百芳池上便當 (裕民坊YM²)

營業中

休息中

以後唔會再嚟，點左杯野飲話走甜，黎到超甜，一隻滷水蛋諗住冇伏啦，好難整得咁難食，油又多又唔熱，好失望，講緊係$11 一隻蛋，$22 杯野飲，總之以後一定唔會再嚟。$33 整到咁我唔食好過食。完。

次次都行過間鋪頭，第一次入來試下牛筋粗麵同古早味仙草鮮豆乳，味道都幾特別下，店入邊人都唔少，地方都算乾乾淨淨，兼且黑衫個服務人員都好熱情招呼下。綜合體驗唔錯，下次介紹翻朋友過來試下！！

叫了一個肉燥便當，肉燥是五花腩切碎了，味道一般。反而想不到樣樣配菜都不錯，菜脯有少少辣，很香，粉絲也有點香味，鹵蛋都唔錯，大白菜應該是抄過，肉碎粟米都唔錯，飯也很香，令人覺得每一樣都是有用心製作的。熱烏龍茶很好飲。

我最近品嚐了一份控肉便當，讓我來分享一下我的食評。這份便當的特點是它擁有豐富的飯和多種材料。首先，我必須說飯的份量很足，而且材料都非常豐富。裡面有蛋和腩肉，而且腩肉是去毛的，這讓我感到很滿意。除了蛋和腩肉，這份便當還有其他蔬菜。其中包括普通的菜，還有一些特色的菜如粟米和哇哇菜。這些蔬菜提供了豐富的口感和營養價值，使整個便當更加均衡和美味。另外，這份便當還附帶了一個鹵蛋，這是一個很好的加分點。鹵蛋的鮮嫩口感和濃郁的味道為整個便當增添了一份美味的驚喜。總的來說，這份控肉便當給了我非常好的印象。飯和材料的份量都很足，而且腩肉無毛，這是一個值得稱讚的細節。蔬菜的多樣性也為這份便當增添了豐富的口感和營養價值。最後，鹵蛋的加入為整體味道提供了更多層次的美味。如果你喜歡控肉和多樣化的口味，我強烈推薦這份控肉便當。

我點咗一份三杯雞便當，裡面d雞肉係凍雞扒切成小粒，稍微辣，味道普通，份量適中。但係，我對佢地既服務態度同埋處理次序感到非常失望。我點咗一份控肉便當和一份三杯雞便當，編號是127，控肉便當早已準備好擺係枱面，欠三杯雞便當，但我看到後面既131號已經被取走，而我既餐仲未處理好。更令我困惑的係遲過我點既128號三杯雞餐都已經被取走，令我無法忍受。我問服務員點解同樣點三杯雞的我仲未有得拎，服務員居然答因為個個客人要求加辣，所以快d，被優先處理。之後廚房既姐姐大聲表示："係架啦，三杯雞要花時間煮熱！最後返到屋企拎佢比既筷子係發曬霉！

今次去試百芳池上便當！之前午飯時間經過裕民坊，有啲想食邪惡嘢😋癮係過到，但感覺冇屯門店整得好食🤔我哋嗌咗台灣鹽酥雞便當($63)同埋台灣焢肉便當 ($62)，兩個都唔錯！水準同之前食嘅其他分店差唔多，但感覺鹽酥雞嘅炸皮唔夠脆，可能炸好後放耐咗😕同埋焢肉豬皮咬唔開，可能都係因為放耐咗(?)都係好鍾意佢跟餐送茶，食肥膩嘢加杯阿薩姆紅茶好解滯🤌🏼💗整體味道同以前差唔多，但食材好似冇以前食過嘅其他店新鮮，下次去屯門試多次先🤔

今日試左呢間嘅外賣，食左香酥炸雞腿便當 ＋ 泡菜。便當內容好豐富，有粟米粒，白菜，粉絲，半隻滷水蛋，蘿蔔乾，再配埋香脆炸雞脾，同泡菜，好多層味道，質與量兼備，唔錯嘅午餐。

落8號風球，諗住同個仔落樓試下依間台灣食店，負責落單及收銀服務員態度十分差，問她問題又唔回應，客人問她拿筷子，她忙也可以跟客人說句等等…..什麼都沒有說，繼續無視客人。找她查詢，要客人大大聲跟她說，她繼續站在出餐處無視你，以為她是老闆一份子。只想問她可否加多少少汁用來拌麵，因一大個米粉唔夠汁拌，她說公司規矩份量是這樣，但我說汁跟米粉比例唔一樣，問她是否需要加錢，我才可享用多少少汁，她說辣椒油都冇加你錢啦！但我問加汁依個洗唔洗加錢！沒有禮貌的店員只會趕客走。不會再幫襯依間野。觀塘這店有這個員工企係前線只會趕客

疫情期間，盡量唔係餐廳內進食，發掘高質素外賣都係一般人頭痕既事。觀塘的裕民坊商場，就開左間性價比算高既台式便當，就下了單嗌個外賣。今次落既係鹽酥雞配米粉。台灣的新竹米粉，係相當有名，幼細而爽口，係廣東米粉不能媲美。當年，早年曾爆出新竹米粉醜聞，才知道爽口彈牙既新竹米粉，原來係用粟米芯做。any肥，好味就得啦！而百芳的米粉，真係好爽口彈牙。配上台式肉燥，將啲米粉混合黎食，係完美嘅配搭。佢哋既肉燥半肥瘦，有啲似東坡肉，混合左米粉後既肥膏，滲入落米粉內，good 鹽酥雞都係中上水準，佢哋有落淮鹽和五香粉，食落口感幾好。佢哋既珍奶🧋，淡淡地，但就適合喜歡小甜既人。食過另一間既堂食，知道佢哋外賣份量會變細，但如果唔係太肚餓既話，個份量都Ok ge 。

在觀塘工作的朋友常常要想食甚麼，如果你的辦公室在裕民坊ym附近，可以來這食店試一試，這店是食台灣食物，各式各樣的台灣小食都有，例如拌面，湯面，便當，小食。我這次叫了一碗雞扒湯面，面可以轉米粉而且湯的味道可以改清湯，就試了一碗湯面內有小菜還有半隻蛋。如果想喝台式飲料可以+6元升級，那個飲料還可以帶走

✨百芳池上便當(ू•‧̫•ू⑅)⁡🎀 <台灣鹽酥雞肉燥乾拌米粉>𝚁𝚊𝚝𝚒𝚗𝚐: 𝟼.𝟻/𝟷𝟶⁡想食嗰quick lunch 於是揀咗食便當便當幾快上枱鹽酥雞有七八件唔太油膩 質素一般肉燥半肥瘦撈米粉半隻蛋加埋鹽酥雞都算豐富⁡🎀 <豆乳紅茶>𝚁𝚊𝚝𝚒𝚗𝚐: 𝟼.𝟻/𝟷𝟶叫左少甜但都略甜豆乳紅茶無奶感覺無咁有罪惡感飲品都幾大杯⁡整體評分：😋 味道: 6.5/10💰價錢: 人均約$70⁡*☼*―――*☼*―――*☼*―――*☼*―――*☼*💖 百芳池上便當 📍觀塘協和街33號裕民坊YM² 2樓208-211號舖⁡#Foodiechk ⁡⁡⁡ ⁡⁡

昨日喺apm睇戲前去裕民ym行吓，睇吓睇完戲食乜。行過百芳池上，本來好開心，因為我係佢太古城店嘅常客，就一心諗住今晚食呢度啦。我就望下個menu，同太古城有啲分別。咁啱有個女職員喺我附近，我就問一句「請問今晚幾點關門和last order？」。佢氣沖沖行出嚟話：呢度咪有囉，然後行去一大堆紙板附近，指住其中一個有last order嘅紙板。我知我發雞盲睇唔到，但當時係下午4、5點左右，店入面得一個客，佢同其他職員都係吹水，咁你答我一句又駛唔駛咁惡同唔耐煩？阻住你地吹水喺我唔好，真係唔敢想像要你服務會點。最後睇完戲當然係冇去呢度啦！

新年期間除了食咗傳統賀年菜式，是晚晚餐就想來特別的，叫外賣。印象於當地食台式便當是好味的，想不到今次都有新體驗。滷肉飯便當🍱滷肉肥瘦太分明了，過瘦部分偏大，咀嚼時感覺偏乾，但味道可以。慢滷豬手便當🍱豬手有驚喜，入口鬆化入味，豬手皮乾淨。百芳滷雞翼便當🍱雞翼有三隻，大細適中，味道中規中矩。最有驚喜反而係便當裏的配菜，有椰菜，粟米，少許粉絲，特別喜歡有菜脯，使飯咀嚼起來更豐富。便當與泡菜，這fusion也挺好的。

(自費食評) 今天來到觀塘分店的百芳池上便當吃晚餐，感覺麻麻地有少少中伏的感覺第一個較差的印象就是他們該分店服務員的質素欠佳，他們愛談天說地，我們自己點完餐後没有服務員來接收要我們主動遞交才行，因他們只顧談天，沒有看顧客有沒有揮手🥢台灣半筋半肉牛肉麵 $75，牛筋可以，牛肉太硬，咬不入，吞不落。麵少麻麻地🍡地瓜丸 (5粒大大粒) $28，好味，好多地瓜料🥢滷水雞翼 (3隻雞中翼) $26，可以接受普普通通🧋芝士奶蓋夏日荔枝紅茶加珍珠 $38，少甜好清，正。🥤冬瓜豆乳 $19，好濃冬瓜味OK.

台灣鹽酥雞便當 $59 呢間係我經常會encore嘅外賣舖頭，外賣嘅時候佢會專登將啲鹽酥雞分開包裝，等佢冇咁易變淋。個雞唔會太鹹，味道啱啱好，不過其實我鍾意食啲配菜多過佢個雞🤣🤣配菜有菜脯，粉絲，同粟米，其實啲配菜真係多過啲飯，啱晒我呢啲唔鍾意食飯嘅人🤣🤣咁多人配菜我最鍾意係粉絲同埋粟米。跟餐有配嘢飲可以揀烏龍茶綠茶或者紅茶。我通常都會加$4交互元，有啲嘢咬下個人都開心啲。總括嚟講，呢間嘢係諗唔到食咩嘅時候都係一個好選擇。