士 。其實我還很喜歡他的捲蛋 。。。軟綿綿的 牛油、麵粉香 。。。配上純白小忌廉， 真的有一種可以帶你飛翔天際來回又折返人間 的美味口感。這次光顧 我還發現了他們挺會 跟著時代進步， 因為我發現了 。。他們竟然有 現在流行的 蕃茄湯 通粉、公仔麵、 米線 系列畀你揀 。仲有特價午餐 ，用以照顧 不同客戶的需要。 好貼心喎其實，這跟我們做人做事的道理。。。是一樣的 。 不進則退 一 要守住基業 ，就要 保著老本之餘還懂

今日帶咗小狗去睇醫生。當中偷咗一段小時間同姐姐去了祥興歎個下午茶。我自己叫咗個出名的菠蘿油加熱奶茶。菠蘿油熱辣辣好香脆，配合冰凍的牛油真係幾肥都要食。又大又香脆，好味道至於奶茶，茶味偏重，飲到好香的茶味但欠缺了奶的香滑。一杯茶香又滑的奶茶真係好難遇到了。飲得到好香茶味。姐姐叫了咖央多，咖央味唔太甜，幾好味。賣相好好睇，唔錯。美中不足的係，無人帶位。茶記人生人海，我同姐姐兩個行完整間鋪都無位，伙記實在太忙亦沒有理我們。 我僴唯有在水吧位置等位，但我倆顯得格格不入，又怕阻人工作，好在無幾耐就有坐喇。

男友話佢d錢就係比我食晒，難得唔落雨，又無野做由銅鑼灣散步到跑馬地上，去男友細個成日去既地方，天氣太熱啦，行左2個幾鍾，係時候抖抖，本來諗住搵cafe又唔覺有同吸引既，我話祥興好似好old school即刻好想試，1951老牌，最出名菠蘿包，真係個個食客都叫，豬扒菠蘿包又咸又甜，唔係我心水咯，叫返鮮菠蘿油得啦，個菠蘿皮好脆，但唔會過厚死實，又唔會太脆一咬碎晒，個包又唔會好似有渣黏牙，男友叫左加央多，好香椰子味唔太甜，點解我食晒，佢先有得食呢～ 茶仔識飲梗係飲奶茶，天氣熱叫左凍既，夠滑既，茶同奶比例都好，但無咩驚喜