町町丼丼 (香港工業中心A座)

營業中

休息中

今日又去咗荔枝角Office做嘢，同事帶咗我落去香工搵食，跟住佢左轉右轉再出返大街，原來佢帶我嚟呢間町町丼丼。呢位同事果然冇介紹錯，而家做緊六五折，折咗之後真係好平好平！買完外賣攞上Office慢慢嘆。我就揀咗汁燒鰻魚丼，鰻魚大大件，另外仲配咗玉子，而且飯嘅份量都相當多，平時出面食個鰻魚飯都唔平，呢個價錢真係好抵食。而呢個日式咖喱吉列豬扒蛋蓋飯簡直係誠意之作，有咖喱汁有滑蛋有豬扒都只不過係$52。或者因為佢係外賣專門店嘅關係，所以佢嘅外賣客都特別貼心，同一個食物盒入面已經可以做到吉列豬扒另上，確保客人攞到返公司打開嚟食都仍然能保持住堂食嘅口感同質素。吉列豬扒大大件，又唔會有太多肥膏，值得一讚。日式咖喱蛋蓋飯淨係咖喱汁都已經夠晒撈飯，日式咖喱香而不辣，配合滑蛋一齊食真係簡單而美味。另外我哋仲揀咗小食，唐揚炸雞配黑椒蛋黃醬嘅雞份量都唔少，而且仍能保持肉汁，配合蛋黃醬就更有風味。七味唐揚池魚就係我嘅至愛，所以我都點咗呢個小食，估唔到個份量相當多，簡直好似五餅二魚咁食極都唔完，一路食一路喺度諗，如果呢一刻有杯啤酒就更加完美啦！呢個份量其實已經足夠四人共享，能夠喺荔枝角覓食真心抵！原來用QR c

係荔枝角香工附近原來有條小食街！今次係呢間日式丼飯小店買左啲外賣返去😚除左丼飯，小店仲提供烏冬、鍋物同小食😛選擇都唔少。店家包裝得好工整，會將餸菜同飯/烏冬分開包裝，拎到返屋企都Keep到個樣👌🏿🌟 意式茄汁煎雞扒蛋蓋飯 $57呢個真係撈飯良品🤣茄汁醬完全鋪滿成個飯😙酸酸甜甜既醬汁用黎撈飯好正～雞蛋煎得剛好，質地幾嫩滑的，單係呢2樣已經可以清左一大碗飯！🍚雞扒都煎得好味、外皮微脆、雞肉又嫩；配菜係味道幾香既牛油粟米～🌟 咖喱吉列豬扒烏冬 $52咖哩味道香辣，裏面加有少少紅蘿蔔粒；烏冬口感煙韌彈牙，撈咖哩汁好夾！吉列豬扒亦香脆好味～🌟 唐揚炸雞配黑椒蛋黃醬 $38份量幾多既唐揚炸雞係即點即炸、所以都做到皮脆肉嫩😂大大舊啖啖肉😚🌟 日式炸餃子 $32一份有5隻，勁香口！😆

📍 町町丼丼荔枝角有間日式嘅外賣店最近做緊優惠！外賣自取低至六五折😍 見間餐廳係我屋企附近 就決定買返返屋企試吓🙈-大盛雙層鰻魚丼 $76個飯有雙層鰻魚仲有玉子😍 鰻魚份量好多🤤遮住曬底下面嘅飯🍚 食落去鹹鹹地仲有一啲燒汁可以撈落去啲飯一齊食😋意式茄汁煎雞扒蛋蓋飯 $57佢哋好貼心咁將煎豬扒同茄汁蛋分開以確保豬扒嘅汁唔會因為茄汁而影響🙈煎豬扒食落去個口感滑 仲有唔少粟米做配菜個蛋食落去都滑 茄汁份量雖然都幾多 但係蕃茄味唔算太濃郁成個飯食落去都濕潤🙆🏻‍♀️磯燒魷魚天婦羅配黑椒蛋黃醬 $38小食嘅份量幾多🤫 $38 一大兜 魷魚鬚好大條 再加上紫菜碎一齊炸 食落去外脆內軟 再點埋黑椒蛋黃醬一齊食更加好味😋七味唐揚池魚 $38小編好少食池魚 所以見到有就叫左盒黎食🙆🏻‍♀️同樣地$38份量好多🤭 七味粉都重～食落去鹹鹹地咁 而且魚唔會有太多骨👍🏻-大家睇完我哋嘅食評之後 想試嘅話可以參考下面嘅地址😚👇🏻✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ☆回頭率：★ ★ ★ ★ . 5抵食指數：★ ★ ★ ★ . 5✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎地址：荔枝角青山道489-491

丼飯、烏冬選擇超多, $40幾蚊已經可以買到一個牛肉丼飯, 好抵食!壽喜燒牛肉飯 - 食材主要有洋蔥、大白菜🥬、金菇、牛肉等等, 牛肉熟度恰好, 肉味濃, 吃起來幾軟嫩; 壽喜燒醬汁帶甜味, 蔬菜充分吸收到醬汁味道, 好清甜~ 香蒜牛肉丼 - 牛肉份量多, 裝滿成個盒! 牛肉油脂分佈均勻, 牛肉上鋪滿炸蒜片及蔥花炸餃子🥟 - 餃子皮夠香脆, 皮薄餡多唐揚炸雞 - 即叫即炸, 拎住個外賣盒都感受到熱度! 炸雞外皮香脆, 啖啖肉, 肉嫩又多汁, 會配上黑椒蛋黃醬, 充滿日式風味~

町町丼丼 位於荔枝角呢間只係做外賣，小食值得推介、大件兼夾抵食👏🏻「意式茄汁煎雞扒蛋蓋飯」外賣🥡都食到精緻美味嘅雞扒有少少🤏意外嘅「胡麻醬豆腐胡麻凍烏東」凍豆腐份量好多，烏冬有腐皮芝麻鋪面，凍烏冬份量亦很大碗，食完都唔會太飽制十分清新又健康的主食「唐楊炸雞黑椒蛋黃醬🍗」抵食大件味道亦不錯雞肉嫩夠滑咬落去外脆內軟，個蛋黃醬邪惡之餘亦好惹味同炸雞🍗好配合「日式炸餃子🥟」即叫即整外皮。鬆脆個豬肉餡新鮮，係唔會後悔小食系列町町丼丼 小食值得推介 大件兼夾抵食「意式茄汁煎雞扒蛋蓋飯」外賣🥡都食到精緻美味嘅雞扒有少少🤏意外嘅「胡麻醬豆腐胡麻凍烏東」凍豆腐份量好多「唐楊炸雞黑椒蛋黃醬🍗」抵食大件味道亦不錯，個蛋黃醬同炸雞🍗好配合「日式炸餃子🥟」即叫即整外皮。鬆脆個豬肉餡新鮮

😋 []又係約左喺荔枝角玩larp，於是喺附近搵外賣，行過見到而家做緊65折，望落餐牌又岩食就決定試試🤗🎈壽喜燒牛肉烏冬 $57🎈泡菜牛肉丼 $44🎈咖喱牛肉烏冬 $523碗都大大碗超飽肚，牛肉比得超慷慨😋😋 壽喜燒牛肉烏冬仲有豆皮、日式魚蛋、菜等等，好足料👍🏻吸埋d湯汁好正😋咖喱底係日式咖喱，烏冬都幾掛到汁。泡菜牛肉d泡菜如果可以辣d應該會更正🙈🎈唐揚炸雞配黑椒蛋黃醬 $38🎈磯燒魷魚天婦羅配黑椒蛋黃醬 $38小食雖然冇折，不過本身都抵食又咁吸引，我地就叫多左兩份小食🤪超抵食，裝到滿滿一盒，特別係個魷魚天婦羅，食極都有，超開心滿足🥰唐揚炸雞好juicy，做到外脆內軟，配埋個黑椒蛋黃醬夠晒邪惡不過又好滋味😎

由於工作室喺荔枝角所以每次經過荔枝角嘅町町丼丼都會俾佢香濃嘅咖喱味吸引今次同朋友一齊試咗佢哋嘅蛋蓋飯及滑蛋丼日式咖喱煎雞扒蛋蓋飯 $57份量充足 雞扒亦都煎得剛剛好唔會太油膩 加上有滑蛋及粟米🌽伴碟沾上香甜嘅咖喱汁 真心不錯又飽肚滑蛋汁燒鰻魚丼 $66滑溜嘅滑蛋 好juicy 加上大大條鰻魚 好香口 送飯一流 份量又係大大份 😋七味唐場池魚 $38平身以為小食份量唔會太大但原來相反 滿滿一整盒嘅池魚炸過變得香脆加了七味粉變得更有口感 日式炸餃子 $32一份有5隻 炸得外皮微脆 但唔會太油膩

呢日夜左收工，荔枝角呢邊d餐廳好多6點便關門，想買外賣晚餐都不易，這間新開的日式外賣小店收鋪時間較夜，所以就順便買返屋企食。.日式咖喱和風牛肉蛋蓋飯牛肉分量超多，裝滿整個盤,好足料。而且蛋都夠滑，配上惹味咖哩汁，最岩撈埋d飯一齊食。.蕃茄濃湯煎雞扒配烏冬煎雞扒皮微脆肉嫩，蕃茄湯好濃味，還有蕃茄蓉，而且烏冬好彈牙，吸收晒d蕃茄濃湯，伴碟還有牛油粟米。.日式炸餃子一盒有5隻，餃子外皮炸得酥脆，配埋餃子醬汁更美味。.一口芝士年糕一盒有3件，外皮麻糬煙煙啃啃，入面還有流心芝士，還配上沙律醬。

呢期好忙所以都少咗好多自己煮飯都係匆匆喺外賣舖頭買完食完又繼續做嘢～呢排多數喺荔枝角荔枝角新開左好多新外賣餐廳～味道都幾唔錯今日就食 町町丼呢間壽喜燒牛肉飯配菜～泡菜、腸仔、金菇已經好足料，牛肉原來仲足料 ，抵食 ～ 湯底都好正大盛雙層鰻魚丼足料鰻魚～雙層份量～配日本米飯～正見小食都好吸引原來仲好大份真材實料七味唐揚池魚份量十份足，池魚仔好好味 ～好惹味配啤酒一定仲正😆磯燒魷魚天婦羅配黑椒蛋黃醬 魷魚天婦羅炸得好靚，外脆內軟冧冧中帶點咬勁，黑椒蛋黃醬係亮點～必要點住食

#日式eatcovery #荔枝角eatcovery💡抵食日式🇯🇵外賣之選如果有去開荔枝角都知道有好多工廠大廈，原來依期好多唔同種類外賣小店進駐。今次呢間主打日式外賣店雖然係新開，但食客都好多，絕對係一個平靚正嘅選擇👍🏻🍽日式咖哩吉列豬扒蛋蓋飯吉列豬扒份量都幾多，炸得外脆內軟，肉質一啲都唔韌唔硬，好腍😋日式咖哩甜甜地，又唔會好辣，容易入口。另外，配埋沙律，減低油膩感，飯份量亦好多，所以一定夠飽😌🍽意式茄汁🍅煎雞扒蛋蓋飯蕃茄醬好香濃郁，飯表面鋪左一大片雞蛋，幼滑而厚實，相信至少有3隻雞蛋🥚雞肉食落都唔會嚡口，肉質都幾嫰滑，以咁嘅價錢黎講好抵食👍🏻🍽日式炸餃子🥟餃子雖然唔算係好大隻，但炸完仲可以保持到入面juicy，但餡料就少左啲，沾埋個醬一齊食，都幾開胃。🍽吉列鰻魚平時燒汁鰻魚就食得多，炸鰻魚都係第一次食。雖然係炸完，但食落又唔會好乾身，沾埋店鋪自家調配嘅醬，酸酸甜甜，有驚喜🥰ps/食物選擇有好多，而且份量十足，而家新開張仲做緊promtion，有68折，所以真係好抵食😆#荔枝角食咩好 #荔枝角美食 #好西 #小店 #情侶拍拖食咩好 #情侶拍拖好去處 #打卡 #荔枝角 #荔枝角日式 #相

今日喺荔枝角呢邊做嘢，收工都成六點幾，又餓又攰，買外賣返屋企食就算，荔枝角呢邊真喺好多外賣店，見到町町丼丼做緊65折，都好抵食，即刻買嚟試吓先😍.✨大盛雙層鰻魚丼 原價$118 折後$76有兩件厚切鰻魚啖啖肉，超正！.✨日式咖喱吉列豬扒蛋蓋飯 原價$82 折後$57返到屋企吉列豬扒仲喺脆卜卜，咖喱喺日式甜甜地，送飯一流呀！.✨日式炸餃子(5粒) $32外面炸到脆卜卜，內裏保留咗肉汁，一啖一件😂.✨唐揚炸雞配黑椒蛋黃醬 $38最正喺唐揚炸雞，外面脆卜卜，內裏超多肉汁，加埋蛋黃醬好味😋

店舖只做外賣，冇咩人排隊，反而見不停有網上訂單，款式都幾多，6大類主食，每個系列都有4項以上既選擇，嗌鍋類要等15mins，可以周圍行下先。✨味道60分，環境65分，服務65分。.🔸韓式牛肉部隊鍋烏冬($59)湯底辣辣地，有啲泡菜，大白菜，雞肉腸，牛肉份量好多，似肥牛，咬落少韌，烏冬煮得耐，稔左啲。.🔸滑蛋汁燒鰻魚丼($57)滑蛋洋蔥汁個汁，整體甜甜地，鰻魚唔算好肥美，勝在冇骨。汁太多，令飯較濕，整稔左鰻魚表皮。.🔸日式炸餃子($32/5pcs)表面炸得好脆，餃子內餡較薄。.🔸榴槤炸彈($38/4pcs)⭐️呢個唔錯，鐘意榴槤既朋友可以試，外皮酥脆又煙韌，咬落中間係好香既榴槤蓉。

今日午餐時間去左町町丼丼到買外賣。 見冇人排隊又好似好多選擇，咁就入咗去買啦。點了韓式牛肉部隊鍋配烏冬，店員禮貌地問我加唔加野飲，我覺得冇需要就冇加到了。 最後咁等左15分鐘左右。 我個午餐就可以拎走了。一返到公司就開黎食啦， 點知… 真係想講粗口🤬。嘩… 請睇圖！ 牛肉多根到咬唔開！ $59 提供咁既質素，失望到極點。最後只係食左d 麵就成個掉左去垃圾桶了。其實我已經比左3次機會這鋪頭，但都令我好失望。 同區仲有好多唔同選擇，大家可以自己諗下！

咖哩吉列豬扒飯，個吉列豬扒來到仲係脆既，肉質唔似平時既咁有咬口，反而似豬柳，比較軟屬，好食，小朋友應該都會好鐘意，咖哩係日式，所以會有少少甜，咖哩既辣味唔會太多。香濃蕃茄雞扒丼，蕃茄醬係平時屋企買罐頭蕃茄果隻味，雞扒還可以。最好食唐揚炸雞，加埋黑椒蛋黃醬。七味唐場池魚，好大份，配啤酒都唔錯。

叫咗個壽喜燒牛肉烏冬同炸雞個烏冬湯有少少太甜後尾有d漏牛就有d肥同un整體烏冬一般但個炸雞幾唔錯又juicy加上黑松露蛋黃醬下次會再叫小食而家有6折性價比好高！兩樣嘢埋單70蚊朋友個雞飯就好唔錯汁好味會再戰嘅餐廳