田記魚蛋牛腩專門店 (塘尾道)

營業中

休息中

田記魚蛋牛腩專門店餐廳位於旺角塘尾道201號華安樓地下,餐廳裝修簡約為主,光猛企理,牆身掛滿食物餐牌,給客人一目了然,餐廳主打魚肉手打魚蛋和崩沙腩的港式粉麵餐廳,餐廳製作食物無添加防腐劑,而且日日新鮮製造,服務員招乎到位。崩沙牛腩米$54 崩沙牛腩米廚得都好入味又夠淋,好有骨膠原,不肥膩,唔黐牙又彈牙。淨鮮蝦雲吞$35大大粒的雲吞配有生菜,餡內鮮蝦和肉碎比例適中,食落香口單牙。淨鳳城水餃$35好巨型的鳳城水餃,餡內材料豐富,食落爽口兼彈牙。油菜$17(腐乳通菜)新鮮通菜非常鮮嫩,香濃的腐乳不太鹹,與通菜係最好配搭。飲品凍豆漿$12凍豆漿不太甜,入口順滑好有豆漿味。

📍田記魚蛋牛腩專門店這是一間受街坊歡迎的魚蛋粉麵店入到舖頭見到街坊們與店員打招呼熟悉地叫各樣粉麵作為一個外來人，學習如何叫菜也學起來～麻煩一碗 -南卜粗（牛腩蘿蔔粗麵）$39牛腩 唔Un有牛味、蘿蔔入味、份量多-牛三寶（牛肚、牛腩、牛筋麵）$54呢個價錢 一次過滿足三個願望 好抵！樣樣都OK～o(^▽^)o飲品方面 +$8可以有各式各樣嘅飲品豆漿其中豆漿雖然冇得揀 無糖但係一品豆漿嘅糖分唔高 3.9 g平時啲豆漿通常7-8 g仲有呢間餐廳啲牆位有得拎紙巾🧻方便客人 細心位值得加分

今日出咗太子上堂，同朋友二人經過田記，就坐低食午餐，平日時間都坐滿人客，應該都幾出名。我地叫左兩碗麵，味道真心不錯招牌牛腩魚蛋麵 $47招牌牛腩魚蛋麵湯底用牛骨熬製而成，味道鮮味濃郁。牛腩肉質嫩腍多汁，口感軟熟又入味，日日新鮮製造的招牌魚蛋爽口彈牙，麵質煮得剛剛好，口感彈牙 值得推介金錢牛肚米 $39金錢牛肚爽口彈牙 牛肚都算多 配上特製腩汁 味道濃縮 也是不錯的選擇蠔油菜心 $17 腐乳通菜 $17兩款蔬菜好新鮮爽口，份量非常足夠。個人比較鍾意腐乳通菜 腐乳鹹鹹地 好味道熱奶茶+$8 凍奶茶+$8飲品跟餐都係加$8，好抵食

📍🇭🇰 田記魚蛋牛腩專門店 (塘尾道).有一日周圍行，行到肚餓，點指冰冰點咗一間粉麵舖。.二話不說睇menu，又點指冰冰，五分鐘後，嗌嘅野食已經全部喺晒檯面。.📌 牛三寶河 {HK$54}📌 崩沙腩河 {HK$54}📌 配炸魚皮 {HK$24}及可樂 {加配價HK$8}.最吸引眼球嘅，係炸魚皮。冇錯，炸魚皮真係一流，非常大件，而且入口非常脆，爽過食薯片。結果粉未開始食，魚皮冇咗半碟。.跟住飲一啖湯，湯幾清淡，再翻一翻碗崩沙腩河，呢碗粉份量起碼比廿幾蚊一碗嘅同類粉麵多一半。然後食一舊崩沙腩，食得出同其他粉麵舖有唔同，就係爽口。牛三寶河都幾爽口，當你食過牛筋咬唔開就會明，呢個牛筋絕對冇呢回事，真係煮很淋很入味呀！.由於炸魚皮太好食，兩碗河粉未食到一半，炸魚皮已經冇晒。最後兩個人捧住個肚咁離開，一個字，抵；兩個字，抵食；三個字，可翻兜。😋😋👍🏻👍🏻👍🏻

早前經過太子見到有一間主打牛腩，粉麵店食咗個午餐招牌牛腩河所使用的牛腩肉質鮮嫩多汁，經過燉煮的過程使得肉質更加軟嫩。每一口咬下去都能感受到牛腩的鮮美口感，令人回味無窮。湯汁濃郁醇厚是用牛骨和多種香料熬煮而成，味道濃郁而醇厚。每一口河粉都能充分吸收湯汁的滋味，使得整道菜品更加美味。使用的河粉煮得剛剛好，Q彈有嚼勁，不會太軟或太硬。與牛腩和湯汁的結合，口感豐富多樣湯汁是用牛骨和香料熬煮而成，味道濃郁醇厚。湯汁的鮮甜與牛腩的鹹香相輔相成，讓人回味無窮。粉麵檔的裝潢通常簡單而不繁複，以簡潔的桌椅和燈飾為主。這種簡單的裝潢風格營造出一種輕鬆愉悅的用餐氛圍。

這家粉麵檔最出名係招牌牛腩河🙂除了濃郁的腩汁和煙韌靭的牛腩之外，還有其他令人稱讚的特點😊😍河粉的質地柔軟順滑，能夠完美吸收牛腩的湯汁，讓每一口都充滿鮮美的味道。🙂這家店的用餐環境算是乾淨整潔。桌椅等設施可能被保持得相對清潔，給人一種舒適的用餐氛圍。😌店員能夠提供有效的點菜建議和快速的上菜服務。優質的服務能夠增加用餐體驗的滿意度。

田記魚蛋牛腩專門店餐廳位於旺角塘尾道201號地下,餐廳主打崩沙腩和百分百魚肉手打魚蛋的港式粉麵,日日新鮮製造冇添加防腐劑,餐廳裝修簡約乾淨企理。牛三寶河$54 牛三寶有牛腩,牛筋和牛肚,,河粉幼細,三寶都好入味又夠淋,好有骨膠原,唔黐牙。雲吞麵$35雲吞麵有五大粒雲吞,雲吞餡內鮮蝦和肉碎比例適中,食落香口單牙,麵身爽口有彈牙。魚三寶河$39魚三寶有魚皮餃,魚片頭,魚旦,魚皮餃冇腥味有口感,魚片頭食落香口,魚旦入口彈牙。飲品加8元有豆漿奶茶咖啡。

今日公司好忙，中午做到一點幾，所以想快快手食個港式風味快飯再返公司做野。結果搵左公司附近間田記魚旦牛腩專門店黎個速食。入到去都幾多人，快快手搵個位坐低再叫野食。 餐廳真係好有港式風味，野食唔駛五分鐘就已經到齊晒。  炸魚皮 ($22) 炸魚皮一上檯，真係俾個份量嚇親，估唔到有咁大碟。食落口十分香脆，應該太好賣，日日都新鮮返貨。  金牌牛腩河 ($39) 本身想佢個招牌崩沙牛腩河，但可惜我太遲到，已經賣晒。唯有改叫金牌牛腩河。牛腩好淋好味，食得出用左唔同香料去炆。另外河粉分量都好多，男仔食一碗都一定夠飽。 好可惜今日食唔到佢招牌崩沙牛腩河，唯有搵日早啲過黎再試。 

星期日去了太子行街，剛好經過田記，自己也很久沒有食湯河了，看到價錢也不貴，🫶🏻最後我們叫了牛腩河39元雲吞河35元豆漿8元牛腩和雲吞都好食，也很足料，😋也看到很多客人來食🫠💕

之前跟朋友吃過的平民港式粉面，這天經過也就跟朋友一吃，重溫下昔日之感覺。主打魚旦崩砂腩之港式小店。魚旦面粗面好好吃，口感亦好，魚香味，魚旦非常爽口彈牙。份量大碗，足料的。魚片炸到金黃， 豐盛味道之魚旦，是店子銷量第一，棒鮮蝦雲吞河鮮蝦雲吞配上清湯，再加上香香蔥，賣相平平無奇，不是喔！有驚喜的雲吞皮薄又滑~彈牙蝦肉餡突出，肉碎味道好，口感濃香，肉質很新鮮油菜菜芯上面額外的蠔油，新鮮又好吃，棒牛筋飯必吃推介。軟腍入味牛筋，牛味濃，有八件左右的，白蘿蔔索左了汁棒，湯汁可以用撈飯，味道很好紫菜湯暖心之作爽口魚旦，很多人買外賣的，相信也不錯，要加辣椒醬，油香味不錯。牛油香味在嘴裏相聚~濃濃肉香，非常高質！辣椒油也很好！為魚旦、崩沙腩和鮮蝦雲吞再訪

呢度係街坊小店，但環境光猛闊落，坐得舒服。今日自己一個人食，想食得簡單d,於是就叫了一個牛三寶(牛腩，牛筋和牛肚)，每樣都厚切，份量比坊間其他鋪頭多，炆到軟腍，又夠入味。牛腩肥瘦適中，肉質鬆軟。而河粉就煮得剛剛好，保持原條，不會一夾就散。最後湯底夠真材實料，飲完都不口渴。另外額外叫了蘿蔔，份量超多，食落夠甜，配埋腩湯底，好味道。凍檸茶正常發揮，茶底清新。餐廳野食達標，服務ok,加上價格親民，值得幫襯。

好耐之前試過依度既牛腩一直念念不忘，麵既份量又多，性價比高。 咁啱喺太子附近就順便嚟食多次。店內光猛企理，每枱都有調味醬油 & 紙巾。除咗堂食，仲可以買火鍋佐料返去打邊爐。○ 崩 沙 牛 腩 河 粉 // $51湯底冇味精，配上特濃腩汁，有好香濃牛味；崩沙腩比一般牛腩會更加鬆化，有層膠質薄膜，非常爽彈，油香十足。河粉滑溜厚身條條分明，唔會一夾就散。蘿蔔份量都非常多，口感軟腍又冇渣，清新爽甜而且吸盡湯汁。○ 炸 醬 麵 // $33粗麵麵底好多，口感爽彈。醬汁完全唔辣，酸酸甜甜濃稠適中，肉絲幾滑。另外附送一小碗雲吞+炸魚片頭，大大粒皮薄餡料飽滿，有好多蝦。依度既魚片魚蛋都係每日用全魚肉新鮮製造，爽口彈牙。○ 腐 乳 通 菜 // $8呢個價錢真係好抵食，通菜爽嫩冇渣。○ 炸 魚 皮 // $22呢度嘅魚皮偏厚身，炸得超香脆，啱晒鍾意食脆卜卜魚皮嘅人，擺落湯度浸一兩下再食，會更入味。ꕀFOLLOW IG @ FISWEET FOR MORE.

最近很多旅客訪客，見到好多人排隊食老字號雲吞麵，但如其排長龍，其實其他粉麵店都很不錯，例如我今次去的田記。.環境光鮮乾淨，而且位與位之間不會太迫；我晚上去的，不用搭台，可以自己一霸一張台。.繼續食經典 - 牛三寶河（牛腩、牛肚、牛筋）及牛腩水餃河。經典就是百食不厭！牛腩、牛肚、牛筋都煮得好入味，其實整間店到飄逸著牛肉的香，而且份量又多，河粉更加吸引了牛腩汁的味，鹹香鹹香好正。特別是牛腩，肥瘦適中，有點似和牛般的口味。水餃好足料好多餡，與街市買的有明顯分別。.另外叫了牛腩汁青菜，二人share食剛剛好。.加$8配飲品，枝裝豆漿及玻璃樽可樂都一樣價錢。

First cut beef brisket with fiat rice noodles 崩沙牛腩腩汁撈麵 🥩 $62崩沙牛腩腩汁撈麵係餐廳嘅熱賣招牌菜之一，半肥瘦牛腩嘅肉質鮮嫩多汁，配上香濃自家製腩汁🐮，入口滑嫩又有嚼勁😍，而撈幼麵吸收咗腩汁嘅精華，口感彈牙又滋味十足，幾值得推介呀Mr Tin fish balls & fillet with fiat rice noodles 招牌魚蛋河粉 🍲 $35用百分百魚肉同日日新鮮製造嘅招牌魚蛋河🐟，真係好高質，魚蛋彈牙又滑嫩，魚肉味道鮮美，而矜貴嘅魚片頭好爽口，湯底夠鮮香🥣，入口滋味豐富，係一碗港式地道的魚蛋河！Head lettuce 🥬 生菜 $17Water spinach 腐乳通菜 $17鮮甜生菜嘅清香味道同脆口質感幾正，可以選擇蠔油或者腩汁做配搭，而腐乳通菜充滿濃郁香氣同滑嫩口感🌿，健康味道又唔會太鹹，而且两樣小菜嘅性價比好高，的確唔錯啊👍🏻

its my memory of nice food😊😊這道牛腩牛筋河配上雲吞麵是一道相當美味的湯麵料理。湯濃郁，充滿了牛肉骨和牛骨的香味，令人垂涎欲滴。牛腩和牛筋的口感十分軟嫩，入口即化。湯底中的蔬菜和香料增添了豐富的層次，讓湯頭更加鮮美。雲吞麵的面條Q彈有嚼勁，配上內裡香嫩多汁的雲吞，令人回味無窮。整體而言，這道湯麵料理的口感豐富，味道濃郁，讓人一口接一口。如果您喜歡吃湯麵料理，不妨一試這道牛腩牛筋河配上雲吞麵，相信您一定會喜歡上它的美味！its wonderful