皇室甜品 (眾安街)

營業中

休息中

朋友話呢間甜品店幾好食，所以我上星期都同朋友特意去呢間試下😋 我叫咗榴槤班戟黎食😍😍幾有水準😋好有榴槤味，我朋友就叫咗北海道牛奶燉蛋白，佢話好滑好好食😍😍整體感覺都幾唔錯下次再試下其他款式既食物😋

荃灣甜品店很多，這間比較近我，而且吃過咁多次質素都不錯。食開有感情，老婆經常要我買外賣添。紅棗雪蓮子燉桃膠，入夜天氣凍凍地，都係吃返個熱嘅，加上年紀開始大，追求好味之外，都要吃返啲補下，甜甜地，又不漏。 紅棗、杞子、桂圓，這幾樣都帶有小小清甜味，配合得很好，桃膠就無咩味，都係靠之前幾樣來帶出味道，桂圓爽爽地，桃膠腍腍地，多種不同口感享受。裝修都幾靚，沙發座位為主，坐得都舒服。係收唔到電話差小小，很快忍唔住要走😅

之前都食過這間的刨冰講真真係好一般，但附近又冇糖水店，而且仲要不用等位就可以入去，所以今次在附近食完晚餐都諗吾到去那裡之下再來試試這間熱甜品。入到去音樂都幾嘈，幸好之後收聲返少少，因為之前中伏關係，今次就只叫熱甜品，芋丸是限定就叫一個蕃薯芋丸糖水$28，沒想到芋丸好林身又冇味有口冇口感失望(好彩另一個糖水沒有加$8-10來要芋丸)，而我就叫了個腐竹蛋薏米糖水，整體不甜不錯，入面仲有不少薏米和蓮子都有驚喜足料，比心目中好。下次會再來都會吃熱食最好。

平時有食開依間糖水鋪 覺得佢椰皇雙丸好好味，所以keep住有介紹家人朋友黎食。但今天有一個長裙女收銀員態度超差😢當時全間店得一張檯有客，我對她叫了碗糖水講明堂食嘅唔該，佢就態度超差地回答：堂食嘅咁你坐低先叫啦🙄。 其實當時全間店係得一張檯有人坐，我明白可能要mark 檯號等原因，坐低先叫會較合乎程序，但我本意都係唔想麻煩收銀員行多轉入黎，Mark完單又行番出去入單而已，需唔需要態度咁差...當我坐低咗之後，過咗幾分鐘，她走了過來掟咗張單俾我，大家無睇咗，佢真係成張單掟過黎😨|| 最後，無論係上糖水同埋收銀時佢都係全情黑面，一句唔該/多謝哂都無。Um.... 真係好耐未遇過態度咁差嘅店員😭😭不過，講句公道話，糖水係好味嘅。😋😋但如果老闆看到此留言，又或者該名收銀員就係老闆娘嘅話，我想講句：做甜品生意要講心架，食碗糖水都受你氣，唉，你地服務態度方面要比心機啦！💪🏻

食完晚飯當然要食飯後甜品 同朋友行行下經過呢間甜品店見裝修幾靚就行咗入去叫野食，我地一行4個人叫咗熱嘅蛋白燉鮮奶，酒釀湯圓同埋腐竹蓮子薏米蛋同埋凍嘅楊枝甘露先講吓我叫嘅蛋白燉鮮奶，食落去好滑幾香奶味，都ok好食，但就略為甜左小小而朋友叫嘅酒釀湯丸好淋好煙靭，湯丸係芝麻餡嚟， 食落去有酒香而且好暖胃， 好啱冬天食楊枝甘露朋友話料好足，味濃果香，啖啖芒果肉，朋友話有好多透明一粒粒嘅食落口感似食緊三文魚子嘅幾有咬口

2018' 臨近尾聲，叫了—碗綠豆沙外賣，等候時再看看門口歺牌，發覺有生磨合桃糊，於是問侍應如果未做的話，可否轉為合桃糊，如果弄了，就不需轉了，我也不想麻煩到厨房同事，侍應禮貌地説幇我轉換，於是我就站在門外，吃着冷風地等，時間—分—秒過去，過了20分鐘，見着在我後面叫外賣的客人，已陸續收到外賣，我便問侍應姐姐幫忙追—下order, 她説因我轉了order, 要重新"煮"過—碗, OK, that's fine. 繼續等，隨後見別的最單外賣都做起了，我這—碗真是即磨需時嗎？亦因路边太冷，没耐性再等，於是到counter説外賣不要了，侍應即幫忙追單，剛巧就弄出来了，當時已是等了近30分鐘，佳節繁忙，亦體諒人手不足的情况。結果，回到家—打开碗蓋，已聞到—陣油益味，試了一口，即時想嘔，確是又油又益的味道，而且糊內是很多粒狀粉槳，menu 明明寫着生磨還是即磨的？這個只似是即冲粉糊，算是不符合商品説明條例嗎？是我食過最難食的合桃糊，日X美味寶都比這出品有誠意。當然，很生氣！但不是因花費$26，食住冷風等了近半小时，而是這餐店沒誠意的食品，以後都是去回鴻X記好，㡬好的服务也不及用心做好每款食品的

今天一行六人在荃灣食完晚飯，見app話有買一送人，就行去試試，去到問又話已經冇優惠，叫我地問app啦，完全冇責任感，如果佢明知已冇優惠，應該主动聯絡叫人地摧剷走咪再登，可能係想誤導顧客去幫趁，真係激鬼氣！一場來到算數照食，但食物水準好一般，抹茶雪糕完全冇抹茶味，失敗！杏仁露似開粉做的，失敗！冇下次了！

番完老豆度食飯之後,我提議阿肥不如試下一齊行高速天橋落大窩口再穿過去荃灣搵甜品食,順便當散吓步啦~結果行吓行吓,原來同荃興徑嗰邊都有一段距離,所以阿肥就話帶我去一間比較就腳嘅,喺眾安街嘅地舖"皇室甜品",佢話佢幾年前同同事收咗工食過都唔錯,我記得我都好似食過九龍城分店吖~入到裡面嘅第一感覺就係地方比九龍城嗰間大好多,所以坐得比較寬敞舒服啲,睇睇menu都一樣新派舊式任君選擇,芒果控嘅阿肥又叫咗碗<白雪公主>,而我就俾芋圓嘅魅力而吸引咗,嗌咗呢碗<紅豆相思>happy吓紅豆相思($30蚊)：紅豆加上芋圓呢個組合基本上都迎合我嘅心意,再加上有雲呢嗱mix椰汁作為"湯底",味道確實唔錯,而另外竟然會仲有台式仙草凍混入其中,感覺糖水之中再加一份清熱作用,唯一美中不足就係裡面有我最唔鍾意嘅西米如果下次我再叫呢款嘅話我一定會厚住面皮問佢可唔可以走西米白雪公主($32蚊)：阿肥之所以食過翻尋味嘅原因就係佢有齊椰汁粉條+芒果+芒果雪糕呢三項無敵得寵食材,佢仲猛咁叫我試下啲椰汁粉條啦因為佢覺得整到好似河粉形狀咁,口感好得意同椰汁味都幾濃。

之前試過九龍城的還不錯，今次經過荃灣店，就進去嚐一下。座位挺多，店員本來讓我們坐在門口附近的位子，但太悶熱了，就轉個位置。點了份芒果小丸子和木桶豆腐花。豆腐花算滑，但豆味不太夠味。芒果小丸子，小丸子有點太稔。看到班戟，也點了，忌廉不算太甜，芒果也算甜，班戟皮也薄，不錯！但這裡電話實在收得太差了！

夜晚行開附近，去咗呢間甜品舖食， 一入到去覺得環境都幾靚，唔使等位直接入得😊我同老公叫咗北海道牛奶燉蛋白，白雪黃金卷 同埋榴槤pancake😋 北海道牛奶燉蛋白好香好滑， 白雪黃金卷裏面係芒果，都好甜😋 榴槤pancake 好重榴槤味，正呀👍👍👍食完都覺得好滿足😍 下次會再幫襯

朋友男友"小熊維利"萬歲食晚餐, 我地禮尚往來, 請他們請甜品。  甜品由細到大, 小朋友, 中朋友, 大朋友都會喜歡食, 簡直不會抗拒的了 月:  這個甜品, 食左我好耐, 因為每樣食材都要慢慢咬及慢愎品嚐, 有龍眼肉, 西柚, 芒果肉及粒粒....很豐富。 一路傾偈, 一路食, 都好抵......情侶們可以考慮品嚐一下, 俾機會你地對另一半耐點......星空: 很超眼的芒果味的雪糕球, 又有紫米, 解暑之外, 有暖胃感, 中和一下寒底之氣, 不錯之選。腐竹雞蛋糖水 : 小熊維利口評隃說一般, 始終唔係中甜店, 主力放在西點上, 難免有一蒼落差的了。吐司金磚: 買相及吸晴力度非常高的, 一男一女分享食; 真的很適合二人食, 情侶的, 兩友好知己, 好適合選擇。糖不甩:  糯米加上甜甜的花生, 輸不了, 好好食。糖不甩: 好正宗, 一人一粒, 真係叫一碟係唔夠; 嬴了, 下次要落柯打叫食。 總的說, 店內冷氣有點凍, 不過讓人坐的舒服, 店內裝潢有點舊。 

不嬲都鍾意食甜品嘅我 ，同朋友食完晚餐就當然要食甜品啦 。但係荃灣嘅甜品舖其實不是十分之多 ，今次就去咗一間皇室甜品 ，入到去都見到唔少人喺度食緊甜品。餐牌都算唔錯多選擇，今次我們就每人嗌咗一個甜品一起吃 。芒果腸粉，芒果味偏少，但係很好腸粉嘅椰汁皮感覺都算滑 ，挽回不少分數 。之後另外一個甜品 ，抹茶紅豆 ，抹茶雪糕比較假，紅豆唔夠大粒，同唔夠淋身，味道一般 。白玉好硬 ，刨冰反而係成個甜品比較好食嘅地方，有抹茶味但係唔算十分之甜 ，整體嚟講只屬普通，如果這個價錢在其他不同的甜品店還有其他更多選擇。

話說今日同fd打完波 之後想食甜品 個fd就介紹左哩間甜品 見到個價錢夠平 就叫左個天使之戀 一黎到真係好大份 好好食 唔錯 所以下次一定會再同朋友系哩到食野 試其他既產品 值得推薦

飯後緊係要去食下甜品先滿足啦 一入到去呢間甜品店, 雖然食甜品一向都唔係年青人嘅專利, 但甜品店裡有一半都係上左年紀嘅男客人｡Menu 上嘅甜品種類非常多, 有中式糖水、椰皇類、刨冰類、芒果類、窩夫類 … 等等｡紅豆相思芋圓控嘅我, 當然係叫有芋圓嘅甜品啦 ~~ 紅豆相思 $30, 有仙草凍、紅豆、芋丸、西米 & 雲喱嗱椰汁｡ 首先講芋丸, 有兩款: 芋頭味 & 蕃薯味, 但味道唔突出, 只屬一般交黎嘅貨色  另外, 仙草凍同紅豆份量 OK, 椰汁味好香｡題外話: D 職員真係有 D 嘈, 企晒喺廚房前吹水, 應講唔應講嘅都大大聲講出黎, 大聲講大聲笑 

上星期左右黎食，一直忘記發食評，認真間野幾難搵but d甜品幾大份幾足料，食落幾好食D芒果份量幾足夠，又甜又滑服務都幾周到，吾洗等太耐，等佐一陣就有得食。荃灣黎講呢間算好食😗價錢合理👍