町町丼丼 (香港工業中心A座)

營業中

休息中

知道呢間外賣店係唔同地方都有分店，難得佢係荔枝角都開，當然要試試佢！落單後大概等15分鐘，就趁呢個時間去旁邊嘅餐廳買飲品～餐牌可以選擇主食後再加錢配小食，滑蛋吉列鰻魚丼，未試過鰻魚用吉列方式食，平時嘅浦燒鰻魚都有好多汁，所以用吉列方式都有啲淋咗嘅感覺，唔夠脆身，加埋滑蛋雖然整體豐富咗，但口感就差小小。汁燒鰻魚丼，鰻魚嘅另一選擇，呢個有好多鰻魚，性價比好高～推介！小食方面，揀咗芝麻雞翼同唐揚炸雞配黑椒蛋黃醬。芝麻雞翼大隻，外脆內軟，好香口～唐揚炸雞，炸粉唔厚，夠juicy，配埋個蛋黃醬好邪惡，而且仲啖啖肉添！