百芳池上便當 (太古城中心)

營業中

休息中

疫情令我地成年都冇得去旅行，懷念台灣的地道小吃同特飲，好彩香港仲有好多各國特色餐廳！今次終於食左人氣食店百芳池上便當了。每日都係咁旺場，疫情都好好生意！價錢合理，睇落幾吸引，是平得黎會食得開心嘅組合吧！睇到芋頭牛奶新推出，好吸引，即刻叫左杯黎試！便當有8款，我自己就鐘意食麵多，而朋友話最好食鹽酥雞脾果個，大大隻又香口，不過佢今次想試第二份會唔會好味d. 我點左最iconic 的紅燒牛丸牛筋麵，打開個樣未算好靚，但係食落有驚喜！牛筋大大舊又彈牙，滿滿的膠原蛋白！入味軟淋淋，個湯就超好味喇，我成碗飲哂，唔理得有冇味精了，太好味喇！好彩食完唔口渴！呢杯芋頭牛奶强烈推介！真芋頭，真牛奶，呢兩樣野好緊要，身經百戰的我飲過唔少得個名的，呢杯真係拿滿分，有芋頭粒，有芋泥，少甜，香滑有奶香，完美！買！仲有古早味鹽酥花枝丸，不解釋，正！幻想中，回憶中的台灣美味返哂黎！朋友仔叫果份雞扒便當都幾有份量，有埋粉絲咁，幾有層次！當然仲有珍珠奶茶，朋友呢個奶茶控都讚好！

我都從來未試過食飯可以食到咁嬲, 幾個月前都試過堂食, 食物就一般, 但總算入不過不失, 其實當時員工態度都真係好差, 當日記得去cashier 落order, 個女職員只顧玩電話, 落單時, 我話要乜, 佢又唔聽, 分晒心, 到佢魂魄返番嚟, 又不耐煩問我要乜, 黑晒面, 好似我阻住佢咁, 當日喺堂食, 佢冇問我係堂食定外賣, 就幫我default我外賣, 我之後就奇怪, 點解冇個remote alert嗰部機嘅 (我見人哋有)? 問佢喇, 佢一粒聲都冇出, 就搶咗我張單去厨房 (係open kitchen, 所以成個過程都睇到晒), 同厨房改我張單為堂食, 就好晦氣咁同我講叫我"企喺度等", 留意到佢哋厨房嘅員工, 原來個個都係咁, 玩電話, 做嘢散慢, 只有一個似店長嘅男員工好少少, 出我碗麵時發現有問題, 就攞番去同佢啲員工講, 搞完一輪先比番碗麵我, 但番到座位, 又發現佢哋漏比酸菜, 返去問佢哋攞, 態度都係一樣, 總之當日已一肚氣.  咁今日繼續抗疫唔出街, 叫咗外賣, 諗住唔駛受佢哋員工氣喇, 我叫咗紅燒牛丸牛筋麵 (全碗不是湯, 真係冇誇張, 成碗都係油), 油到只食

經過之前勁差嘅網上訂餐經驗之後，今日經過見比平時少左好多人排隊，打算再比多次機會佢。今日多左個職員系取餐位幫手，廚房D職員整好晒之後就比果位職員，排好晒一SET SET，流程順暢左，好多訂左餐嘅人都好快有得拎。今次即場落單外賣，都系等左10分鐘左右，真心未試過咁快，希望之後一直都咁快。

每一次行經過誠品都會俾佢嘅香味吸引到，今日終於就走咗去食。鹽酥雞便當，感覺上性價比都相當高，入面有好多唔同嘅配料，有蔬菜粟米半隻滷水蛋，當然唔少得主角鹽酥雞。鹽酥雞外皮都整得幾酥脆，而且佢都係新鮮即炸所以唔會有，凍咗變到有油淋淋覺得好油膩嘅感覺。而且調味都唔錯唔會太鹹或者太淡份量都幾多，有5至6件，所以都幾夠飽。個飯入面其他配料例如粟米粉絲蛋蛋佢都唔係就咁滾水整熟佢就上，有經過調味。最後飯嘅份量都幾多，所以一個便當有咁多嘢食，男仔女仔都一定夠飽，同性價比都幾高。

之前試過堂食，足足等左半個鐘先出到餐，咁等法真心怕怕，食完好易唔夠時間返公司..今日系open rice 見到佢有得網上落單，仲要提醒話要45分鐘先有得拎，OK~ 有新野就試下~我就係系統 11:31am落單，選左1:00pm先拎，1:03pm都未見佢個圖案轉，仲系顯示製作中，就打電話去問啦，打算如果佢未整緊系取消唔要啦！點知接電話嘅職員話整好可以拎得。點知落到去系完全未開始整，咁做生意真系第一次見！！！不停問先有個男仔幫手整，講普通話個阿姐聽完就算，出24號同5x號嘅餐，都唔出14號嘅餐，同場仲有1位小姐10點幾落單(8,12號餐) 都仲未出，超過份講真生意好做唔到就唔好搞網上落單啦！做死d員工之餘又搞衰自己個名，搞到d食客嬲嬲，一系就將系統改做12點至2點唔好接單

如題，已經第三次la，佢地係等你個人出現，報咗到，先會開始整。話50分有得攞你50分出現佢50分先開始整。重點係記得報到，5係你企幾耐都無嘢食😂而且d staff態度好差😂，幾好食都5會再幫襯。上次我準時到，行過去問，個staff哎入廚房XX號到咗之後示意我等。Fine，等咗10幾20分鐘見本身排隊買嘅客人都已經有得攞但我個餐未見蹤影，原來佢又漏單...足足等咗成30分鐘先攞得😂今次我醒咗，早10分鐘打去問整好未諗住預翻時間行過去，staff話整好可以攞。結果我去到又未整好又要等...同樣都係再報到後先整...咁同我即場排隊order有咩分別？

每一次經過誠品時會見到它，但都沒機會喝，而熊熊插畫更是可愛，於是便想一試。 🐻🧸點了黑糖鮮奶，少冰、加芋圓(+$5)。等了約5分鐘就到我了。接過飲品的一刻覺得芋圓也太多了吧，是怕我晚飯時吃不飽嗎~ 差不多有半杯之滿呢！(笑) 😂攪拌均勻後，喝了一口，覺得奶味不夠濃、有點水，而且甜得過份，但又不是黑糖味，反正跟黑糖不太能扯上關係就是了。嗯，實在不太好喝。芋圓也不夠有咬口，似乎不太熟。嗯，或多或少與我所期待的有所出入。

之前經過太古城都想試吓呢間餐廳今日去誠品買書終於都有機會啦點知絕對沒有失望仲有驚喜添呢間舖頭有台式便當亦都有牛肉麵但見好多人都嗌便當🍱由於佢喺誠品入面所以座位都唔算多幾乎都全部滿座老實講唔算好好坐架我叫咗個百芳滷雞扒便當（$63）連埋一杯碳焙烏龍望落好健康有菜有粟米，仲有半隻滷水蛋！飯量唔算多但係佢嘅配菜好多所以都食到好飽我好鍾意佢嘅粟米好有誠意係有汁撈埋一齊好好味㗎不過我食唔出係咩汁菜亦都唔係白烚隻滷水蛋都好入味啊最最最好食係個雞扒好淋好入味！！！一咬就好鬆軟超正而杯烏龍茶都好大杯好似出面手搖飲品店嘅size不過記得要嗌少甜呀我唔記得咗嗌變咗好甜 哈哈另外男朋友買嗌個台灣焢肉便當（$59）連一杯阿里香紅茶而男朋友嘅焢肉一樣都係咁好食一樣好淋好入味我哋覺得好食過出面嘅台式店好多整體來講環境一般店員都有禮性價比極高因為呢個價錢連埋嘢飲都咁好食同埋我鍾意佢有菜好健康因為個價錢同埋食物質素值得一個笑有驚喜值得推介

放工後趕住睇戲，見到有台式便當便去試試。先在收銀處購買食品，待取餐提示器響起便取餐。<滷肉飯便當>粟米粒頗甜，粉絲和菜脯爽口微辣，滷肉滷得入味和不油膩，雞蛋保留了少許滷汁香味，不會太乾，飯粒分明。<百芳牛肉麵>蘿蔔腍甜冇渣，牛肉軟腍入味，麵質爽口彈牙。<台灣古早味香腸>賣相雖有點乾身，但入口仍食到香腸的甜味和油分。左<小芋圓炭焙烏龍奶茶>芋圓煙韌唔太甜，有芋頭和地瓜味，甜度適中。右<玫瑰輕檸茶>檸檬味較多，蓋過了玫瑰味。

《地道台式便當🍱》———————————————-#百芳池上便當 🛤-台灣鐵道便當好出名， 去台灣都想搵嚟食， 而家飛唔到都可以喺太古城誠品裡面食到啦😆-為咗還原台灣風味，都用台灣「偽」木盒裝，賣相一流！便當款式都幾豐富，除咗便當，亦有湯麵、 乾拌麵同台式小食😚-便當份量十足，鹽酥雞都幾大塊，炸得好香跪。外賣返去放咗一陣先食都唔會話變得好乾或者硬～尤其中意佢嘅配料，有粟米、肉燥、粉絲、鹵水蛋同醃酸菜， 好有層次同口感😋-⭐ 參考價錢︰台灣鹽酥雞便當： $59（跟餐加冬瓜鮮奶：+$17）🍌 抵deal 指數：9/10

位於太古誠品內嘅百芳池上便當，主打台式便當，特色係米飯用上台灣有名嘅池上珍珠米，飯粒飽滿富彈性，口感很好。百芳豬扒便當$59 豬扒厚薄適中，煮熟後唔會太乾。揭開豬扒，除左香軟白飯之外，仲有三款配菜，與肉汁混和增添風味。紅燒牛丸牛筋麵$64牛筋入味彈牙，牛丸咬開仲爆汁，湯底微辣帶點香料味，扁身麵條質感軟滑，盡吸湯汁。炸花枝丸$20花枝丸, 炸起粒粒金黃色, 外層灑上一層很薄的調味粉, 入面仲有粒粒魷魚肉。黑糖珍珠仙草鮮奶、芋頭豆乳小芋圓

不能出遊，更加對台灣食物念念不忘。今日就近近地去太古城誠品店，入面一間叫八方池上便當食台式便當。分別點了滷肉飯便當加金桔檸檬。另外一個係乾拌麵套餐：香酥豬扒肉燥拌麵，再加黑糖冬瓜檸檬。小食就是皮蛋豆腐。皮蛋豆腐這個冷盤其實非常簡單，但上面加了一些台式醬油，另外還有木魚絲，口感豐富，令人食不停口😋滷肉飯便當上面除了滷肉還有乾伴粉絲，粟米粒，菜脯粒，西蘭花及半隻滷水蛋。各樣配料各有味道，口感層次豐富。飯的份量亦不少，男士食都十分足夠飽肚。而金桔檸檬味道超濃郁，就算食到最後冰塊溶掉了一些，仍然不減其味道，相信是落料落得充足👍香酥豬扒肉燥拌麵上的肉燥跟滷肉飯的肉燥類似，而麵淥得較為淋，豬扒就炸得香脆，上面有些少黑胡椒粒，增加香味。而份量給女士吃就剛剛好。黑糖冬瓜檸檬則酸甜平衡做得不錯，帶有清新的感覺😘整體店舖上菜速度快，味道接近台灣口味。而且便當選擇多，下次可試其他不同款式😍

之前見同事有杯好得意熊仔手調飲品， 就問佢邊到買， 佢介紹左百芳俾我。今日同老公去左食， 發現性價比都幾高。炸雞脾配滷肉撈麵（66蚊）： 1拎到個麵就陣陣香味， 唔單至滷肉味仲有d蔥油香味既感覺。個麵又d偏淋， 如果煮少d時間應該會仲好食。個炸脾皮好脆好香， 但偏咸， 整體都係唔錯。跟餐可以叫紅茶或者綠茶， 可以揀甜度， 我叫左微糖， 少少甜冇澀味。牛筋牛腩麵（72蚊）：老公都係鍾意食牛肉，個牛筋唔會太淋， 仲有咬口。個牛腩係筋腩， 炆到好淋。 個麵都係偏淋。下次會試鹽酥雞， 好似都唔錯， 都幾多人食。

原來誠品唔止有賣書同零食🤩，而家仲有好多不同台式食店，早前來咗呢間喺太古誠品生活入面嘅百芳池上便當🍱📍台灣滷雞扒便當🍱（$63）每個便當都配上白飯，3款每日精選的配菜，半隻滷水蛋，飲品👍🏻❤️今次配菜有粟米肉碎🌽、西蘭花🥬、粉絲，榨菜，配搭健康，而滷雞扒質素都很好👍🏻😋，香濃入味🥰🥰📍芋頭鮮奶小芋圓（$37）（買便當餐🍱轉購可以-$8）看著他們使用明治鮮牛奶製作，質素保證👍🏻👍🏻👍🏻超多軟綿綿芋泥，入面有芋頭粒，配合細細粒煙韌小芋圓，口感豐富，多層次😋👍🏻 .📍台灣夜市香腸🥓（ $25 ）暫時喺香港食過最好的台灣香腸👍🏻，鹹鹹甜甜，香脆可口，脂香油香散發，香味四溢🤤😋

好耐無食過魯肉飯啊！！！！！一起身受到魯肉飯既召喚去左百芳搵食～餐牌既野都唔貴，2個人叫左2個餐加一個鹽酥雞😀雖然就唔算超級好食，同台灣原味道比當然就比唔上。但肯定好食過觀塘個間啊x來了。而且呢個價錢都算大件夾抵食，睇相的話上餐時係倒轉左，個麵應該係跟個豬扒先岩。成個餐最好味係豬扒，魯肉偏甜，都多肉汁，撈飯幾正。而2杯飲品係跟餐的，都係好甜。。。。極甜烏龍茶🤧下次一定要少甜。整體黎講，好掛住魯肉飯去食下止下痕是ok的，但唔會令你覺得美味到感動。如果有人係香港食到超好味好似台灣程味珍咁好味既希望留言介紹下～～～～～些些🤗