神戶屋日韓放題

營業中

休息中

一入門口店員就好熱心咁招呼我哋，仲介紹我哋掃 QR code 落單，餐廳唔係好大，但四個人嘅卡位都坐得很舒適。洗手間都乾淨。我最鍾意就係食天婦羅㗎喇，我哋食咗日本一口薯，和風牛油焗雜菇，沖繩網紙蝦卷，日本芝士年糕，吉列廣島蠔，韓國炸鮮奶，韓式雞軟骨，我最鍾意食嘅就係榴槤炸彈呀。一口咬入去話啲榴槤味爆曬出嚟，配合住又香又脆嘅外皮真係冇得頂。另外我哋梗係要食埋個火鍋先走啦，我哋要咗個芫茜魚湯火鍋，我哋叫咗鮮冬菇，萵筍，牛柏葉，魚皮。 佢嘅甜品都幾豐富㗎，我哋就食咗木糠布甸啦，牛奶布甸。餐廳門口嘅雪櫃，裏面有好多唔同種類嘅韓國雪條，雪米糍。最後提下大家呀，一定要食燒有機菠蘿， 天氣凍凍地食住啲甜甜地，暖暖哋燒過菠蘿。店員態度幾好，時不時會過嚟問下你，菜上齊沒有。 呢間餐廳地點都幾就腳，食物質素又ok我係會介紹畀朋友。 

我哋成班中學同學最鍾意就係去食日式放題㗎喇 ，貪佢平平哋又可以坐耐啲吹下水, 同埋食物夠豐富種類多樣。今次我哋揀咗旺角兆萬中心8樓嘅呢間神戶屋。我首先嗌咗個刺身拼盤 ，三文魚刺身 。三文魚係厚切嘅，最新鮮嘅就係珍寶帶子刺身呀， 另外佢嘅天使蝦刺身都好甜美， 大家嚟食嘅時候記得要點呢幾樣呀。    食天婦羅家梗係要要飲啤酒㗎喇，佢嘅啤酒都有象啤、大麥啤酒任飲！ 另外佢有兩個大大嘅飲品雪櫃嗰度都有好多甜嘅飲品。小炒菜式都好豐富，我哋嗌咗鐵板一口和牛粒，佢配合咗三色椒一齊炒，仲用咗好多香料一齊炒，味道層次都好豐富，好食到停唔到口。佢哋嘅清酒煮蜆都好好味，細細碗配合海帶一齊煮好惹味。我最鍾意食嘅就係大阪牛乳伯爵茶雪糕同埋Skippy朱古力脆皮雪條。下次有機會都會同同學仔一齊過嚟再食呀。

琴日同朋友去旺角食飯，朋友就係想食放題，而我覺得天寒地凍，梗係食打邊爐先正啦。上網搵到一間神戶屋，可以又打邊爐，又食放題，滿足晒我哋嘅要求。呢一間嘅放題選擇真係好多，有沙律，天婦羅，和食，串燒，刺身，壽司，手卷，火炙，面類同火鍋。真係花多眼亂，同多啲朋友嚟都可以揀到自己想食嘅嘢。而刺身新嘅選擇都好多，我就帶咗三文魚，象拔蚌，北寄貝，帶子，赤蝦，泰式生蝦，螺肉。刺身質素都唔錯，每樣都有叫，可以同朋友一齊share食。刺身都幾新鮮，三文魚比較厚切，幾有口感，赤蝦味道鮮甜，螺肉都好爽口彈牙，有鮮味。除咗刺身之外，仲有啲港式嘢食都有好多選擇，例如魷魚鬚，椒鹽豆腐咁，連小龍蝦都有得食。炸嘢就香脆，賣相非常之金黃，而且樣樣都熱辣辣，小龍蝦都好惹味，鍾意麻辣唔好錯過。呢餐每人就293，性價比都幾好，星期六晚食，但係都唔會話好多人而出現漏單嘅情況，而且餐廳冇乜點樣計時，所以我嗰日都食超過用餐時間少少都唔會俾人趕。呢間放題適合朋友聚會而有唔同嘢想食嘅人選擇，因為選擇多佢哋可以喺呢間餐廳揀適合自己食啲嘢。Drink：正正Menu

出街食飯唔知食咩好，最好就係揀放題，放題多選擇，仲可以揀唔同野食，今日同朋友出旺角兆萬食放題，依家神戶屋令我哋都好有驚喜，因為嘢食種類真係有好多有火鍋，刺身，串燒，壽司。飲品嘅選擇都好多，有紙包同罐裝，喺旁邊仲有啲茶類。甜品更加係，有冰，有雪條，有雪糕糯米糍。一個價錢，可以食到火鍋放題又可以食刺身放題，性價比真係唔錯。人均$300都唔使！喺開頭店員就話會送個特色火鍋，喺天寒地凍嘅冬天呢個推介真係好貼心，而我就揀咗日本和牛壽喜燒，啲配料都有好多，喺放題一開頭暖一暖個胃，胃口都好好多，放題嘅好處就係可以同朋友各自揀鍾意嘅嘢食。壽喜燒個味道幾好，甜甜地，牛肉都好有肉味，啲配料就入晒味。嘢食嘅種類真係好多，串燒嘅選擇都有好多，有海鮮有肉類，燒海蝦味道好新鮮，蝦好鮮甜仲彈牙添。仲有牛舌食，燒牛舌好厚切，調味都唔會話好鹹，同埋燒雞皮都好脆口，而且壽司都好有特色，三文魚腩壽司唔錯。而且呢間放題都唔會好趕時間咁吹人走，而且服務仲好貼心，見你手污糟就會俾濕紙巾你抹手。

第二次過嚟食了，由於我哋胃口唔大，今次叫咗第一次冇食過嘅嘢，總結：刺身OK新鮮，牛脷可以一試，羊架一般，人参雞湯麻麻，小龍蝦可以試，加錢食咗生蠔，新鮮好味。我哋食到兩點幾足夠埋單走人。總體性價比高可以再次幫襯。雖然我哋2:30走人，12點入座可以坐6點，全港，仲想要乜要求？

呢間嘢12個人入去食比一張六人枱同埋四人枱 之後態度仲要極差 入到去食嘢 拉麵係一啲咬口好冇 之後叫嘢上極都上唔齊 一個蝦係霉嘅 到最後啲嘢越食越凍 同就咁攞出嚟好似冇乜分別 之後價錢同上到去俾錢嗰陣時出入好大 由17x 升到26x 一啲都唔建議去食

豉椒菜式幾香口炸蟹柳香脆鹹蛋黃炒蝦一流海鮮非常新鮮都算推薦嘅時候就是要我幫。你有沒有看見一日係指啲朋友話時話我嘅意思係：你屋企樓下都聽咗好多野唔會再去過一次．咁大把⋯⋯．如果唔想佢係我們這次機會主義

呢間放題已經唔係第一次食，之前都冇咁差㗎⋯⋯但而家衰到冇得再衰話說琴晚同朋友去食，優惠卷講明食足3小時，7:20pm入座，8:45pm問就有人過嚟話last order，又唔係爆場有人等位，真心有咁急咩？講返入座，之後有人走過嚟叫我哋可以落多少少燒物或炸物order，如果唔係晏少少多人要等30分鐘。我哋諗住都好呀～咪叫囉～點知就中伏啦1. 三文魚刺身有魚骨2. 燒羊架脂肪仲多過肉3. 炸廣島蠔隻蠔要用放大鏡睇4. 炸物係淋到岀油5. 一口牛竟然係豉汁炒蜆個汁最好食竟然係燒菠蘿🍍真心唔會有下次

open rice價錢同现埸價錢唔一樣，話有3小時任食，去到现埸只可食2小時，似深水埗派飯咁樣，好急，好趕，地方好細，食物上枱好亂，膠兜上，叫3碟上1碟，又等得耐，叫完又等，再叫再等，2小時放題一定唔夠時間食，難忘既放題，2百9拾幾1個人，抵唔抵食，見人見智。，，，，，，，，，，，，，但有一樣嘢值得讚，就係結帳埋單非常快，絕對唔左你時間。，，，，，，，，，，，（因菜式外觀問題，所以我連影相都唔想影）

****************大家真係要睇下啲食評先好去食呀！唔係中晒伏呀！******************入到黎就已經勁焗 好似完全無冷氣咁食左五分鐘都無就已經出晒汗串燒加左孜然粉就當係串燒刺身一啲都唔凍金茹牛油粟米味道完全奇怪 其他野食都偏鹹全間鋪都濕濕粒粒張枱又唔抹乾淨 勁油279蚊再加一 真係一啲都唔值🤥第一次食到啲咁難食既放題😶員工賣單仲要比錯晒啲單人地~ 果頭講完比QR code 下一秒就走左去做其他嘢😣😣去唔去自己諗

今日1/10/2021晚上入座時間為6：30, 食到7：45左右，我們外出拎甜品時，店員立即執晒我們枱面所有餐具及未食之食物去盆。跟住我們拎完雪糕回來，根本無得再繼續食， 店員拎張單來叫我們埋單，跟住我們埋左單， 食甜品去到8：00,店員走黎叫我地要走，離開，唔可以再坐。最後我們唯有無奈離開，雪糕都未食完~我都係第一次幫襯這間放題，簡直離譜到不知所謂，外面啲單張講有2小時時間任食，而我們一坐下時都有問店員，店員也講有2小時時限。真係未食過這麼令人不愉快的放題，大家自己諗~

良心店舖，員工態度友善，嘢食正常幾好味，環境舒適，因平日關係唔係太多人，坐得好舒服，食物多選擇，又夠新鮮，比起兆萬中心其他放題優勝，價錢合理，首推呢間，值得一試！

見佢都差唔多$300位晚餐，放題一般都唔會差得去邊，諗住應該都正，點知入到去冇一樣嘢唔伏首先係咁嚟錯嘢，同佢講就死話我哋有嗌，最少嚟錯咗十樣八樣，到後尾我都懶得同佢講，是但啦你擺低啦，真係有嗌嗰啲又唔嚟佢冇一樣嘢好食都算，佢每嚟一樣嘢我都祈求佢唔好再咁難食林尾嗌左個朱古力心太軟，食落似係一舊劣質布朗尼，完全冇流心嘅成份，難食到爆最好笑係佢用咗個外賣兜蓋嚟裝啲嘢食俾我哋...？？所有肉類嘅嘢啲肉都係柴嘅，無論咩國菜式一定都係落孜然粉，洋蔥黑椒和牛粒，上邊落避風塘，個味怪到爆，仲要一定唔係和牛...芝士年糕，街邊買嘅都好食過佢...難食到基本上所有嘢都只係食咗一啖，咁就$300...食完真係一頭都係問號

話說之前講果間韓燒唔對路轉場，拿拿林再搵間食，因為都差唔多9點勒。又咁岩有位,嗯。。唔錯。價錢 4分5人都係1千2百幾， CP 高。環境 4分上面間韓燒奶左野，原本都唔期望環境，但以爆場滿坐，同一個空間，粗中有細，居然安排到卡位畀我坐，比個叻你，而且冷氣夠，鮮風夠。好多人，但一d都唔嘈。食物 4分生既好d，羊架唔錯。熟野一般，凍飲種類叫多，細左少少，要叫多份先得，佢個壽喜燒係驚喜，起碼唔會馬虎。服務態度 4分後生仔女個個都反應快，個爐無gas返黎一兩次都無黑面，而且可能係我地9點入到，食完曬坐到10點，無黑面，而且好好態度話執左野先，慢慢傾，不過留意下就黎10點勒（笑）。戴著口罩都聽得出無黑面。總結呢個價錢，呢個食物質素一定合格，多口水係我地唔好，如果有朋友想正正經經，食下坐下傾下計，係好岩呢間，起碼我下次都會再到。

先講服務，啲職員啲態度已經唔係好，仲要好似不停吹你走咁！唔知係老闆定經理不停係我地附近大大聲同啲員工講嘢，係咁叫佢地收嘢，我地坐低唔夠10分鐘，仲食緊第一輪，啲職員係咁叫我地夾埋佢，幫你收收佢，本身係好事嚟嘅，但半個鐘問咗成3-4次，吹到我都唔想再食，好似係咁吹你走咁，好唔舒服。食品方面，只有普通同難食，啲天婦羅真係好難食，刺生冇味。飲品方面，都真係有好多款揀，呢個係唯一好啲。但一定唔會再去，成餐飯食得勁唔舒服。