神戶屋日韓放題

營業中

休息中

午市想搵地方坐耐啲揀放題就最啱啦同朋友傾吓計慢慢食下慢慢坐下呢度午市加一之後，$200都唔使因為食物種類多款，性價比高熟食，刺身，炸物，火鍋同甜品通通係放題不可或缺雪糕雪條勁多款種，勁多韓國雪糕雪條鯛魚燒雪糕夾餅好正，蜜瓜雪條必食嘢飲都好多選擇啊一黎就立刻整個刺身併盤先刺身有三文魚，甜蝦，牡丹蝦，北寄貝，帶子，勁食牡丹蝦解凍得夠又甜，三文魚夠肥夠厚切爆炒牛仔粒好惹味，洋蔥青椒好香口炸蠔粉漿剛好，脆口燒菠蘿表面焦糖化左，甜甜少少酸，多汁兩個人以上送一個鍋有雞煲，壽喜燒同部隊鍋揀但係我哋揀咗部隊鍋，食完辛辣麵飽晒

隱世高質日式放題最近疫情漸見緩和，又好耐無食過放題，所以決定今個週末中午去香港嘅「放題聖地」 - 兆萬中心餵飽我嘅五臟府😜係兆萬搭扶手電梯上左3層再轉左，就見到一大堆水牌， 琳瑯滿目🙈 企咗係水牌前研究咗陣，就決定揀呢間係8/F嘅2小時任食放題喇，因為中午1點幾呢個時間只係179蚊(未計加一) 炸，咁多款食物，但試無妨！當我坐低咗之後，侍應會簡單交代下落單方法(scan QR code) ，飲品同甜品放嘅地方，仲提我地可以用特別提供嘅2張紙叫咗刺身船同迷你火鍋添！唔洗10分鐘，一隻又大又靚吧刺身船就出現係我眼前了😍除左刺身，仲有沙律/前菜，炸物/天婦羅，料理，串燒，軍艦，款式應有盡有，等我highlight幾點款點評下先😎和牛壽喜燒：個鍋雖然細細個，但係入邊都有好多不同食材，有和牛、雞蛋、黃芽白等等，可以過下邊爐癮🙈燒菠蘿及芝士帶子：燒菠蘿好甜，試過食過好酸，好味到我encore咗次！另外，大部份燒物都會用呢款錫紙小兜裝住，可能要細心d先分得出邊款打邊款🤣 然而，佢d帶子都幾大粒，燒完嘅情況下仲有5蚊銀咁大，真材實料👍燒牛舌：本身有d擔心佢燒到un，所以叫咗1份試下。點知食落口，火喉恰

當初比佢個名呃咗去食🙂 個陣睇個名好似好正咁啦 但原來唔係咁囉 個陣去到啦 張梳化雖然坐得舒服但係張枱頂住咗隻腳搞到勁唔舒服之後開始叫嘢食啦喎 開頭淋住叫小小先啦 之後就有人行黎話啲熟食叫咗好少 話會等30分鐘左右先到叫我地叫多少少 味叫囉 叫完唔夠10分鐘 全部嘢食都出曬黎 之後 啲炸嘢我都唔知講咩好啦好難放入口囉真心🙂真係未試過食一間放題係咁「好食」架囉！！我真係覺得佢唔值得280？再+1囉都唔知憑啲咩😑🙂🙂🙂

朋友同我都鍾意食放題，今日夜晚就黎到放題聖地：兆萬中心，揀咗一間神戶屋日韓放題，見到OpenRice做緊晚市57折優惠，以優惠價$179就可以享用3小時任食晚市放題，真係好抵呀！😍8樓一出就係神戶屋日韓放題店，門口有個雪櫃，可以係度揀兩客特選雪糕🍦，當然，甜品雪糕都係飯後享用好D。入到餐廳，見到座位頗多，大部份都係卡位位置👍🏻👍🏻👍🏻，坐得幾舒服😌。呢度主要係用點餐紙落單，嘢飲🧃就自助形式，大部份係清熱解暑飲品，另外仲有d支裝既茶同水。放題黎得最快既係築地直送既刺身，個擺盤超靚😍，相機食先。三文魚紋路清晰、厚切；有頭甜蝦，口感軟黏；厚燒玉子刺身、角螺、象拔蚌、松葉蟹棒、北寄貝、希靈魚、鮑片都好鮮甜美味。壽司擺盤又係好靚❤️，仲好驚喜全部壽司🍣都非常出色。手握壽司如蒲燒鰻魚壽司、三文魚壽司、花之戀壽司；黑松露三文魚壽司，入口有濃郁黑松露味，而火灸芝士燒三文魚腩同火灸沙律燒三文魚腩，壽司飯暖暖地，融合埋火炙既香味👍🏻，超推薦俾大家👏🏻。不得不提蟹粥，粥稠綿又有蟹既鮮味，係清清腸道既好選擇。炸物方面，韓國炸鮮奶、日本香芋丸、一口豆腐，都係即炸，口感外脆內軟，炸雞翼保持肉質鮮嫩，頗高水準😋。我同

放假去兆萬買玩具，見到樓下有幾個人派傳單話有放題食，挑起我食放題嘅癮，我梗係揀間有質素又食得嘅餐廳。上到去先被佢嘅裝修吸引住，同埋佢係用掃code 方式落單，咁就少咗漏單情況同可以睇返自己叫左幾多野食。先黎叫咗唔同種類嘅蝦刺身，佢嘅甜蝦刺身同埋虎蝦刺身食落好新鮮，覺得佢好爽同甜。北寄貝食落有鮮味又唔腥，三文魚都算肥美。炸物同燒物黎講都算唔錯，佢地上枱嗰時夠熱，燒物例如牛舌嘅調味夠，食得出有少少五香味。而炸物食得出佢用嘅油係新嘅冇油億味，同埋炸出嚟係脆嘅。叫左幾樣炸物，我特別推薦一口炸芝士同紫菜雞肉卷，芝士唔洗講佢一定做到拉絲，而雞肉卷佢做到口感豐富，好正，食過就知我點解咁講。食返個鍋物滿足埋打邊爐心癮，我就叫咗個牛肉喎，牛肉鍋嘅配料充足，湯底夠惹味，牛肉片有啲牛味，份量適中，唔會多到食唔到其他放題嘢食，想叫多啲打邊爐配料都有掣可以俾你單點後加。真心嗰句， 二百頭食到咁高質嘅放題，性價比真係好高，值得再去食過！

難得放紅假想食餐好小小😆😆又係兆萬買完野，就揀中咗呢一間，$219 2hrs 任食，食物多元化，都幾豐富，而且都係有誠意，性價比高❣️絕對有良心❣️1. 刺身我地跳咗六款唔同嘅蝦（包括甜蝦，泰國生蝦，赤蝦等等），仲有兩款唔同嘅象拔蚌，帶子，三文魚，蟹棒，玉子，八爪魚😍😍😍，本來以為爭鮮質素😂，點知刺身非常新鮮😱😱一啲都唔腥，每款蝦都冇揸流攤，清甜爽口😛值得一讚嘅係蟹棒，唔會好似出面咁用蟹柳黎過骨，玉子放左蔥係入面，即時香口😍睇得出餐廳嘅用心，一定一定要試2. 涮涮鍋🤭食肉獸嘅男朋友話一定要食涮涮鍋，我地點左款壽嘉燒牛肉，牛肉脂肪分布以呢個價錢黎講，都算唔錯😛，湯底係甜甜地，過口癮都唔錯3. 炸物我分別叫左日本芝士年糕、芝麻雞翼，炸蠔etc。個人認為除左刺身必食之外，呢到嘅炸身都要試，因為炸粉唔係落好多，但又炸到好脆，食完唔漏得黎又可以勁滿足😍😍4. 熟食呢度嘅熟食由中菜到日本，韓國都有，都幾surprise，中菜方面我叫左個蜆，同埋一口牛柳粒，蜆冇咩沙，味道正正常常，牛柳粒就好有鑊氣😛可以一試。5. 燒物我地叫咗少少，雞肉串好驚喜，勁淋，牛舌都係正常咁。最後就叫咗一個拉麵🍜😆，以為係茶記質

廚房勁污糟食野質素好差叫極d野都唔黎話3個鐘任食 其實得兩個鐘飲品種類又少生蝦唔解凍就拎出黎咁樣點做生意好很差食完都唔飽好耐無試過食過質素咁差既餐廳平國真係無好野

服務差唔多講，職員叫食客用膳中途轉位，話阻住新一張枱食客上枱。座位已經非常狹窄，還要捐窿捐罅上菜，不斷頂撞我們的座位。以為多人open rice 多人like ，就變左水魚，任人宰割，一早預訂了餐桌，說好有位置，到餐廳後仍要等多30分鐘。至於食方面 ，魚生質素極之劣等！熟食更是不可救藥。松葉蟹粥只是水溝米加切粒蟹柳。天婦羅🍤更是厚炸漿包裹幼蝦。魚生有黑點！叫了30件魚生，只來了一半。最失望的是聲稱有超過200款食品，但落單後一大半沒有到過，豬手、泡菜等。更要催促職員三番四次才肯跟進訂單。

夏日炎炎當然要食返個涼浸浸既放題今日同屋企人行旺角經過呢間食放題既餐廳，比佢個poster 刺身船吸引左入去食😺😺😺一入去第一時間就order左個刺身，有北寄貝、甜蝦、玉子、八爪魚🐙另外值得一提係呢間放題唔係用普通既order紙落單，而係Scan QR Code入單✅ 環保得黎又減少接觸，Ok喎！期間限定仲有得送和牛壽喜燒鍋，讚👍🏻食得放題，當然食物種類都一定好多比你揀啦！樣樣都想試！😆清酒煮蜆既蜆肉數量幾多下，淺嚐是不錯的～呢個牛舌正👍🏻燒得岩岩好，配上孜然粉，惹味非常🤲🏻天婦羅炸蝦order左幾轉，貪佢炸到恰到好處，又唔會太重炸粉；本來仲有order炸多春魚同炸紫薯波波，不過食完先發覺，唔記得影相🤡以上係滿瀉蟹子壽司同芝士燒饅魚壽司🍣😂細細啖幾易食，亦都唔怕食太多飯頂住肚仔～呢間餐廳CP值唔錯既～刺身、鍋物、壽司、串燒、甜品呢啲基本既「菜式」都有齊，而且上野食既速度都好快，唔洗點等😗食完之後捧住個肚走，超飽呀！

今日happy Friday約左個朋友去旺角食好西,  選擇困難嘅我地就揀左咩都有嘅日韓放題~呢間仲要有埋邊爐架🤩選擇超多呀-佢係用QR code落單, 方便簡單, 一目了然仲好環保添~一坐低就緊係叫左刺身先啦, 😋我地就咩都叫左啲, 最鍾意就係甜蝦同埋珍寶帶子, 三文魚都唔錯但偏瘦少少~🤭🤭壽司同卷物出奇地好吸引😍😍好多都有邪惡芝士同火灸過, 調味做得好~我encore左兩round添🤣🤣仲有啲熱食, 有串燒, 小菜, 炸物等等全部都好正架我覺得榴蓮炸彈同天婦羅最正👍🏻值得推介！甜品方面有心太軟（似brownies多啲但都好食）同一啲tiramisu, 雪條, 雪米滋等等-總括黎講呢到性價比夠高, 野食質素又唔錯啲野食全部大大份 仲好有良心, 好啱飯聚架🤩

事緣我本身係openRice book左星期六晚1900 3位..間餐廳職員仲前一日打嚟同我Confirm booking咁好啦到咗星期六晚我地去到間餐廳當時好多食客等緊有啲就book左枱有d就Walkin..見有d客已經開始吾耐煩原因係吾明點解會咁耐都冇位..話吾係每個booking限時嫁咩點解會冇位...我就等等等等開始吾耐煩我d fd因為肚餓亦都開始唔耐煩...終於我都忍唔住走去問下個職員點解我地book左位都仲要等？個職員完全冇理過我🌚🌚我嗰刻就真係嬲咗...然後就走同佢講我地吾食🌚🌚🌚🌚🌚🌚🌚🌚🌚

偶然放題下都會有好心情， 剛好人係旺角就揀一間叫做神戶屋日韓放題來開心下，  位於萬兆中心八樓，  行入店內看見廚房布置就充滿左濃厚日本風情環境，空間闊落感覺舒適。餐單已經跟上時代使用手機QR code點餐方式， 好豐富更方便有效率 。未開始點餐坐落寺應就好用心咁為我點左個魚生拼盤，相當精采個樣靚到唔捨得食， 竟然系放題咁新鮮美味肯定要再叫多一分。呢份韓式雞軟骨炸得有水準， 熱辣辣間香喷噴酥脆唔油膩。自助茶水吧都好多貼心選擇，都有數款特色韓式野飲出面系唔容易搵到既。份日式牛舌都係相當抵讚，非常入味好彈牙，口感十足。紐西蘭羊架份量十足吃不出任何腥味，香嫩多汁。再來一份黃金芝士燒廣蠔，  有芝士既香搭配新鮮既蠔非常有滿足感。呢個系日本芝麻雞雞翼炸得皮脆內軟， 推薦之作。跟住又有招牌炒蜆，  鍋氣夠配搭上多樣佐料相當完美。鹹蛋黃金蝦裡面帶有鹹蛋既味道竟然可以食出好滋味好令人難忘。日式麻糬凍凍地甜甜地，相當精緻好食。呢個系日式溫泉蛋簡直系蛋食之中既經典作，濃湯中既蛋味一流啊。

好耐無食過放題見係黃店同大家評價都唔差就試下可惜無影相分享比大家Staff都nice嘅，係唔夠主動收野走，變咗食物都唔夠位放壽司刺身其實都真係唔錯而且刺身嘅選擇比想像中多款式而壽司唔會好大件食飽你咁炸物就蜜糖芥末雞奕同炸蕃薯波好好食天婦羅都唔差雪糕同飲品一樣多款式唯獨之後encore一款炸雞柳竟然係全部都唔熟（本身第一round叫係好食架）同埋一款豬仔脾同黃金蝦係梅到一食就想吐返出黎，而且豬脾個汁個味好奇怪

去旺角買完運動用品，順便食埋晚餐，見到呢間嘅日式放題幾平，就試下。呢個係用QR code自助落單，一入座會有小食同醬料，另外仲送火鍋，不過我一個人食唔落就無要到。1️⃣ 刺身拼盤刺身可以自己單點，或者廚師發辦。我選擇困難，所以就比師傅決定～ 一上臺好驚豔，擺盤好靚😍 總共有13種刺身，有三文魚、甜蝦、有頭甜蝦、希靈魚、松葉蟹棒、厚燒玉子、珍寶帶子、泰式生蝦、鮑片、激巨赤蝦、北寄貝、八爪魚、天使蝦。魚生都幾新鮮，有咬口，唔會軟爛👍🏻 當中我最鐘意松葉蟹棒、厚燒玉子、鮑片。刺身愛好者必點！2️⃣壽司藍鰭吞拿魚蓉、辣味螺肉、黑松露珍寶帶子吞拿魚蓉同螺肉都正常發揮～ 雖然帶子上面無黑松露，但原來收埋係入面，咬落即刻有濃郁嘅黑松露香味～3️⃣ 炸物榴槤炸彈、韓國炸鮮奶新鮮滾熱辣上臺，炸得脆身，尤其炸鮮奶嘅味道濃郁🤤4️⃣ 燒物黃金芝士燒廣蠔、北海道燒扇貝、鐵板紐西蘭羊架、燒有機菠蘿啲芝士好香濃，又有咬口；羊架肉質嫩滑，調味好香口；燒菠蘿好有驚喜，超甜🥰5️⃣ 甜品/飲品雪糕櫃有兩個，門口一個（選擇多、好正），入面一個（主要係雪米糍）。我眼殘睇唔到門口個櫃，所以淨係攞咗阿華田、朱古力同埋抹茶紅豆味嘅雪米糍，啲餡好正。

好耐冇食放題，年紀大左食唔到咁多而放題嘅嘢食quality通常都一般，但係咁難食嘅真係第一次🤧Sashimi望落去d顏色感覺唔係好新鮮，食落都無咩鮮味，食唔曬Tempura一d都唔惹味，唔知關唔關d油事牛油炒菇個味好怪，特別係個牛油味最經典係炒飯，酸嘅，好似係變壞左嘅味道咁其實唔想浪費但真係完全食唔落好啦...講下食得嘅野最好食係炒菜同枝豆...個韓式粉絲似中式粉絲...唔緊要啦，冇怪味可以食Overall實在太難食食左一陣就走啦 要平復下心情 $280去食菜 哈哈 第一次喺OpenRice俾劣評，真心難食