百份百餐廳 (麗港城商場)

營業中

休息中

At CAFE 100% in Laguna City, the HK$41 afternoon tea set sits before me - a study in contrasts captured in the harsh light of reality.The miniature Hainanese Chicken Rice presents itself with minimal fanfare: thin slices of chicken paired with golden chunks of pineapple and scattered green onions atop white rice. The dark soy sauce, clearly visible in the image, indeed overwhelms the dish, seeping deep into the rice grains. The chicken portion is notably sparse, barely peeking out beneath the ga

又黎到 藍田麗港城嘅百分百。 見到好多款菜式，突然比我見到讚岐烏冬，梗係要試一試。身為呢個讚岐烏冬愛好者再加上。有最愛嘅牛肉。 仲要佢呢啲唔係普通嘅牛肉係穀飼牛。依個穀飼牛 讚岐手打烏冬就咁聽個名就已經知道唔簡單。飲品方便就梗係配有香濃朱古力味嘅朱古力，朱古力上面再加上原粒嘅朱古力豆，飲緊香滑嘅朱古力，同時又可以有朱古力嘅咬口。中午時分嚟到人流都算多，但等咗一陣都入到去。係忙碌嘅午飯時間去百分百食一餐都係唔錯嘅選擇。

乾炒牛河，肥美的牛肉片、嫩滑的河粉和翠綠的豆芽。 食落仲有散發出濃郁的醬香與焦香氣息。這道菜的靈魂就係個鍋氣賦予牛河獨特的風味。再加上佢個辣椒醬，令成個口感提升一個檔次。嫩滑的河粉吸收了醬汁的精華，牛肉片則嫩中帶嚼勁，簡單的材料、豐富的口感。另外仲要可以話係百分百嘅靈魂飲料，凍朱古力。 佢唔止係普通用朱古力粉沖出嚟嘅嘢飲，一邊仲有好多朱古力粒粒喺飲嘅同時仲可以食到朱古力嘅口感。 甜而不膩嘅口感，去晒熱辣辣嘅乾炒牛河，兩個互相歸影。

呢碟椒鹽焗肉排真係好味，肉質嫩滑，椒鹽調味恰到好處，香氣四溢，吃落唔會膩。凍奶茶又夠滑，奶味濃郁，加上冰鎮得啱啱好，口感十分爽口。兩者搭配，真係好滿足！而麗港城分店既百份百人流唔會好爆，唔會好似其他地區咁要等位等太耐

今日同朋友去藍田食個快飯 就見到呢間開到周圍都係既茶餐廳 叫左個 鮮茄巨人雞扒蛋蒸飯$58雞扒好大塊 都幾juicy 雞蛋有小小流心狀 加埋個蕃茄汁 十分抵食呀 仲有小量菜提供 60蚊都唔洗 😋凍朱古力 加$3 超好飲 好濃濃既朱古力 😍 未試過去茶記飲到咁好飲咁濃既朱古力 見到佢話係韓國直送 仲要只需要加$3 都可以有咁濃既野飲 呢我覺得直頭係呢間餐廳既招牌 😎 朋友叫左個乾炒牛河 同 新鮮冷壓檸檬茶佢話唔差 $62 炒得都幾入味 檸檬茶就普通 唔會苦澀 😝

作為街坊，都想間餐廳做得好，大家有得選擇。但有幾個男侍應好似個個客都欠佢錢咁。唔該佢過嚟寫嘢，黑口黑面完全冇反應。行到過嚟就用眼超住我地，講咗俾佢聽食乜嘢，又係冇反應，都唔知佢聽唔聽到咁就行開。可能佢都感覺到我哋唔滿意，張單返嚟嘅時候竟然每份早餐加多咗$3。平常都冇特別睇，不過今次又啱啱睇到，然後問第二個男侍應，又係毫無解釋咁攞走咗張單，跟住每個餐減返$3放返張單喺枱面。呢啲態度真係趕客。希望老闆注意一下，唔好俾呢啲枯枝破壞整個集團嘅聲譽

麗港城有幾間茶餐廳，尤其是最底層嗰間好多都做冇幾耐就執咗，所以競爭都唔細。呢間百分百喺最初開業嘅時候，質素都唔錯，而且有好多嘢揀，所以間唔中都會去幫襯。雖然質素唔算太高，但係啲嘢食夠熱，都算係中中等等平民之選擇。但係隨着時間過去，我哋發現佢嘅質素越嚟越差，連檸檬茶或者檸檬水都唔係用新鮮嘅檸檬沖，而係用粉。呢間百分百仲有新鮮嘅麵包，所以我間唔中都會去買個麵包食，麵包都算唔錯，比連鎖嘅麵包店質素高，可以做早餐。

今日嚟到百分百餐廳，本身想食下午茶，但係見到午市有酸菜魚， 即管試一次，酸菜魚份量還好，有十小塊魚片，亦有少量芽菜等配料 。六十幾蚊又唔算太貴，辣度啱啱好，唔算太辣。奇就奇在呢隻辣椒會刺激到不斷洗鼻水。總括黎講，都唔錯。美中不足是魚肉唔太彈牙，呢一點可以再作改善。麗港城的餐廳不多，有質素的更小，呢間雖然是連鎖，味道還算可以。只希望衛生可以做得更好。同埋以前會主動提供紙巾，宜家要問先有，感覺唔太好。另外，順便影埋最新午市同下午茶餐牌，俾大家參考。

冬至當日，下午5左右同朋友去食下午茶，首先望入去全間餐廳得一枱客，本身打定退堂鼓，不過附近好多收晒，朋友食過一次ok就試下啦~當時，鋪頭入面有兩個樓面呀姐，咁我地入去之前就係門口嘟疫通(又無人睇無人理既），我嘟先再到我朋友嘟。然後行緊入去坐時就係咁話我未嘟疫通，只見到我朋友有嘟，我地異口同聲話岩岩係門口嘟左啦~ 佢就話佢聽唔到睇唔到，然後不斷比說話我聽，特登提高聲量話宜加政府政策唔洗安心但都係仲要嘟疫通嫁~~~~ 我好無奈囉,我嘟你又唔行過黎睇，部機又唔較大聲d，聽你又聽唔到，不知所為！🤬

星期日難得瞓到自然醒，咩都唔做衝落樓下嘆個早餐，喺門口睇個餐牌好似幾吸引，一於試吓啦。香煎雞扒煎蛋麵，塊雞扒乾乾柴柴，又細塊，個麵好似膠膠地，杯奶茶淨係澀而冇茶味，得隻蛋係正常嘅，嘥咗我一餐quota。

星期日中午買個咸蛋肉餅飯外賣，等咗20分鐘，返到屋企打開見到鮮嫩粉紅，仲以為叫錯咗韃靼牛肉😓測試口感應該7成熟，豬肉唔熟真係無謂搵命搏，結果用咸蛋豉油撈飯！🤬*唯一可取係奶茶好大杯

星期六早上10:39 到百分百食早餐 我同枱5分鐘到餐 而我到了早上10:50 仲未到 隔離枱遲過我入座都食緊 我叫煎牛扒 隔離枱炸魚都炸好最後要吹兩次 10:55am 先慢慢行咁送來 一個早餐要15分鐘 唔接受啦

向來聽聞這家廳質數一般，但抱著僥倖心態，希望會有奇蹟出現，但結果都係失望。入座後發現張枱上手食完後都無抹枱，請侍應生清潔一吓，點知佢只係好求奇抹一吓了事，結果還是要自己動手。然後點了一個二人套餐主打是蒸倉魚或霸王雞，不幸地選擇了霸王雞，碟雞又嚡又韌根本無辦法咬得開🤢。告訴侍應生但他只是望了我們一眼毫無反應。好彩另一個菜還可以吃否則百多元的晚餐就只是吃白飯和湯，試完這次真是發覺是自己的錯，人人都評唔好東西為何不信？真係煩惱自招。😔

當年套《百分百感覺》都拍續集，所以我決定食評都寫咗續集。上次俾咗人生第一次嘅負皮，有啲唔好意思。所以今次俾多次機會佢再食第二樣睇吓有冇新發現。星期日瞓到一兩點，諗唔到食乜，見到百分百cafe可以電話落單，基於我唔想等又想快啲有嘢食，咁我就打電話去叫咗個公司三文治，佢會俾返個飛尾Number你。去到櫃檯講個Number就可以俾錢pick up。其實我覺得留自己電話Number仲方便，因為我金魚記憶冇寫低真係會唔記得咗個number。不過呢啲小事。佢個公司三文治有午餐肉火腿生菜炒蛋，其實OK嘅，入面個芥末醬我覺得幾好味，午餐肉略為鹹咗少少。不過最大嘅致命傷係公司三文治竟然冇飛邊！其實連包皮食唔係唔得，好似炒飯都可以唔用隔夜飯。不過口感真係差好遠，而且食完第二舊已經有啲飽，最後我係冇食哂D包皮，唔鍾意食包皮嘅人要注意

經過見到佢下午茶餐有迷你霸王雞飯，見佢平時晚餐買成60幾蚊，依家$36仲有碗仔翅，咁貪平嘅我諗住試吓啦。因為臨時決定食，所以冇預先order, 就咁排隊買外賣。排咗5分鐘先發現原來自己排緊麵包店嗰條隊，cafe嗰條隊係隔離。可能因為啱啱開張，店員落單有啲生手，大家記得對單先好俾錢。如果大家驚多人唔想等，可以係屋企打電話去order自取,電話號碼係我upload嘅menu 入面。平日下午茶時間冇人，大約等咗10分鐘就有。碗仔翅有啲鹹，無比醋。凍檸茶嘅檸檬打碎溝入去，同隔離嗰間itamomo 一樣，我個人幾喜歡霸王雞飯原來就係蔥油加去骨白切雞，雞肉有啲韌，應該煮過龍。有4、5粒骨碎，大家記得慢慢品嚐，唔好狼吞虎嚥咁食。下次應該唔會再嗌霸王雞，有啲失望。好彩冇晚市比60幾蚊食