神戶屋日韓放題

營業中

休息中

落咗單五次漏咗三張單，魚生份量一直唔足夠，上到枱嘅時候啲冰仲要半溶嘅，熟食方面大部份調味都係非常重，諗住生果會好啲點知係有加糖水，甜到起痰。推介大家！就似五星好評

好耐都無試過日/韓底放題， 今日行過大兆萬， 隨意點了一間去試。 又唔錯， 所以介紹一下🉐兩人會送一個火鍋， 我選擇了日式和牛壽起燒（我驚芝士太飽😆， 雞煲太辣😵‍💫）， 都唔錯， 打著邊爐慢慢食， 係入坐前， 店員服務好好， 提醒我地要先選某幾個items , 好窩心❤️❤️⋯⋯唔駛浪費時間。 我地一次過叫左30多樣野， 其實都未揀得晒， （應該有200項）😂上菜都好快。 有幾款我覺得好好食， 想介紹一下（5⭐️最好食）韓國蜂蜜芥未炸雞（5⭐️）雞件特別幼滑鬆軟， 炸亦唔會太過火， 咬落唔算特別油膩。 （圖中中間黃色兩件）雞皮串件（5⭐️）比較少有得叫既雞皮， 尼到都食到， 鹽酥炸至金黃色， 每咬一口都脆卜卜❤️❤️， 但不能食太多😂， 好肥呀😂（中間深色兩串）黑毛豬仔脾（5⭐️）黑毛豬肉質鬆軟， 一d都唔會痴牙😊👍🏻， 醬汁唔會特別喊。 鐵板一口和牛粒（5⭐️）十分野味， 用了黑椒， 新鮮青紅椒， 加埋少獻汁， 野味之餘又唔會好油膩

係Openrice見到有優惠卷，放假梗係要去試吓啦🤟🏻真係估唔到有咁多嘢食揀！好鐘意放題有好多嘢食揀！放題就應該係咁！我就偏向鍾意食啲熟食同埋火炙壽司，火炙既芝士同埋鹽燒三文魚真係好好食😋同元氣嘅有得比👍🏻唔係朋友撳住我，我可能食火炙壽司都食飽咗😂 熟食我都偏向鍾意食燒物，牛舌、扇貝、羊架同燒菠蘿燒到啱啱好，肉味重~多汁~一定要試！嘢飲又有10幾款可以揀，啤酒都唔係剩係得一隻呢點我好滿意👍🏻一邊飲啤酒一邊食燒物一邊傾計真係好爽😆刺身我朋友就食得多，啲刺身都夠新鮮唔會好大陣雪味，仲有個泰式生蝦我覺得好正！最令我估唔到係有麻辣小龍蝦同心太軟，不過我懶得剝殼所以無試，心太軟又幾得喎👍🏻呢間我真心覺得幾好，唔會催人走加上店員收碟都密，張枱keep住乾淨吹水都舒服啲😏最緊要係一次過食到好多種唔同嘅菜式，下次再過嚟encore🤟🏻

貪方便所以同朋友去咗兆萬食放題🤣 因為唔知食咩好所以啲刺身咩都叫下咁😋 結果一上碟好驚喜 因為真係擺得好靚❣️❣️ 所有刺身都好新鮮，完全冇腥味🤤 特別一提佢個海膽勁好味 好鮮甜呢😍😍另外我地仲點咗個部隊鍋❄️ 啱曬冬天食🤤勁濃芝士味真係超邪惡😭 不過真係好惹味😋然後同朋友仲點咗唔少壽司食🍣 通常放題嘅壽司都細細件🙈 但係依間鋪頭壽司嘅size全部都同平時出去食嘅壽司店差唔多大😳大大啖肉真係好好味❤️😆炸野都唔會話好油😗講真食完之後覺得一啲都唔伏，有機會一定要encore😋地址：旺角西洋菜街1號兆萬中心8樓

就快到聖誕節🎄大時大節又係同朋友約起gathering 既時候啦～ 朋友都各有想食既野～ 所以食放題唔好使煩～ 放題真心可以做到想食咩就食咩見到有火鍋就決定食小小最胃野再食刺生！火鍋都有成3款！我要左牛肉壽喜燒～ 因為我鍾意飲個甜甜湯底～跟住就順手叫埋d刺身～ 刺身真心多款式呀！蝦都有成5款😍甜蝦、赤蝦、牡丹蝦、凍蝦、泰式生蝦！款款黎幾件發現全部都好新鮮！我最中意既帶子都好爽口呀！三文魚、鮑片、北寄貝、赤貝都有！超多款式呀，仲有生蠔食！刺身超多款！推薦！ 熱食都好多野可以揀！雜菌炒金針菇，泰式通菜，燒牛脷真心一流！好好味，燒得好好味！天婦羅都好多嘢可以食，有天婦羅蝦，超級甜嘅日本小番薯🍠天婦羅南瓜 樣樣都好香口好好味呀！不得不提雪糕櫃好多雪糕雪條可以拎！仲有雪糕糯米糍！伯爵茶雪糕好好味，仲有雪糕三文治🥪都好正！居然仲有movenpic雪糕！超抵食呀餐廳職員都好nice, 好快上菜，都好快會幫我地清台，仲坐幾耐都得，唔會話有限時就叫人走，超級好！

朋友聚會他們選了這間放題，地點在旺角大家收工過去很方便，入場時告知可以食3小時，我們四個人也是挺足夠的，一開始店家送了海膽刺身給我們，這樣很新鮮很喜歡，之後點了三文魚、帶子、松葉蟹鉗、美式凍蝦等刺身，擺盤精美，不過大家都餓了，所以沒有拍照就吃掉了，這個的刺身新鮮的，所以再叫了幾次才滿足，然後他們叫了雞煲，我以為只是日式放題但原來有很多菜式，這個雞煲色香味俱全，我很喜歡，還可以無限追加的，而且有很多海鮮可以選擇呢~鹹蛋黃金蝦也有呢，蝦肉爽口彈牙，也叫了一堆天婦羅上枱時馬上食，外脆內軟，大家也吃得很滿足，韓國人參雞湯參味濃，吃了那麼多刺身再喝這個雞湯，感覺挺舒服的。飲品或甜品也有很多選擇，茶類飲品也很多，想不到現在的放題性價比那麼高，以這個價錢來說我覺得超值了！*這家性價比比較高，我們選晚市外面等位的人比較多，我朋友就預先訂咗位所以去到不需要等就可以入去，建議大家預先訂位。

同朋友慶祝生日，所以去左放題熱點——兆萬中心！！最後朋友揀中呢到☺️🥳一入去望到勁多甜品、雪條、飲品已經心心眼😍所有食物款式種類選擇多到數唔哂！但小妹比較推介刺身、炸物、火鍋呢三個款式（每款仲有好多選擇，連蝦都分幾個選擇）～ 刺身新鮮，三文魚厚身，帆立貝都食落好鮮嫩🤤重點一提！炸物必點！天婦羅蝦炸得超級脆，但肉質不會韌，所以重複點左幾次！🥰另外真係估唔到放題都有邊爐打！😍和牛壽喜燒個味道好惹味！😋和牛無論望落定食落肉質都有驚喜到，超水準，推薦大家鐘意食牛既話可以一試🥰👍🏻最後值得一讚！👍🏻由於當日我地食到尾聲時，驚店員會趕我地走，但原來無突登限我地時間，終於食到一次放題係無比人催我地走😭總括黎講，呢個地方好適合朋友/情侶聚會，食物定環境各方面都不錯，屬性價比高既放題☺️

今日同朋友仔一齊去左神戶屋日式放題餐廳食飯，雖然呢度有得打邊爐，但我地咁多個人剩係食放題都飽飽豬了。餐廳既員工都好好，非常細心一早好貼心咁安排左刺身拼盤俾我地，等我哋唔使諗食咩左揀右揀，坐低等一陣仲叫緊野食就得😆入面咩野好有，最難得既係三種蝦刺身都有齊，包括左玻璃蝦、刺身蝦同虎蝦，仲有生蠔添而壽司拼盤都擺放得十分精美，估唔到放題都會咁令，非常有心思～呢度既炸物選擇眾多，全部都新鮮炸出，非常鬆脆，脆而不膩，尤其是炸鮮奶同網蝦，我同朋友都叫左兩Round呢~ 芝士年糕入面既芝士都會流出泥！飲品方面除左有啤酒汽水外仲有好少見既陽光椰汁豆奶，我同朋友每人都飲左，讚不絕口。雪條雪糕都有好多味道同款式揀，有movenpick , skippy, 而藍莓乳酪雪條係我既必食推介！

天氣又突然急跌🥶最想就係打邊爐🍲但隔離果個又話想食壽司🙄⋯其實⋯去食放題咪滿足晒我哋啲願望囉🎉🎉🎉行街行到呢度附近又見到啲放題價錢好抵食甘！又有齊我哋想食既野！仲有日式Sukiyaki壽喜燒食😋😋😋啲牛好正啊！仲有我最中意既蜆肉啊⋯勁入味！有串燒🍢🍡⋯仲熱辣辣嫁！應該係即叫即燒！仲有芝士焗扇貝食😋夠晒新鮮～依家諗番起都lam lam利！而啲魚生都好新鮮又多款式！真心估吾到既放題質素😍差啲吾記得講啲甜品～有韓國芒果雪條🍧🍨野飲又多款揀😋而且我哋食到最後過晒時都無話一定要趕我哋走～～～甘既價錢算吾錯了！下次有機會都想再來食！

好耐冇食放題，朋友就介紹左呢間係旺角兆萬中心既放題。餐廳食物選擇多，不過最令人印象深刻係佢地既服務態度，侍應態度好好，最後會問下食物上齊未，而餐廳亦完全冇漏單既情況出現👍🏻坐低一陣侍應問我地想要咩火鍋，我地簡左壽喜燒，牛肉質素唔錯，材料亦好豐富，如果想打邊爐既話可以叫邊爐材料黎淥😆落單用電話落，刺身整體相當新鮮，特別係帶子，厚身鮮甜，蝦食左幾款都好新鮮😋燒物同炸物我幾推薦燒菠蘿、榴連炸彈同炸雞翼，菠蘿香甜多汁、芝麻醬溫泉蛋櫻花蝦榴連炸彈餡料好足、炸香翼香脆醃得入味，最後仲有Movenpick雪榚送，好滿足😋😋

好耐冇食放題所以就想試下兆萬個啲😚 雖然個個都話伏 不過見都有唔少人去食 所以隨機揀咗間入去試下🤣同個fd好鐘意食刺身，見到有咁多款所以咩都試下😛 真心講最驚艷一定係個海膽 一開頭都驚會唔好味 但點知入口即溶❣️ 仲要勁鮮甜😆😆 另外啲刺身都好好味😍 好有鮮味❣️大大啖肉😛 另外我地仲點咗唔少壽司😆 喜出望外嘅位係啲壽司好大件，唔似一般放題壽司會比較細件🤣 而且叫咗唔少火炙類型嘅壽司🔥 不過都食得出啲壽司好新鮮😆 因為冬天所以叫咗煲部隊鍋 暖笠笠好好味😍 好重芝士味，喺冬天食真係啱曬😆甜品仲有movenpick同埋大量自制甜品🍮🍨🍪🍰簡單嚟講依間唔伏之餘仲要好好味😋 真係要重刷❣️

兩個Friend同時推介話呢間嘢唔錯，帶我去試下。唔知係唔係我對日韓野冇feel，我覺得啲野食都係麻麻。刺身都算ok，但係啲熟食就真係....d花甲有沙兼且細粒，啲壽司勁差，瑞士雞翼冇乜味，炒八爪魚有伏，炸牛奶OK。覺得最好味嘅竟然係壽喜燒嘅白菜。環境就真係逼嘅，細細間鋪頭，入邊一直放住啲韓文歌，勁大聲，好似係酒吧咁，燈光偏暗。星期日九点鐘要249+1，九五折，最後260一位。服務係唔錯嘅不過野食同環境就認真要改善下

好耐好耐冇食過放題。去到旺角唔知食咩好，咁就揀咗呢間，未入到去呢，啲職員已經好好服務態度，好快安排咗我哋入座！日式刺身，種類繁多！有三文魚、甜蝦、帶子、八爪魚、希靈魚，色彩繽紛，賣相好吸引，而且都非常新鮮！叫咗一個壽喜燒湯底，本身好中意食蜆，叫咗好多蜆，蜆仔細細粒但都係每隻都有肉，菜既種類都有好多，冬菇、娃娃菜、西洋菜、萵苣⋯⋯湯底加咗兩次水都仲好有味。熟食都有好多選擇，有炸物，湯都有兩款。非常多，麵豉湯同韓式人參雞湯。蝦炸到好金黃，所有炸物都炸得好香口，但冇油膩嘅感覺！係多春魚炸粉比較多，其餘炸物都過得去。甜品有好多款，雪條款、糯米糍、杯裝雪糕，大部分甜品都嚟自韓國！題外話，呢到啲職員服務態度真心好，反應又快，見到我男朋友倒瀉豉油即刻俾紙巾同濕紙巾佢清理，因為佢哋服務態度，我決定打呢篇野👍🏻👍🏻👍🏻👍🏻👍🏻👍🏻

一入門口店員就好熱心咁招呼我哋，仲介紹我哋掃 QR code 落單，餐廳唔係好大，但四個人嘅卡位都坐得很舒適。洗手間都乾淨。我最鍾意就係食天婦羅㗎喇，我哋食咗日本一口薯，和風牛油焗雜菇，沖繩網紙蝦卷，日本芝士年糕，吉列廣島蠔，韓國炸鮮奶，韓式雞軟骨，我最鍾意食嘅就係榴槤炸彈呀。一口咬入去話啲榴槤味爆曬出嚟，配合住又香又脆嘅外皮真係冇得頂。另外我哋梗係要食埋個火鍋先走啦，我哋要咗個芫茜魚湯火鍋，我哋叫咗鮮冬菇，萵筍，牛柏葉，魚皮。 佢嘅甜品都幾豐富㗎，我哋就食咗木糠布甸啦，牛奶布甸。餐廳門口嘅雪櫃，裏面有好多唔同種類嘅韓國雪條，雪米糍。最後提下大家呀，一定要食燒有機菠蘿， 天氣凍凍地食住啲甜甜地，暖暖哋燒過菠蘿。店員態度幾好，時不時會過嚟問下你，菜上齊沒有。 呢間餐廳地點都幾就腳，食物質素又ok我係會介紹畀朋友。 

我哋成班中學同學最鍾意就係去食日式放題㗎喇 ，貪佢平平哋又可以坐耐啲吹下水, 同埋食物夠豐富種類多樣。今次我哋揀咗旺角兆萬中心8樓嘅呢間神戶屋。我首先嗌咗個刺身拼盤 ，三文魚刺身 。三文魚係厚切嘅，最新鮮嘅就係珍寶帶子刺身呀， 另外佢嘅天使蝦刺身都好甜美， 大家嚟食嘅時候記得要點呢幾樣呀。    食天婦羅家梗係要要飲啤酒㗎喇，佢嘅啤酒都有象啤、大麥啤酒任飲！ 另外佢有兩個大大嘅飲品雪櫃嗰度都有好多甜嘅飲品。小炒菜式都好豐富，我哋嗌咗鐵板一口和牛粒，佢配合咗三色椒一齊炒，仲用咗好多香料一齊炒，味道層次都好豐富，好食到停唔到口。佢哋嘅清酒煮蜆都好好味，細細碗配合海帶一齊煮好惹味。我最鍾意食嘅就係大阪牛乳伯爵茶雪糕同埋Skippy朱古力脆皮雪條。下次有機會都會同同學仔一齊過嚟再食呀。