影片
更多
2022-07-20
1050 瀏覽
呢間「町町丼丼」有好幾家分店，之前幫襯過觀塘嗰間，最近路經海灣街，發現原來呢度都開左一間，趁今日 lunch time 有空檔，專登過嚟買外賣。丼飯有好幾個唔同系列，當中包括日式咖喱、手撕雞、滑蛋、湯鍋等，另外亦有沙律同日式小食可供選擇，外賣自取更可享 65 折，非常抵食！點左個咖喱吉列豬扒丼、大盛雙層鰻魚丼 同 兩款小食。咖喱吉列豬扒丼 ($49) 豬扒炸至金黃色，外層嘅炸漿非常薄身，入口香脆鬆化，唔會食到滿口油脂。咖喱汁味道亦一流，杰身帶甜，且辣度溫和，用嚟點豬扒同撈飯啱啱好。大盛雙層鰻魚丼 ($79) 鰻魚份量十足，有兩大塊，魚肉滑溜不腥，肉質肥美，入口微甜帶焦香。醬汁嘅味道亦唔錯，甜美可喜，同鰻魚嘅鮮味超夾！飯粒飽滿，充滿米香，加上索晒鰻魚汁嘅精華，啖啖滋味。一口芝士年糕 ($42) 芝士年糕一份有 3 隻，外層炸得很脆口，年糕煙煙韌韌，內裡嘅芝士咸香不膩，咬開更有流心芝士效果，芝士控必試！唐揚炸雞配黑椒蛋黃醬 ($38) 炸雞即叫即炸，吃時仍熱辣辣，酥脆可口，肉嫩又 Juicy。蛋黃醬甜中又帶點辛香，用嚟配炸雞吃，惹味非常。
呢間「町町丼丼」有好幾家分店，之前幫襯過觀塘嗰間，最近路經海灣街，發現原來呢度都開左一間，趁今日 lunch time 有空檔，專登過嚟買外賣。
丼飯有好幾個唔同系列，當中包括日式咖喱、手撕雞、滑蛋、湯鍋等，另外亦有沙律同日式小食可供選擇，外賣自取更可享 65 折，非常抵食！
點左個咖喱吉列豬扒丼、大盛雙層鰻魚丼 同 兩款小食。
咖喱吉列豬扒丼 ($49) 豬扒炸至金黃色，外層嘅炸漿非常薄身，入口香脆鬆化，唔會食到滿口油脂。咖喱汁味道亦一流，杰身帶甜，且辣度溫和，用嚟點豬扒同撈飯啱啱好。
大盛雙層鰻魚丼 ($79) 鰻魚份量十足，有兩大塊，魚肉滑溜不腥，肉質肥美，入口微甜帶焦香。醬汁嘅味道亦唔錯，甜美可喜，同鰻魚嘅鮮味超夾！飯粒飽滿，充滿米香，加上索晒鰻魚汁嘅精華，啖啖滋味。
一口芝士年糕 ($42) 芝士年糕一份有 3 隻，外層炸得很脆口，年糕煙煙韌韌，內裡嘅芝士咸香不膩，咬開更有流心芝士效果，芝士控必試！
唐揚炸雞配黑椒蛋黃醬 ($38) 炸雞即叫即炸，吃時仍熱辣辣，酥脆可口，肉嫩又 Juicy。蛋黃醬甜中又帶點辛香，用嚟配炸雞吃，惹味非常。
張貼
