皇后餃子 (已結業)

路過肚餓，隨便找一間填肚。 食評都無時間睇睇，見到有自己飛佛的餃子已加分，仲見到有撈麵，即管支持小店會一會佢。點知中咗伏老闆真係要畀心機調理個撈麵豉油，直接用生抽都搵隻夾啲㗎啦。只有死鹹味，麵底個鹼水味極重，麵身唔夠淋，兩三撇麵根本揚唔開，加兩滴麻油都可以稍微救一下。拎轉頭先發現鄰桌成碟麵無食就走煎餃不是煎，是炸的，雖然好多食店都係咁做，一拼埋君滬真係差幾皮。個粢飯好濕，肉鬆無味。 失敗最正路係牛筋，燒賣同罐雪碧。

話說石門多左好多野食，見到呢間新開嘅餃子店都吾算話好貴 $50/8隻，入去見到都幾多人食，我叫左粟米豬肉餃子同手撕雞芝麻醬撈麪餃子超有驚喜，四面都煎得好香口餡料脹卜卜但撈麪就覺得醬料過多，可以叫少醬，手撕雞份量都偏少

係附近翻工 都有嚟食過餃子嘅 餃子味道都唔錯嘅 今日同事lunch話想食餃子就過咗嚟 我叫咗麻辣湯米 要加至少一個餸 加咗海帶 好快就嚟咗 睇到碗嘢就知中伏 完全食唔到有任何麻辣嘅味 又唔麻又唔辣 最後食咗幾啖已經停手 真係唔掂

由於我一直係太子某兩間出名餃子店既fans所以每次去唔同地方食餃子總會不期然同太子果兩間比較今次去石門食呢間皇后餃子比中評都係因為用左太子d餃子做標準老實講 唔係難食 但同時都講唔上好食皮薄又足料 但味道就有種不過不失既感覺今次第一次食叫左兩款一款係韭菜湯餃 一款係粟米煎餃韭菜餃可以多返d菜 感覺味道唔夠濃湯底比較有趣 有蠔味 係蠔仔粥果種味不過我覺得配餃唔太夾粟米煎餃好多粟米 夠香甜但無乜肉汁 不過又未去到乾身個人比較中意食咬開會爆好多肉汁既煎餃服務我會比滿分 因為以普通平民食肆黎講 佢侍應既態度係非常好好有禮貌 又有耐性環境都光猛新淨但餃子店整體評分我係味道行先所以只能比中評另外佢40蚊6隻 50蚊8隻黎講有d偏貴平時太子食餃50蚊可以有十隻而且d餃仲會勁大隻

久仰大名既皇后餃子，今日到訪石門終於可以一試。早餐時段有得選擇4隻餃子+米線，配熱豆漿。餃子餡料有多款選擇，我選擇左粟米（即係粟米加肉粒餡），粟米粒粒都係爽甜，肉都扎實，至於餃子皮方面，唔算太簿亦唔太厚，岩岩好，食落冇乜粉感。唯一美中不足係咸左啲。好算湯底偏淡，可以中和一下，但同時都偏油，上菜時既熱氣向上蒸發，成隻手同筷子都係油。米線方面，面質偏軟，淋得黎係爽同彈牙，都幾出色。冬天有暖暖既豆漿飲，唔算，係一個偏健康既早餐選擇。

聖誕假期26號，午餐時分也不見多人，不用搭枱，比較安靜，便入內。環境乾淨衛生，服務一般，價格略貴。揀了最便宜的麻辣粉$30加芹菜水餃2隻$12，沒有辣度選擇，辣到我也可接受，麻辣粉味道不錯，最喜愛是腐皮粒，有咬口，芹菜水餃也算大隻，味道就一般。

去咗京瑞廣場試堂 上完堂喺附近搵食見到皇后餃子 個名幾吸睛 入去試吓啦 🔹️招牌撈麵套餐 鮮蝦🦐雲吞🥟配撈粗 撈麵黎講 一定揀粗麵 貪佢索得多汁 入味個湯底係大地魚湯 有啲濃味撈麵好大碟 而鮮蝦雲吞都幾大粒 涼拌小菜係陳醋雲耳同手拍青瓜 開吓胃咁啦小食揀咗麻辣豬耳 🐷👂豬耳唔算辣 味道黎講 譚仔好食啲餐飲凍檸茶 🍋🫖 🔹️鮮肉粟米煎餃拼鮮肉白菜煎餃 （配上湯粗麵）煎得個皮夠脆 唔會稔晒 咬落有脆卜卜嘅聲而且唔會煎到燶晒足料㗎🈵️🈵️ 大大嚿肉填滿隻餃 脹卜卜不過粟米餃嘅粟米無乜味 🤨❗要叫8隻先有得揀2款口味 另外再加咗個生菜清吓腸胃 🤣 枱上面有菜脯同辣椒油 菜脯出色 撈埋餃子同啲麵度 一流但辣椒油沾少少已經夠辣 (對我黎講) 所以大家隨自己所好加啦 整體黎講都ok嘅 啲小食可以提高吓質素

石門好多不同類型餐廳，餃子未必最顯眼，但仍有特別之處，餐廳平日夜晚人流唔算多，主要以煎餃湯餃&湯麵撈麵為主，點了以下食物：招牌皇后粉麵餐 (包括雲吞麵、麻辣海帶絲、凍豆漿)雲吞麵不過不失，麻辣海帶絲一般啦，冇咩特別，唔算特別好食另加：8隻鮮肉莞茜(煎)餃，新鮮熱辣卜卜脆幾好食，算係有少少特別。當晚是星期五晚，店員只有2位，Order 時可能要等耐少少。總結好食過某集團餃子店服務態度良好、上菜速度快，期待日後有更多新口味&款式。

鮮肉粟米餃子餃子煎得外脆內軟，咬落去脆卜卜。加上鮮肉粟米餃子餡料十足，每隻都好飽滿，size都非常平均，份量都十足。加上粟米同鮮肉比例剛好。另外，可以配合埋店內提供嘅辣椒油同菜脯一齊食，味道真係唔錯。不過另一碟小食就一般般了。燒賣每粒都脆卜卜的，不過口感偏乾，加上椒鹽嘅味道就遜色咗，味道偏淡。其實本身都幾期待呢碟燒賣，但可惜味道不似預期。如果椒鹽嘅味道可以再重啲濃味啲，同埋再配合埋啲醬汁食就好啦。

之前來過幾次石門， 都唔見開門， 以為係執左， 今天來見有開， 又以為是裝修好＞新開。 點知睇到舊食評， 是開左一排， 又關門， 現又重開。。。。。不明原因。本身都喜愛食餃子， 於是入去試下。5：15pm人流唔多（5個人）， 有煎餃， 湯餃， 雲吞麵。1人叫左韮菜煎餃6隻$40， 細豬耳$18， 豆漿$6細豬耳， 3分像一般超市街買到的， 硬， 唔係爽或林 ， 係冇味。得麻辣醬， 醬又唔香。 好行貨。韮菜煎餃。 6分肥嘟叫嘟，飽滿， 韮菜都香。煎得脆， 唔會林及乾或濃。。＜合格＞豆漿。 4分唔掂， 豆漿味都冇， 衰過超市百x豆漿。唔甜， 唔黃豆味， 唔香枱面有菜脯， 3分。 ＜＜--唔香， 自己炒都好過佢＞＞總評。 5分食物。 質素一般， 試過便算。餃子應該出雙併， 3併啦！ 等d客叫多d又可以食2-3味。 ＜＜有必要改善質素及menu>>

做運動前想食少少野見到佢可以叫6隻餃子覺得啱晒，因為4隻真係太少，8隻又會多咗啲😂▫️ 鮮肉栗米餃($40)👉🏻餃子脹卜卜餡料都幾多，豬肉嫩滑加埋爽口粟米係冇得輸嘅組合，餃子皮都幾薄但又好延身，煎到金黃色脆卜卜，不過美中不足就真係好油（可以望下相隻碟反哂光🥲）我每隻餃子都要用紙巾索哂啲油先擺得落口🤭👉🏻值得一提係佢個辣椒醬好好味，點少少已經好夠辣勁惹味😋

【沙田區】【皇后餃子】之前喺 1am0500 已經寫過佢灣仔店，仲被飲食達人 Miss Ding 話我講杯 $5 嘅凍豆漿都要用一句嘅篇幅，相當有趣。點知間嘢最近新開埋過嚟沙田，我梗係要去試吓，畢竟都算叫做近我屋企，冇理由食都唔食吓咁得意嘅。首先入到去就覺得周身唔聚財，環境唔算非常整潔之餘，冷氣亦都欠奉，隔離枱有個客都好似好熱咁，唔止我咁認為。不過我本住一個排除萬難都要為讀者提供資訊嘅心，就頂硬上，最多叫杯凍飲，然後嗱嗱聲食完走嘅啫。上次食咗餃子，今次叫個佢哋嘅「精選套餐」嚟玩吓，主食嘅「招牌皇后粉麵」我揀咗「南乳豬手湯麵」，個麵轉河粉。有個優點就係佢哋個豬手會另上，保持到南乳味，缺點係其實味道上都唔係話太過突出，另上都冇乜用。套餐配「小食」，我要咗「炸雲呑」，比想像中細隻，其實味道都唔會食到啲乜，細細粒冇特別。而佢仲有「涼拌兩款口味」，係「陳醋雲耳」以及「麻辣青瓜」，我不嬲唔多好呢啲涼菜，所以都冇乜感覺，可能有人中意。個餐仲有「凍熱飲品」，咁餐飲方面因為第二段提及過嘅餐廳溫度問題，而且又喺灣仔店飲過「凍豆漿」，所以我要咗「凍檸茶」少甜，都係一般咁啦，本身都冇期望啲乜就冇失望。不過咁樣

講真我一日三餐都係出邊食每日接觸唔同店舖我都未見過啲店員服務態度咁差對啲客呼呼喝喝入邊有位比較少頭髮嘅男店員唔知係咪本身唔開心不停呼喝啲客好似喺監倉排隊等飯食咁不過講返啲食物質素其實係OK嘅希望佢嘅工作態度唔會影響到店舖嘅生意😆我不嬲都支持小店因為佢哋通常比較有人情味我亦都希望小店東主見到呢個留言從而向員工提供合適嘅training祝小店生意蒸蒸日上

點咗傳統炸醬撈粗麵餐：炸醬甜度適中、肉條唔太肥、粗麵可口（絕無鹼水味）、跟餐涼拌（青瓜、木耳好香蔴辣味）👍另點煎鮮肉芫荽餃：煎餃脆邊👍可惜芫荽味唔覺太重。奶茶就一般般！

位於石門站外面的皇后餃子，粉藍色的櫃和椅子，精緻漂亮，店舖不大，感覺簡單舒適。套餐前菜有麻辣雲耳和青瓜，辣辣地，幾好食，清湯牛腩幼麵跟生菜，牛腩都幾嫩滑，好味道，加埋幼麵好好味，另外點了鮮肉粟米餃、鮮肉韭菜餃和鮮肉芫荽餃，飲品試了凍豆漿，豆味濃，不算太甜又好味。服務員態度和藹親切，有一件小事值得讚賞，因為他們煎多了一些餃子，為免浪費，便有禮貌地問我們要不要，Rise便可以多吃幾隻餃子，真的很感謝。