影片
更多
2021-06-04
815 瀏覽
隱世高質日式放題最近疫情漸見緩和，又好耐無食過放題，所以決定今個週末中午去香港嘅「放題聖地」 - 兆萬中心餵飽我嘅五臟府😜係兆萬搭扶手電梯上左3層再轉左，就見到一大堆水牌， 琳瑯滿目🙈 企咗係水牌前研究咗陣，就決定揀呢間係8/F嘅2小時任食放題喇，因為中午1點幾呢個時間只係179蚊(未計加一) 炸，咁多款食物，但試無妨！當我坐低咗之後，侍應會簡單交代下落單方法(scan QR code) ，飲品同甜品放嘅地方，仲提我地可以用特別提供嘅2張紙叫咗刺身船同迷你火鍋添！唔洗10分鐘，一隻又大又靚吧刺身船就出現係我眼前了😍除左刺身，仲有沙律/前菜，炸物/天婦羅，料理，串燒，軍艦，款式應有盡有，等我highlight幾點款點評下先😎和牛壽喜燒：個鍋雖然細細個，但係入邊都有好多不同食材，有和牛、雞蛋、黃芽白等等，可以過下邊爐癮🙈燒菠蘿及芝士帶子：燒菠蘿好甜，試過食過好酸，好味到我encore咗次！另外，大部份燒物都會用呢款錫紙小兜裝住，可能要細心d先分得出邊款打邊款🤣 然而，佢d帶子都幾大粒，燒完嘅情況下仲有5蚊銀咁大，真材實料👍燒牛舌：本身有d擔心佢燒到un，所以叫咗1份試下。點知食落口，火喉恰
最近疫情漸見緩和，又好耐無食過放題，所以決定今個週末中午去香港嘅「放題聖地」 - 兆萬中心餵飽我嘅五臟府😜
係兆萬搭扶手電梯上左3層再轉左，就見到一大堆水牌， 琳瑯滿目🙈 企咗係水牌前研究咗陣，就決定揀呢間係8/F嘅2小時任食放題喇，因為中午1點幾呢個時間只係179蚊(未計加一) 炸，咁多款食物，但試無妨！
當我坐低咗之後，侍應會簡單交代下落單方法(scan QR code) ，飲品同甜品放嘅地方，仲提我地可以用特別提供嘅2張紙叫咗刺身船同迷你火鍋添！
唔洗10分鐘，一隻又大又靚吧刺身船就出現係我眼前了😍
除左刺身，仲有沙律/前菜，炸物/天婦羅，料理，串燒，軍艦，款式應有盡有，等我highlight幾點款點評下先😎
和牛壽喜燒：個鍋雖然細細個，但係入邊都有好多不同食材，有和牛、雞蛋、黃芽白等等，可以過下邊爐癮🙈
燒菠蘿及芝士帶子：燒菠蘿好甜，試過食過好酸，好味到我encore咗次！另外，大部份燒物都會用呢款錫紙小兜裝住，可能要細心d先分得出邊款打邊款🤣 然而，佢d帶子都幾大粒，燒完嘅情況下仲有5蚊銀咁大，真材實料👍
燒牛舌：本身有d擔心佢燒到un，所以叫咗1份試下。點知食落口，火喉恰如其份，牛味濃郁，所以我又encore咗
haha！
花之戀：平時食果d超大舊，放題叫呢款食物可能驚搶咗quota，不過今次唔洗驚，因為佢細細舊，可以一啖食晒無有怕😜
火炙沙律燒三文魚腩壽司：作為一個三文魚控，梗係要叫呢款名物啦，沙律醬甜甜酸再加上燒過嘅三文魚腩，入口即溶🔥
網燒春卷：食落鬆弛可口，咬開一半仲出緊煙，十足十酒樓點心水平😍 小驚喜
榴槤炸彈：最後先叫呢款偽甜品，因為真係好 full，內裡榴槤蓉滿滿，十分滿足🤓
雪條櫃原來放咗係門口位附近，計埋甜筒、糯米糍同盒裝豆腐花，有超過10款選擇任君選擇，真係好難揀啊🤭🤭 如果唔係食到9成飽，真係想大叫一句：「我全都要🗣️！」
總結：呢間店鋪d waiter幾有貼心，大約過咗75分鐘左右，會提我地叫多d野食，因為電腦系統會90分鐘cut單，不過可以坐耐d傾計同食甜品。我會比90分✅
張貼
