神戶屋日韓放題

營業中

休息中

首先，服務態度好差，啱啱落完第一round 野食來左d 就問last order 有咩叫，隔左一陣，又來催我地，食到一半，直頭拎個灰色兜出嚟，比左成$300食啲咁嘅嘢。服務員執嘢亂咁嚟，倒曬d汁出嚟。即使係part time 都唔係做成咁ar。最後叫左燒菠蘿，點知hea 我地，完全未食過凍嘅燒菠蘿，野食好多都係伏嘅，除咗刺身尚算可以，勸告大家好好試，又貴又唔好食。雖然知道放題好多都係叫幾多，多數都唔會上，但個服務態度都唔係咁la。大家不如用d錢去食11樓間韓國菜仲好過，差好遠。🤬

,今日三人經過兆萬門外有職員推介可一試,下午3:00入坐,便落単,食物上枱(一口牛是凍),(水蟹粥凍一小件及一小份),魚生正常及壽司飯太硬,再落 交給女侍應入單,到3:30女侍應到來提示4㸃截單師父落塲, 最早第一次落單項目到齊;但到了4時再問女侍應翻單食物還未到説跟進要等,最後所有翻單都並沒有上枱,便到收銀處埋單離開,總結一下是員工出問題或是老闆營運冇做到位,最後我諗收銀員都冇反應轉見跟進。

本來滿心期待食放題，見到呢間正評幾多下又係黃店所以揀左呢間，點知真係中曬伏……🥲第一碟刺生（坐低就會俾你）都叫正正常常，之後再叫開始有陣腥味，好似擺左好耐，臭左歌陣味。主食就更加唔掂，炸天婦羅啲皮厚到咬兩啖都仲見唔到肉，抄蘑菇有陣膠鞋味，炸鮮奶根本就係炸麵包皮！😓😓好多嘢一食落去已經唔對路，完全唔想再擺落口🥵全場唯一好食嘅只有雪條同豆腐花……最後收錢竟然要$279加1，同埋星期五六日每位加收$10。呢啲質素嘅嘢食完全係唔值呢個價位，以後都唔會再去。😤

食完仲係好震驚真係好難食/_\ 除左韓國牌子嘅雪條同飲品之外無樣嘢合格星期六七點半黎食 食左$303 一個人 但完全唔值呢個價 movenpick仲要加錢$15先有得食😢刺身唔新鮮，勁腥。🤬炸物食唔出裡面啲肉咩黎 個皮又炸到勁厚又粉同唔脆食材好低質唔新鮮 天婦羅啲皮勁厚 南瓜天婦羅食唔出係南瓜嗌左燒羊架燒到勁乾勁柴 牛舌又係無咩味連枝豆都好苦好霉 炒雜菇酸酸地 燒菠蘿加左糖霜都好奇怪😣有人話炸鮮奶好食 但嗌完好似食緊炸麵包皮壽喜燒鍋只係正常質素 啱啱合格 其他食物無樣好食。。。雖然服務態度幾好上菜都快但食物質素真係好差，希望餐廳會好好改善🥺🥺

今日約咗2個朋友一齊食呢間，因為知道今日星期五，所以我就用咗open rich 訂位功能，訂定晚上8點既位。我就7點50分到咗，諗住早少少上去攞定個位啦，因為另外兩個朋友都未到，一上到去勁多人，排到喺𨋢口位。咁我幾經辛苦先行到去reception 度，去到諗住都8點就同佢講咩booking, 點知都要等，等到朋友都到齊都未入得，我足足等咗30分鐘😅😅我見仲有好多訂咗位既都仲要等，我就覺得呢個安排比較麻麻。不過都入到去就點咗刺身等等，刺身都算新鮮好食既，其他嘢食都比較一般，因為遲咗入去又要10點閂門嘅關係，我同朋友都食得比較趕急。

見到有優惠券可以食3小時所試下呢間，點知book位時同我地講假期前只可以食2.5小時，但優惠券講明假期前都可以使用，諗住夠時間食就照去，因為想少人啲就早啲食，5:45左右去到已經有幾枱客，安排左坐卡位係舒服啲，不過地下有少少痴，拿拿聲叫野食最實際，食物好快上枱，不過數量就未必跟足嘅，魚生寫多啲又未必足，炸物寫2會變4，或者冇寫都會黎，因為一次過上好多樣，到發現黎錯已經太遲，衞生問題都唔會比返佢唯有食埋佢，刺身夠新鮮，炸物夠熱，2款雞翼都好好味，火炙壽司都好味，其他熱食就普通，職員都會跟進下有冇咩未黎齊，有幾款漏左都有跟，不過其中一碟炒菜真係催左2個鐘先到，已經飽哂先黎就冇意思了，另外個半鐘左右就會叫你last order，食得如火如荼時聽到last oeder呢個字都幾冇mood，唔明點解咁快就話要截單，其間不停問我地落左last單未，有啲被催促食野感覺

好少寫食評，老實講呢間嘅環境食物同個金額完全不成正比，我一入去以為自己入咗Neway自助餐咁,仲要冇K唱嘅Neway大家諗下係點啦一嚟係咁叫我落單，好啦，落咗個牛肉壽喜燒，咸到倒走湯底自己加水煲咗兩次先入得口，羊架感覺係煲過至燒嘅，肉好多肥油之餘，勁似食緊日本叉燒咁軟爛唯一令我還保留些少讚美嘅係，雖然全場只見到兩位姐姐仔，魚生檔及廚房各一位哥哥仔全力以赴咁趕單，但態度還是很好嘅...總之只可以講句加油啦！

好簡單，純粹因為太太想食下日本野，又屎忽痕不如放題啦咁，結果就悲劇左，真係畢生難忘⋯仲因為佢本身係打住黃店名頭，當支持下咁啦，但黃店都比少少質素好嗎裡面5好講咩位置舒5舒服？服務好5好？衛5衛生之類？價錢貴5貴？但肯定5算平！我淨係講食物簡單到刺身壽司，刺身5新鮮，算。壽司可以舊飯好似白飯無味，仲又好似臭左咁⋯咩玩法😞仲要開頭整個咩火鍋果D,成個鹹到食5到,食到懷疑人生⋯試埋天婦羅炸物⋯真係就快想大大聲係個場到‘小’出黎😂連麵鼓湯都做5好既餐廳，真係5識講，連個咩新鮮水果都可以臭既⋯絕望到係連你仲要點咩食好都諗5到既極致放題體驗，未夠鐘都已經走左最好食係燒菠蘿，最好飲係罐裝飲品😂其他我已經無勇氣試，真係垃圾到突破宇宙擊穿銀河系！！🥲各位勇者，祝君安好。

一行6人7點入座，同我地講落單時間係100分鐘，坐左唔夠60分鐘，有個女侍應行埋黎問我地有無咩未齊未到，過左10分鐘又再行埋黎問，以為咩事。然後我地忍唔住問佢落單唔係100分鐘咩，佢話差唔多時間，我地話你會唔會搞錯左？ 我地入座張紙係7點，宜家坐左一個鐘，係咪隔離台夠截單時間？ 店員嘜到無講就走左。到8:15又有另一個點店員黎執台，仲要連我地未食既野收走埋，趕客咩？我地忍唔住再出聲話未食完。到8:30我地開始食甜品，要執台我地無問題既，但到8:45我地未走仲未食完雪條，已經擺定啲餐具係到，都唔係咁做生意呀，我唔係無比錢食飯。完全係趕住做下一台客生意，坐位好迫，坐得唔舒服。 食完今次唔會再有下次，食完6個人一肚火。

Book左6-8pm 放題慶祝父親節。三位盛惠$855。6:20pm落2nd round order，7:00pm 仲未上，但職員就埋枱話7:00pm要落last order。同職員說明2nd round 野仲未上齊，職員話幫手追單，7:15pm 上到。落左20件三文魚，上得5件五常size並切開一半扮十件，其他類別都系10件，但實際上得4-5件，又有小部份漏單。欣賞職員有幫忙追單問題：1）上得慢2）上吾齊

大部分嘅嘢都難食，唔知自己食左D 咩！重要好多野叫左幾次都唔會黎！D刺身淨係黎少少，炸物又係！問職員又話冇落單，明明已經係apps禁左，都話冇落，根本係拖時間，之後又話last order , 根本好多野都冇黎

魚生不算新鮮， 牛舌好難食， 甜品種類好少。 一品料理中，有些比較鹹。炸物算唔錯， 有較多的種類 包括 芝麻雞翼 香芋圓 炸蠔 一口豆腐 等等。 如果炸物都唔好食， 就不得了😅整體嚟講， 最好食係個部隊鍋的辛辣麵😑雖然服務不錯，但不會想再幫襯。 呢個價錢有其他更加好嘅日式放題。

生日飯，諗住開開心心一家人食，見食評好多人讚like, 時間仲係安排六點鐘早少少食點不知嚟到叫嗰樣等個樣，做放題運送食物嘅手法好差只係叫你快啲落單但係啲單只係一個字等*，下下要吹等一樣刺身等20分鐘，叫炸野起碼等15分鐘，其他野加埋加埋全個食飯時間是兩個鐘，等足佢1小時30分鐘，呢個食放題嘅經歷真係好不一樣，呢個生日飯真係令人出乎意料之外，垃圾唔好中伏，等多等飽全過生日冇晒心情，好有禮貌叫佢，到開始不耐煩，等到最後啲嘢都未來晒，仲攞張單吹人快啲走，俾下臺客，感覺好差千祈唔好中伏千祈唔伏

兆萬樓上有多間放題，今日同朋友聚餐試左呢間食日韓放題嘅餐廳。一坐低即刻睇下有咩食先，食物種類都幾元化。基本魚生，壽司，卷物，鍋物，炸物，串燒，熟食小炒亦都有，啱晒有選擇困難同唔食生嘢嘅人😋。原來呢度己經轉左用QR code 落單，好方便!落左單一陣，啲刺身好快就黎左，出餐速度值得一讚! 今日黎食仲送期間限定嘅日本和牛壽喜燒，食落都幾好味。前菜叫左日本一口薯同和風牛油焗雜菇。一口薯嘅味道香甜軟糯，一口一個，好快就俾我掃晒落肚🙈焗雜菇好香牛油味，都好好食!刺身叫左甜蝦刺身、象拔蚌片、八瓜魚片同松葉蟹棒。刺身食落都好新鲜，甜蝦好鮮甜，八爪魚片同象找蚌片都好爽口彈牙! 我地又encore 叫左幾次。壽司叫左蟹籽壽司、蒲燒鰻魚壽司、芝士鰻魚卷同牛油果軟蟹卷，黎到嚇左一跳，啲蟹籽多到成座山咁😂我地仲叫左清酒煮蜆、豉椒魷魚鬚、醬燒一口牛、多春魚天婦羅、海老天婦羅、南瓜天婦羅同日本香芋丸，樣樣都好食，有一定水準。食完正餐梗係唔少得食埋甜品，好驚喜竟然有日本牛乳豆腐雪糕! ❤️剩返最後一個，好好彩食到! 雪糕好濃豆味，唔係好甜，好好食，好想食多個呀😝總括黎講，今次放題食得好滿足! 唔止食物多元化，仲維持到

午市想搵地方坐耐啲揀放題就最啱啦同朋友傾吓計慢慢食下慢慢坐下呢度午市加一之後，$200都唔使因為食物種類多款，性價比高熟食，刺身，炸物，火鍋同甜品通通係放題不可或缺雪糕雪條勁多款種，勁多韓國雪糕雪條鯛魚燒雪糕夾餅好正，蜜瓜雪條必食嘢飲都好多選擇啊一黎就立刻整個刺身併盤先刺身有三文魚，甜蝦，牡丹蝦，北寄貝，帶子，勁食牡丹蝦解凍得夠又甜，三文魚夠肥夠厚切爆炒牛仔粒好惹味，洋蔥青椒好香口炸蠔粉漿剛好，脆口燒菠蘿表面焦糖化左，甜甜少少酸，多汁兩個人以上送一個鍋有雞煲，壽喜燒同部隊鍋揀但係我哋揀咗部隊鍋，食完辛辣麵飽晒