番茄18 (SAVANNAH Place)

營業中

休息中

星期五下晝， 我約埋女朋友特登過嚟將軍澳海旁嘅蕃茄18， 諗住試下佢哋啲下午茶。 之前喺將軍澳海旁散步嘅時候都已經見過， 嗰陣時我哋仲話佢啲裝修好靚， 一定要入去坐下感受下。入到去會見到裝修好有心思， 餐廳嘅左下角有一個位係模仿返以前戲院嘅格局， 仲有半斤八兩許冠傑嗰一類嘅海報， 又用好多鐵閘拉閘， 同埋以前七八十年代嘅香港字體， 充滿非常濃厚嘅懷舊情懷， 甚至會覺得好似去咗個主題遊樂園。食物方面， 由於呢間餐廳主打番茄湯底， 我哋就嗌咗一個 滑蛋滑牛蕃茄湯通粉， 配一個佢哋嘅招牌瑞士雞翼。 個蕃茄湯非常夠熱， 充滿嘅鮮蕃茄粒， 絕對真材實料， 牛肉亦都好滑， 隻炒蛋亦都係非常香。 但我哋兩個都非常欣賞嘅 係瑞士雞翼嘅汁。 好香嘅鹵水味， 色澤非常之靚， 顏色夠深，亦都有少少甜甜嘅可樂味， 老實講， 呢個瑞士汁其實撈任何菜都會好出色 ， 加上佢本身隻雞翼煮得好滑， 所以一定係好食！我自己就嗌咗一個 椒鹽豬肚雞米線。 個人認為 佢呢招牌菜只屬於中規中矩， 味道方面唔算話非常出色， 但對我嚟講最大嘅問題都係擺碟。 因為一上枱我覺得碗嘢好凌亂， 相片入面嘅雞同埋豬肚同埋雪菜係分開， 好工整好

今日同細佬去試左呢間餐廳，將軍澳太多連鎖餐廳，終於有啲新花款又係親民價格。我叫咗麻辣番茄湯上海麵，加牛肉同瑞士雞翼$63瑞士雞翼有兩隻，入味得來又唔會太爛，無照騙，同圖一樣感大隻。麻辣番茄湯唔會太難入口，第一啖有啲辣但唔會令你辣得難受，唔系好食得辣既人士都適合。但對於食辣人士來講就一般般🍰個牛肉十分之滑同炒蛋都好滑好好味😋細佬叫咗蕃茄湯米線加豬潤同瑞士雞髀🍗$63啲豬膶有啲腥，個番茄湯十分之杰食完碗麵都冇乜湯剩 😂，但系好味既，雞髀都好滑，有做足按摩，夠晒彈性。 跟餐叫飲品有半價我地叫咗兩杯嘢飲一杯華田脆脆一杯菠蘿冰個菠蘿冰就唔系好推介，飲落有啲似罐頭菠蘿入面個個水，但係餐廳係用新鮮菠蘿嘅，仲要多達半杯菠蘿系到，建議加七喜或者梳打水，可能會令杯嘢飲飲落去好飲啲🍍🍍🍍個華田脆脆就冇乜大問題，意外地杯嘢飲唔會太甜，食埋面頭啲脆脆十分之有華田味，夠晒濃啊

晚市堂食開返，即刻要去幫襯下啲屋企遠少少嘅地方💕今次試將軍澳Savannah 樓下的番茄18❤️老公最愛既番茄濃湯❤️麻辣番茄湯公仔麵-豬膶加大雞扒認真，豬膶比較硬，可能煮太耐，雞扒有驚喜，夠香脆，湯底惹味，有麻辣香但唔算好辣，但有麻香，個咀會微微酸麻的感覺👍🏻❤️番茄湯米配粟米豬肉餃子加墨魚頭，好少地方有墨魚頭食，不過比較淡味，配上濃湯都明顯食出佢係白烚😅但餃子好食，佢用全蛋皮，蛋香味👍🏻餃子都漲卜卜，好多餡❤️❤️麻辣手撕雞呢個比較失望，佢係瑞士雞髀加麻辣汁撈。。對我黎講，錯哂，太甜🤷🏻‍♀️但總括來講，佢的湯係吸引嘅，下次試埋雞湯先🥰

今日返晏, 陪媽咪嘆埋個LUNCH先返工, 時間比較趕, 隨意入左間餐廳打算黎個快食。餐廳裝修很有特色, 佈置富有懷舊氣息, 令媽咪腦海中浮起不少童年回憶。食物方面有多款麵食選擇, 仲供應少量港式茶餐廳小食花生醬多士: 烘至金黃微脆, 塗上粗粒花生醬跟練奶, 口感有層次, 又甜甜地, 正! 黎到番茄18, 好有興趣試埋招牌番茄湯底, 見到其中有個自選set, 湯底、餸菜、粉麵款都可自由選擇。我就揀左番茄湯底米線, 牛乳炒蛋 配肥牛、墨魚丸、午餐肉湯底番茄味濃, 甜甜地, 牛乳炒蛋好滑, keep到蛋汁; 肥牛索左湯汁, 墨魚丸彈牙有墨魚香, 午餐肉都有好幾件。另一碗就揀左豬骨濃湯, 配吉列豬扒、瑞士雞翼餐廳貼心地將餸分開, 吉列豬扒好大塊, 有成人手掌般大, 炸得很香脆, 豬扒質地唔會太硬; 瑞士雞翼個汁甜甜的, 肉質嫩滑。  華田脆脆: 華田中加入脆脆, 飲落有層次紅豆冰: 唔會太甜, 紅豆夠林

呢排成日食外賣，實在唸唔到附近有乜嘢未食過。突然唸起無食過番茄18，見OpenRice食評又幾好，就買個兩個外賣lunch試試！兩個set lunch 都連一杯飲品。招牌胡椒豬肚雞湯米線 ($58) - 我一向好鍾意胡椒豬肚湯，所以一見到竟然有呢個湯底梗係要試吓啦。湯底真係幾好味，裡面仲有好多雞件、豬肚同埋酸菜，非常開胃，最後比我飲到一滴都無剩 😄 下次一定再食過。食神3寶飯 ($52) - 裡面有叉燒、瑞士雞翼、煎蛋。呢個都唔錯，不過叉燒有少少韌，普普通通。都係米線好食啲😄茶餐廳質素黎講真係算唔錯，又多選擇，下次再幫襯！

今日同朋友去將軍澳行Donki，見到呢間餐廳喺附近，於是一齊去試吓。我叫咗胡椒豬肚雞湯米線配菠蘿冰，朋友叫咗特色蕃茄濃湯通粉配牛乳炒蛋，同埋經典沙嗲牛肉麵配牛乳炒蛋、丹麥多士，飲品叫咗紅豆冰。首先一讚菠蘿冰，一食啲菠蘿就明顯感覺到係新鮮嘅菠蘿，唔係罐頭菠蘿🍍，比起普通茶餐廳嘅菠蘿冰略勝一籌，推薦大家一試。胡椒豬肚雞湯米線略嫌豬肚唔夠多，但冬天食碗暖笠笠米線，再飲埋啖湯認真正餐廳嘅裝修比較復古，有啲似舊式嘅冰室，喺香港嘅餐廳已經好少見。另外，食到中途轉咗下午茶餐牌，發現下午茶好抵，性價比高，誠意推介👍👍

今日去咗將軍澳搵好嘢食，無意中就嚟到呢一間米線店😮😮 間餐廳都唔係你地鐵站太遠，而且係當眼地方，地方都幾就腳✅ 既然個名都有落，當然要試一試啦，所以我就叫咗個蕃茄濃湯米線🤩 蕃茄濃湯唔單止濃郁，鮮甜，仲可以揀加辣，而且個辣仲幾配合到本身嘅味道，我自己都幾欣賞😍米線仲可以配上炸魚柳，以為得好少，點知原來仲係大大塊，脆卜卜㗎😍😍😍身為一個肥仔，除咗米線當然要叫多個西多士啦🤩 啱啱炸出嚟金黃色，唔會俾任何茶餐廳嘅西多士比下去😌為咗滿足自己三個願望，我最後仲叫埋爆脆美祿， 同菠蘿冰，兩杯都係令人懷念嘅味道，大家一定要叫埋呀😇😇

星期日嘅澳南間間餐廳都有人，唯獨是呢間蕃茄18只需等5分鐘就有位，就試一試佢。講真一入去嘅時候期望唔係太大，但見佢選擇都幾多。最後決定咗食佢哋嘅王牌蕃茄湯底嘅午餐。叫咗一個麻辣蕃茄叉燒米線，麻辣味比我想像中出色，麻辣味同蕃茄味都夠，我自己個人認為比X X陣好食。唯獨是炒蛋比較硬唔夠滑，可以有進步空間。奶茶係OK嘅。職員態度亦都非常友善，有講有笑 👍🏼

將軍澳南有很多小型屋苑，全部都附有一個小商場。由於商場面積較細，商店類型集中現代家庭生活的必需店舖：小型超級市場、餐廳、補習社或幼稚園，至於消費品、服裝零售就欠奉了！其中一個的商場三間餐廳，竟然全部是面向大街地舖，以今時今日香港屋苑 / 商場的規劃，已經是異數；還要全部都是港式茶餐廳，更加嘖嘖稱其。之前已經分別光顧另外兩家茶餐廳，今日就幫襯最後這間「番茄18」。裝修風格充滿上世紀70、80年代老香港風情，將那些年非常普遍的舊區街舖、舊式公共屋邨地舖共冶一爐，甚至加入從來不存在、但模仿20幾30年前曾經流行一時的舊式迷你戲院票房風格的將軍澳戲院。看上去有點雜亂無章，但有趣。並非一般港式茶餐廳餐牌，更加接近已經買少見少的街邊茶檔。配合餐廳名字，主打番茄濃湯。品評食物味道之前，先講一下題外話。香港很多餐廳、甚至一般人行文寫字，會將「番茄」寫成「蕃茄」，但其實「番茄」才是正寫；皆因「番茄」乃外來植物，「番」正是要表達此「外來」之義。看來餐廳老闆是有識之士？既然自詡番茄湯味道一流，冇理由唔叫特色番茄濃湯通粉（$55）配牛乳炒蛋及自選八揀一小吃，揀了招牌瑞士雞髀。可能番茄濃湯成本太高，竟然唔包任何

發現香港越來越多舖頭都鍾意裝修成具有舊時代特色既香港。🔅路過嘅時候都係俾佢既裝修吸引咗入去。除咗環境幾好之外，入面嘅座位💺都幾闊落。早餐就係兩頁紙嘅餐牌上面一目了然。見佢蕃茄幾出名，叫咗個招牌蕃茄叉燒湯通粉，配煎雙蛋🍳、牛油厚多士。蕃茄湯都幾濃澀，亦都帶有微微嘅酸味但唔會太酸～係好食既蕃茄湯💕另外叫咗個吉列魚柳拼炒蛋。魚柳外皮煎得非常香脆，而裏面嘅肉好鬆軟👍🏻👍🏻，仲好大塊Tim😆飲品叫咗支樽裝冬瓜茶，甜甜地好醒神。另外有華田脆脆，口感十足🧚🏻‍♀️價錢合理，味道中上，裝修都花左唔少心思👍🏻

工作忙碌，卻偷得浮生半日閒，難得有半日假期，當然不想再坐車出外「搵飲搵食」。於是乎我與友人決定在自己社區內逛逛，走到這店的門外便被店內的裝潢所吸引。那時心想，這是少有附近的餐廳以懷舊風作主題，因此我們便選擇進內嚐嚐這間餐廳是否有老香港的情懷。我們仔細的看過餐牌後，決定叫一些懷舊香港的菜色，同時看過店內的推介後，便叫了蕃茄豬潤米線、花膠雞湯米線、兩隻瑞士汁雞髀和兩杯凍飲。（1）蕃茄豬膶米線蕃茄濃湯的甜酸度適中，同時亦附帶很多蕃茄肉，酸酸甜甜的很開胃，而豬膶亦很爽口和無豬腥味，再配合吸收了少許湯汁的米線一起吃，真的不錯！！👍🏻（2）花膠雞湯米線大大塊的花膠，大得好像可以遮蓋住自己整張臉了～哈哈！😹😹 吃起來既彈牙又有濃厚的雞湯味，再配上同樣彈牙的米線一起吃，這個組合非常配合，而且真的足料啊～🧐（3）瑞士汁雞髀Sweet sweet的瑞士汁已經完全浸入整隻雞髀，入味程度已經達到每吃一口，都有濃濃且有老香港情懷的瑞士汁味，好好吃啊！😋（4）華田脆脆有趣的脆脆在一杯凍華田上，感覺既熟悉又陌生～～🥸（5）紅豆珈琲好像同時在喝紅豆冰和珈琲，味道複雜之餘又異常好喝～🤪

收工諗住去行下新開嘅Donki，就睇吓有啲咩好食！咁就搵咗間專食蕃茄湯底嘅餐廳🍴見到個門口就覺得好有香港特色，完全係香港7/80年代嘅佈置！餐牌都未食睇就比個環境吸引咗入去啦😂😂我叫咗個花膠雞湯米線🍜大花膠勁大塊，隻雞髀都超大件！啲米線吸晒啲雞湯，所以好好味😋我朋友就叫咗蕃茄滑蛋豬扒米線，仲加多咗塊雞扒！蕃茄湯非常濃郁🥰🥰啲蛋又非常之滑，仲食得出有牛奶味🤪 另外塊雞扒，我食都冇停手，完全冇雪藏味！呢度都幾多以前嘅飲品，我朋友就叫咗出邊而家都好少見嘅綠椰冰！吾會太甜🤟🏼我仲叫咗個麻辣墨魚頭，都非常惹味🤪你間餐廳絕對係會係再食

今日同細妹準備去Donki行街，細妹話未食中午飯好肚餓所以我地就來到番茄18食個快餐。入到餐廳，店員要求我們量體溫，之後就好快安排位置給我們。餐廳裝潢十分有特色，有不同嘅霓虹燈及招牌，十分懷舊，有香港本土特色。我們分別點了蕃茄蛋通粉配芝士火腿蛋奄列丹麥多士，華田脆脆蕃茄蛋通粉的蕃茄湯有粒粒蕃茄肉，湯嘅酸甜度適中，真材實料。芝士火腿蛋奄列芝士有拉絲，餡料十足。麻辣墨魚頭米線佢米線有好多種選擇，竟然有平時餐廳少見的墨魚頭，爽滑彈牙，米線亦都分量十足，湯底麻辣適中，十分惹味。招牌瑞士雞髀配沙律瑞士雞髀汁甜甜地鹹鹹地，雞髀成隻手板咁大隻，入邊雞肉仲好Juice，如果有個白飯就正。沙律亦都很足料，有生果有雜果，味道亦都唔會太酸剛剛好。冬瓜茶佢係一樽的，味道清甜。餐廳很多用品都轉咗做即棄用品，感覺清潔衛生，在這個疫情嚴重的時期，令人感覺比較放心。

而家將軍澳大把野食, 一落街都有好多唔同既選擇!今日揀左黎呢間蕃茄18食個TEA! 餐廳既裝潢都係比較懷舊, 好有老香港既風情! 食落都好有FEEL! 我地叫左個花膠雞湯米線! 塊花膠超大塊! D 雞超滑! 個湯都好有雞湯味, 飲唔到有味精, 食完唔會口渴! 真係唔錯既選擇! 佢既蕃茄同麻辣好似都唔錯! 下次可以試下! 因為天氣凍既關係都想飲番D 熱野, 叫左朱古力, 佢既朱古力我覺得沖得好夠味,有D餐廳會沖到好淡, 但呢度就夠哂味, 飲完暖哂仲有D 熱! 同行友人叫左杯紅豆奶茶, 賣相非常唔錯, 友人都話飲落好正, 紅豆夠哂綿,又唔會太甜~ 我下次都要試試佢! 另外忍唔住叫左個菠蘿油… 抱住食完先減既宗旨, 我都豁出去食埋今餐先算! 菠蘿油個表面熱辣辣又夠哂脆! 而舊牛油俾熱既飽整到有少少溶, 真係perfect!

呢間店下午茶時段都十分多人，幾乎坐滿裝修特色以香港舊時的舊式店鋪和店名🇭🇰十分懷舊和特色蕃茄濃湯🍲為店舖其中一個主打今次轉麻辣蕃茄湯🍅蕃茄十分足料，每一淡湯都食到果肉，而且味道極濃🤤勁正麻辣唔會遮蓋蕃茄的鮮甜味，反而少少麻令味道更昇華😻超級推薦❤️👍🏻本身配通粉，但我轉了米線🍜加$8追加牛肉🐮牛肉亦十分嫩和新鮮蕃茄湯上配上牛乳炒蛋🥚蛋十分滑套餐配招牌瑞土雞脾🍗是其中一項岀名小食切開，雞脾超級入味，而且做到外表有少少焦，十分香和惹味而且雞肉十分嫩滑🤤飛女餐瑞士🇨🇭雞翼撈公仔麵配上大量蔥油麵身做到非常有口感👍🏻撈上來更好食😋配丹麥🇩🇰多士多士整個十分脆🤤配上大量牛油焗🧈超好食😋牛乳炒蛋亦要一試奶茶紅豆冰紅綠椰冰你見到豆沙的份量是十分足料😍