百份百餐廳 (新都商場)

營業中

休息中

今日難得放早，拿拿聲趕去百分百嘆個下午茶。2:30去到，估唔到都有咁多人等位，諗住走人去其他餐廳，但最後都堅持等一陣。等咗15分鐘度，終於有得入座了。餐牌都唔使睇，立即叫我嘅最愛—迷你無骨霸王雞飯配碗仔翅同凍檸茶。除咗雞好嫩好滑之外，佢最吸引其實係個香蔥甜豉油汁。佢蔥嘅份量好多，甜豉油爆得好香，飯嘅軟硬度亦啱啱好，加埋一齊食真係一流。食咗咁多次，好似真係從未令我失望過。咁啱我坐係望住廚房嗰個位，我見到好多食客都係叫同一個餐。而佢嘅碗仔翅的確係好足料，唔會水汪汪，每一啖都充滿住啲肉絲、木耳等材料，加埋啲麻油同紅醋嘅香味，真係食到舔舔脷。另一樣我好欣賞嘅係佢杯凍檸茶。佢係成個檸檬連皮拎去榨的，所以你只會見到啲檸檬碎而唔會係檸檬片，檸檬味好香好濃，茶味同甜味都剛剛好。唯一少少挑剔位係我叫咗少冰，但啲冰仍然好多。（食到一半先記得影相📸️）

和朋友平日到屯門行山，下午3時左右回到市中心醫肚，完全想像唔到平日的屯門係間間餐廳都滿座，唯有去座位比較多的百分百搵發，btw都等咗15分鐘先有得，但又估唔到下午茶焗豬扒飯又幾好味喎，再配個凍零樂，perfect

第二次來到這間店吃飯之前吃過下午茶餐，味道不錯， 但份量偏小。今天也來嚐嚐別的味道。 街邊乾炒牛河（有薑粒）$56 （午餐）配凍奶茶＋$3味道幾好， 但不覺有薑粒。凍奶茶無咩特別。 黑椒牛肉炒意粉 $40 （下午茶）配熱檸檬茶味道不錯， 意粉軟硬適中， 下午茶分量偏小， 大食的要叫午餐才夠飽。 但是真的落了很多油去炒， 吃完碟底還有一大灘油啊！餐廳場大，但不夠侍應。 每次點菜也要等一會 。本想飲熱杏霜， 侍應話無！叫我轉飲其他凍飲。細問之下才知原來爐頭壞了！ 怕熱水不夠熱， 杏霜的粉會變一嚿嚿。 侍應建議我飲凍奶茶 ，但我不喜歡 ，我話要飲熱檸茶， 她又說沒有熱水 ，但我堅持我告訴她不太熱也沒關係 ，結果還是來一杯熱檸茶給我。 但是沒有檸檬的 ，茶味也不香濃 ，感覺沒有出面的茶餐廳好喝！

昨日路經百份百餐廳，朋友推薦手工奶茶，話好飲，原來門口位置有售賣MAMA BAKERY的麵包及飲品，每次經過見好多人喺門口圍住，等候入餐廳進餐，完全睇唔到門口位置有麵包賣今次就買左一樽手工奶茶、一樽手工咖啡、黑白芝麻芝士火腿條及一入門口就吸引住我嘅眼球的燒芝士吐司拆禮物日試新嘢食手工奶茶及手工咖啡每樽$12佢嘅條款係買一個麵包，可以用優惠價$12買一樽奶茶或者咖啡，原價$18一樽，奶茶及咖啡都香滑，質感夠厚，奶茶有茶味，咖啡有啡味，二樽都好味道不過本人飲開奶茶少甜/走甜及齋啡，所以覺得略為甜，不過都可以接受。黑白芝麻芝士火腿條$12昨日買咗放入雪櫃，今朝早用微波爐叮15秒，瞬間變得軟熟及香噴噴，加上芝麻香一流燒芝士吐司$12昨日買咗放入雪櫃，今朝早用微波爐叮30秒享用，原來中間有流心呢件燒芝士吐司好味道，係我杯茶已經落入左我嘅必食名單內相信每次我路過MAMA BAKERY我都會買件燒芝士吐司回家。

係咪同意樂同一集團，味道、餐牌都一模一樣。今日食早餐，點咗雙餸蕃茄通粉，蕃茄味ok，火腿都有2片，焗蛋就比較健康，不過加辣椒油會野味d。另外加3蚊要咗蒜蓉牛油厚蛋士，雖然明知會好油好肥，但忍口太耐都要俾自己開心吓。所以餐飲只係點咗齋啡。另外都鍾意佢有新鮮出爐麵包賣，選擇都多又唔貴。

下午茶時段 泥度呢間多人排隊既茶餐廳湊下熱鬧 因為新開 裝潢都幾吸引 門口賣面包 入面就比較狹窄 細小既空間 啲枱都好逼同細 同隔離位好近 有氣氛得泥 環境唔係幾令人安心 🤔叫左一個午餐 西x利肉絲炒面 個面係好架勢 不過面質唔岩口味 係比教粗身同淡色 唔係平時食到個隻 個汁都稀稀地 唔係特別好食 但幾足料另一份就茶餐 係西多配雞翼 入面無花生醬 成塊都係油 係油到 張兩塊包 分得開油到濕哂 表面一啲都唔脆比個個糖醬又甜到漏 雞翼普通可能太油了 當晚仲有少少肚瀉 ~

百份百雖有好多分店，係屯門新都商場（連接華都商場）開左無幾耐,行過兩次都多人等位,今天未夠下午六時早D去試吓，等左一分鐘就有位,未夠六點仲可叫午餐或下午茶，好多食品可選擇,茶餐廳當然食番中式經典食品。兩個碟頭飯又估唔到都幾好食，西多士也ok.之後也會再幫襯想試埋佢嘅鮮茄湯，咖喱及中湯,睇吓是否好食。仲有前一張枱客人走了，侍應有即時噴枱清潔。

百份百餐廳遍佈不同地區，而於屯門新都大廈剛開業不久，人們都來湊熱鬧 湊熱鬧，星期六不用返工，即管與家人來試試先拎個籌号，等候職員安排雅座簡單裝潢，坐得舒服，門前有新鮮出爐麵包蛋撻.... 看似不錯吧🤗野菌鮮奶炒滑蛋 😋蛋蛋夾 菇粒，炒得嫩滑厚厚多士、切開兩小件，牛油 蒜味 香噴噴開心滿足無糖鮮奶麥皮，健康、淡淡的、口感不錯，火煺通粉，輕量 細細碗，兩隻流心蛋，半熟 ，汁液流出，滋味無窮熱奶茶，香滑大大杯 ...飽飽

呢個集團係屯門區越開越多，已經有十幾間分店，致勝之道，應該係乾淨丶衛生丶抵食夾大件今次連華都都開，正式向屯門市中心挑戰今次即管試吓先門口已經俾多從不同新式的麵包吸引住，好多係出面都未見過，背後，竟然即刻係透明玻璃嘅麵包工場非常乾淨，入面又多卡位，算係呢個集團的特式叫咗個早餐，滑蛋真係非常滑，恰到好處，唔會太油，亦唔會太熟。蒜蓉多士，都係超好味，絕對唔油膩，又夠飽肚炸魚比較大塊，又熱辣辣，從未試過係大X樂丶大X活，食到咁熱嘅嘢，絕對唔係整定，價錢又親民大眾化。唯獨有一樣野唔係好鍾意，就係檸檬茶/水，竟然冇真正檸檬🍋？入面只係得檸檬汁

忠實 fans 最鍾意食咖喱牛坑腩飯再加杯凍鴛鴦推介之選近排都開始食招牌四保麻辣燙米線非常美味今日等咗20分鐘, 流程都好順利門口仲有麵包舖, 麵包香好吸引唔肚餓都變咗肚餓都係果句: 快啲喺南浪海灣附近開一間