癡膠雞 (荔枝角道)

營業中

休息中

鋪頭係一間主打無味精養生花膠雞濃湯米線，而且問落先知道餐廳特別選用左營養價值高及滋補性強的「三黃雞」🐥，order每款濃湯雞既時候上檯都會分別有一個鑊仔及火爐。🔥🐓 胡椒豬肚雞湯米線 ($70)有小火爐烘住既米線真係好食D嫁😋，上檯既時候濃湯雞膳米線會分別上，咁就可以根據個人喜好將米線加熱到不同軟硬度。湯底呈奶白色飲落順喉又夠濃郁雞香味，而且仲散發住陣陣胡椒辛香，另外加左$10轉雞髀，件件雞肉肥美肉質嫩滑夠入味，豬肚夠腍又無豬膻味，好味到小編食完米線仲連湯飲哂阿。👍🏻🐤 藥膳黃酒花膠雞湯米粉 ($68)嫩湯既雞件配上濃香既黃酒，湯底酒味芳香撲鼻，加上湯底料底仲加左木耳，當歸及紅棗等滋補藥材，就算飲晒都補而不燥，雞件愈煮愈入味，花膠麵有4-5件夠足料，今次友人麵底仲簡左米粉，麵底吸收哂湯汁，真係每啖米粉麵食到濃郁藥膳滋補既味道，果然真材實料。😋💛 金磚豆腐($42)豆腐炸到金黃脆口而內裏白嫩可口一啖一粒就岩岩好啦，小編覺得味道唔錯，覺得唔夠味？仲可以沾埋泰式甜辣醬汁一齊食。🌶️🥤 咸檸樂（+$12）🥤 雙檸樂（+$12）食住熱辣辣嘅米當然要配返杯冰凍既可樂啦，有咸檸再加上新鮮既檸檬片，飲落

最近想補補身所以黎左間朋友推介話食物落足料既雞湯🐔佢嘅特別之處係好似一人火鍋咁保證個湯同料都熱辣辣🔥啱晒冬天食🤗第一道必嗌既係招牌癡花膠雞濃湯 配米線色澤香味已經流哂口水 一啖雞湯足以好味到昏迷 🤤近乎半隻雞一個人的確足夠飽🫄第二道係 胡椒豬肚雞湯 配上海麵🐷濃濃既胡椒味再混合雞湯 簡直係回味無窮😙微辣嘅胡椒味好刺激味蕾越食越上癮第三度係金磚豆腐外脆內軟非常香口😚食得出師傅嘅工架深厚👩🏽‍🍳

上次經過見佢個名癡膠(雞米)線😂吸引咗入去試下招牌花膠雞湯同椰子雞濃湯覺得個presentation同味道都頗驚艷所以今次再嚟試下其他湯！首先呈上一碗米線然後就有點咗火嘅爐🔥最後就係用熱鐵鍋裝住嘅雞同湯🍲超啱鍾意食新鮮滾熱辣嘅朋友✧ 椰子雞濃湯米線（$70）二擇其一下encore咗呢個一上枱就聞到好香嘅椰子味🥥個湯底真係好濃郁同花膠雞湯比 呢個飲落去好鮮甜完全冇味精嘅感覺提提大家最佳食法係將成餅米線放落個熱鍋令米線盡量吸哂湯嘅精華同味道仲可以整腍啲添ก(ｰ̀ωｰ́ก)另外加咗$10 轉雞髀所以啲雞肉都好滑🥹而且份量都唔少感覺有俾足全髀記住唔好留個雞喺個熱湯太耐提早撈起佢令佢唔好愈煲愈老✧ 藥膳黃酒雞米線（$68）呢個藥膳湯底好足料飲落去好滋補感覺好啱冬天再嚟飲過同馬祖嘅啡色藥膳湯比 相比係冇咁甜雖然冇轉雞髀但雞肉都好嫩滑 一啲都唔鞋口✧ 金磚豆腐（$42）呢個都係一個encore kekeke金磚豆腐外脆內軟一啖咬落去外皮好香脆 又有足七味粉嗰種味入面嘅豆腐就好嫩滑兩個質感加埋好正呀！✧ 凍檸茶 （跟餐+$6）食咁熱嘅嘢叫返杯凍飲就基本啦凍檸茶茶味夠濃最重要係可以叫少冰少甜桔埋檸檬唔會太甜

✨太子雞湯麵專門店｜招牌癡雞濃湯米線✨┈┈┈┈┈┈┈┈┈┈┈┈┈┈自從上一次係觀塘食過花膠雞湯米線之後就愛上了，今次第一次試太子痴膠雞，個人覺得幾好食，仲好適合冬天😆。特別欣賞有小火爐烘住的雞湯，相當有誠意，完全係一人邊爐感覺，吃到尾依然是熱辣辣的！今次分別試了藥膳黃酒花膠雞湯米線及椰子雞濃湯米線。椰子雞湯底呈奶白色，味道鮮甜有淡淡椰香😋，雞件嫩滑啖啖肉。另外藥膳湯底有好香酒味，湯底有齊紅棗當歸木耳等藥材，回甘而不嗆口。雞件索滿黃酒味，味道更香甜😻，花膠都有4-5片，十分足料。套餐亦可加配餐飲，推薦白桃冷泡茶，白桃香明顯，茶味醇厚，無甜味，解渴一流。𐂐 ⠜椰子雞濃湯米線 $60𐂐 ⠜藥膳黃酒花膠雞湯米線 $68𐂐 ⠜白桃冷泡茶 $12𐂐 ⠜檸檬薏米水 $18𐂐 ⠜金磚豆腐 $42┈┈┈┈┈┈┈┈┈┈┈┈┈┈

這家的花膠雞湯，我已經外賣過幾次，父母都好喜歡佢哋嘅花膠濃湯，而且真的有好多花膠仔，花膠雞湯（一隻雞）$228，分兩個外賣碗，性價比高今天堂食，加$10要咗雞髀，米線放上枱時熱辣辣，火爐好夠熱，一煮好，馬上送上枱面，好有誠意雞湯有一個獨立火爐仔煑，令雞湯保持溫度，唔係慳成本的做法招牌花膠雞米線 $68 再加$10要雞髀，性價比好高，有機會係冰鮮雞，但係食唔到雪味，好好味加 $6 要咗凍柚子茶整體感覺好好，員工態度都好好，選擇唔少，可惜一個人食，冇辦法好似旁邊客人，可以叫多幾個小食一齊，留待下次再試吓值得推薦給大家

🍜招牌痴花膠雞濃湯米粉 $68呢個花膠雞湯米粉真係好好味!🤤個湯頭濃郁惹味雞煮得超嫩滑花膠煮得好軟爛入口即溶米粉係好容易爛嘅質感入口好爽口掛晒啲湯超正比較特別係佢會利用酒精罐幫你坐熱個湯湯同米粉分開唔會浸到啲米粉淋晒值得一讚👍🏼👍🏼🥢金磚豆腐 $42酥脆嘅外層包住嫩滑嘅豆腐熱辣辣外脆內嫩調味超惹味食到唔停口🤤🤤🥢麻辣豬耳 $38上枱時仲係暖暖地唔係好似平時凍食豬耳切到有一定厚度口感爽脆彈牙加上秘製麻辣醬汁好惹味！🤤

近年好似興起左一種食物叫做花膠雞湯米，一人一煲，份量岩岩好，👦🏻係呢樣食物嘅fans，梗係要同咁多位朋友仔分享下好食嘅餐廳啦，今次介紹呢間餐廳位於太子，人氣都好高，去到都等左陣位必叫嘅一定係招牌癡花膠雞濃湯米線、金磚豆腐，呢兩樣人氣食物一定要嗌！另外仲叫左姬松茸竹笙花膠雞米線同埋黑松露醬薯條😍招牌癡花膠雞濃湯米線用煲仔上，加埋個爐助熱，雞味真係好濃厚，花膠又夠淋，好食金磚豆腐外脆內軟，一定要嗌呀🤤姬松茸竹笙花膠雞薯粉嘅雞湯就多左陣菇香，竹笙又係勁好食，好爽滑😍最後黑松露醬薯條係幼薯條，點埋黑松露醬係正嘅（有個隱藏食法，👦🏻沾左少少黑松露醬撈薯粉加雞湯一齊食，好好食😳）評分：9 / 10

位於太子站附近嘅人氣小店，價錢合理，可以食到熱辣辣嘅熱鍋米線🤤 又可以滿足我飲湯嘅願望！藥膳黃酒花膠雞湯米線 $68酒味唔會高火，反而有一點點甜，熱辣辣咁好好飲，遲啲冬天食一定好滿足！米線煮得剛剛好，唔會太腍太硬，依然保持彈牙😝 本身份量較多，叫咗少米線都差啲食唔哂🙈炭燒雞肉串 $32兒時回憶！想像得到嘅味道！麻辣豬耳 $38份量都幾多，如果醬汁份量多啲就更好！濃雞湯時蔬 $28湯汁份量足夠😍 蔬菜吸收晒湯汁，清清地，好舒服又健康～

太子癡膠雞.味道：8/10🌟抵食：8/10🌟環境：8/10🌟.路過一間好多人排隊嘅雞湯米線😆試完真係有驚喜😍叫咗招牌痴花膠雞濃湯米線同埋蕃茄花膠雞濃湯米線🍜兩樣都好好味😋米線同雞湯係分開上，而煲湯下邊一路有火熱住🔥鍾意飲咗湯暖住個肚先再擺米線落去又得，潷啲湯出嚟浸落米線度都得😆雞湯非常濃郁，調味都啱啱好完全唔鹹，雞肉好香好好食🤤而蕃茄湯就帶有少少酸，幾開胃🥰強烈建議大家兩樣都嗌，跟住擺喺中間一齊食！最後，炸豆腐都唔可以錯過👀真係熱辣辣，皮夠薄夠脆，豆腐好嫩😀埋單人均$100左右，食得好滿足🩵.#香港 #食評 #foodie #食好西 #香港好去處 #拍拖好去處 #香港美食 #打卡 #米線 #太子 #旺角 #太子美食 #旺角美食 #太子好去處 #旺角好去處

最近好喜歡食一些以養生為主的餐廳， 上次試過食花膠米線， 真係念念不忘😍😍， 不知這家味道如何？（5⭐️最高）藥膳黃酒花膠雞湯米（5⭐️）而一個小窩，材料與米線分開上， 黃酒味好重，有花膠、木耳作主力。 一邊熱、一邊食。 味道慢慢滲出。👏🏻姬松茸竹笙花膠米線（5⭐️）材料與米線都是分開的，但我比較欣賞有姬松茸和竹笙做配料，材料都是以養生為主。 入口爽口、 彈牙😋，yummy ～蟹肉忌廉餅（5⭐️）忌廉與蟹肉的比例差不多是1:1，咬入口是脆脆的外皮⋯🥰內裏是香濃幼滑的忌廉及蟹肉，加上沙律醬，份外滋味～

夜晚想食返啲平價野~就俾呢間餐廳名吸引左黎望下~價錢平得黎，又有個熱鍋~幾特別~食完都幾有驚喜！🔹藥膳黃酒花膠雞湯米線🔹 熱鍋上枱~啲藥膳同黃酒味好沸騰咁飄過黎~啲雞好滑，同好入味~花膠有兩大件都好淋~🔹咸菜胡椒豬肚湯米🔹話係咸菜，但係甜甜地好開胃~同啲胡椒湯好夾~好多豬肚~ 米粉都幾幼滑~🔹金磚豆腐🔹驚喜！因為啲豆腐係好軟，對比外面就好脆~好奇點樣好可以炸到咁咁淋嘅豆腐~仲要咁完整同金黃！🔹椒鹽粟米🔹驚喜again~椒鹽粟米加左好多炸蒜碎~粟米本身係好甜~鹹甜嘅對比做得好好~

癡膠雞 📍香港🇭🇰 太子.#米吃 #今日教練食呢D #今日食呢D.俾我想像中更加好味! 開頭諗米線都係普普通通 估唔到佢個湯真係好濃 飲咗兩三碗~因為用爐 長期熱住 保持到溫度 持續繼續煲住落去 個湯越嚟越出味 朋友明明已經食到好飽 仲想飲埋最後一啖湯連個花膠都好大舊 一碗花膠雞入邊都有四大嚿!✨招牌癡花膠雞 $58✨藥膳黃酒花膠雞 $68藥材勁入味 一開頭飲嘅時候清清哋 雞塊份量都好多.✨金磚豆腐 $42非常香脆 份量多 就算擺得耐咗都仲係好脆.✨椒鹽粟米 $32好爽口 如果有少少辣 風味可能更好而家咁熱嘅天氣，晏晝已經滿場 冬天一定大排長龍～.共消費 $200..💫 #癡膠雞 #荔枝角道 #太子#雞米線 #黃酒 #藥膳 #米線 #暖胃 #補腎——————————————

甚少食米線嘅我突然想食即時搵嚟呢間幾有名氣嘅雞湯米線🐔叫咗兩款推介款式▶️ 藥膳黃酒花膠雞湯米線 ($68)用鐵鍋上，下面一路用明火熱住🔥湯底本身奶白色，加入黃酒呈黃色味道上好「藥材」，配上鮮雞甜味，再滲出微微酒香，多重變化👍🏻越滾得耐，越多水蒸發，湯底味道更濃郁藥膳材料有紅棗、黨參、雲耳、花膠花膠有三大片，質感好正，充滿骨膠原😋雞件甚多，不過全部有骨同皮唔係啖啖肉雖然帶適量油脂，但肉質唔夠嫩滑然而非常入味，似醉雞米線分開上，咁樣唔會過淋麵質還可以，如果滑身煙韌啲更好▶️ 招牌癡雞濃湯米線 ($68)材料只有花膠、雞件同蟲草花湯底相對淡啲🐓鮮雞味較出呢個用滑雞而非雞件，多肉啲男朋友轉咗薯粉，話麵質好食▶️ 椒鹽粟米 ($32)多人推介嘅小食，上枱幾香🌽切成一片片方便食用粟米烤完依然保持鮮甜多汁面頭仲灑滿炸蒜，非常惹味-米線唔算特別，但湯底出色，而且用鐵鍋上有’gimmick’，冬天一定超受歡迎米線款式選擇甚多，唔食雞都有酸菜魚環境比較擠迫啲，坐得冇咁舒服Tea time 2:30pm都多人嚟食，全場坐滿服務OK，上菜幾快價錢合理實惠，唔錯嘅一間特色米線店

喺太子區有間好出名嘅花膠雞湯米線店，每晚晚飯時間出面都排晒長龍，原因無他，就係因為佢哋嘅招牌菜好食，價錢又唔貴，先吸引到咁多人嚟排隊。😌**羊肚菌花膠雞米線**佢哋嘅花膠雞湯係連埋火水爐一齊上枱，見到一碗滿滿嘅雞湯，上面仲有幾塊大大塊嘅花膠同埋羊肚菌，真係好足料！雞湯好清甜，飲落去好舒服，完全唔油膩，花膠好滑溜，口感一流，羊肚菌就吸晒雞湯嘅精華，好香濃！😋**麻藥雞拌麵**呢個係餐廳嘅期間限定！麻藥雞真係好惹味，雞肉好嫩滑，而且仲有陣陣麻香，真係好正！拌麵嘅醬汁好香濃，配埋麻藥雞，真係perfect match！🐥**白灼肥牛**肥牛好新鮮，而且唔會太肥，口感好爽脆。配埋蘿蔔片，吸晒店舖嘅特製醬汁，真係好正！🐮**檸檬薏米水**呢個係我每次必叫飲品，檸檬薏米水好清涼解渴，而且仲可以去濕，真係好適合夏天飲！🍋

位於太子荔枝角道嘅❣︎癡膠雞❣︎主打食米線，招牌菜花膠雞湯，湯底用超過30斤嘅雞肉，豬骨，以及鯊魚軟骨大火熬製足足3個半鐘，濃味鮮甜 😋👍🏻而且呢到唔需要加一服務費架，鍾意食米線同雞嘅朋友千祈唔好錯過🐓🍜❣︎招牌癡花膠雞濃湯米線❣︎$68轉雞髀+$10用上雞味最濃郁嘅三黃雞，肉質超嫩滑😋花膠有成6塊噤多，Q彈軟腍，啖湯好濃郁好鮮甜，最正係用埋鑊仔爐上架，確保每食一啖都新鮮熱辣👍🏻❣︎藥膳黃酒花膠雞湯米線❣︎$68湯底用當歸，紅棗等多種滋補藥材煮成，藥膳味超濃郁，入口啖啖滋補😋👍🏻❣︎椒鹽粟米❣︎$32即叫即炸，炸得香口惹味😋👍🏻