皇室甜品 (城南道)

營業中

休息中

周六晚二人行要等，不過都係5分鐘左右，舖入面出面都人山人海，好多人食完飯黎食甜品，勁呀。入到去見到人地食"宇治金時"好大份都係$26，真係抵食，不過實在太大份，都係揀咗"芒晶晶"，芒果肉+芒果汁+水晶珠，好鬼凍但都幾好食。女友食榴槤雪芭，撈埋底下d榴槤肉食，一流，不過d雪芭成日有d綠色野喺上面，可能係黐咗d綠茶雪糕，賣相差咗。

本來去緊金滿堂但外於好奇心就改變初衷。大家可記得有套較舊既戲﹐有周**﹐阿葛﹐同莫小姐...有一段戲阿葛解釋點解會入左間飛髮鋪既...咁你明喇~~ 哈哈~~ 講笑o者﹐無咁誇既。宇治金時: 被美色吸引﹐煉奶既甜正好給冰調味﹐但我會喜歡茶味糖漿或黑糖漿多點。 紅豆與抹茶雪糕很不錯。後者茶味道夠濃亦有奶味。唯獨冰塊打得不夠幼細...芝麻糊燉奶: 點了熱的但回應是﹐剛開店不久﹐未燉熱。你食過其他野喇!! 偏偏你們沒有其他野吸引到我喎!! 咁唯有硬食個凍家喇...真係凍得我騰騰震~ 真係一啖一驚心。 咁老實講﹐佢又真係幾好味既﹐燉奶甜度適中﹐香滑兼備。只是芝麻糊得2-3湯匙...其實都四點多開左鋪都成個鐘...大芒果布甸: 份量十足但味道一般﹐可能芒果較酸的原故吧! 我想在九龍城甜品多的是﹐要成功一定不能馬虎~一鋪之隔有金滿堂和一街之隔有甜蜜居﹐兩者也做得不錯。

16/10 一行5人第一次去呢間舖頭食甜品, 我地叫左5款, 包括榴槤雪杷,士多啤梨黑馬王子, 雙球雪糕涼粉, 蜜瓜珍珠水晶粉, 芒果腸粉, 我地大家SHARE食, 咁多樣當中榴槤雪杷係最好味家, 一個杯放左三個球榴槤雪杷球(類似雪糕), 杯底再放左一舊榴槤, 好香好好味呢!最後我地再叫多一杯榴槤雪杷囉....埋單每人$49

食飽飯後順便搵個甜品食下啦, 去邊間好呢? 最後都係揀左呢間係店喇, 皆因友人想吃香蕉船!入到去人都幾多, 求其搵張枱坐底後就睇下有咩好食啦; 諗左一陣師傅揀左杧果班戟, 而友人當然係要左香蕉船啦!等左一陣杧果班戟首先登場, 一客有兩件, 都算多大隻啦, 一放入口發覺班戟唔夠凍, 杧果就好甜加上好多忌廉, 而個班戟皮就幾硬, 令到口感一般, 麻麻地啫; 而友人嘅香蕉船都幾大份, 三色雪糕加上大大嘅香蕉, 賣相一流, 坦白講香蕉船真係冇咩特別, 如果差嘅話都幾大鑊!總括黎講甜品質素可以, 環境一般, 坐就唔算舒服喇, 價錢都一般啦, 埋單接近五十, 可以啦! 甜品喺呢區黎講都算選擇多, 而呢間食店又唔算出色, 想坐多一陣又唔太舒服, 所以師傅諗唔到點解仲會有下次, 笑臉比唔到不過都喊唔出!

對九龍城出名的糖水店沒甚興趣，所以來了這裡，都要等了一等才有位。我點的是龍珠二世，陣容強大，有雪糕，我選了士多啤梨味，黑珍珠、芒果、西米等等，味道一般，因為雪糕是牛奶公司的來貨，而芒果是完全不甜，淡而無味，印象並不深刻。男友點的也是芒果的甜品，名字就忘了。芒果也是不甜的，有些西米和椰果，就好像如此而已。覺得這間甜品的賣相是不錯，名字也取得特別，不過味道卻不出色呢。

唔記得左佢有邊幾樣好食囉但係算是糖水店啦糖水黎黎去去都係差唔多不過呢間我覺得幾好．有ｄ創意唔會悶而且唔似許留山果ｄ咁我命佢名為出水甜品．意思係好希好似水一樣咁但佢呢間好夠料．．．算係抵架想食下糖水涼快下去呢間都好

耐不耐就要吃你獻上的閉門羹，難免要生你的氣。碰巧路上看見這家新甜品店的宇治金時($26)賣相格外誘人，即刻放棄了是夜返紅磡去會你的念頭，出走了。可是這里的出品又怎么能同你相比呢…抹茶味太淡，卻多了很強的花奶+煉奶的甜，不合我的口味；而且冰始終太凍太渣，不溶的，對我的腸胃亦不太好。還好不至于一無是處，至少紅豆與抹茶雪糕還是不錯的，但依然無法補救抹茶帶來的缺憾。以后還是乖一點，再也不要離家出走了…

又到甜品時間，約係九龍城咁遠就係為左金滿堂。。。皇室開係金滿堂隔籬就吾知係好事定壞事，好既係多Ｄ（係金滿堂等位等到傻的人，例如我），壞既係成日給人攞黎同金滿堂比較。。。。我吾可以話佢吾好食，但係真係冇咩揀囉～我好中意食清心丸，但呢度係欠奉～冇咩款～我叫左個芒果珍珠水晶粉，幾爽口，有Ｄ甘甘地，有人話好似鼻涕～賣相不行～

打道回府前,先來這裡過過冷河和休息一下,拿著大包小包餸菜進佔冷氣充足的六人桌的同時,長得像日本卡通片主角的年青男店員已拿著餐牌給我了,敏捷!!研究了良久,笑容甜美的女店員向我推薦我不吃的榴槤甜品 (no no!)最終她建議多心的月巴人吃這個包括了我想吃的雪糕、芒果和黑珍珠的龍珠二世。由於坐近廚房,立即向廚師請教配那款雪糕才更美味??廚師大哥推薦配朱古力雪糕,因為會較芒果或香草更香口(好!)不消一會我的龍珠來了!只是一看芒果顏色已感到它不會很甜,果然!!芒果有點像水仙芒的實實質感,甜度不太高幸好也沒有酸味,份量是相當多,只是愛吃香甜芒果的我就覺得有點失望了!除了芒果外,碗裡還有像西米但感覺較爽脆和沒有味道的水晶珠珠,吃來像吃魚卵般卜卜聲頗為有趣!黑珍珠就是粉圓,這裡的粉圓煮得很彈牙,比一些台式飲品店更有趙頭,不過同樣地沒有味道,要是加點糖來煮,味道會更突出;清甜龍眼肉數量不多,但其脆脆感覺和清甜味道,真的令沒有甜芒果的龍珠甜品加回分數!!面層的朱古力雪糕用上有朱古力粒的款式,濃濃朱古力雪糕本已很好吃,再加上同是濃味的朱古力粒粒後朱古力味道更為香濃和有咬口,廚師大哥的意見真的很讚!!只是那

每次嚟到「皇室甜品」，就必定要食“宇治金時”。呢個甜品唔單止因為佢抵食，仲因為佢哋嘅紅豆、珍珠、同綠茶末刨冰都配合得非常好；唔會令人覺得俾其中一種味搶哂。但係有一樣嘢要彈嘅，就係嗰嚿綠茶雪糕：質素差、唔多掂！佢哋嘅豆腐花好香豆味、亦都幾滑；不過我覺得好似「義香」嗰啲豆腐花，唔知係唔係幫嚫佢哋買嘅哩？至於佢哋嘅啫哩都唔錯，但係少咗啲選擇：淨係得士多啤梨、同埋黑加侖子味兩款；無我鍾意嘅香橙味。

今日同朋友去試，叫左紅荳豆腐花. 宇治金時... 紅荳太甜, 同日本罐頭的很像, 豆腐花不夠滑, 口感不太好.另外宇治金時的綠茶雪糕味道很淡, 亦不滑, 比自己買綠茶雪糕粉所做的更差..宇治金時是有彷效 麻布茶房的... 但實在相差很遠絕對需要改良, 否則很難在此區生存

食飽飯後當然要搵個甜品食下啦, 遇啱呢區甜品選擇勁多, 所以又四圍行順便散步, 最後就揀左呢間係店喇!入到去地方唔算好大, 求其搵張枱坐底後就睇下有咩好食啦; 由於師傅行到身水身汗, 所以焦點一定係喺d冰度, 所以最後柯打左個杧果神冰, 而友人就要左香蕉船!等左一陣杧果神冰率先登場, 見到大大嘅冰柱, 著實令師傅心花怒放, 加上杧果幾甜, 而內面嘅涼粉都煙煙韌韌, 幾有咬口; 但係左一陣成支冰柱竟然例下, 真係諗唔到佢地整得咁差, 攪到師傅都幾冇癮下囉, 呢一下真係扣唔少分; 而友人嘅香蕉船都幾大份, 三色雪糕加上大大嘅香蕉, 賣相一流; 見友人食得津津有味應該唔差!總括黎講甜品質素都尚可, 但地方就唔算乾淨, 皆因師傅一拉開張椅就見到有幾滴水, 再望下張枱就見到幾甜下囉, 因為冇人抺枱; 價錢都一般啦, 埋單加埋五兜野, 可以啦! 坦白講呢區選擇咁多, 呢度又唔算特別吸引, 所以下次就算搵飯後甜品都未必會再黎!

食到飽飽地,打完冷行過幾條街想去搭車,經過皇室甜品,買左碗楊枝甘露番屋企食首先要投訴係...個盒蓋好難打開,一開之後仲倒左少少出嚟整污糟張梳化,可惡不過佢個味道好好,芒果雖然比較酸,但係西米好爽口...奇怪,西米唔應該爽口喎,可能加左d薯粉之類啦,不過總之好食就得...!西柚肉甜,所以成碗楊枝甘露不致酸尾尾!呢間甜品店係唔係好好唔敢肯定,但係下次會再嚟試吓其他野!

食完邊爐,再周圍搡甜品食,嚟左呢間皇室甜品叫左個芒果pancake,一碗榴槤忘返同一碗什果西米露,芒果pancake同滿記等等既甜品舖做法差唔多,味道都唔錯,芒果味香,pancake皮做得幾好食榴槤忘返好重榴槤味,朋友話好好食,特別係西米煮得軟滑,至於什果西米露comment就話一般!

我尋晚同朋友仔去食佢地個甜品,發覺做得唔錯,拍得住隔離既金x堂架今次食既係腐竹旦糖水同埋椰汁西米露,腐竹旦煲得幾靚,滑滑既口感令我感受好滋味,正呀! 朋友仔既椰汁西米露椰汁味濃,無溝水,好甜好好味如果入九龍城食甜品,呢間都唔錯架