町町丼丼 (香港工業中心A座)

營業中

休息中

荔枝角越開越多外賣店，呢間都唔例外，係正燈位前，人來人往，今日lunch 就選擇咗呢間。整體lunch menu有好多選擇，價錢都好實惠，繁忙時間大約等15－20分鐘～壽喜燒牛肉烏冬，烏冬同湯會分開上，唔怕淋晒，味道方面湯底甜甜地，木魚味重，牛肉份量都幾多，烏冬彈牙。香煎雞扒丼，雞扒juicy，一啲都唔乾，仲有超多粟米，食落唔會得肉咁寡。另外仲有小食，一口芝士年糕，一客有3件，食落好邪惡但又好滿足，附近店舖都好少有芝士年糕選擇～七味唐揚池魚，小食嚟講真係好大份好抵食，足足有1整盒！食落好香口，外層有七味粉，味道更香！

大家都係荔枝角去返工天堂，餐廳多選擇交通又方便，但係餐廳多選擇呢樣嘢係唔計咪星期日同公眾假期㗎，因為好多餐廳都係星期日唔開嘅因為呢一間難得星期日都開，而且而家做緊外賣自取有優惠，價錢都幾抵，所以同同事一人一個飯買來食我就揀咗滑蛋豬扒飯，買之前會擔心炸豬扒比滑蛋浸到林晒，脆皮同豬扒會分離…..但係呢個炸豬扒飯完全冇發生呢件事，豬扒外皮仍然好趣，肉質尚可唔算太乾滑蛋偏向乾身，但尚算滑，而且滑蛋份量唔少而且佢仲好大碗飯，啱晒大胃王！

喺荔枝角返工嘅人有福了，經過見到呢間日式外賣店全日外賣都有六五折，價錢就好吸引，所以同同事叫咗試下先，係網站落單方便又快首先，選擇都唔少，有我鍾意食嘅日式咖喱，我就叫左咖喱蛋蓋雞扒飯，分量竟然好足，大大塊雞扒，仲分左兩層，燒汁甜甜地，好唔錯！咖哩汁都好夠，個蛋蓋成個碗咁大但我地最驚喜係d飯係珍珠飯！同事叫左滑蛋吉列鰻魚丼，我哋都係第一次食吉列鰻魚，一致認為比平時啲燒汁鰻魚更好食，外脆內軟，配飯係超級夾，加埋啲蛋汁令到成件事一啲都唔會乾，不知不覺就食晒成碗。見佢有六五折我哋就叫埋小食，芝士年糕好煙韌，有3塊，一咬開入邊就爆芝士然後叫咗個七味唐揚池魚，30幾蚊，但就有足足一盒魚，性價比真係好高，就咁食可能有少少乾，配埋蛋黃醬一流，我食唔晒夜晚拎返屋企用氣炸鍋整熱，都仲係幾好食，如果人數多啲叫呢個一定夠分！

中午和同事過咗去荔枝角辦點事，之後想去食午餐，但又要趕回公司開會，行過一間日式外賣小店叫町町丼丼，食物款式都啱我哋胃口，就買回公司食吧！韓式牛肉部隊鍋配烏冬，. 湯底濃郁醇香又帶點辣，放入滿滿的泡菜、牛肉，腸仔等材料，料多又美味，放入烏冬吸收湯汁，彈牙又惹味！大盛雙層鰻魚丼，鰻魚份量十足，烤得外蕉肉嫩，加上鰻魚汁，蓋在香糯的白米飯上，十分美味！芝麻雞翼皮脆肉嫩。唐揚炸雞配黑椒蛋黃醬，外皮香脆，肉質嫩滑，點黑椒蛋黃醬甚惹味！

好掛住日本嘅丼飯啊😍荔枝角新開嘅町町丼丼，一到下午就大排長龍！外賣自取用QR code訂餐仲有六折真係超抵啊怪唔之得咁多人排隊啦！既然有優惠，試下大盛雙層鰻魚丼原條蒲燒鰻魚厚肉~ 🥰鰻魚肉質唔錯 唔會有細骨 燒至皮脆內嫩！正啊~啖啖魚油香味配日米珍珠米 好好味啊配料有兩塊玉子 甜甜地幾好味！天氣凍⛄️最好就係食咖哩飯朋友叫咗日式咖喱和風牛肉蛋蓋飯香濃咖哩味😋甜而不辣和風牛肉多汁鮮嫩配上厚厚既蛋蓋🥰一次過滿足晒思鄉又為食既我。おいしい！！！小食可以試埋芝麻雞翼即叫即整，脆香鮮嫩，大滿足啊！！！另外仲叫咗唐揚炸雞配黑椒蛋黃醬即叫即炸，唔感好香脆沾蛋黃醬夠哂juicy😍町町丼丼荔枝角青山道489-491號香港工業中心A座地下A2E號舖

上個星期去左荔枝角行街，順便買埋外賣反屋企食。最後揀左町町丼丼，貪佢價錢平、款式又岩我口味！韓式牛肉部隊鍋配烏冬：依度專做外賣，會將麵同湯分開，所以如果揀麵類亦吾怕吸晒啲湯刀未反屋企。部隊鍋份量幾多，除左大量肥牛外，仲有好多泡菜、腸仔、金菇等等。至於湯底味道吾會太咸太辣，配合滑滑既烏冬一齊食，整體味道一流啊！滑蛋吉列豬扒丼：依款丼飯夠晒經典，切好既豬扒大大塊佈起飯上，旁邊仲有滑蛋圍住。吉列豬扒厚度足夠，所以食起黎特別有口感，但肉質吾會太硬同鞋口。再配合滑蛋同飯一齊食，整個味道也不錯。唐揚炸雞：炸雞啖啖肉，方便食用，另外配合沙律醬一齊食，味道幾好。吉列鰻魚：個人不太討好依款鰻魚，感覺吾太合適以吉列方式將鰻魚炸，因為炸皮會厚過鰻魚本身，所以食落吾太感覺到食出鰻魚。

Saw this shop while shopping around this area, as we were feeling hungry. Decided to grab some takeaway for dinner tonight. The queue is long for this place, the price is very cheap too with a variety of options available. Still hot and delicious after an hour. We ordered the fried eel with scrambled egg & tomato omelette w/ grilled chicken & corn. For snack, I added the popular fried fish too! filled with tomato sauce 🥫 & egg . the chicken as mentioned was filled & corn was large in portion as

放工幫同事拎電腦返屋企，佢住喺荔枝角，從地鐵站出口經過一間日式外賣店町町丼丼，同事話呢間抵食又好味！買晚餐請我試吓！大盛雙層鰻魚丼：鰻魚份量已經蓋滿飯面，新鮮又厚肉，鰻魚烤得香口，沾上醬汁香氣四溢。加上黑白芝麻更香更美味！飯係用珍珠米，米質粘性強，米粒短圓口感一流！日式咖喱吉列豬扒蛋蓋飯：吉列豬扒外層香脆有口感，同飯分開載保持脆口，蛋嫩滑，日式咖喱味道少少辣又帶點甜味，伴飯食甚惹味！唐揚炸雞配黑椒蛋黃醬：炸雞外層鹹酥香脆，雞肉入味，嫩滑有肉汁，點埋醬汁味道更提升。七味唐揚池魚：池魚肥美多肉，而且份量頗多，炸得香脆可口，連骨都可以食埋，沾滿七味粉更添美味！

呢晚黎到荔枝角工作，上Studio之前叫返個外賣先，唔搵"由自可" 一搵就搵左間平到O哂咀😮嘅丼飯店!小小台鋪Menu丼飯都可以分到6個系列，鍋物、蛋蓋飯、滑蛋、招牌町丼、牛丼及日式咖哩。款款吸引力爆燈之下，最後我地揀左兩個好想食嘅主食同埋小食。大盛雙層鰻魚丼 $76推介:⭐️⭐️⭐️⭐️⭐️超推介!真心誇張得太緊要啦呢款😂👍兩大塊大片到連筷子都就快托唔住嘅燒香鰻魚，魚上放滿黑白芝麻倍感惹味香口，兩小片軟綿玉子襯托就更豐富，誠意唔單止係咁，用埋軟熟珍珠米飯入口滿意，試諗下兩大片鰻魚超市都買唔到呢個價，未計調味烹調嘅功夫，性價比超哂標"世一"無異議😂意式茄汁煎雞扒蛋蓋飯 $57推介:⭐️⭐️⭐️⭐️⭐️首先唔講雞扒，我一定要講佢個粟米粒!超有誠意，每粒粟米炒有牛油香，令小編一粒不剩食清🤣雞扒調味都唔錯，充分做到日式雞皮焦香內軟白肉的水準👏開埋個底層，個意式茄汁非常香甜，滑蛋又做到居酒屋果個光澤滑度，又一誇張之作!七味唐楊池魚 $38推介:⭐️⭐️⭐️⭐️⭐️呢款我有理由相信，我地兩個人分別食左十幾條😆多到覺得佢唔係小食，可以做主食tim，香口之餘加少少七味粉多了刺激開胃感，讚。吉列鰻魚 $48推介:⭐️⭐️⭐️⭐️⭐壓軸新野

又嚟咗買外賣便當🍱返屋企食啦! 先前介紹過, 呢度嘅丼飯、烏冬選擇好多, 而且好抵食🤩!𓌉◯𓇋大盛雙層鰻魚丼鰻魚肉厚, 醬汁味道甜美, 相當下飯的! 𓌉◯𓇋日式咖哩和風牛肉蛋蓋飯🍛蛋蓋飯就係將雞蛋炒嫩, 再蓋在飯上, 會配上和風牛肉及香濃日式咖哩醬汁。牛肉份量多, 牛肉肥瘦肉分佈均勻, 面灑上蔥粒、黑白芝麻粒, 充滿日式風味~ 滑蛋好嫩滑, 充滿蛋香! 日式咖喱汁會偏甜, 份量好多, 香濃又惹味, 質地夠杰身但又唔會過稠, 佐飯一流～唐揚炸雞 - 即叫即炸, 返到屋企仲保持到熱辣辣! 炸雞外皮香脆, 啖啖肉, 肉嫩又多汁, 會配上黑椒蛋黃醬, 令味道層次更加豐富!

在荔枝角長沙灣工業區，很多餐廳到了晚上已經關了，見到町町丼丼仍然亮着燈又有6折，於是就外賣回家吃飯。.款式很多，文青日式飯，相信個人都喜歡食的。.日式咖喱吉列豬扒 蛋蓋飯 $57豬扒炸到金黃香脆，有保留到肉汁不會太乾。一打開蓋，見到蛋蓋飯加咖喱好吸引。見得出這是滑蛋，有流心的效果，咖喱一陣陣飄香，未食先興奮。咖喱吉列鰻魚烏冬 $63蒲燒鰻魚我經常吃，今次第一次吃吉列鰻魚，炸到香脆有保留到鰻魚的肉味。咖喱汁撈烏冬，絕配呀！.小食也很有驚喜，如果不是太餓基本上一個小食已經可以當一餐，份量好足：唐揚炸雞配黑椒蛋黃醬 $38、七味唐揚池魚 $38。炸雞大大粒；池魚香脆可口，有超多條魚呢。

依間位於荔枝角既日式丼飯外賣店，諗緊買咩外賣番去酒店到食，之後見到成條街都係外賣店，一眼就比依間吸引左，唔只價錢平，而且食物份量多又有質素👍🏻，如果係附近番工，一定成日過黎買外賣🤣。-💕 咖喱吉列鰻魚丼 $67💕 大盛雙層鰻魚丼 $76💕 唐揚炸雞配黑椒蛋黃醬 $38💕 磯燒魷魚天婦羅 配黑椒蛋黃醬 $38-💕 咖喱吉列鰻魚丼👅好味指數：7/10第一次聽吉列鰻魚所以就試下佢😝炸得香脆，鰻魚炸過後都保持彈牙👍🏻咖喱味道濃郁，加上珍珠米夠煙韌，唔會煮得過黏笠就算外賣拎耐左番去有小小凍都好，都冇影響味道☺️。-💕 大盛雙層鰻魚丼👅好味指數：8/10依個真係幾抵食！🤩平時係dxxxx買，加左價都要成$120兩條依到兩條+成個丼飯先至$76仲要兩條都厚身多肉😚份量大味道同dxxxx一樣，但口感仲更加彈牙識簡喇😏。-💕 唐揚炸雞配黑椒蛋黃醬👅好味指數：9.5/10$38有5大件炸雞其實已經冇乜要求估唔到質素咁有驚喜🥰係比岀面有賣唐揚炸雞既拉麵店都更好食雞肉嫩滑，肉質軟腍多汁😍都唔需要配個蛋黃醬，已經夠岀色😤。不過真係一拎到就要趁熱食左先😂，唔係凍左就冇咁正🥶。-💕 磯燒魷魚天婦羅 配黑椒蛋黃醬👅好味

荔枝角出名多工廠大廈，有好多外賣店都開係大廈地下，係附近返工真係好幸福嘅事，成日可以試唔同小店嘅美食。之前試過附近美式漢堡店，今次試吓日式野，係同一條街嘅町町丼丼，最近好似做緊6折優惠，好多飯都大減價，咁抵一於乘機試吓性價比高唔高。滑蛋和風牛丼 $50牛丼嘅飯量比想像中份量多，女仔未必食得晒成碗，超有飽足感。滑蛋混有大量洋蔥絲，香甜之餘又不失爽脆。肥牛份量同樣有驚喜，基本上每啖都食到大塊嘅牛肉，而非薄薄一兩塊。壽喜燒牛肉飯 $57餐廳好貼心地隔開咗飯底同壽喜燒湯底，湯內有肥牛、油豆腐皮、魚板片、金針菇等配料，入口亦有壽喜燒獨特嘅甜味，整體幾有日式風味。肥牛份量同樣頗多，個人最鍾意甜甜地嘅油豆腐皮。白飯特別加入飯素，提升層次感同鹹香味，拌以壽喜燒湯底食用亦唔錯。芝麻雞翼 $32一份有三件嘅芝麻雞翼，面層平均地撒上白芝麻作提香之用，雞翼金黃香脆，入口肉質鹹香唔乾柴。底層仲有大量沙律菜，中和返無咁熱氣，如果有加入少少黑醋或沙律醬就更好。一口芝士年糕 $38同樣一份三件嘅年糕，每件都幾大粒，一咬就湧出香濃芝士醬，口感軟糯帶芝士香。欣賞店家附送加入七味粉嘅沙律醬，微辣同略酸嘅沙律醬有助中和芝士膩

星期六去朋友位於荔枝角工廈嘅Studio睇波，我哋諗緊夜晚食乜好，朋友提議幫襯有間唔錯嘅外賣店🔔「町町便丼」。佢買慣買熟，知道用QR Code落單可享最高折扣優惠: 6折🈹。即使係週末，但店舖仍然接外賣單接唔停手🥡，我哋等候期間見到有幾個車手拎住十幾盒飯走，好誇張呢。外賣全部都大大盒🍱，折實後價錢都算相宜。我哋兩個人嗌咗兩個主食同兩個小食，份量其實多到三至四個人都可能夠。日式咖喱吉列豬扒蛋蓋飯($52)，蓋飯好豐富，有齊咖喱、滑蛋同吉列豬扒。🍛咖喱係日式嗰種，近乎無辣味，不過加埋蛋蛋伴飯食夠晒多汁🥚。吉列層同豬扒緊貼，皮脆肉嫩，高質🐷。大盛雙層鰻魚丼($70)，鰻魚丼不得了，雙層果然有兩大塊鰻魚😍，夾埋應該足一整條，絕不欺場。超市單買分分鐘都要呢個價，所以個飯係抵食。同時，鰻魚汁配珍珠飯好食🍚。七味唐揚池魚($38)，🐟池魚份量勁多，成盒裝滿晒，我諗可能有超過50條，佐酒一流！池魚炸得酥脆，脆到可以連骨成條食晒。雖然魚仔落咗七味粉調味，但建議可提供醬汁食會更佳。磯燒魷魚天婦羅配黑椒蛋黄醬($38)，🦑魷魚自身味道OK，兼且夠彈牙，但可惜天婦羅炸衣有少少令人失望，因為粉層偏厚，配方有待改

今日陪朋友係香工買野尋寶，之後佢話買外賣去佢屋企食。帶我嚟左町町，話65折好抵食！小食就無折，但唔貴平民價！店內都幾乾淨，細細地都算整齊，店員都快手有禮。可能做開外賣生意，爽手！芝麻雞翼 $32其實佢仲有吉列鰻魚好似幾正，不過我想食鰻魚飯就無揀到！大大隻外，仲有一層沙律菜！芝麻雞翼係起碼中size！雞肉白白嫩有肉地，雖然外賣但皮都唔會出油一口。唐揚炸雞配黑椒蛋黃醬 $38黑椒蛋黃醬幾特別，唔會好搶辣感覺，應該因有蛋黃醬調柔d又比平時蛋黃醬多下辣。炸雞肉啖啖肉，一大口！幾抵食，多肉少肥！日式咖喱和風牛肉蛋蓋飯 $88->$57佢除咗日式之外仲有韓式嘅牛肉部隊鍋，又有滑蛋又有咖喱又有吉列又有泡菜又有七味，幾多元化！和肉牛肉厚一層！肥肉一定有，整體都唔會話煮好耐既老肉！依個好重要！肥牛唔可以煮太耐！大大塊蛋蓋住，咖哩汁又多多，滿滿每粒飯粒！朋友話d飯係深不見底！哈哈！大盛雙層鰻魚飯 $118->76玉子少少甜厚玉子。雙層鰻魚就係爽！夾埋應該係平時買既一條，正！鰻魚夠肥肥啡啡肉，份量大好抵食！女仔細食d都可以share唔係搞笑！