町町丼丼 (濱海大廈)

營業中

休息中

平時返工每日都要諗中午食啲咩好，今次行行下竟然發現一間好抵食的外賣日式丼飯，真係岩哂買返office食既大家啊💁🏻‍♀️-🎈大盛雙層鰻魚丼 $78鰻魚份量真的超多勁厚身呢😆😆送飯一流😎呢個價錢真的很親民，食完整個丼飯真的大滿足😋-🎈北海道3.6牛乳芝士雞肉鍋配飯 $52因為閨密想喝湯，所以選擇了湯鍋類～湯是呈奶白色，比較重奶味相對清淡一點，喝上來有一種居家、溫馨的感覺～而裡面除了雞肉之外，亦有很多配料如粟米、椰菜等～-🎈一口芝士年糕 (3粒) $42最喜歡芝士年糕那種煙煙韌韌的感覺，裡面的芝士亦好軟身💖-🎈芝麻雞翼 (3隻) $44是雞全翼，每隻芝麻雞翼都勁大隻～外皮炸得香脆，調味不錯👍🏻-🔸町町丼丼📍鰂魚涌海灣街2號濱海大廈地下A3號舖

咖喱吉列豬扒丼 $49柚子醋手撕雞丼 $49+加温泉蛋 $8 x2日式炸餃子(5粒）$38黑椒鴨胸配柚子醋 $38烏龍茶 $7盒装檸檬茶 $3材料豐富，豬扒同手撕雞份量多珍珠飯底又夠煙韌米氣，幾高質，不過我想多啲汁有齊咖喱、滑蛋同吉列豬扒。吉列豬扒大大件，又唔會有太多肥膏，值得一讚。🍛咖喱係日式嗰種，近乎無辣味，不過加埋蛋蛋伴飯食夠晒多汁🥚。吉列層同豬扒緊貼，皮脆肉嫩，高質🐷。餃子雖然唔算係好大隻，但炸完仲可以保持到入面juicy，表面炸得好脆，但餡料就少左啲，沾埋個醬一齊食，都幾開胃。黑椒鴨胸配柚子塊塊都幾厚，本身鴨胸黑椒味幾出，再點埋柚子醋有另一番風味，推薦。📍町町丼丼 - 鰂魚涌濱海大廈地下A3號舖

✨咖喱吉列鰻魚烏冬 $82: 吉列鰻魚配咖喱烏冬 另上鰻魚保持脆度，充滿和風味道🍛 .🍚滑蛋吉列鰻魚丼 $76: 吉列鰻魚即炸好脆 鰻魚肥美 日式滑蛋配飯好滿足🍳.🍤磯燒魷魚天婦羅 配黑椒蛋黃醬 $38: 魷魚天婦羅幾脆 魷魚新鮮 肉質爽口!.唐揚炸雞 配黑椒蛋黃醬 $38: 炸雞好嫩夠juicy 份量幾多~

而家出街食飯越嚟越貴，連外賣都唔平🙈今次就搵到呢間超級抵食🈹嘅町町丼丼，係鰂魚涌、中環、觀塘，荔枝角，新蒲崗分店，附近返工嘅人都可以試下，外賣日式丼飯都係最平都係40幾蚊起至50幾蚊，份量好足👍🏻👍🏻大盛雙層鰻魚丼鰻魚份量極多😍😍足足兩大條又厚肉，有唔少燒汁滲入飯到，仲有甜甜地嘅玉子，性價比幾高😆日式咖喱煎雞扒蛋蓋飯雞扒甜甜哋，表面煎到少少焦香，個蛋好滑帶少許牛油香，加上日式咖喱🥘好易入口😗😗芝麻雞翼外皮好香脆，內裡肉質依然保持嫩滑。日式炸餃子餃子炸得金黃脆口，點啲醋汁食減低膩感。人均消費：$100推介指數（10分為滿分）：7.5分

鰂魚涌呢條街真係好多外賣小店，見到呢間嘅日式丼外賣好精緻，價錢又非常合理，就買了去朋友家食。見到餐廳都幾多外賣單，而且是即叫即製，每款食落去都熱的。即製得來又好快手，落order後10mins左右已ready。叫了2個主食+2個小食，$200都唔駛！🤩🤩🍱滑蛋吉列豬扒丼的確幾有水準，滑蛋好軟棉滑香，洋蔥煮到琳香還加了甜豉油，撈飯食一流。另外吉利豬扒外皮脆香且脆皮厚度適中👍🏼🥟日式炸餃子（5粒）三面都炸到好香脆但又不會好油膩，餃子皮薄多汁，配酸醋一齊食幾特別。芝麻雞翼（3隻）都幾大隻，外皮鬆脆，內裡肉嫩有肉汁。🐔芥未手撕雞丼係幾清新的配搭，雞肉係新鮮雞肉撕出來，配上軟嫩飯粒，夏天食夠涼爽。下次再來買平靚正外賣！

打開得咁少雞，嬲咗。。。又唔係平，味道冇乜問題，但個量真係太少，呢個價錢有更多選擇其實，打工仔都係想lunch有啖好食。星期五Happy Friday想happy吓都唔得。。。

返工食lunch有時都好煩惱，又想食好啲又想價錢大眾化。公司樓下終於開咗間日式外賣小店，方便我呢啲OL快快脆買外賣返office 煲吓劇🖥 今日同同事就order兩個丼，加多兩個小食share 🥳款式都多，有湯鍋、咖喱丼、手撕雞丼、滑蛋丼、小食等。🔸大盛雙層鰻魚丼 $79呢個係必要試嘅，一打開就聞到香噴噴嘅鰻魚汁味🤩有兩大條肥美嘅鰻魚，真係啖啖肉又滋味，送飯一流！仲有個玉子燒做配菜🍳🔸滑蛋吉列豬扒丼 $49價錢平但質素一啲都唔差，份量一樣咁大份，豬扒外脆、內裡肉嫩，一啲都唔韌。滑蛋加埋肉汁，又係令人食多咗飯🍚🔸芝麻雞翼 $443隻全雞翼感覺香口，外皮炸到脆卜卜，咬開時熱辣辣嘅雞汁滲透出嚟，加上芝麻香味一齊食好惹味，真係會食唔停🤭🔸日式炸餃子$38外型係標準餃子型，一盒有5隻，真係性價比高！其實成餐飯食到尾聲時，啲餃子都仲係keep到外皮乾脆，點喼汁食時都有股和風味🤗去到先知原來用app可以order定，預返時間落到去唔使等就攞得😙仲有65折喎！除咗呢間鰂魚涌新分店，原來屋企附近都有分店，放假都可以食到平民價日式丼👍🏻

呢間「町町丼丼」有好幾家分店，之前幫襯過觀塘嗰間，最近路經海灣街，發現原來呢度都開左一間，趁今日 lunch time 有空檔，專登過嚟買外賣。丼飯有好幾個唔同系列，當中包括日式咖喱、手撕雞、滑蛋、湯鍋等，另外亦有沙律同日式小食可供選擇，外賣自取更可享 65 折，非常抵食！點左個咖喱吉列豬扒丼、大盛雙層鰻魚丼 同 兩款小食。咖喱吉列豬扒丼 ($49)  豬扒炸至金黃色，外層嘅炸漿非常薄身，入口香脆鬆化，唔會食到滿口油脂。咖喱汁味道亦一流，杰身帶甜，且辣度溫和，用嚟點豬扒同撈飯啱啱好。大盛雙層鰻魚丼 ($79)  鰻魚份量十足，有兩大塊，魚肉滑溜不腥，肉質肥美，入口微甜帶焦香。醬汁嘅味道亦唔錯，甜美可喜，同鰻魚嘅鮮味超夾！飯粒飽滿，充滿米香，加上索晒鰻魚汁嘅精華，啖啖滋味。一口芝士年糕 ($42)  芝士年糕一份有 3 隻，外層炸得很脆口，年糕煙煙韌韌，內裡嘅芝士咸香不膩，咬開更有流心芝士效果，芝士控必試！唐揚炸雞配黑椒蛋黃醬 ($38)  炸雞即叫即炸，吃時仍熱辣辣，酥脆可口，肉嫩又 Juicy。蛋黃醬甜中又帶點辛香，用嚟配炸雞吃，惹味非常。

香港最近疫情有點反彈，為安全起見外買是個好選擇。町町丼丼在香港開有5家分店，是我喜歡日本料理。今天來到鰂魚湧海灣街2號濱海大廈地下A3鋪町町丼丼外買。大盛雙層鰻魚丼，又厚又大的燒鰻魚，買相十足幾足料嘅，性價比招高，鰻魚燒恰到好處，肉嫩皮香，沒有任何腥味，加上燒汁，味美可口。滑蛋和風牛丼，牛肉肥瘦相夾，牛肉味濃郁，滑蛋又滑又嫩夠水準。小食一口芝士年糕煙煙韌韌，瀑漿芝士口感一流。芝麻雞翼，熱辣辣香噴噴，皮脆肉嫩又唔會好乾身，非常香口。店家現在推出65折優惠，物超所值。

呢間唔覺唔覺原來有5間分店嘅日式外賣小店遍佈5大返工地點方便打工仔買飯之餘連平日想偷懶 放工買返屋企都唔失禮返到去微微加熱已經搞掂啦😉而且價錢都算幾平 我哋去嗰間鰂魚涌自取仲有65折而某啲分店仲可以配合外賣平台優惠簡直中環$50內食日式外賣不是夢呀💭去到下單又得 自助下單又得 平台下單又得得咗 方便簡單快捷任君選擇😌大盛雙層鰻魚丼 $79 🙆🏿‍♀️呢個大推！！！😋雙層鰻魚簡直等於原條鰻魚超多 仲要有返一定厚度 唔會薄切切佢嘅鰻魚冇骨之餘 肉質相對比較Q彈呢個份量同質素 出面食起碼三位數$79絕對物超所值👍🏿👍🏿👍🏿除咗有薑絲之外 仲有玉子做配菜重點係有唔少鰻魚汁鰻魚汁再加厚肉鰻魚配飯 真係冇得頂🤤我哋share食都好開心 下次會再翻兜🉑壽喜燒牛肉鍋飯 $52 🙆🏿‍♀️外賣裝得妥妥當當 壽喜燒同白飯分開裝白飯上撒咗少少芝麻 食落冇咁寡另外壽喜燒牛肉鍋都好推介首先佢嘅餸好多包括昆布 鳴門卷 菇 椰菜 腐皮同肥牛仲有甜甜地嘅壽喜燒湯 超好送飯基本上白飯食晒先過啲餸😂😂😂同埋片片肥牛都大大塊 無呃秤黑椒鴨胸配柚子醋 $38 🙆🏿‍♀️份量可以接受 仲要塊塊都幾厚本身鴨胸都已經好夠味👍🏿唔點柚子醋

Follow @kan.teen呢間日式丼飯外賣店 佢嘅分店都係位於工廈/商廈附近 定價合理 份量足料。同埋佢哋係即叫即整 個日個飯我拎到翻去仲係熱架！今次我試左大盛雙層鰻魚丼($79)原條鰻魚長到要分開一半變雙層咁擺！不過鰻魚食落都多細骨 要小心食 肉質唔算好嫩滑～另外食左個滑蛋吉列豬扒丼($49)，有原塊無骨豬扒 啖啖肉 不過肉質偏乾。而且個滑蛋變左熟蛋了🥚小食方面，食左芝麻雞翼($44)同唐揚炸雞($38)，兩款都正常發揮。———📍町町丼丼 (濱海大廈) (鰂魚涌)鰂魚涌海灣街2號濱海大廈地下A3號舖#kanteen 鰂魚涌 #kanteen日本菜

《抵食平民便當😊》———————————————-#町町丼丼 🍱-呢間位於鰂魚涌嘅外賣丼飯店新開張🥡 好啱打工一族嚟買lunch，十分抵食😚-🤎 大盛雙層鰻魚丼呢款鰻魚丼夠哂豪華，以咁嘅價錢都食到咁出色豐富嘅鰻魚，CP值滿分😍 一打開蓋就見到肥美大條既鰻魚，十分驚喜，魚肉彈牙啖啖肉，旁邊仲有玉子燒，淋滿鰻魚汁撈飯食一流，份量勁大，大滿足🤤-🐣 滑蛋香煎雞扒丼吉列雞扒外層炸皮香脆，內裡肉質腍滑，滑蛋鋪滿成碗飯，加埋洋蔥粒，令味道略帶甜香，絕對係抵食之選😝-另外我哋仲加咗兩款小食，芝麻雞翼係雞全翼，炸得夠香脆，帶出芝麻香氣，内裏肉質嫩滑🐤 日式炸餃子內餡帶有甜香，點埋特製醬汁，帶出餃子鮮味🥟-⭐ 參考價錢︰大盛雙層鰻魚丼： $79滑蛋香煎雞扒丼：$49芝麻雞翼：$44日式炸餃子：$38🍌 抵deal 指數：8/10💰人均消費：$90

👍🏻 大盛雙層鰻魚丼呢度有兩款鰻魚丼 要食梗係食最豪華嘅版本啦!打開蓋見到厚厚既鰻魚 真係難蠢掩興奮嘅心情🎊上面嘅鰻魚汁有提鮮嘅作用 魚肉實淨唔散 旁邊仲有玉子燒同埋薑作伴🥰大滿足👍🏻 滑蛋吉列豬扒丼吉列豬扒外層炸皮厚度同肉比例剛剛好🐖豬扒肉質腍滑 滑蛋加左洋蔥🧅味道偏甜 即使外賣 雞蛋依然能夠保持嫩滑 下面既飯唔會太濕🍚搭配鰻魚汁/滑蛋都好配合👍🏻 一口芝士年糕（3粒）芝士年糕入面有流心芝士🧀味道偏甜 有糯糯既感覺 一件都幾飽肚架 我當佢甜品咁食👻👍🏻 芝麻雞翼（3隻）芝麻雞翼見到嗰底都無油就之炸得夠乾脆 感受到芝麻香氣 內裏肉質嫩滑🙋🏻‍♀️而且大大隻 同朋友分享都唔錯注意事項⚠️- 店舖主要做外賣生意 新張期間大部分食物有折扣優惠💰💲

近排成日都係落雨, 難得好天雖然好熱, LUNCH都想出去行下, 突然諗起前幾日經過有間新開既外賣店, 每次經過都有好多人係門外等候, 一於就去買返公司食啦. 去到門外已有幾個人等候, 舖面好細所以只得外賣, 但員工都唔小有四五個人, 望下餐牌價錢都唔算貴大約$5X左右, MENU大概分四大類(日式咖喱飯, 丼, 蛋蓋飯,壽喜燒), 另有小食反而撰擇多D, 天氣悶熱胃口又唔係幾好, 就揀左個酸酸地既柚子醋手撕雞丼試下. 份量唔多,但飯同餸既比例都算OK, 其實應該話餸比較多小小, 唔洗五十蚊算係咁啦. 味道都幾好, 通常食手撕雞都係麻油香, 但今日柚子醋感覺都幾新鮮, 啱熱到無胃口既我, 易入口不經不覺就食哂. 但如果係SET配返杯飲品就完滿啦.