皇室甜品 (眾安街)

營業中

休息中

傳聞老闆娘有獨門秘方，晚上秘密調制絕不外傳，今日親自到來一試。八點半有多飯後甜品時間，人流不多，環境乾淨企理光猛，唯獨相信店主原想裝修添置一些英式時尚感，並掛上一些掛畫擺設，但好像有點模仿不足，又欠有特色的感覺。《白雪公主》$32椰汁粉條＋芒果＋芒果雪糕名字可愛特別易記，但係白雪公主有整啲芒果黃色落去又有點……椰汁粉條加上芒果蓉汁恰到好處，有點兒像河粉感覺，不易段開，和芒果搭配得宜， 略嫌芒果質量稍遜，雪糕正常普通。《榴槤銷魂》$38（ 有機會真係想請教下 老闆娘點解改呢個名）榴槤蓉＋雲呢拿雪糕＋綠茶啫喱＋芋圓但顏色黃黃綠綠，唔知係唔係雪糕溶咗？或是榴槤太過水，有啲飲湯羹的賣相，不過甜品都不可以貌相，吃起來榴槤蓉雖然好似好少，但配埋雲呢拿雪糕，食得出榴槤果王嘅香味， 至於相信為咗顏色嘅配搭嘅青BB啫喱亦可以，芋圓煙韌有咬口。整體嚟講皇室甜品，種類繁多，看得出有用心思，下次順路會過嚟再試下其他甜品，希望有驚喜！！食物賣相＝(滿分20) 15食物味道＝(滿分20) 16服務質素＝(滿分20) 14裝修整潔＝(滿分20) 16性價比率＝(滿分10) 7回頭指數＝(滿分10) 8總評分（滿分1

非常方便快捷，可用Alipay 或其他信用卡俾錢，預早落單唔洗排隊唔洗等，但雖然經OpenRice 外賣有八折，但份量比堂食少好多，抵唔抵就見仁見智啦，只可能講係慳左時間。

太少去荃灣啦呢排，真係好耐無食皇室啦，以前係一個星期食三次咁滯。嚟到皇室太多款選擇，樣樣都好想食，個胃又得一個，唉～首選一定係榴槤甜品！榴槤都有幾款，最後揀咗榴槤忘返 $48入面有啖啖榴槤肉 雲呢拿雪糕 水晶珠 黑珍珠 上面仲有少少榴槤沙冰咁嘅份量都幾多！好好味，佢係有好多榴槤肉，總之食啖啖都會食到，不過最大嘅問題係越食越凍，呢啲天氣食食完行出門口都仲有幾陣寒意，但嚟緊夏天食就相當唔錯啦！如果加埋小丸子，一定仲好食，下次再戰！

今晚食完晚餐，路過這間甜品店比門外的甜品相片吸引，進去一試，菜牌圖文並茂，（相片和菜名）並列 ，清楚，味道不錯，款式亦多，令我有選擇困難症的人好痛苦，每樣都想試，好彩有相片就可隨意點按自己喜愛的圖片作決定，生果都算新鮮，黃金卷好味，芒果又甜，芒果沙冰做汁，倍覺清爽，其他甜品店較為少做，讚！下次必要試椰皇類的甜品。

最近天氣太乾燥了.同同事食完飯決定去食個糖水潤一潤☺️見到皇室甜品有燉椰皇就入左去試下🥢🥥原盅椰皇燉旦白雙丸 💰53燉旦白很滿足很好味.甜度適中.不會太甜或淡.分量亦很多.還有湯圓及芋圓.湯圓是我喜愛的黑芝麻味.👍🏻但芋圓未完全熟透...有點扣分.但燉旦白的部分是十分推薦的😋 如果芋圓也熟透.一定很讚👍🏻🥄杏汁燉雪蛤膏💰55不過不失.杏汁味像沖出來的.不像手磨.🍧白雪公主 💰32芒果分量是滿足的.但芒果雪糕的味道太假了太扣分了. 但這個價錢就不過不失吧🥺總結：不過不失吧.就是一間普通的街坊糖水店.

同店員反應杏汁有奇怪味道，像膠水的味道，喝入去喉嚨有刺激感，另外一個試都有同感，店員說沒有問題，成碗甜品唔敢吃⋯⋯態度差，食物質素差，唔敢入口，情願唔食埋單走人，豪俾它！

有時寫食評都要好睇享受食物既環境，食物既賣相同店既服務。但由於我係叫外賣既所以店既環境同服務就寫唔到啦!我淨係寫個賣相同味道啦，賣相就冇乜特別就咁望去材料充足同好有椰香味。第一淡食落去個牛奶撈埋雪蛤同椰子西米感覺好特別!因為佢既主角竟然唔係雪蛤膏係個牛奶!牛奶隻甜味蓋過晒西米同雪蛤膏!!可能原本西米同雪蛤膏係冇味既關係，所以牛奶個隻甜味又唔會太甜，整體黎講食完都好滿足好飽!價錢98蚊有呢個質素算係咁，整體黎講5星我比4星啦。

經過荃灣見過尼間鋪頭幾次，都想行入去試下。因為招牌係芒果。芒果要唔酸仲要多汁同香先至正！入去就點個芒果糯米飯。首先尼到好多甜品係預先整好，派貨出黎。所以背後制作睇唔到，擺左幾耐都唔知架。不過見有個人掃左廿幾件甜品 應該新鮮既。首先份量黎講都幾足，不過糯米飯唔夠味。好彩佢配個椰漿係唔錯，而個紫米唔夠咬口。到最後個芒果！真心好食！香甜、係唔夠喉tim!有機會試下其他芒果甜品。另外亦有芒果買、不過價錢貴貴地。

朋友夜媽媽先話不如見個面，諗唔到去邊好，經過皇室甜品，就話不如入去食返碗糖水啦！於是口痕嘅我地就捉住夏天嘅尾巴叫咗呢兩樣甜品 — 芒果奇冰 同埋 百香果園。芒果奇冰其實姐係綿綿冰，另外再加啲紅豆、小丸子咁，啱哂少少肚餓嘅我！友人叫嘅百香果園就有應該係百香果味嘅雪糕(?) 同埋少少刨冰咁。就咁就喺皇室甜品度度過咗一個夜晚啦。

志在方便一班想食真正生磨芝麻糊的食客如果你想食高水準芝麻糊，呢間絕對不是對的選擇無芝麻味、唔香、水汪汪超級市場即沖貨色唔知食緊乜，食左一啖就無食了仲要26蚊，完全唔可以收貨

咩都想食時，只有點個人氣推介啦，宇治金時，有好多料嘅一款抹茶味甜品，裏邊有綠茶雪糕，蜜豆，小丸子，仲有綠茶沙冰，綠茶味雪糕同埋沙冰嘅綠茶味算喺啱啱好，唔算濃郁但都唔會太淡。小丸子喺我嘅最愛，勁中意食呢種好煙韌嘅糯米食物。全部一齊一啖落去好滿足。

今日係荃灣附近食完晚飯，心思思想食下糖水，就黎左呢到試下。由於早食晚飯，所以八點幾嘅時候唔算多人，唔駛等就有位坐。我哋一行兩個人叫咗兩個甜品，一個「紅豆相思」，係椰汁做底，有芋圓、西米、仙草、紅豆，再加左一球曲奇雪糕。芋圓就一般般冇乜芋頭味，但勝在平平哋有齊幾款配料，本身一碗$30，加一球雪糕夾埋係$38，平價糖水都算係咁。另外叫咗「原盅椰王燉蛋白雙丸」，$53相比起來有少少貴，有芝麻湯圓、芋圓，湯圓味道都OK夠口感，椰香味濃，面頭有椰漿，底層係燉蛋白，有兩種口感，加埋可以刮埋啲椰子肉嚟食，整體都幾好食。

冰雪之選--宇治金時(綠茶冰、綠茶雪糕、紅豆、小丸子) $38見到宇治金時係人氣之選，一於試下啦!紅豆配綠茶絕對係個好配搭，但係綠茶冰既味道比較淡，如果可以濃返少少就更好啦～至於小丸子本身就冇咩味，襯埋淡味既綠茶味就更顯得失色啦～芒果系列--龍珠二世(龍眼、芒果、朱古力雪糕、水晶珠、黑珍珠) $33呢間店既水果用料唔錯，芒果果香出色加上好甜。香甜既芒果汁再配上水晶珠既口感好好特別有啲似有餡既「爆爆珠」，加上有q彈既黑珍珠，呢碗甜品有豐富既口感!甜品就唔錯啦～不過座位之間就有啲逼，坐得唔係好舒服。而且侍應態度一般，連問都冇問就將未食完既野收走左

🍬🍬平日晚餐如果跟朋友吃得意猶未盡，定必會再去食甜品下場，今次試了一下這間位於眾安街的甜品店。今次選了一客榴槤公主及一客心太軟。榴槤公主裡邊有QQ布甸啫喱及奶凍，個人口味覺得啫喱跟榴槤的口感不太夾，這種啫喱較硬，跟榴槤果肉沒有Cross over作用，粒粒啫喱放在果肉上面亦令賣相有點格格不入，奶凍的榴槤味亦不突出；心太軟方面，蛋糕味道不俗，配上兩款雪糕都夠大舊，今次選了綠茶味及朱古力味，綠茶味更優勝，朱古力雪糕則不及本身的蛋糕甜，有點失色，但整體而言，這個心太軟還是可以的。

食完飯就去食甜品今日試吓唔買糖水街嗰邊食試吓我朋友介紹嘅皇室甜品🍮我見到有榴槤嘅甜品眼睛即刻發光🔥於是我揀咗榴槤銷魂配料有綠茶點子、雲呢拿雪糕、芋圓我一想來嘅時候覺得啲配料都幾多綠茶點子細細粒甜甜地幾好味芋圓咬口都吾錯雪糕同榴槤都幾夾😆榴槤分量多😆又有榴槤香味❤️48蚊嘅榴槤甜品都抵食另外一個酒釀雙丸😆酒味唔濃對於唔好酒嘅人嚟講都OK嘅甜品嚟到嘅時候唔算好熱💦但係都能保持暖嘅溫度😆可能碗糖水係暖啦所以入邊嘅配料相對上咬口冇咁好😏偏林😣整體味道不俗會要黎