皇室甜品 (城南道)

營業中

休息中

今日因為太專心睇書，搞到唔記得落車，但就因為咁竟然比我發現間好好味嘅甜品店....其實附近都有好多選擇，但裡面我D環境吸引咗我入去，一入去個哥哥仔發現唔到我坐低咗，但佢一見到我就即刻比餐牌，都OK啦!!然後打開餐牌睇吓，除咗頭一頁吸引我，其餘都平平無奇，由於小車車我特別鍾情朱古力，所以喺一輪掙扎後點了"傾城之戀" - 其實我都好想食"心太軟"當個哥哥仔將甜品上枱時，我第一個感覺係:好靚喎!! 忍唔住攞部相機出嚟....到我開始食啦!! 嗯...個布丁味道好夠，好有朱古力味，不過底部可能雪得太耐，有D硬，有D美中不足嘅感覺，而雪糕球佢用有朱古力粒粒，唔用淨雪糕，好細心最後埋單只係$23，物有所值，淨計師傅D心機都低返哂啦~~~

續我的第一百個食評系列-- 九龍城 (1)去完糖百府食左個偷工減料o既芒果冰之後, 覺得唔係好夠侯, 點可以食完雪花冰之後一點凍o既感覺都無!!!!! 於是就特登行返出城南道皇室甜品食~一黎到, 勁多人, 坐到出面都開埋檯! 因為頭先食左又貴又唔好食o既甜品之後, 見到呢間咁多人, 個menu又咁多選擇, 真係好後悔頭先無黎呢度食先!!宇治金時 ($26)-- 綠茶冰配 綠茶雪糕同埋紅豆, 雖然 綠茶味唔係好強烈, 但係配上紅豆味道岩岩好! 份量十分足料...兩個人食絕對夠侯!鋒芒必露 ($25)--好香焦糖味同埋芒果味, 勁多芒果, 感覺有d似芒果西米露mix楊枝金露!! 白雪黃金卷-- 感覺就好似芒果腸粉一樣, 將一件芒果把在白色, 爽口o既皮入面~ 外面o既皮唔林, 食起上黎, 爽口之後又有入面芒果o既軟甜...係係好好食!傾城之戀-- 朱古力布甸配香蕉, 味道好夾。朱古力味香濃~食左咁多個, 我最鐘意宇治金時, 鋒芒必露, 好特別, 同埋價錢合理。見到好多人外賣自取... 同埋好多人入黎食... 真係好彩o係呢度食返d好味o既甜品~令我九龍城美味之旅有一個好experience

跟兩個好友的一期一會又來了!!是次選擇了最近我的地點: 九龍城.要知道九龍城出名多甜品, 今次大家就冒名到皇室甜品3個人意見多多, 最後大家一人叫一個, 有人忍唔住多點了一個~~是晚甜點:- 多芒小丸子我已經飽到食唔落, 仲要點d咁飽肚既小丸子...........芒果味濃, 嫌略甜, 不過好朋友密密食, 我只是吃了兩啖~ 熱燉蛋白一熱一凍唔係講笑~~~呀也...真係好飽.......個味都ok, 但就冇乜特色, 可以不試. 榴槤公主點完竟然冇人幫手食????? 有d一粒粒榴槤味jelly, 一堆榴槤蓉, 底層一個鮮奶凍.本人覺得榴槤味係重, 如果底層唔用奶凍, 用一d粟米片脆脆會更好! 心太軟(必吃)做得好出色~我不太吃朱古力的, 但我兩個朋友就獨愛朱古力, 所以點了一個3個分.最後竟然爭住食, 蛋糕皮係脆架!入面有熱呼呼的朱古力漿跑出來.唔漏, 一個人應該都可以食得晒!!員工以80後為主, 感覺很年青, 有活力但冇乜工作能力, 一味自己傾計.下次可以再試其他甜品屋.

心太軟$35朋友話呢度個心太軟更加好食，特登過嚟食佢話其他嘢就麻麻，所以唔駛諗呢度個朱古力餡真係更加濃，疍糕個皮厚啲，食落更有咬口配埋有兩球雪糕，都唔係貴

本打算到金滿堂吃造型靚靚心太軟, 只是下午時間只開其中一店,店內雖不是高朋滿座但也沒多吉位,反而旁邊的皇室甜品只有寥寥幾個客人, 以我的性格當會選後者。午餐的十隻餃子在菜市場走了幾圈後早已消化了,再一次來個心太軟吧!等候期間見到廚房裡正處理大批心太軟, 可想而知這道甜品真的很受歡迎! 翻了餐牌一會心太軟就上桌了,總覺今次等候時間比以前短哩。今次的朱古力圖案汁劃得較以往漂亮,不過雪糕球又好像縮小了一點,大一些一定更好的呀!不知道是否時間關係,厚薄勻稱的心太軟外層不夠以往脆身,只是脆中帶軟之水準,切下去時已感受不到那脆脆外層了;仍不夠香的朱古力漿流出份量不多,流動得不太快蠻稠身的,只是溫度都是未夠熱!今次的水準的確失色了。仍然選了跟心太軟最好朋友的香草雪糕和朱古力雪糕跟她相配;最特別是朱古力雪糕帶有榴槤味,原來是昨晚榴槤沒有蓋好,那霸道的果王香滲到雪糕裡去!最意想不到是那泛著淡淡榴槤香的朱古力雪糕,竟然比平時單一朱古力味道更增加層次,多了榴槤芳香卻不令人倒胃,連我這個不喜歡她的食客也能接受得到。另一個驚喜點是甜美老闆娘送來一杯白開水給我, 心想終於再有甜品店主動提供開水給顧客了,真貼心!!

由於最近瘋狂熱愛心太軟, 一定要找到最好味既~去左呢度, 就係呢度, 令我心動+難忘。鋪子不是很大, 但環境相當不錯, 並唔會很迫~空間感夠。叫了一個心太軟, 三十幾蚊, 彩色餐牌上很多甜品種類都很吸引。朋友仔點了一個意味情濃, 又是被餐牌上的相片所吸引著......等著, 等著, 朋友的意味情濃來了~是一些涼粉, 椰奶, 紅豆和雪糕球, 她說很美味。而我的心太軟, 等了十分鐘左右來了, 果然名不虛傳, 一黎到, 香噴噴的朱古力味, 好好好好好好好好好好好好好好好好好好好好好好好好好好好好好好好好好好好好好好好好好好好好好好好好好好好好好好好好好好好好好好香啊~~~~~~~ 仲有兩個自選雪糕球, 我選了一個曲奇味, 一個朱古力味~細細個雪糕球, 加埋D朱古力醬伴碟, 賣相已經殺死人啦~~~~先黎CUT開個心太軟,夠 流沙!!!GOOD!!!!!~~~~~~朱古力醬流呀流~~~~~熱辣辣很好味~~~~吃一口雪糕再一啖熱辣辣既心太軟, 真係好好既享受!!! YEAH!心太軟既外層蛋糕造得亦很好, 不太簿亦不太厚, 雪糕球選曲奇味同朱古力味就很夾了~~~~暫時黎講, 呢度心太軟係我食過既最好

不是你說起，我也不記得原來我第一次吃心太軟和你一樣，當時是你出糧第一次請我吃飯，那晚也是我們第一次接觸心太軟這個甜品呢。今天來到當然也要叫一個來吃一下。大概 8 點半來到，不算很多客人，可能還未算甜品時間吧。Meun每一幅相片也好像很吸引似的，也不知吃什麼好，不過凍冰冰我絕對不要吃冰呢!! 最後我們叫了一個心太軟和一個白雪芒果卷。心太軟可以選擇雪糕味道呢，它有頗多款選擇，最後要了我最愛的曲奇，其實喜歡的原因是因為可以吃到很多曲奇碎很美味呢!白雪芒果卷先來，就是芒果腸粉吧。外面的皮甜甜的，非常滑，是茍蒻嗎? 我也不知是什麼，不過覺得挺好吃。芒果肉非常大舊，而且也是甜甜的，一點酸也沒有，不過它那些芒果汁吃得久有點點藥水味，還是就這樣吃的好。心太軟出來的時候很香呢，聞到一陣焗了的朱古力的香味。曲奇雪糕伴熱熱的心太軟當然沒問題，心太軟不算真的很流心，但也算可以的了。味道不會很甜，我覺得帶一點點的苦味，是用較苦的朱古力嗎？不過倒是挺合口味呢，最怕得個甜字的東西。吃的途中還收到禮物，真的很開心!!! 謝謝你!!! 我會繼續帶你吃美食的!!! 今天晚餐，甜品，連車錢也是你請，哈哈，多謝你! =)))

dec 28, 09晚飯後, 友人們建議食甜品,進1步沖擊我嘅肚皮,3人叫咗 :1) 鋒芒必露 (hk$25)-餐牌寫有芒果,水晶珠同焦糖布甸-水晶珠同芒果都攪到,但焦糖布甸就唔多見-芒果甜,但水晶珠只喺增+口感,無咩味道-之後好似有d椰果嘅粒粒-整體味道都喺芒果為主,但有1/2嘅材料喺無咩味,頗為單調2) 宇治今時 (hk$26)-真喺人氣甜品,好多枱都有叫-餐牌寫有日本宇治茶,日本紅豆,白玉,單球雪糕,雪花冰-很多白玉子,軟軟糯糯,不錯,但因為佢哋無嘜味,所以好靠1齊嘅同伴帶番起個味,否則就會好寡-但個雪花冰唔夠甜-紅豆腍,亦夠甜度-綠茶雪糕也合格-個人覺得因為白玉子同雪花冰都唔夠甜,而只靠紅豆同雪糕嘅甜度都幫唔到幾多3) 薑汁芝麻湯丸 (hk$15)-友人好有觀察力,1見到7粒湯丸,就覺得好少會用呢個數字-可能湯丸size唔大,所以要用上7粒先會美觀d-味道ok

Today, i finish my job with my friend go to Royal dessert.we are order the green tea ice cream (宇治金時）(have red bean, QQ ball, green tea ice cream and green tea ice) and banana boat.The green tea ice cream the size very big..haha!! very enough and the taste very good and yummy. but the red bean i think over sweet...but like to eat sweet dessert friend may be like that. And the banana boat the look very cute and beatiful. I can see other customer take other order's dessert the look very beatiful.

大家的甜胃都很堅，連掃Tony Wong及甜之迷後，仍然蠢蠢欲試皇室甜品的宇治金時，於是又行幾條街，實行減肥再增肥。　皇室的人氣明顯比甜之迷強勁許多，五甜魔都算好運，再遲十分鐘應該全場爆滿沒位座了；而雖然質素也不能同Tony比，但一定比甜之迷有保證，而且十分大份夾抵食：　傾城之戀-朱古力奶凍味較甜膩，不及尖咀SUGAR的出品濃郁幼滑，並無傾國傾城魅力；反而頂上一球牛記朱古力雪糕筆得疏爽，對甜魔更為吸引。　宇治金時-香濃芳香的綠茶雪糕，加上甜度十足的紅豆，煙韌有咬口的丸子，以及墊底清爽刨冰，果然是鎮店之寶，清新又美味，比金滿堂出品更值推介! 　意國濃情-給啡色的賣相誘惑了，原來吃來並無咖啡或tiramisu的意式風味，反是濃濃的椰子布甸味；甜品配上細滑的涼粉，質感不俗，不過大家對此味始終麻麻，是晚吃剩了大半..　芒芒奇冰-很大堆頭的刨冰，份量幾與茶記的炒麵飯無異了；不過此冰芒果味香得來假假的，而且再次撞上極甜的紅豆亦不相襯，還是宇治金時最好味!　心太軟-配的是孖球雪糕，予甜魔美好的第一印象；心太軟切開，有著適中流心，雖然不是用上優質靚朱古力，但味道也算香濃吸引，以此價位滿意收貨了!　上述

1. 杏汁蓮子燉雙雪$18 ~ 夠稠!! 杏味來得自然,蓮子又夠多.2. 白雪黃金卷$26 ~ 竘藥粉皮像腸粉般包住芒果肉,兩者皆好味.3. 榴槤公主 ~ 雪糕杯內搞碎的榴槤肉好好味,底下有層白色的布甸及杯身圍住榴槤沙冰.4. 芒果奇冰 ~ 碟上有紅豆,Q丸子及芒果伴碟,不過此碟芒果冰味道則麻麻.

在九龍城搜購了有機白苦瓜、台灣刀削麵和日本水蜜桃後,又是小息時間,今次選了皇室甜品來過冷河,皆因其心太軟實在吸引之故。人未坐下已向笑容可掬的老闆娘點心太軟,餘下時間就不斷地翻閱那圖文並茂的餐牌, 聽到廚房裡計時器BBB作響,一陣熱氣及朱古力味道從廚房飄來,我的心太軟到了! 只以少量朱古力漿和一顆草莓點綴著,非常簡單的外觀。單從外表看來這個心太軟應該脆脆的,蠻像樣的說! 拍照時也感到微微的熱氣襲來,對辦!以茶匙將其切開, 這個心太軟可以做到外脆內軟,外層厚薄均稱,吃來真的脆口,不是薄得像層皮,也不是厚得像杯底,很不錯的厚度! 內裡也是相當流心,要是自己切得好技巧一點,應該會像小河般流出來。朱古力味道頗為濃厚,甜度不算太高, 流心質感滑溜,只是朱古力香味可以更高,要是連這方面也能做到,就真的太好了!自選2球雪糕,選了絕配的香草和朱古力,皆因不想以芒果和草莓配心太軟嘛 =) 雪糕球體積不大,基本上2球也不太足夠配吃, 可以大一點一定更好。雪糕應是牛奶公司貨色,香草味道不濃,滑溜程度一般,但心太軟配它才是最妙; 朱古力雪糕混有朱古力粒粒,感覺上比單一朱古力雪糕來得有層次,味道也更濃, 以它配心

又到九龍城嘞, 食過地X, 合X, 今次就轉下食呢間,原因就係被佢既宇治金時吸引到..因為最近天氣好熱, 食冰就啱晒我...入嚟時,不是太多人呀! 我們坐係最後果排~我男友見人推介心太軟, 佢就忍不住叫咗嚟食丫,我就揀咗宇治金時期待既一刻終於來臨呀好靚既宇治金時,放係我面前, 有小丸子, 紅豆, 綠茶雪糕球, 綠茶雪糕,奶味重咗D, 佢既冰不是大粒既冰又不是綿綿冰,碎碎細細的冰, 放入口又不似食冰的樣子, 感覺很好, 小丸子不是太甜, 軟硬適中, 紅豆大大粒粒好好味, 一路食才發現底部是有綠色的苦和甜味, 撈埋一起食仲好味呀, 料豐富, 食完食碗仲有配料係到呀, 真係唔捨得咁快食完呀食完我既宇治金時後, 心太軟出場喇初時都覺得份量少咗D, 因為心太軟比較細少, 還配了二個ICE CREAM, 呍拿味同朱古力味(仲有朱古力碎添... 正...呀...)濃烈既朱古力味, 好正, 加埋外面既蛋糕再配埋朱古力醬再加埋冰凍既雪糕真係好Perfect ~男友超讚好味抵食, 但大家一路食一路都話....死就死啦, 肥就肥啦... hehehe下次嚟九龍城真係會再嚟食過老闆好nice, 好好人,

哩間野既服務態度好好，哩個係值得一讚的。而且裝修都唔錯，加上甜品都唔算話真係太貴，同附近果ｄ都差唔多價錢啦～因為見ｍｅｎｕ上面既配合唔係太岩我，提出要求問可唔可以改少少配搭，職員話可以，耐心等待之餘，仲不斷向我提供一些意見。最後我叫左個strawberry刨冰＋涼粉＋mango果肉，實際既名唔太記得清楚，不過有興趣既話可以睇睇圖再ｏ係ｍｅｎｕ度找找看。朋友叫左個心太軟，賣相不俗就唔在講了，一整開中間，入面ｄ朱古力流出黎，唔洗哄個頭埋去，就已經可以聞到好香好香既朱古力味，真係好好香！如果下次去，我都會叫哩個心太軟！price：心太軟 $35-　　　 刨冰　 $22-

打完邊爐工友今日好有雅興地話要吃糖水，一路行見我地見呢間高朋滿座，就入去試下﹗超多選擇，糖水款式亦相當新穎，真係花多眼亂都唔知食咩好，最後我地揀左....這是食家的宇治金時﹗綠茶冰冰底再配上紅豆芋丸及雪糕﹗紅豆軟糯夠腍，加入了煉奶令佢味道更香，芋丸煙韌有嚼勁，令食家想起我地在台灣九份時吃的阿柑姨，雪糕不是便宜貨入口濃亦香，吃完大讚﹗睇開我blog都知我對糖水甜野真係麻麻地，不過我都不得不推介我揀既呢個甜品 --- 龍珠二世﹗個名就衰0的，不過佢叫得又有原因喎﹗芒果汁底，入面有珍珠、西米、芋丸、龍眼肉、仲有朱古力雪糕﹗自己一向都好鍾意食0的煙韌好o趙有咬口既食物，呢杯野一次過滿足哂我所有願望﹗西米不是平日吃到的，是粒粒晶瑩實淨而彈牙，真係未食過，口感特別﹔芋丸就大家都知煙韌得不得了﹔珍珠更加口感QQ﹔我愛其芒果底不會太甜，吃到出的芒果鮮香，雪糕不行貨入面有朱古力碎更加有口感層次感﹗滿分﹗真係好好食，龍珠二世值得推介﹗更多相:http://hk.myblog.yahoo.com/smallsmalllin/article?mid=17122