皇室甜品 (眾安街)

Went to Tsuen Wan with my family to find my cousin and we had late-night dessert tgt..I ordered In Love With City (HKD43), which consisted of chocolate pudding, chocolate ice cream and banana. Sprinkled with chocolate sauce, the pudding was milky and smooth and with rich chocolate flavour, without being overly sweet. The banana added more texture to the dessert. My cousin ordered Mango Bubble Ice Cream Waffle (HKD39). The mango and cream were enveloped by the waffle, and the waffle was quite crunchy. My mom ordered Mini Mochi in Ginger Soup (HKD25), which came with six pieces. My dad ordered Mango Smoothie (HKD35), which was quite refreshing. .We visited here based on some locals' recommendation, when we were lost, trying to find a dessert shop. It stays open till 02:00 am, making it a good spot to hang out late with friends. The shop was slightly noisy though, so we needed to talk louder. …ดูเพิ่มเติม

見到呢間甜品店嘅款式有好多，入咗去試一試。🍽️一打開餐牌，見到好多都想試💕千挑萬選之下揀咗呢個有椰汁河粉、芋圓同埋雪糕嘅配搭。呢度嘅雪糕好有質素，係有層次嘅雪糕口味，本身只係得一球芋頭雪糕，但因為我哋兩個人share，所以加多左一球曲奇雪糕，絕對係明智嘅選擇，兩款雪糕口味都非常好。🍨🍨🍨杯入邊嘅椰汁係有冰嘅，所以唔使擔心啲嘢好快溶，全部食材都好食。😋😋下次有機會再試吓其他款式啦。👍…ดูเพิ่มเติม

晚上食完飯，經過荃灣眾安街皇室甜品，見到個Menu賣相都好吸引，咁食完飯再食甜品係充滿滿足感的環境就不算好優雅亦都唔係好安靜，可能因為街坊生意，所以入邊都比較嘈雜我哋叫咗雜果冰水果🥝都好新鮮，賣相也不差，但就驚喜不太大士多啤梨冰沙面頭就士多啤梨碎粒＆士多啤梨醬小小嘅雜果醬同埋有椰果＆波波珠＆啫喱近排嘅天氣都比較熱，所以我哋都揀咗有沙冰的甜品，沙冰的甜品🍧係比較爽的，好適合而家嘅天氣不過都會再考慮冬天嘅時候，試吓熱的甜品。…ดูเพิ่มเติม

1. 杏仁糊用粉開，特登問係咪即磨，又話係唔信可以參觀廚房，點知…..2. 芋圓硬到石頭咁硬，同埋冇味3. 芒果低嘅糖水得芒果有芒果味，嗰糖水超淡芒果味4. 問服務員攞PIN 攞coupon 可以唔問過當事人，直接拎走當事人部手機，咁完PIN 又好粗魯咁擺低部電話，有聲嗰種，仲冇同當事人講可以攞返，就咁擺係張檯到…ดูเพิ่มเติม

一直都行過路過都有留意呢間糖水鋪， 次次都見唔多人！ 所以唔敢入，今晚鬼咁凍 唸住試下啦， 一試就知好後悔！好後悔，厚後悔…. 係好L後悔 （ 曬咗食甜品嘅quota） 熱合桃露- 合桃粉未溶得曬都算..居然唔熱薑汁小丸子- 唔辣都算.. 冇薑味 係冇薑味 又係唔熱！ 兩樣嘢連個碗都唔熱！ 同滾水小丸子冇分別， 而且小丸子內心係凍嘅… 我重新一點， 我係要熱嘅糖水啊， 咁凍嘅天氣，我係要熱食啊！ （見廚房有電磁爐啊）$6x 咁嘅質素 好中伏 冇下次 唔推介！ …ดูเพิ่มเติม

用咗openrice 咁多年 第一次留comment 就係為咗警世 各位千祈唔好食呢間野 難食到爆 未試過食咁難食嘅糖水 外賣到第一眼見到兜野都feel到伏伏地 芒果河粉 楊枝甘露個底汁完全無芒果味 個汁係用甜到爆嘅糖水開出黎嘅沙冰 河粉唔知食緊乜 楊枝甘露入面嘅配料9唔搭8 擺埋啲椰果呀 奇怪硬膠珠入去 又無花奶又無西米 2碗芒果糖水陣味一模一樣 一樣咁難食 純粹配料唔同 都唔知自己食緊乜 好難食 貼錢送比我都唔會食🤢食一次即刻blacklist…ดูเพิ่มเติม

食完正餐過嚟食下糖水，近近哋去咗皇室甜品，呢間甜品舖都有咗好多年，正式幾時開業就唔知，不過十年八載都應該有。一入去，店員就叫你坐右手邊卡位，ok啦，其實仲係飯市，食糖水嘅人都偏少嘅。睇咗好耐餐牌都唔知叫咩好，因為店內好暗，張餐牌又好污糟，搞到好似款款糖水都唔多吸引😂⭐香蕉船配三球雪糕最後揀咗個香蕉船，因為自己本身想食雪糕，而雪糕就揀咗曲奇、朱古力同香芋三款口味。個樣望落去都唔錯呀，一條蕉切半，放咗三個雪糕球，上面唧咗幾pat cream，味道正常囉，就係雪糕啫。⭐龍珠二世朋友叫呢個龍珠二世，有龍眼、芒果、水晶珠同黑珍珠，可能係因為有兩種珠所以叫龍珠二世掛，如果唔係我都唔知呢個名有乜關係😂一個唔甜嘅甜品，下層嘅芒果醬唔知點解有少少苦味添。甜品水準一般，但出餐極快，一落單已經喺你檯面出現。可能係店內比較黑嘅關係，又唔係好夠冷氣濕濕熱熱咁，坐坐下仲覺得畀蝨咬又痕又痛😂而且店內真係好嘈，一間細舖竟然數到有12個員工，廚房四個樓面五個，仲有幾個喺廚房內部貌似係清潔工，淨係店員傾計都已經嘈到你聽唔到其他聲音…最後快快脆脆食完就走咗，前後都係食咗20分鐘左右。呢個價錢，呢個賣相，再加上店內嘅環境，我就冇下次啦👋…ดูเพิ่มเติม

15-2-2024夜晚11點叫甜品外賣，叫左一個椰汁燉雪燕+芒果河粉及一個榴槤皇后大概11點50外賣送到，一打開聞到陣好重既杏仁味，就打電話到去查詢對話內容如下：我：我剛剛叫左外賣，一個係椰汁燉雪燕+芒果河粉，同埋一個榴槤皇后，但係我聞到(椰汁燉雪燕)好大陣杏仁味，我想問會唔會搞錯左女店員：你既單號碼係幾多，幫你睇睇我：2XXX女店員：可能係廚房搞錯左，剛剛好繁忙我：咁可唔可以換過一個送過黎女店員：唔可以wor，退錢啦，咁都無辦法我，下，無辦法，你自己搞錯左話無辦法女店員：係呀…無辦法試問係唔係真係無辦法呢？其實送外賣又唔駛你送，只係要求廚房做過新既就可以依家d服務咁差，難怪香港人都唔想係港消費…ดูเพิ่มเติม

14-10-2023（六）係荃灣食完晚飯，上OpenRice睇吓邊度有甜品食，點知行行吓就見到呢間甜品店，見到好多人食，就諗都唔諗就入去。叫咗一個芋圓小丸子芒果，一個雪燕燉杏汁，一個芒果味雞蛋仔走cream。1.雪燕燉杏汁有陣怪味，口感結塌塌，好似口水鼻涕咁。我以為自己味覺有問題，再比我仔食，佢話係臭嘅，即刻嘔返出嚟。2.芒果味雞蛋仔走cream，黎都係黑色嘅，以為係朱古力味，點知一食係燶味，然後我問個店員佢話係咁樣嘅，因為有啲人鍾意食燶啲，如果想冇咁燶要落單之前講。 然後佢話正常，我都費事人哋再換過，然後我上去OpenRice睇，點解人哋係正常嘅色？我嗰個係深啡色，我都係覺得唔對路，我再問另一個店員，佢見到咁既色就幫我換過佢，仲話重新整過要等10幾分鐘，點知3分鐘之後到咗。健康顏色正正常常，諗住有得食，但係見到加埋cream俾我，我都費事要麻煩人，自己不走咗啲cream，諗住一食個雞蛋仔，個雞蛋仔凍嘅，淋嘅，好似成個海綿咁，擺咗好耐啲感覺。我再搵返幫我換嗰個店員。佢話星期六日多人，佢整完放喺度吹凍，係啱啱整好，我就俾佢睇，我話你睇吓成個海綿玩具咁，完全食唔到。佢仲叫我換窩夫，我都怕佢加料，叫佢退錢算。3.芋圓小丸子芒果最正常…ดูเพิ่มเติม

睇餐牌啲相賣相好似幾吸引咁，叫左一個叫「少女時代（乳酪）」嘅甜品（見到「乳酪」呢兩個字嘅時候有少少疑惑，不過照嗌左）。幅圖個樣似鮮芋仙嗰種牛奶冰咁，配料影出黎見到嘅有紅豆同白玉丸子。點知黎到就覺得唔對路，配料除左紅豆同白玉丸子，竟然係一堆彩色啫喱⋯再食落口就知出事，個冰真係益力多咁嘅味仲要勁淡，完全唔係牛奶冰嗰回事。紅豆就好明顯係糖水罐頭，但已經係全碟最好食嗰樣，丸子又硬又無味唔知雪左幾耐，亦都無其他花生/仙草嘅料。從來無諗過自己有一日會因為覺得難食而寫食評，相都無影，真係可一不可再🙈環境表面睇落就無咩問題嘅，不過我坐喺佢個魚缸隔離，見到佢養隻龜個頭同殼都好似有少少霉咁，我估老闆對衛生嘅要求就未必好高🙈…ดูเพิ่มเติม

荃灣甜品不嬲都出名，今次經過見到一間皇室甜品，一於試一試係咪都高水平，望一望個餐牌，價錢都唔係經濟，點咗一個芒果班戟，芝麻糊同埋椰皇燉蛋白雙丸，堂食位置不寬敞，只好外賣回家。回到家裏滿心歡喜期待，誰不知。。。。。誰偷走了我的蛋白？明明寫住係燉蛋白，但只有椰汁？打去舖頭詢問，舖頭聲稱蛋白在底層，我就倒晒出黎，眼見底層毫無蛋白，而且不斷找尋蛋白（如圖），只有見到稀釋的椰汁，沒有任何固體蛋白，好失望！應該改名叫椰汁燉雙丸，沒有燉蛋白，請不要加上燉蛋白在名稱上！拎落去更換，店舖亦毫無悔意，不願更換。。唉！以為芝麻糊沒有出錯的機會，點知都係淡而無味。。。點解呢間垃圾仲有人食。。。只係希望唔好再有下一個受害人。。。食到呢間垃圾糖水店！…ดูเพิ่มเติม

明明寫住營業時間到01：00，未夠12：00入去坐低，前後都仲有幾枱客，睇完餐牌叫嘢食 啲員工就掛住吹水，叫極冇反應甜品未上已經見到佢哋開始清場收櫈，個阿姐開咗桶清潔劑抹枱，居然就帶住佢嗰對清潔用緊嘅黑色膠手套岀甜品俾我哋！轉頭就係隔離掃地 , 掃把係咁隊埋嚟，直頭掃到我哋隻腳！食個甜品食埋塵？完全冇理過啲客講真咁細個場要清幾耐呀？係咁趕收工就早講截咗單唔好接客啦！嬲到即走 冇啲衛生常識！ 真係離曬譜！ 以後唔會再去！…ดูเพิ่มเติม

📍 皇室甜品🗓️ 17 August 2023之前喺皇室甜品食過好幾次芒果類嘅甜品，都覺得唔好食。鋪頭我唯一會食嘅就係熱紫米露，價錢係26幾蚊左右，而且質素我覺得OK。冇食一排，今日再去買咗紫米露食，點知味道都失準。食落去冇乜味，只有奶味，懷疑係落得太多花奶/椰奶。真係非常失望，連唯一我覺得可以開接受嘅甜品都失手。不過經常都見到呢間甜品舖人流不斷，唔知會唔會係佢嘅其他甜品係好出色。如果我再有需要食呢間，可能我會試吓佢嘅Waffle。…ดูเพิ่มเติม

【荃灣區】【皇室甜品】又係一間食咗好多次嘅餐廳，自從喺美國返嚟之後我係跑少咗好多十八區餐廳。又或者咁講，我係根本冇跑，一味慢活人生，感受退休生活，日日除咗宅喺屋企就係返工。所以，呢啲真係好「倉底」嘅體驗都要被我搬出嚟用。不過又咁講，間嘢都唔差嘅，而且附近選擇又唔多，我抽兩次嘅用餐體驗出嚟講吓啦。第一次想講嘅係我自己去食嘅，首先係 $56 嘅「原盅椰皇燉蛋白雙丸」，所謂雙丸即係芝麻湯丸同埋芋圓，有得揀凍或者熱，我揀凍。佢味道唔差啦，正正常常，價錢亦都合理，冇咩好挑剔亦都冇咩特別要抽出嚟講。反而之後買咗杯 $10 嘅「椰皇水」清清哋幾好飲，女性唔係處於經期嘅話不妨試吓。我食嗰時埋單係 $66，據我所知好似加過價，大家留意。點解我會知佢加咗價因為我之後都有再 keep 住去嘛，咁跟住想講一次同朋友去食嘅，佢叫咗個 $40 嘅「有丸相聚」，有芋丸、香芋雪糕、小丸子、仙草凍，佢都冇乜感覺，四草嘢，一分錢一分貨，正正常常我覺得就可以啦。我自己諗唔到食乜，叫咗個都係 $40 嘅「香蕉船配三球雪糕」，雪糕可以揀三隻味，我揀咗香芋、曲奇同埋綠茶。味道唔差啦，香蕉船呢啲相對穩陣嘅甜品，一般都唔會有咩大甩漏嘅，兩個人夾埋咁樣 $80，我冇意見。。。（地址：荃灣眾安街118號地舖）#1amfoodie #foodie #hkfoodie #thatfoodiething #delicious #foodies #tasty #globaleats #tastyfood #foodpics #followforfollowback #love #eat #1am荃灣區 #荃灣 #皇室甜品 #royaldessert #原盅椰皇燉蛋白雙丸 #椰皇水 #有丸相聚 #芋丸 #香芋雪糕 #小丸子 #仙草凍 #香蕉船配三球雪糕 #1am0923 #1ambackup…ดูเพิ่มเติม

今日週末，經過哩間甜品店，打算同屋企人食個甜品，開心下。遇到一個中年婦女店員，服務態度真係頂唔順，我係客，我自問遇事都溫順寬容，你唔使用指責的態度來講嘢（雖然好似得你一個人做野）。為左減少你的工作量，我地唔會再來。…ดูเพิ่มเติม