石牆道韓國餐廳

營業中

休息中

兩年前幫襯過印象難忘，上星期收到老闆邀請來试菜，试菜菜式有：天婦羅鲜人参/人參雞湯/醬油蟹/海鲜葱餅最有印象係天婦羅鲜人參，好脆但食落甘甘地，加少少蜜糖食，成件事非常融合.

最近工作比較忙， lunch都想食好少少啦，咁啱見到有人推介呢間韓國餐廳，所以就嚟食心心念念嘅醬油蟹啦～餐廳有午市套餐，百幾蚊左右午餐來講都算合理，前菜有成十款，都幾吸引。因為我同另一個朋友想食醬油蟹，無套餐，$520/兩隻就比較貴，性價比一般，蟹唔算好大隻，同埋只跟咗一碗紫菜飯感覺就比較小氣。職員會過嚟幫手伴醬油蟹飯，但係就用咗其中三件身去拌一碗飯，感覺分贓唔勻😅😅😅味道唔錯，唔會過鹹，但偏辣，同朋友食完後，同樣表示感覺個肚都仲有啲空虛🥺…食完飯之後會送一小杯甜米水，不過真係比較甜，我地都係飲左一啖。環境就係比較舊韓式嘅裝修，空間算幾大，有兩層，午市集中喺二樓。服務就一般般啦，店內人手足夠，但店員話幫會我地拌飯之後，唔知點解去咗做啲其他嘢？（執檯之類），我地就係度請其他店員幫忙？前後都呆等咗成十分鐘…其實俾客人自己拌都可以既，已經等到好肚餓🥲總括黎講，性價比一般，未必會再幫襯～🏠店名：石牆道韓國餐廳🚘地址：尖沙咀金巴利道27-33號永利大廈地下20及22號舖

應朋友邀约去試酱油蟹，我之前未食過所以十分期待呢間係一間韓國餐廳，古色古香，醬油蟹色彩好鮮艷，D膏橙红色確實好引人，食落好有質感，啖啖鲜甜味，原來生醃咁鮮甜，吸引

我一向好少去試食，因為怕忠言逆耳，今次是因為朋友嘅多番邀請，所以才應约今次試尖沙咀一間韓菜，装修古色古香，我地呢次試左佢地嘅醬油蟹同韓燒醬油蟹size夠大隻，用母蟹，去腥技巧唔錯，令每一隻都好鮮甜，無腥味燒肉份量都足，尤其係牛肋骨夠入味，牛味濃，醃得夠味，幾香口整體唔錯，分數有4星

本人同家人一齊食生日飯！但係這間店嘅白髪服務人員（係韓國人，似老闆）非常之趕客！一來我人數好多！唔比個大少少桌比我哋12人迫咗係個八人買桌！之後吹你點菜！食物唔見得好食！服務態度非常之惡劣！白髪人員一路吹你點咩菜！12人到咗一半都冇！叫你要點好菜，等下都唔得！擾人到死！又要自己燒！無服務！重要我哋本身單菜係落四隻醬油蟹！麻煩可以分開二次上菜，因為人未到齊！佢話可以！點知到埋單！分開收費！收貴左我哋！但是事前無講清楚！到最後理倫時佢先話你分開上要分開收費！感覺極之差！真係要分享比人知唔好去食！千萬唔好中蕉

我工作係專業試菜，不徧不倚，给餐廳提供中肯意見，提升餐廳嘅食品質素，今次到訪嘅係：石牆道韓國餐廳今次试左4道菜：韓式天婦羅鲜人参>好脆，甘甘地好有鲜人參味道，加埋蜜糖食可中和番，唔錯，但要趁熱食。燒五花腩＞好香，油脂分佈30／70，啱啱好蛋包蝦>蛋酱略嫌多，但蝦唔霉都ok抽風系統不俗，唔會食到成身煙味

日本菜經常食，但韓國菜就真係第一次，今次就去尖沙咀金巴利道嘅石牆道韓國餐廳裝修古色古香有好多特價套餐燒肉份量足，有牛肋骨，五花腩，燒上黎香氣撲鼻，油脂分佈平均醬油蟹，我第一次生食，原來味道咁好，好有鮮味，同埋膏好多，非常入味

其實香港有好多韓國餐廳，但係想揾間好嘅就唔係咁易，上星期有朋友约我去尖沙咀一間韓國餐廳试食俾俾意見燒肉每一件都大小一樣，油脂比例平均，厚薄一致，燒上黎香氣四溢，好香牛味。炒鱿魚拌素麵，分量足，鱿鱼味濃配淡素麵，味道啱啱好豬牛各式其色，份量足海鲜份量徧少，但無乜雪味，燒上黎都幾有鮮味

上星期五一個人去左尖沙咀lunch,係诺士佛台附近有間韓國餐廳叫"石牆道韓國餐廳"我就走去试下我order左個泡菜炒飯Kimchi Fried Rice份量好足，泡菜味好濃，好香口，炒得夠乾身，再加頂帽(荷包蛋)，超滿足

無牛不歡嘅我，每一餐都要有牛，尤其係牛肋骨早兩日去左尖沙咀間石牆道嘆牛，叫左份鐵板牛肋骨，夠香口，好有鑊氣，牛唔韌，加埋D蒜香，attractive另韓燒有五花腩，同牛肋骨，五花腩一大條，燒上黎好香口，加埋海鹽

其實圖片已解釋一切一行七人，食到一肚氣服務態度差味道無驚喜份量不合理（見圖）其中F2 牛肉炒年糕 / F18 韓式包豬肉要貼堂*圖片只供參考* 代表作————————————首先白髮老闆娘（？）態度惡劣有朋友唔想食醬油蟹，老闆娘已經好不滿 我地立即表示想點醬油蝦 仍然黑口黑面 想我地點4隻$980 既醬油蟹有朋友對冬菇敏感，想問下d 飯/ 炒粉絲有無冬菇侍應：唔知架！可能有可能無我地：咁有既話 可唔可以盡量走左仍侍應：好忙啊！唔知有無最後梗係有冬菇啦😭😭 （見圖）最後有道菜無落單但食到一肚氣都唔想追，check單走人零個推介完。

宜家人人都話上深圳，其實香港都有好多好食肆，早兩個星期跟朋友去左一間韓國餐廳做試食，老闆娘話希望大家俾D意見餐廳保留住傳統韓國特色，陳設都採用傳統設計，木枱木櫈，先講下佢地個爐，抽風做得幾好，油煙唔大第一道菜：韓式燒鳗魚___味道唔錯，好有鱼味，加埋餐廳秘製醬汁，一绝第二道菜：韓式炒年糕___煙煙靱靱，不過略嫌淡味D，如果重味D就正第三道菜：燒牛肋骨___夠大塊，牛味濃，份量都幾足整體唔銡，值得一試

香港人放假北上，攪到香港好多餐廳生意唔好，支持唔住，上星期有朋友邀請我去一間韓國餐廳試菜，俾俾意見，支持一下本地餐廳地址：尖沙咀金巴利道，君怡酒店對面古色古香，保留傳統韓國色彩.曾經攞過優秀韓餐廳韓式雜錦煲，蝦夠大隻，仲有蜆，湯好鲜味，夠甜韓式烤鳗魚，好鲜甜，加埋餐廳秘製醬汁一齊食，確實唔錯烤肉份量足，尤其牛肋骨好大塊，而且燒上黎好有牛味，唔錯餐廳整體質量都唔錯，希望大家可以支一下本地餐廳啦

公司啱啱出左bonus,所以约埋同事食餐好，今次揀左韓菜燒肉我至愛，其中牛肋骨係必食，好大塊，燒上黎D肉汁流晒出黎，睇見夠晒juicy醬油蝦好入咭，保留到原有鲜味鮮牛肉第一次试，原來食生肉係咁入味，仲以為好腥，非常有牛味 醬油蟹就唔使講，膏多肉夠鲜甜，醃得好入味呢餐大家銀包腫漲食得超開心

服務差 老闆娘阿豬媽係間餐廳嘅敗筆 做生意唔係咁做嘅終於見識到 原來啲差評係真㗎 ！我其實已經黎過好多次，因為公司附近又近 lunch dinner 間唔中都會嚟其實都有少少懨懨地 (餐牌十年如一日 無新意)但經過今日我以後唔會再嚟！！😠首先 落單嘅時候 滿頭白髮嘅老闆娘係咁催你 啱啱坐低就不停 sell 你點啲貴嘅餸 ，醬油蟹 韓牛 韓豬 。。。。叫你點貴嘅套餐以前都會點嘅 但其實好一般，韓牛 韓豬 無乜豬味 ，牛肉有筋。。。。今日兩個人食 又唔係好肚餓，我本身係唔食醬油蟹，又無點燒肉 叫了個鍋和蒸蛋 ，個老闆娘即刻黑面 ！然後小菜以往都係食完可以refill 我地都唔係全部小菜食晒 只係薯仔嗰碟小菜食完想refill 老闆娘竟然話每碟加$10如果我第一次嚟，可能會以為真講真我都冇乜食過邊間韓國餐廳前菜係要加錢refill，我七年前開始黎呢度都係免費refill 平日lunch time 食呢度一百蚊都唔洗嘅set 都唔使加錢竟然今晚同我講要加錢？我即刻問佢幾時開始要加錢㗎？個老闆娘用啲韓文加少少英文同埋廣東話 意思話我哋點嘅餸太少 佢賺得唔夠多，所以前菜要加錢！講廣東話嘅員工話