石牆道韓國餐廳

營業中

休息中

日本菜經常食，但韓國菜就真係第一次，今次就去尖沙咀金巴利道嘅石牆道韓國餐廳裝修古色古香有好多特價套餐燒肉份量足，有牛肋骨，五花腩，燒上黎香氣撲鼻，油脂分佈平均醬油蟹，我第一次生食，原來味道咁好，好有鮮味，同埋膏好多，非常入味

其實香港有好多韓國餐廳，但係想揾間好嘅就唔係咁易，上星期有朋友约我去尖沙咀一間韓國餐廳试食俾俾意見燒肉每一件都大小一樣，油脂比例平均，厚薄一致，燒上黎香氣四溢，好香牛味。炒鱿魚拌素麵，分量足，鱿鱼味濃配淡素麵，味道啱啱好豬牛各式其色，份量足海鲜份量徧少，但無乜雪味，燒上黎都幾有鮮味

上星期五一個人去左尖沙咀lunch,係诺士佛台附近有間韓國餐廳叫"石牆道韓國餐廳"我就走去试下我order左個泡菜炒飯Kimchi Fried Rice份量好足，泡菜味好濃，好香口，炒得夠乾身，再加頂帽(荷包蛋)，超滿足

無牛不歡嘅我，每一餐都要有牛，尤其係牛肋骨早兩日去左尖沙咀間石牆道嘆牛，叫左份鐵板牛肋骨，夠香口，好有鑊氣，牛唔韌，加埋D蒜香，attractive另韓燒有五花腩，同牛肋骨，五花腩一大條，燒上黎好香口，加埋海鹽

其實圖片已解釋一切一行七人，食到一肚氣服務態度差味道無驚喜份量不合理（見圖）其中F2 牛肉炒年糕 / F18 韓式包豬肉要貼堂*圖片只供參考* 代表作————————————首先白髮老闆娘（？）態度惡劣有朋友唔想食醬油蟹，老闆娘已經好不滿 我地立即表示想點醬油蝦 仍然黑口黑面 想我地點4隻$980 既醬油蟹有朋友對冬菇敏感，想問下d 飯/ 炒粉絲有無冬菇侍應：唔知架！可能有可能無我地：咁有既話 可唔可以盡量走左仍侍應：好忙啊！唔知有無最後梗係有冬菇啦😭😭 （見圖）最後有道菜無落單但食到一肚氣都唔想追，check單走人零個推介完。

宜家人人都話上深圳，其實香港都有好多好食肆，早兩個星期跟朋友去左一間韓國餐廳做試食，老闆娘話希望大家俾D意見餐廳保留住傳統韓國特色，陳設都採用傳統設計，木枱木櫈，先講下佢地個爐，抽風做得幾好，油煙唔大第一道菜：韓式燒鳗魚___味道唔錯，好有鱼味，加埋餐廳秘製醬汁，一绝第二道菜：韓式炒年糕___煙煙靱靱，不過略嫌淡味D，如果重味D就正第三道菜：燒牛肋骨___夠大塊，牛味濃，份量都幾足整體唔銡，值得一試

香港人放假北上，攪到香港好多餐廳生意唔好，支持唔住，上星期有朋友邀請我去一間韓國餐廳試菜，俾俾意見，支持一下本地餐廳地址：尖沙咀金巴利道，君怡酒店對面古色古香，保留傳統韓國色彩.曾經攞過優秀韓餐廳韓式雜錦煲，蝦夠大隻，仲有蜆，湯好鲜味，夠甜韓式烤鳗魚，好鲜甜，加埋餐廳秘製醬汁一齊食，確實唔錯烤肉份量足，尤其牛肋骨好大塊，而且燒上黎好有牛味，唔錯餐廳整體質量都唔錯，希望大家可以支一下本地餐廳啦

公司啱啱出左bonus,所以约埋同事食餐好，今次揀左韓菜燒肉我至愛，其中牛肋骨係必食，好大塊，燒上黎D肉汁流晒出黎，睇見夠晒juicy醬油蝦好入咭，保留到原有鲜味鮮牛肉第一次试，原來食生肉係咁入味，仲以為好腥，非常有牛味 醬油蟹就唔使講，膏多肉夠鲜甜，醃得好入味呢餐大家銀包腫漲食得超開心

服務差 老闆娘阿豬媽係間餐廳嘅敗筆 做生意唔係咁做嘅終於見識到 原來啲差評係真㗎 ！我其實已經黎過好多次，因為公司附近又近 lunch dinner 間唔中都會嚟其實都有少少懨懨地 (餐牌十年如一日 無新意)但經過今日我以後唔會再嚟！！😠首先 落單嘅時候 滿頭白髮嘅老闆娘係咁催你 啱啱坐低就不停 sell 你點啲貴嘅餸 ，醬油蟹 韓牛 韓豬 。。。。叫你點貴嘅套餐以前都會點嘅 但其實好一般，韓牛 韓豬 無乜豬味 ，牛肉有筋。。。。今日兩個人食 又唔係好肚餓，我本身係唔食醬油蟹，又無點燒肉 叫了個鍋和蒸蛋 ，個老闆娘即刻黑面 ！然後小菜以往都係食完可以refill 我地都唔係全部小菜食晒 只係薯仔嗰碟小菜食完想refill 老闆娘竟然話每碟加$10如果我第一次嚟，可能會以為真講真我都冇乜食過邊間韓國餐廳前菜係要加錢refill，我七年前開始黎呢度都係免費refill 平日lunch time 食呢度一百蚊都唔洗嘅set 都唔使加錢竟然今晚同我講要加錢？我即刻問佢幾時開始要加錢㗎？個老闆娘用啲韓文加少少英文同埋廣東話 意思話我哋點嘅餸太少 佢賺得唔夠多，所以前菜要加錢！講廣東話嘅員工話

不愧是香港的韩国街，真的能找到超赞超正宗的韩料店！这家味道真滴不错不愧是韩国本地人开的。酱油蟹超赞！蟹膏好多好新鲜😋 烤肉也超好吃，老板娘亲自帮我们烤的肉，韩牛真的好牛超赞！👍

好快就過年，稔起都興奮上星期五我约左幾個friends去食韓燒慶祝考試成績理想，個日係openrice search到尖沙咀金巴利道嘅石牆道韓國餐廳，所以就去try tryOpenrice最近有個尊尚美饌，有好多優惠，大家可以用下一整條鰻魚，切開一塊塊，慢慢燒到金黃色，再加埋特製醬汁，確實超美味

朋友邀约試试韓菜，咁一定要捧場试菜地點:尖沙咀金巴利道石牆道韓國餐廳净係前菜都十幾碟，有泡菜，薯仔，青瓜，菠菜，碟碟份量少少，但味道唔錯，食完仲可以re-fill添醬油蟹，夠鮮，膏又多，真係一口一啖鮮韓牛就係韓燒必食，塊塊size 一樣，仲厚切，燒起上黎D肉汁流晒出黎，同埋牛味好濃蝦都算大隻抄魷魚加素麵，呢款幾有特色，魷魚濃味配素麵中和番，啱啱好，魷魚爽配素麵別有一番風味整體味道幾好，值得一试

聖誕節既中午黎食午餐，人唔多，環境闊落，被安排上2樓坐。有前菜供應，我地叫左無骨牛肋條 ($180)，牛肩裏條 ($250)同調味豬扒 ($180)，店員有幫忙燒肉類，有禮貌得黎又非常有效率地幫我地燒，但係冇同我哋講邊款係牛肋條邊款係牛肩裏條，快速幫我地燒好，好似好趕時間咁，我哋都未食完就想繼續燒，要叫佢轉頭先燒佢先停手😅牛既肉味唔重，亦無咩醃料味，如果唔靠調味料應該冇咩味，肉質都唔係特別好食，份量一般，呢個價錢唔太值。另外叫左生菜 ($70) 配肉類，配埋一齊食都唔覺得特別好食。叫左個泡菜餅 ($130) 同冷麵 ($100)，泡菜餅冇乜泡菜味，唔點汁又係好似冇乜特別咁，冷麵反而ok，麵質幾煙韌，如果酸啲仲好味啲。到我哋食完啲肉，店員好匆忙咁問我哋仲燒唔燒，佢要幫我哋收起個爐，唔知以為好多客等緊，但係其實成間鋪都冇乜人，好似趕我地走咁

今日服務員態度差到……無下次….以前都有黎呢間食過幾次，都未試過好似今次咁…人到吾齊，仲要叫人叫番原本人數既食物仲要連小菜都吾俾添，催左幾次先話添小菜要加錢才有。咁一早講嘛⋯⋯吾係我叫完行開左就算囉

天氣真係開始凍，所以一班Friend约埋去食韓燒，韓牛真係超好食，唔會韌仲好有牛味；另外有款炸蝦餅，仲幾香口；重點介紹係鲜人參燉雞湯，食完成個人暖笠笠，原隻雞肉，輕輕拆開巳食到D雞肉，唔會靱，好香雞味，