影片
更多
2021-12-13
55 瀏覽
荔枝角出名多工廠大廈，有好多外賣店都開係大廈地下，係附近返工真係好幸福嘅事，成日可以試唔同小店嘅美食。之前試過附近美式漢堡店，今次試吓日式野，係同一條街嘅町町丼丼，最近好似做緊6折優惠，好多飯都大減價，咁抵一於乘機試吓性價比高唔高。滑蛋和風牛丼 $50牛丼嘅飯量比想像中份量多，女仔未必食得晒成碗，超有飽足感。滑蛋混有大量洋蔥絲，香甜之餘又不失爽脆。肥牛份量同樣有驚喜，基本上每啖都食到大塊嘅牛肉，而非薄薄一兩塊。壽喜燒牛肉飯 $57餐廳好貼心地隔開咗飯底同壽喜燒湯底，湯內有肥牛、油豆腐皮、魚板片、金針菇等配料，入口亦有壽喜燒獨特嘅甜味，整體幾有日式風味。肥牛份量同樣頗多，個人最鍾意甜甜地嘅油豆腐皮。白飯特別加入飯素，提升層次感同鹹香味，拌以壽喜燒湯底食用亦唔錯。芝麻雞翼 $32一份有三件嘅芝麻雞翼，面層平均地撒上白芝麻作提香之用，雞翼金黃香脆，入口肉質鹹香唔乾柴。底層仲有大量沙律菜，中和返無咁熱氣，如果有加入少少黑醋或沙律醬就更好。一口芝士年糕 $38同樣一份三件嘅年糕，每件都幾大粒，一咬就湧出香濃芝士醬，口感軟糯帶芝士香。欣賞店家附送加入七味粉嘅沙律醬，微辣同略酸嘅沙律醬有助中和芝士膩
滑蛋和風牛丼 $50
牛丼嘅飯量比想像中份量多，女仔未必食得晒成碗，超有飽足感。滑蛋混有大量洋蔥絲，香甜之餘又不失爽脆。肥牛份量同樣有驚喜，基本上每啖都食到大塊嘅牛肉，而非薄薄一兩塊。
壽喜燒牛肉飯 $57
餐廳好貼心地隔開咗飯底同壽喜燒湯底，湯內有肥牛、油豆腐皮、魚板片、金針菇等配料，入口亦有壽喜燒獨特嘅甜味，整體幾有日式風味。肥牛份量同樣頗多，個人最鍾意甜甜地嘅油豆腐皮。白飯特別加入飯素，提升層次感同鹹香味，拌以壽喜燒湯底食用亦唔錯。
芝麻雞翼 $32
一份有三件嘅芝麻雞翼，面層平均地撒上白芝麻作提香之用，雞翼金黃香脆，入口肉質鹹香唔乾柴。底層仲有大量沙律菜，中和返無咁熱氣，如果有加入少少黑醋或沙律醬就更好。
一口芝士年糕 $38
同樣一份三件嘅年糕，每件都幾大粒，一咬就湧出香濃芝士醬，口感軟糯帶芝士香。欣賞店家附送加入七味粉嘅沙律醬，微辣同略酸嘅沙律醬有助中和芝士膩感。
張貼
