百芳池上便當 (裕民坊YM²)

營業中

休息中

繼續冇得去旅行，唯有食下美食止下癮，今日就食台灣野啦！呢間台式餐廳位於觀塘呢個新嘅商場，主打便當同麵食，今晚就叫左兩個外賣返屋企慢慢嘆~慢滷豬手便當餐$63，一打開估唔到份量有咁多! 豬手有大約5大件，每件都好入味，淋身又帶點爽手，而且唔會帶有豬毛，食得好爽又開心! 便當仲有配菜同埋好惹味嘅粉絲，好抵食！包裝盒係仿木造型，真係好似置身台灣食緊火車便當咁呢~另一個係台灣鹽酥雞肉燥乾拌麵餐$64，次次去台灣都必食鹽酥雞！呢度嘅鹽酥雞冇令人失望，香脆可口啖啖肉，非常邪惡！好在肉燥拌麵唔會好肥膩～除左兩個便當，仲叫左夜市花枝丸，$22有5粒！粒粒都香脆彈牙，簡直食唔停口～跟餐仲可以加$8飲台式特飲，我地分別叫左洋甘菊甘金萱烏龍，玫瑰輕檸茶。兩杯都好Fresh，解膩一流，食幾多邪惡野都唔怕啦！

係附近上完堂番屋企唔想煮飯買左兩個飯盒番去試下個飯盒用竹盒包到靚靚仔仔幾有台式風味—————————————百芳滷雞扒便當（$64）雞扒大件厚肉 滷得幾入味仲有唔少配料 滷水蛋 粟米粒 炒椰菜 炒粉絲同辣菜莆食落多啲餸夾唔會悶粉絲索味得黎唔會太乾 配料黎講最鐘意佢底部米飯好似用左珍珠米 口感都唔差台灣焢肉便當（$61）自從無得去台灣之後就好耐無食過焢肉飯配料同頭先雞扒便當都係一樣焢肉一大舊肥瘦相間皮層食落充滿骨膠原即使係瘦肉位食落都唔會話好死實跟餐送茶 有款可以揀我揀左阿薩姆紅茶同碳焙烏龍望落去隻色差唔多飲落就各有各茶味同回甘味——————————————-其實個便當份量真係幾大下一個人食會好飽有時唔想煮飯 當一餐都幾好

「百芳池上便當」在裕民坊開業了，我們今天午餐就嘗味台式料理。金黃的地瓜丸很吸引，外脆內軟不油膩，一顆地瓜丸有三重口感。百芳豬扒便當，豬扒肉質鬆軟，調味也具台式味道，很喜歡豐富的配菜，肉碎拌粉絲、爽脆略帶微甜的菜圃、清甜粟米粒、高麗菜拌飯吃，是十分滋味，而且份量很足夠。牛腩牛腱湯麵也是台灣特色，牛腩炆得剛好，不靭也不爛很有肉味，台式的牛腱是切厚片，口感極鮮爽，配菜也豐富、鮮甜。我的竽頭鮮奶小芋圓，竽頭蓉融和鮮奶，香滑綿糯、微甜，小芋圓有咀嚼口感，整杯特飲很有美味層次，值得下次再回購。長時間以來珍珠奶茶很受香港人歡迎，家人都是珍珠奶茶的粉絲！

《外賣自取經驗談》開飯一早落左單 打算一到就會有外賣整好唔叫號 問起就話係個邊態度差到一個點 點會有人番轉頭價錢不平由自可 包裝更加係求其外賣個飯唔係熱 餸菜當然麻麻地如何留得一個客 只有店員先至知

今晚放工需要行去裕民坊買一買東西，買完要買的東西，行去搭回家巴士站路上，見到這個新開的商場，入了去行一行，見到這間台式店，店內裝修特別同餐牌價錢不貴，今次選擇了外賣先，外賣叫了慢滷豬手便當配苿香綠茶豬手真得特別霖同滑身，每件都大件同彈口，很香滷水味，配料粟米粒同菜甫都好爽脆，飯都多同軟熟好香苿香同綠茶味，我叫了少甜，甜度剛剛好台灣鹽酥雞肉燥乾拌麵配阿蕯姆紅茶鹽酥雞肉炸得好脆口同好香，雞肉好有雞味同滑身，肉燥香肉味，麵好爽滑紅茶味，真得特別香濃，也不會太甜

叫左一杯碳培烏龍，微糖少冰黎到見到杯野大半杯都係冰，同個姓楊職員講我要少冰，佢話已經少左，我心諗大半杯都係冰邊度少左，佢仲要串我你應該叫走冰而唔係少冰，少冰咪就係大半杯冰，你唔係唔識呀‼️到最後佢唔肯換過杯俾我，我唯有問佢攞把刀，好危險咁自己割開個膠蓋自己倒，冰多到足足有成2杯咁多（隻杯係佢提供）問佢攞刀時候，佢仲要話公司請唔夠人，你見唔到我一個人做哂全場，你仲想我點‼️真心登個姓楊職員慘，咁大間公司都唔捨得花錢請多一個職員，難怪佢會做到發火🔥最神奇係根據佢說法，我又唔明我另外一杯無要求少冰珍珠奶茶點解會無冰呢，佢應該幫我整到成杯都係冰先岩，真係十萬個為什麼諗唔明點解無少冰/走冰，就一粒冰都無，相反少冰果杯就大半杯都係冰，倒哂冰就好似圖中咁得返半杯飲，到底係咩玩法😂見佢用鄉下話同其他職員鬧我地，真心希望呢間公司高層見到既話，真係請多幾個職員幫輕下佢，等佢做得舒舒服服，唔使佢咁勞氣用把口鬧人咁辛苦🤧

去觀塘總會行下apm，但原來新開既裕民坊YM² 都幾多食肆，可惜疫情關係，部分都無開門營業，遲下要再到訪先😉我地行下行下見口渴，見到百芳池上便當都有外賣手搖飲品，一於又試下咩料子先‼️🧋珍珠奶茶 $20大大杯，絕對抵飲！珍珠有甜度，奶茶比例適中。🥤芝士奶蓋碳焙鐵觀音 $30由我揀左半糖去冰，所以不是全滿杯，但份量絕對夠大杯👍🏻 茶味都濃，但味道當然無法跟一些以茶底出名既手搖飲品店作比較，但是都可以😌 奶蓋帶芝士鹹香，搭配鐵觀音飲，唔錯❣️ 我好快就光速飲哂（太口渴😂😂😂）

之前食過池上便當覺得幾高性價比，便當都幾好食，見到觀塘開咗間，就諗住買嘢飲飲下~🧋芝士奶蓋洋甘菊金萱烏龍 走甜走冰 $34 (0/10)大大杯，茶嘅色水好淡，已經感到不妙🥲 飲第一啖個味道好奇怪，有種水加一兩粒菊花咁淡，但完全唔係菊花香味，有少少甘甘苦苦，勁奇怪！芝士奶蓋真係我飲過最難飲，剩係得個鹹味，完全冇芝士味，有種好假嘅奶香味，同芝士係冇關係😩🧋黑糖珍珠鮮奶 走冰 $27 (3/10)甜度固定，黑糖超級甜，黑糖味太濃太甜，完全冇鮮奶味，珍珠煙韌嘅，但太甜太膩！🧋芋頭鮮奶 少冰 $35 (4/10)甜度固定，芋頭味都有嘅，有粒粒芋頭，但鮮奶味真係飲唔到，似奶水，啲冰融左直情勁淡，但呢杯已經係三杯之中最好飲🥲推薦指數: 0/10茶底真係好唔掂，$34期望會有更高質素，咁嘅價錢咁嘅質素真係唔值得，真係未飲過咁難飲嘅台式飲品，冇諗過買三杯三杯都唔好飲，質素太差太差啦，唔會再買嚟飲😅

晚餐經過見到新開左百芳，就買左百芳外賣翻屋企，叫左牛肉麵😅😅炸物拼盤同布甸奶茶。牛肉麵湯底都幾濃，但感覺都幾多油。牛肉雖然夠淋，但係好大陣牛既騷味。。。感覺唔太新鮮。。。。麵底都ok, 餸既份量足夠，仲有菜同蛋。可惜係啲牛既味道麻麻地。。。。炸香腸同炸地瓜都幾好味👍🏻👍🏻炸地瓜幾出色。其他就不過不失。。。。百芳既份量係足夠，但味道可以再改善一下😆😆咁就更好。炸雞既炸漿望落都比較厚。😅😅

今日過咗嚟觀塘行街，觀塘十分之多嘢食，好難選擇。見到開咗個新商場，見到呢一間有珍珠奶茶飲嘅台灣小店，於是就試吓幫襯！舖頭店內位置不多，而且坐得有點擠迫。食物的選擇也幾多，都是台灣主要有名嘅菜式，但係就唔想食炸嘢，於是選擇咗豬手飯便當，再加一杯芋圓奶茶！食物都好快就到，份量非常之大，佢一嚟到，俾佢個量嚇親！豬手有好多舊，而且佢會加咗好多其他配菜，例如有粟米，有菜脯，亦都有一堆粉絲, 畫面好豐富。豬手味道幾好食，但係就有少少韌，可以再煮淋啲。粟米有味; 粉絲好好味呢個我好喜歡，基本上食晒佢啲粉絲先，都唔使再食飯啦;跟住菜脯好開胃，有少少辣，甜甜地，將佢攞嚟撈飯食，非常非常之開胃！整體個飯口感好豐富，我都幾喜歡吃，如果下次再經過，我都會選擇食佢。飲品方面，芋圓奶茶，非常之特別，因為好少會用芋圓做配料的。佢係同珍珠差唔多size，一粒粒嘅，可以用飲管吸入口嘅。芋圓嘅口感好好，亦都真係食得出係芋頭番薯嘅香味，呢個我十分之喜歡食，非常之過癮。因為本身好喜歡食芋圓，但係平時未見過係可以將芋圓加入飲品度，就咁樣吸食。我都將所有芋圓食晒! 奶茶亦都唔錯，甜甜地，都幾香，成杯嘢飲都好好飲，而且好抵飲！成個

荔枝紅茶 $18 (左)叫少甜，都偏甜，可能因為荔枝糖漿本身味道就甜味比較重🤔玫瑰輕檸茶 $24 (右)叫少冰少甜，檸檬味好出！好重嘅檸檬茶味！ 玫瑰花味亦強！而且成杯飲落唔會過甜！ 唔錯

曾經係午餐時間經過灣仔分店，見到大排長龍就好想試，但係淨係得外賣🤨呢日嚟到觀塘見到有得堂食，就即管試吓佢嘅水準如何🤣▪️ 台灣半筋半肉牛肉麵（7/10）💲72雖則佢既便當好出名，但見到好多人都話呢間分店整得麻麻，所以我就叫咗佢嘅牛肉麵🍜入口筋位軟腍，黏黏地幾多骨膠原，肉位亦都大舊，不過肉質略為硬身粗糙一點，蘿蔔就頗清甜🥕我要既係新竹米粉，幼身爽彈掛湯力一般，友人個粗麵反而幾有咬口同掛湯，湯底會係有少少辣既牛肉湯底，不過不失🌶️▪️ 小芋圓碳焙烏龍奶茶（7/10）💲24；+16 (跟餐)小芋圓質感煙煙韌韌，但係味道唔算好濃🤭飲落唔算好順滑，但係都有陣陣碳燒味，烏龍茶味比奶味重🥛🔎 整體評分（7/10）

星期日，一家4口去呢度第一次試食，亦將會係最後一次。態度差、食物差！飲品都只係一般。仲有就係麵唔好食，新竹米粉都係要有湯先叫擺得入口！有張點餐既單唔清晰，第一次嚟食既話好易點錯。

香酥豬扒肉燥乾拌麵豬扒值得一讚，沒有很厚的炸粉，也做到酥的一般效果；很喜歡五香粉味濃烈，吃下去又有一點點豉油及甜味，而且豬扒不肥但不乾，很juicy的感覺，而且炸得剛剛好沒有燶，啖啖肉，沒有骨，份量也不少，大口吃無後顧之憂；但相反麵就黏着一舊，就像是一個麵餅，似即食麵的感覺，不夠煙靭，比不上台灣手打麵，其實台式麵應該比較注意麵的質地；而肉燥不像想像中的，這個似魯肉，味道偏淡…熱厚醇奶茶質地滑身 ，茶味香濃 ，不錯….

呢間商場啱啱開，餐廳同埋舖頭都唔係好多，相信大家行15分鐘就可以行哂。由於我哋去嘅時候係食飯時間，好多間餐廳都排滿人，最後決定食呢間台灣餐廳。第一個餐我哋叫咗台灣牛肉麵，配料有三款分別係牛丸，牛展同埋牛腩。食麵講個湯先，都幾夠牛肉味湯頭唔算太濃，普普通通水平。個面最值得講係個牛丸同埋牛展，牛丸係咬落有兩層，第一層有濃厚嘅牛肉汁，第二層就係肉丸，口感幾好又彈牙。而塊牛展煮得超級軟，食得出係慢煮牛肉果類，味道佳！第二款原本想嗌炸髀拌麵，可惜人手點錯關係，變咗滷水雞扒🤣個拌面方便就普普通通水平😉雞扒都算大隻，滷得幾入味。我哋亦都跟餐加錢嗌左兩杯嘢飲。分別係芋頭豆乳小芋圓同芋頭鮮奶小芋圓，兩杯試完之後，我覺得鮮奶好飲啲，口感濃滑啲同埋肥啲🤣👍🏻