皇室甜品 (眾安街)

營業中

休息中

芒果河粉撈 $30芒果本身身夠熟，好香甜。但椰汁味粉條好淡口。撈咗芒果汁底後完全無半點椰汁味。落太多糖做芒果汁底。而且太過凍。芒果汁底有一點點結冰。紅豆相思 $30材料: 雲呢拿椰汁+仙草凍+紅豆+芋圓+西米芋圓蕃薯圓都係供應商貨色。非常淡。雲呢拿椰汁底幾香。紅豆份量太少。環境其實幾好。地方幾闊落。價錢亦都合理。但出品部同樓面全部都係年輕人。全部大聲講笑，完全無視食客。當然更不用要求要有任何禮貌。

這店名為皇室甜品，佈置方面以典雅為主，牆壁掛了不少以宮廷為主題的壁畫，座位的空間不會過密，甜品款式選擇多，以不同的主題分類，今次嘗試了貴族之選系列中的榴槤公主及心太軟。榴槤公主底層是奶凍，表層佈滿榴槤蓉及焦糖布甸，榴槤蓉量多絕不輕手，加上甜度恰好的焦糖布甸，不論口感及味覺都留有層次，一直吃下去都不會感到膩。此外，心太軟焗得剛剛好，蛋糕份量十足，皮薄而流心朱古力溶漿頗多，切開時看著暖笠笠的朱古力溶漿緩緩流出來，是件賞心樂事!士多啤梨及雲呢拿雪糕味道適中，一冷一熱混合起來，無論視覺或味道都感到大滿足!

拜年晚飯唔夠飽 想起荃灣有糖水鋪 打去竟然有開 即去填肚整體糖水都唔錯 但新年加10% 服務費 甜品比出面無咁甜 啲樣係我欣賞嘅 始終我唔係一個中意食甜品嘅人 呢啲口味好啱我價錢方面對得住質素啦 好過去食滿記咁悶啦

榴槤公主與餐牌相片落差很大，向這小廝查詢，得到極不禮貌對待，還說：「係咁㗎啦⋯⋯」；還説：「你有無食過，味道有無問題？如沒有問題，相片與實物是不符的。」之後，便忽袖而去，頭也不回，好似係客人唔啱。今時今日咁樣的服務態度👎😡

今日約咗朋友喺荃灣食完飯而又未仲想繼續搵地方坐低吹水，最理想嘅做法當然係搵間糖水鋪繼續食繼續吹水老婆之前食過而家〈皇室甜品〉覺得唔錯所以提議再來。可以選嘅項目非常之多！直情有種眼花繚亂嘅感覺要諗食乜都相當費力食個糖水啫，雖然有得揀係好事。但有咁多頁好似睇極都睇唔完又好似真係太多選擇喎。淨係芒果類都成版！老婆接近諗左十分鐘先諗得到食物好。我就唔理佢喇！我揀咗耶皇雙丸。顧名思義就係椰皇燉蛋白同埋兩種口感q彈的丸類甜品，有芋圓同小丸子。椰皇好清潤而且甜度適中，而雙丸亦都煮得啱啱熟透，口感q彈不黏牙。唯獨是地方就真係比較迫左少少，想坐得舒服啲吹下水都唔可以坐得耐，但係明白嘅！做生意既都想做多幾輪客的嘛

飯後甜品係一種港人的飲文化, 多數和三五知己飯聚後有感意猶未盡的指定環節。對荃灣人生路不熟, 所以朋友介紹來到這間皇室甜品。餐牌令人花多眼亂, 款式太多有時都令人幾煩惱。懷舊中式甜品－糖不甩, 炒花生不夠香脆, 湯丸稍為黏牙。始終不及正宗的中式甜品店。綠茶雪榚與紅豆是天生一對的, 好味。正宗芝麻糊控, 味道上如果可以再多點芝麻原有的香味會更好。價錢稍貴。芝麻糊做得最出色必數東大街的大良八記, 但已易手, 味道也保持不了。

星期六晚飯聚後，當然要以甜品畫上一個完美的句號了。💗朋友的誠意推介。👍🏼座位比較逼，加上星期六晚人較多，坐得比較辛苦。😥芒果雙丸：雙丸是指芋丸及小丸子，兩者非常煙韌，可惜當日芒果不算是太新鮮，加上有點酸酸的，有進步空間。🤔天使之戀：其實就是芒果拿破崙，酥皮層層有致地重疊著，入口酥香酥脆，加上香濃的牛油香味，配合酸甜度剛好的芒果，一口吃下已經是幸福感滿溢。😍宇治金時：煙韌的白玉、甘香的綠茶🍵雪糕、甜軟的日本紅豆和入口綿密的綿綿冰🍧，對於不嗜甜和綠茶控的我絕對是首選👍🏼。椰王燉蛋白雙丸：椰王🥥清甜、蛋白🥚幼滑、芋丸煙韌、流沙的芝麻湯丸，配合得天衣無縫！糖不甩：入口酥滑香甜，完全不會覺得膩，不過對比以上各款，相對就有點失色了😅。總結：作為甜品店，選擇的確很多，絕對能滿足任何食客的要求。可惜服務態度有待改善，雖然明白有時候太忙真的會讓人感煩燥，但真的沒有必要把壞情緒發洩在客人身上🙄。

我的食品是團購甜品套餐，十分滿意，窩夫甜味適中和香脆，雪糕紅豆冰用忌廉奶沖調，很香滑，合桃糊，味道濃厚，員工服務態度很好，環境寬敞，佈局歐陸，坐得舒服，希望大家可以試試

女仕第一個胃醫飽當然要安慰第二個胃，行過荃灣眾安街，見有一間門面都不錯便入內試試，店內員工招呼不錯，餐牌清楚介紹每樣甜品的用料，製成品全部用料都齊，味道不錯，可能地方比較靜價錢公道，值得一試再試

哥哥生日，在酒樓吃過晚飯後，大家依然意猶未盡，所以我們便決定到車站附近的甜品店作最後衝刺。▼說真的，要不是在車站附近，我真的不會發現這裡有一間甜品店，上網查看後發現除了荃灣，原來其他地區都有分店。 ▼甜品種類算多，一般中西甜品，棉棉冰及窩夫均有提供！餐牌上有一點很喜歡的是有註明甜品的材料，非常清晰。 由於只想淺嚐一下，我們4個人共點了兩個甜品Share。 ▼龍珠二世 ($33) 名字非常有氣勢，腦內馬上迴盪著小時候常聽到的「撒亞人生於這個地方稱呼叫悟空」…（年齡被發現了，哈哈）甜品內有龍眼、芒果、雪糕、水晶珠和黑珍珠，材料分量適中，整體來說不算太甜。 ▼宇治金時 ($35) 內有日本宇治茶、日本紅豆、白玉、單球雪糕、雪花冰，賣相很好，一上桌大家都忍不住相機食先！雪花冰比想像中更幼滑棉密，配上紅豆和綠茶雪糕，效果很好！白玉也很煙韌，但感覺還是許留山的更有口感。 小總結：很多人到荃灣吃甜品，可能只會停留於路德圍一帶，但其實位於飲食大廈大鴻輝附近的皇室甜品也是一個選擇！味道中等，價錢合理，非常適合飯後談心。

食完飯同朋友傾多陣，睇下附近有咩地方可以坐下，見到呢間甜品店，一於入去試下啦睇睇menu，都有幾多選擇，鐘意食芒果既我當然揀返芒果甜品啦價錢都唔算貴，最緊要係呢邊冇乜糖水舖，咁既價錢，都ok架！

剛剛吃完大排檔, 心思思想食甜品, 行過見到呢間裝修唔錯就行入去, 叫左白雪黃金卷同榴槤公主, 賣相唔錯, 先試白雪黃金卷, 白雪雪之餘仲有D芒果沙金鋪面 ,一吉落去原來師傅幫你切開左,可以一啖一件, 食落去唔算太甜, 幾有芒果味, 個皮都好滑. 榴槤公主就好夠榴槤味, 份量十足, 但下邊奶凍食落似豆腐花,略為失色去個時9點幾,人流唔多, 環境都幾靜, 好岩同朋友住坐吹下水, 值得再試

平時去荃灣食糖水不外乎係海壩街果幾間, 今次夜晚係眾安街附近, 搵到呢間皇室甜品, 原來就係九龍城果間既分店, 夜晚8點左右仲未係好多人, 所以就唔洗等位餐牌有2大頁, 款式都幾多, 有傳統中式糖水/窩夫/椰皇/台式仙草/綿綿冰/芒果類甜品等等, 任君選擇!芒果河粉撈($30):價錢都幾抵, 我估平時既芒果河粉應該唔止呢個價, 正值夏天, 芒果都幾甜, 河粉又爽口同埋都幾多, 個芒果汁唔會死甜而係非常fresh, 正 紅豆相思($30):台式芋圓紅豆仙草. 個糖水好甜好好味, 芋圓彈牙得黎都有味道, 不錯!

士多啤梨沙冰，夠大份，一個人食唔晒！士多啤梨奶凍，個雪糕球幾大，有一粒士多啤梨切碎伴碟，好大方！環境好靚，但好大冷氣，食完仲凍！另外個廁所，讚！夠乾淨！可能仲早，人唔多！晏啲唔知情況但廁所個門簾起晒黑色霉點，唔想掂！但唔揭開門簾又入唔到去！希望店方儘快換左佢！

夏日炎炎，在街上行到累了，在甜品店抖抖腳再出發實在一大樂事。🍩比利時窩夫 (7/10)士多啤梨不酸帶甜再配士多啤梨雪糕，很是不錯！窩夫十分鬆脆，配以吉士，略嫌吉士味道有點不夠。🍧芒果黑馬皇子 (6/10)配料有芒果，龍眼，水晶珠，黑珍珠。芒果不酸，龍眼十分清甜新鮮！各樣配料也足，可惜水晶珠有點不新鮮，而且配以冰底，有些過凍。🍧鮮雜果涼粉 (6/10)穩穩陣陣的鮮雜果涼粉，份量足夠，有冰底的淡奶在底，但覺得再配以淡奶更好。(上: 黑馬皇子 / 下: 鮮雜果涼粉 )🍹西瓜汁 (5/10)是日椰皇水售罄，叫了杯西瓜汁，消消暑，可是味道有點太甜了。