百份百餐廳 (新都商場)

營業中

休息中

昨晚太太放工，預先在車上用手機apps，在這間百分百落咗兩個飯餐，一個焗飯另一個係炒飯，另兩杯熱飲，檸水和朱古力。網上俾晒錢，到前半小時巳落，因為知呢間餐廳平時都等半小時先有得拎。去到未有，又等咗好耐，再問，竞然先話冇呢張單，看看取餐地址冇錯，但佢話冇收過呢張單。俾咗錢冇餐攞！結果我太太要取消張單，向平台投訴，再急忙去附近再買外賣，因為中午已經忙到冇乜食飯。記得疫情時，有一個夜晚，都叫過一次，嗰次叫佢送來，六點半後叫，差不多九點前先到，差D要去買老麥。這間餐廳早餐，都等差不多半個鐘，午餐更不用講，試過等九個字，最唔好係我企係度等外賣，佢拎出來時係唔叫號碼，好多時冇維意，會企喺度呆等，好多時要自己去睇。員工服務，真心麻麻。奉勸各位，晚餐真係唔好叫呢間外賣，冇單事少，可以退，但時間浪費就冇得返轉頭。

一人晚餐，來性價比高的百分百餐廳，即使晚上八時多依然滿座。王牌鮮茄焗一口豚肉腸仔及半焗流心蛋$71，可自選配熟蛋、炒飯或意粉。我轉了熟蛋會炒飯，炒飯有蛋炒底的，焗過後配上芝士，味道更香。茄汁不會太濃味，甜酸度適中。喜歡一口豚肉是豬扒肉切成小片的，非常爽口。有腸仔蛋，純粹港式情懷，是茶餐廳必點食物，賣相也不錯。加配飲品$9有香滑奶蓋奶茶，超值！而且味道十分好，奶蓋濃濃的奶香，有芝士味微鹹，配奶茶提升香氣，順滑又滋味。這裏已經成為我的飯堂列表之一，食物選擇多，飲品有特色，也有很多優惠配套餐，怪不得這麼多街坊支持。

今天天氣開始轉凉，經過百份百餐廳，見有推廣$128一份羊腩煲送一杯特飲，和朋友決定試試。六點開始晚飯時間已經滿座，等位約10分鐘。除了羊腩煲，再點了星洲炒米，另外再加兩個燉湯。這個湯的湯料十足：雪梨、猴頭菇、紅棗、瘦肉，清甜滋潤，非常暖胃舒服，加配只是$18，絕對好過自己煲吧！星洲炒米，百份百用料：蝦仁、葱絲、銀芽、洋蔥絲、义燒、火腿樣樣足，微辣而香口，最緊要的是炒得乾身爽口不油膩。主菜羊腩煲上場了，上枱熱辣辣香噴噴，令人垂涎。用筷子稍為夾下，有好多件羊腩呢！非常入味，夠腍但保持有咬口，連汁都吃光！紅蘿蔔、馬蒂、冬菇等也不少，豐富地組成一煲，還有一碟生菜，這個價錢算經濟實惠！ 飲品方面，我選的紫薯牛奶非常香滑，紫薯味很香甜順滑，朋友選了咖啡紅豆冰，紅豆爽口，並且與咖啡很調和。 二人埋單$244，性價比高。服務員的招呼和態度都非常好，值得一讚！

行過百份百，被$128羊腩煲吸引，仲要有特飲，點都要試吓坐得即刻落單，見到仲有燉湯，只加$18，叫埋先上燉湯，啲料多到咁，自己煲都唔得啦！好清潤滋陰羊腩煲嚟啦，羊腩燘得剛到火喉，配料又多，仲送碟生菜，抵到爛，特飲叫咗咖啡紅豆冰，紅豆好正呀！總括來說，好抵食又好食，還有，店員超有禮貌，回應快，太好！

叫咗蠔仔粥外賣自取，返到屋企結果見到一碗爛飯，完全冇湯，蠔仔得兩三粒，仲古怪到加咗啲白菜同雲耳。味道相當古怪。完全食唔到，結果成碗掉咗。 如果唔識做潮州菜。請唔好offer啦。

今日中午，要搵地方食午餐，隨意咁去咗一間叫百分百嘅餐廳，見到入面都幾多人，但幸好我一個人塔枱唔使等位。打開餐牌時，拿不定主意，見到人地嘅銀芽肉絲脆麵好似幾吸引，於是我決定試下。✔️銀芽肉絲脆麵脆麵賣相十足，像一座小山咁，每條麵都經過油炸，口感滿足。整體味道唔錯，肉絲銀芽配脆麵有層次感。不過，因為脆麵偏油，吃完之後覺得有啲熱氣。✔️奶茶紅豆冰飲品方面，我選擇咗奶茶紅豆冰，味道亦都幾好，但偏甜咗少少，對於喜歡清淡口味嘅朋友可能唔太合適。總結，百分百餐廳位置方便，味道亦都唔差，雖然有啲熱氣，但我覺得值得再來！

夜晚過來幫襯百分百, 見到依個二人燉湯套餐180元幾抵食, 於是叫依個, 主菜一係清蒸或煎黃🐟花魚又或者沙薑雞🐔, 另外小菜四選一, 揀左涼瓜火🐽腩煲, 配二個燉🥣湯同二個🍚白飯, 叫的時候因為湯未煮好, 於是等左一陣, 店員先幫我們落單, 等左一陣二個湯送來, 份量都唔少, 係雪梨蟲草花茶樹菇排骨紅棗湯,飲落唔係好肥好油👍, 都熱辣辣很清甜🥰, 本身叫黃花🐟魚, 但今日無貨😅於是要轉沙薑雞🐔, 來到份量都唔少, 亦都幾靚仔👍👍, 送來二個白飯🍚也熱辣辣😍, 之後再來涼瓜火腩🐽煲, 配豆豉煮好美味好夾, 送來也熱辣辣, 不過可能我個人食比較偏淡口味, 就覺得咸左少少😆但整體算唔錯😍🥰

趕得切11:30前食早餐香煎牛扒早餐$4️⃣4️⃣牛扒煎得啱啱好，唔會韌又唔柴👍🏻個汁就太鹹流心蛋就熟咗D餐肉都煎得好香脆粟米粒食得出是罐頭貨蒜蓉多士好香口熱奶茶都好香醇，入口唔會嚡早餐大大份，又好味$4️⃣4️⃣真係好抵食

今日剛好在附近有時間可以慢慢坐低同小朋友食個下午茶於是就想起去百分百😬😋一如既往門外都是大排長龍不過都唔算等太耐⋯好快就有位了！因為已經不是第一次食每次例牌也會必叫呢幾款😂😂🍅蕃茄焗雞扒飯（芝士控超滿足）⭐️⭐️⭐️⭐️🐂黑椒牛肉炒意粉（唔算太油）⭐️⭐️⭐️⭐️🐟炸魚柳拼薯條（感覺份量比以前少）⭐️⭐️⭐️

今早入來屯門, 先食過早餐, 叫左雞扒腸仔流心蛋雞扒蒜蓉多士配熱奶茶, 賣相幾吸引👍打下卡先, 先食件蒜蓉多士, 雖然唔係脆, 不過都唔係淋, 好香蒜蓉味😋食件腸仔, 唔係好咸, 幾好食🥰 雞扒正常, 不過無乜肉味, 雞蛋正常, 亦食唔到蛋香, 但份量足夠一定夠飽, 奶茶正常味, 又唔係特別出聲, 但整體ok.都有下次❤️難怪敢多人💞🍴

那西至極，明明無晒商品湯底，卻不告知，導致魚肉味道超淡，之後近燒乾的狀態，店員竟馬虎地加清水了事，令到可謂雪上加霜，多次向店員示意卻刻意視而不見，十分失望，貼錢買難受！作為顧客，我應該得到有水準的食物和良好的服務。花錢購買卻遭遇如此糟糕的經歷，讓我感到非常不滿和難受。將這次經歷分享給大家，提醒你地在選擇用餐地點時要慎重考慮。同時，我也會向餐廳的管理層投訴，希望能認真對待我的意見，並採取措施解決這些問題。

排隊等位時已經俾門口既新鮮麪包吸引住，香噴噴，餐牌上菜式種類多，我點左午餐-犀飛利銀芽肉絲脆麵，麵條炸到脆卜卜，加埋銀芽肉絲芡汁，絕配，有驚喜！百份百餐廳港式茶餐廳連鎖店

屯門新都商場百分百餐廳，買左3份晚餐，買時收銀話要耐啲，要等35分鐘，會唔會考慮其他食物，問佢其他食物等幾耐，收銀話都差唔多時間，呢啲癈話講嚟做乜。等35分鐘照買照等，逛下商場一陣再來攞，35分鐘過後，來到百分百餐廳，外有賣仲未有，問收銀，回應要等多陣，一等又十多分鐘，仍然未有，問其他侍應，一問又10分鐘，其間有個食客氣沖沖走人，冇比錢，收銀隨即問食客收錢，原來堂食呢位客人等左個餐一個鐘有多，只來左飲品，主菜至走時佢未有，我聽到後即時再問我嘅外賣幾時有？店員去問，又喺重覆答案做緊等多陣，已經超過1個鐘，唔等，即時要佢退錢，以後都唔會再嚟幫襯。

今天國慶日吃set早餐，由落單到品嚐完需花上約40分鐘，首先叫侍應來落單花了約5分鐘，等set早餐花了超過20分鐘，是餐牌上食物，雙腸蛋米線才到，到我吃完整個餐等杯凍奶茶超過15分鐘，催侍應幾次都係得個「等」字。就算食物質素幾好，要花上40分鐘吃過早餐，時間就是金錢，太奢侈了，本人真的接受不了！如果大家趕時間，千萬別去，免浪費時間！

老婆隻眼發炎，需要去睇醫生！就求其去左新都商場 百分百餐廳幫襯早餐！我同老婆都叫左沙嗲牛麵！沙嗲牛肉質素其實唔差，但我同老婆都覺得個麵好似少梗一半！38蚊得個麵跟多樣餸，然後再配埋杯飲品！到食完個肚都係好空虛...好似冇食過野...食完睇返餐牌，原來加3蚊有麵包送...我再問問侍應 而家可唔可以加單....侍應話唔比...真係好無奈...食物味道質素係唔錯，始終係大集團！其他餐廳38蚊又有蛋又有麵包....相比之下呢價野真係貴得有d離譜！如果早餐加凍飲3蚊 加麵包3蚊...44蚊食過早餐貴唔貴真係見人見智...哈哈！其實點解侍應係落單前唔先詢問客人加唔加麵包？唔係每位客人都會睇餐牌睇得咁仔細！結果睇完眼，同老婆去置樂又食多餐破費了