癡膠雞 (荔枝角道)

營業中

休息中

呢排癡膠花嘅人氣真係愈燒愈勁，就連🐻都被燒到，聽聞佢個Fʀɪᴇɴᴅ癡膠雞嘅人氣都好勁，所以我哋今日就去咗搵佢個Fʀɪᴇɴᴅ ，睇吓係咪真係咁好食先😙招牌癡花膠雞濃湯米線 $78我哋加咗$10轉雞髀，肉質嫩滑有雞味，湯膽係湯底呈現鮮黃色，表面仲有浸雞油，飲落係好濃郁嘅雞味，食得出係無味精嘅，而花膠就偏膠質，份量都唔少，最正係用爐上，咁就可以Kᴇᴇᴘ住個溫度喇❤️麻藥雞拌麵 $58麻油味都幾香，食落唔算好濃果隻嚟，雞件份量都算多，最正係果粒糖心蛋麻，半流心狀態，滑捋捋又夠哂入味金磚豆腐 $42酥脆嘅外層包住嫩滑嘅豆腐，外脆內嫩，調味啱啱好，點埋個泰式酸辣醬，真係一粒接住一粒總括嚟講，份量足又幾抵食，難怪係長期人龍店🤩

癡雞濃湯米線 - 招牌癡花膠雞濃湯米線 $68QR code落咗單冇耐，店員就即刻擺咗兩個鍋喺面前，然後好快就出咗米線。原來米線同湯係分開上。湯底連餸會擺上火爐keep住溫度，令你可以全程都食住暖暖嘅米線🤩味道都好唔錯，呢個濃湯米線好鮮甜又有濃郁雞湯味道，雞肉大大嚿，花膠都唔少，真係食極都有！米線軟度適中，偏軟少少但接受到，鍾意食花膠雞米線嘅朋友唔好錯過～癡雞濃湯米線 - 藥膳黃酒花膠雞湯米線 $68同樣湯底都係擺喺個鍋上面，藥膳味道濃郁，但唔苦澀，超養生！老竇叫我飲埋個湯，因為覺得me毒氣太深☠️😂 呢碗嘅雞肉冇咁大嚿，但係有好多嚿😍 雞肉肉質都鮮嫩，仲好足料，仲有唔少嘅雲耳同花膠🤩佢俾咗個裝雞骨嘅兜，好貼心。每張枱側邊都有冚熄火嘅蓋，所以你想幾時熄火都可以👏🏻小食 - 黐膠肥牛（足半磅） $52本身對肥牛都冇咩期望，主要係爸爸要食肉先叫，但又估唔到薄薄既肥牛吸晒個醬汁後係幾惹味，牛既鮮味又穿出左，淨係食佢撈白飯都搞得掂一餐🙊小食 - 手拍青瓜一樣惹味，青瓜爽口，size適中，醬汁少辣但幾入味，唔錯 (同肥牛個汁唔同的)😋結論🫰火燒癡膠雞好有誠意😆🫰味道唔錯🫰店員友善，同我哋講冇人排隊

第一啖試濃湯，覺得不濃，無花膠雞湯個種黏性，湯無味好淡，葵芳個間好好多。第二啖試藥膳，湯味好淡，因為米粉唔夠稔，所以我將成個米粉車左落個藥膳湯煮，煮完個藥膳湯完全無哂味，淡如水，反而再試番個濃湯就有d味，尚可接受。藥膳雞如圖，全部都一細舊，無肉食，另一個就有叫有3,4舊雞胸。呢個價錢好唔值，性價比低。5分滿分招牌癡花膠雞濃湯上海麵 2.5分湯 2.5分 尚可，不夠濃，無花膠黏性雞 2.5分 雞胸藥膳黃酒花膠雞湯米粉 0.5分米粉 1分 偏硬，平價米粉雞 0分 細舊全骨，無肉湯 0.5分 藥膳味有d，但個湯好淡。

在灣仔工作時痴膠雞已是我的愛店，在離開灣仔後經常掛念它的味道，得知太子都有分店，立即找機會去回味。 🔹藥膳黃酒花膠雞米線 🔹這個是全店我最推薦這個的藥膳黃酒米線，雞湯湯頭再加酒香的加持，比其他米線湯底濃得多！麵可以選擇用鍋上還是碗上，夏天的話，我建議用碗上，不然吃到滿頭大汗。雞肉份量多，口感爽脆鮮甜。 🔹招牌花膠雞米粉🔹雞湯湯頭對比藥膳黃酒的會清淡一點，少了酒味，能喝到原湯底的鮮甜。雞件份量多，比黃酒的切得更大件，更軟滑，花膠有厚度！ 🔹手拍青瓜🔹非常喜歡這裡的青瓜，因為它的味道惹味，辣汁調配得很好，酸酸辣辣的，讓人停不了口。  

🔥熱辣辣都心思思想食雞湯米線💛因為呢度嘅雞湯實在濃郁 而且順滑涼住冷氣又有咩好怕喎💛💛招牌癡花膠雞濃湯米線一如以往係用個鍋煲住啲湯嘅 今日啲雞好滑 而且好多肉🐣大大啖咬落口另外啲花膠都好腍 鮮甜嘅味道滿滿骨膠原嘅感覺🧡蜜糖雞翼濃湯米線🍜另一碗就叫咗一個火鍋燒住嘅 其實都一樣濃味一樣好味雞翼係分開上嘅 大大隻脆卜卜🐥⚪️椒鹽豆腐 係外脆內軟細細粒 唔經唔覺就可以食晒再點埋啲甜酸醬係另一番風味檸檬薏米水+ 凍檸茶🍸🍋

最近去咗太子嘅癡膠雞食lunch，成日見人食花膠雞米線好似好正咁，特登過嚟一試🥢由太子地鐵站行過嚟大概5分鐘，都幾方便👍🏻原來呢度除咗雞湯之外，仲有胡椒豬肚湯或者重慶酸辣粉等等，都幾多選擇！我點咗招牌癡花膠雞濃湯米線，雞湯底十分濃郁，有雞油香但唔會好油，花膠都有唔少，好有口感。而雞肉真心正，我加咗$10轉脾，又多肉又嫩滑🤤朋友嘅椰子雞米線，同樣係濃雞湯，再多咗椰子嘅清甜，都好好味🥥另外佢哋嘅米線係滑身又唔易變稔嗰種，慢慢食都唔怕🍜另外單點咗蜜糖雞翼share，即叫即炸，熱辣辣，雞翼都好大隻，金黃香脆，肉汁仍在，蜜糖味甜甜地，好啱口味🍯飲品就除咗咖啡，凍檸茶嗰啲之外，仲有冷泡茶添！

放假訓到自然醒，近近地去咗屋企附近嘅癡膠雞食個lunch先😌小店地方唔大，去到坐滿客，等左幾分鐘就有位，坐低就當然要食招牌癡膠雞濃湯米線，但見到有得免費轉上海麵就點黎試下，上枱時有個爐仔滾住個金黃色嘅雞湯，個麵另上，個人覺得上海麵比米線更吸湯，更加食到濃濃雞湯味，而且雞肉份量都好多，特登撈起哂D雞，發現有成隻雞髀響度，又有幾片花膠、木耳同蟲草花，咁足料先$68，好抵食👍🏻麻藥雞拌麵$58～充滿芝麻香氣的醬汁搭配上糖心蛋，麵條根本瞬間秒殺，雞同樣份量十足黑松露醬薯條$25～其實薯條熱辣辣出爐一定好食，但重點係自家製黑松露醬汁，酸酸地好開胃！一大碟薯條三兩下比我地清哂🤭下次會為左食呢個薯條再返黎！五香牛展$46～爽口入味，正常發揮

下班後經過這家店，剛好看到有位子就進去試試。店鋪不算大，座位不多，但坐得還是挺舒服的。坐下後，我點了姬松茸竹笙花膠雞米線，再加10元換雞髀。他們在客人面前用火爐將湯加熱，幸好冷氣充足，夏天時不會感到熱。至於味道方面，湯味還算濃郁好喝，但沒什麼花膠的味道。米線是分開上的，已經煮熟，但沒什麼味道。雞件倒是夠滑，可能是因為用了雞髀的原因。整體來說，這家店的米線味道一般，不像推介的哪樣，性價比不高，有點貴。

之前嚟過兩次，多人排隊就冇等到，但係因為店舖嘅藥材湯味道實在太香，所以第三次再嚟，今次六點左右到，終於食到。入店內都係聞到好香藥膳味道。叫咗一個花膠雞湯米線同藥膳黃酒花膠雞湯米線。花膠雞湯嘅湯有鮮甜味，內裡多是胸肉，我一向喜歡吃胸肉，但這個實在太鞋不好吃，雞的味道也淡，米線也是淡而無味感覺整個花膠雞米線都是分開各自煮咁藥膳湯也是我很喜歡的，但這個湯喝上，朋友和我都覺得藥膳味道極淡，雞就是雞頸、雞轉彎個彎，基本上得一兩舊少少肉，全是骨和皮，問侍應，話藥膳花膠雞湯是雞骨多，只有花膠雞有大舊肉多啲肉。那麼應寫藥膳花膠雞骨湯黎3次先食到，真有點失望。 其他同類店也有淡味米線，但至少個湯同餸都足料。奇怪，佢店舖真係好香藥膳湯味，但食落真係淡極

完全唔明點解會有人讚🥴太多打手🫠招牌雞又貴又唔好食，太子咁多米線選擇，不能理解點解仲會有分店。我第一次嚟嗌咗佢碗招牌花膠雞米線。首先塊雞本身已經好老（我已經第一時間夾晒出，費時佢煮到老囇），仲要懶係嘢用火爐暖住碗米線，真係多舊魚🥴之後全部花膠炆得一啲都唔入味，食落好似咬軟膠咁，明顯係用化學物質發大嘅，招牌菜竟然係咁，真心接受唔到。✨我已經撇除佢啲雞肉只得肥膏，冇肉食，竟然差到連雞皮都仲有雞毛🪶未清理好（慶幸自己冇加$10轉雞髀，唔係真係抌心口）睇相碗米線同湯分開上菜，望落好細心，但其實米線上菜時已經煮過龍，腍到冇囇彈性，一劈嘢咁上菜，垃圾中嘅垃圾🗑️唔會有下次😔

主打養生花膠雞米線，仲有多款唔同重慶米線可選擇🥰價錢唔貴好親民，七點後會好多人排隊😳建議早啲去唔使等位~姬松茸竹笙花膠雞米線 $78限定米線💕叫$70以上嘅米線仲有小鍋興住熱辣辣，好正👍🏻湯底濃郁，鮮甜清香，可以叫少米線仲可以飲埋啲湯好正😋有三四嚿花膠非常養顏，仲有姬松茸和雲耳非常爽口，好足料🤤雞肉嫩滑，不過邊食嘅時候唔好滾太耐好容易粗糙🙂‍↕️口水雞擔擔麵 $48口水雞好新鮮，雞肉超級嫩滑不太辣，味道濃郁鮮香，幼白條麵線口感滑溜，份量多，花生粒更多更好食，整體唔錯😍金磚豆腐 $42推薦✅豆腐新鮮，熱辣辣，入口外非常脆，內非常軟熟，原來加上甜辣醬好會夾又惹味！食唔停🫣涼拌海珊瑚 $38份量超級多，口感好爽口，味道大概係海帶味，帶有少少微辣👍🏻可以試一試🤩📍癡膠雞 (太子)太子荔枝角道78-84號勝興樓地下D號舖

適逢身體不太舒服，想食d暖胃東西，經過有花膠雞湯米線！餐廳細細，座位不多，所以用餐時間大約有45分鐘！但上菜很快，所以不用擔心～⭐️招牌痴花雞濃湯米線（$80）湯跟米線是分開的，當日米線轉了薯粉，個人覺得米線好食d花膠及雞都好多，完全夠飽！重點有火一直暖住，冬天黎食一流！⭐️胡椒豬肚雞米線（$60）好濃胡椒，豬肚乾淨，我差不多飲乾了所有湯～⭐️椒鹽粟米（$32）好野味，好味！！⭐️鹹檸七記得要預留時間，因為晚上食飯時間真的好多人！癡膠雞 (荔枝角道) (太子)太子荔枝角道78-84號勝興樓地下D號舖

癡膠雞 • 太子餐廳呢個名個人感覺幾盞鬼，亦容易記得，當同事問起午餐想去邊度食，不妨回他一句: 癡膠X😆..✅ 招牌癡花膠雞濃湯米線 🐔 $78呢間餐廳主打骨膠原雞湯米線，一聽就知特別講合女士，所以我叫左呢個米線，花膠唔係白花膠，而係真係平時乾貨常見的厚花膠，原身有嚼口，雞湯都濃味，我同女友講食完會靚D，佢回我一句: 「你都癡膠線，我唔食都靚」😙.✅ 藥膳黃酒花膠雞湯米線 🐔 $68呢個就同上面講個款米線有D近似，雞肉可以加錢轉髀，肉質有別於平時的海南雞個種，相對而言滑嫩程度低少少，但肉味都香，而且份量都豐富，呢碗都有6-7件雞件，相當豐富。湯底有淡淡藥材味，不至太濃😙..✅ 涼拌海珊瑚 🌱 $38呢款係期間限定產品，海珊瑚本身比較少餐廳有得食，以前食過用來煮糖水，涼拌則比較特別，海珊瑚有好豐富營養價值，想健康嘅朋友仔可以一試🤤

呢一間花膠雞米線舖頭我早幾年已經喺灣仔食過，今日經過太子發現原來佢喺呢度仲有分店！就等我入去試吓過左咁多年，味道有冇唔同啦！🤣🤣招牌癡花膠雞濃湯米線🐔$68一開頭上枱，當然係要先試吓佢哋嘅花膠雞湯，味道非常濃郁，仲有少少黏嘴嘅感覺添！絕對係膠原滿滿✨✨另外，加$10仲可以轉雞髀🍗，雞髀肉非常嫩滑，感覺上成碗麵都好有益！❤️口水雞重慶酸辣粉$48呢度除咗米線之外，仲可以免費轉成米粉、上海麵、薯粉等～口水雞酸辣粉都算係炎炎夏日嘅開胃之選！手拍青瓜🥒$32真正嘅夏天真係開始啦，當然就唔少得叫返個清涼嘅小食啦！飲品方面，我哋就揀咗鹹檸七喜+$12 同埋檸檬薏米水+$18，嚟緊呢句話個人就比較推介鹹檸七喜啦！

好久沒有食米線，又唔想食譚XXX米線，便捐窿捐罅搵平、靚、正米線。終於找到了 “癡膠雞”，滿滿膠原蛋白又養顏。用QR Code 落單，方便快捷，避免漏單及有錯誤。柯打了超值套餐：❤️蕃茄花膠雞濃濃米線$68上枱時，服務員開了小火爐，湯、米線分開上枱，米線唔會過淋，確實新鮮滾熱辣，我個人比較喜歡蕃茄味，入口蕃茄酸酸甜甜、雞好滑又入味， 當然唔少得香軟滑溜花膠，夠滋補，湯底沒有味精，一啲都唔口喝。跟餐加了一杯香濃熱咖啡$4❤️老公柯另一套餐胡椒豬肚雞米線$60淡淡的胡椒味，配上香濃滑溜雞肉，還有老公至愛豬肚，米線軟滑適中，唔錯。❤️還柯了小吃五香牛展$46，軟硬適中，顏色分明。跟餐加了一杯香濃熱咖啡$4跟餐加了一杯滋潤熱柚子茶$4餐廳座位寬敞，乾淨企理，冷氣充足，當然是性價比高，超值。🐔癡膠雞地址: 太子荔枝角道78-84號勝興樓地下D號舖🐔