甜牙牙

營業中

休息中

星期日食完晚飯之後好想食甜品， 走到旺角廣華街3號百利達廣場地下4號舖的甜牙牙， 每次經過都已經好想入去試， 今次終於有時間。 我大約八點半到達甜品舖， 原本想食一款中式甜品但可惜已經買曬了， 所以到最後就點朱古力鬆餅$62， 經典焦糖燉蛋$42。朱古力鬆餅～ 有朱古力雪糕、 朱古力忌廉和棉花糖， 鬆餅質地鬆軟不硬實， 濃郁朱古力香的雪糕和忌廉， 朱古力的滋味，無人不愛。經典焦糖燉蛋～表層微脆，下層輕滑，吃下雙重口感，質感嫩滑。今次食的兩款甜品味道唔錯， 甜牙牙還有很多不同種類的款式， 有機會會再來試下。

旺角甜品店特別多，但又有榴槤甜點又做得出色的，這間是我推薦給一眾榴槤愛好者。店內裝修頗有特色，有木製假窗框及書架，令客人有輕鬆舒坦的感覺，但坐位不多，經常也有食客需於門外等候入座。食物方面相當有水準，上菜時間快，而且賣相也絕對能相機食先。榴槤小丸子西米露：那球榴槤蓉是多麼的大，入口啖啖真正的榴槤，齒頰醇香美味可口。水晶芋圓仙草杯：內有寒天水晶、芋圓、仙草、西米、脆珠及椰汁，西米QQ的而脆珠卻粒粒爆脆，寒天本身無味，廚師卻更入了莓子，使寒天變得少少酸酸的，很適合夏天消暑解渴，完全是既質感複雜且多重享受的時令甜點。

甜牙牙位於油麻地充斥好多甜品店既黑布街/廣華街，入面有好多唔同類型既食物，包括梳乎厘、窩夫、同埋中式糖水。而我就比較鍾意硬淨d既甜品，所以選擇左朱古力雪糕梳乎厘同一個比較特別既提拉米蘇窩夫。-✨朱古力鬆餅 ($56) (⭐⭐⭐⭐/5🌟)有兩大件鬆餅，係我鍾意既有飽肚感既鬆餅類型而唔係空氣。梳乎厘比較有特色既一部份就係用左濃縮朱古力忌廉，朱古力味道非常濃郁，為成個甜品生色不少同加唔少分。-✨提拉米蘇窩夫($62) (⭐⭐⭐⭐/5🌟)除左Oreo之外，另一樣我鐘意既甜品就係Tiramisu，呢一客窩夫就係將Tiramisu同窩夫結合，用左咖啡酒同手指餅配合窩夫，造到充滿淡淡酒香味。旁邊仲配上一個朱古力雪糕，同暖暖地既窩夫一凍一熱，相映成趣。

因早前反修例示威，呢間之前都受影響無乜生意，有次幫襯見隔離枱份「火焰雪山」上枱前，店員兼係客面前。咁有氣氛所以再幫襯就決定叫份「火焰雪山」試下，點之原來生意一好，上「火焰雪山」前係唔會熄燈兼唔會點火如果乜都無應該話我知，唔使食全埸難食既甜品，成個「火焰雪山」無野食，全部只有忌廉。自此之後，已經四個月無幫襯。

飯後意猶未盡，好想食番個甜品才滿足！行過見到 甜牙牙 甜品屋，名字可愛有趣！仲有我最鍾意食嘅心太軟，一於要幫襯佢！朱古力心太軟即叫即焗 要等15至20分鐘。有雲呢拿雪糕、忌廉、曲奇餅碎、杏仁、士多啤梨、藍莓。外皮蛋糕軟熟，一切開熱辣辣流心朱古力醬即時溢出，香濃甜度夠，伴上朱古力雪糕，一冷一熱層次突出!水晶紅豆芋圓杯有寒天水晶、芋圓、小丸子、紅豆、西米、脆珠、椰汁。賣相精緻吸引，水晶球體口感似啫喱。芋圓、小丸子煙韌軟熟q彈有嚼勁。椰汁味香濃飄香撲鼻，伴底為西米粒，軟滑得嚟有口感，冰涼潤喉！

芒果窩夫party $98份量好大 一個大窩夫 上面就係cream 同埋雪糕 芒果 （夏天就係要吃芒果）窩夫外表夠脆 入面有彈性 加埋微溶嘅雪糕 甜嘅芒果 夠曬濕潤 入口就係大滿足 我相信 無人會抗拒到 同埋 只要我同朋友黎旺角吃糖水 我都淨係吃甜牙牙 好多窩夫我都試過 每次都係好滿意 從來無失手益力多棉花冰配芋丸 $55益力多幾乎係香港人嘅童年回憶 哈 綿花冰好幼滑 唔會有硬嘅冰碎 所以吃起身好解暑 值得一提係 佢地嘅芋丸好有彈性 有咬口 主打嘅冰唔錯 不過芋頭丸更令人驚喜 鍾意吃芋圓 又怕熱嘅你 可以試下

食完晚餐當然要食番個甜品先夠滿足。旺角煙廠街附近開左咁耐都未食過，今日一於去幫襯下！這家甜品店很多選擇，而且份量很足值得推薦下。太多選擇，左揀右揀，揀了二款share黎食。蜂蜜肉桂窩夫簡簡單單既款式甜品，窩夫焗得幾脆口，點一些cream黎食幾好味，配有香蕉、蜂蜜及雲尼拿雪糕，加入肉桂味味道清清地又甜甜地，不錯呢！榴槤鬆餅榴槤味勁濃，喜歡吃榴槤的我們大愛呢！鬆餅口感幾軟滑，應該是加入了牛奶吧！榴槤蓉份量很多是鮮味榴槤肉打成加埋榴槤忌廉，很香很香的榴槤味道，好食！

**甜牙牙**今日收工好想食甜品，我同老公同一時間都諗起「甜牙牙」，由於疫情再加上平日既晚上，唔洗等位都可以直入，而且座位好鬆動，記得上次黎食，人多到差不多背貼背😪今次再encore 抹茶紅豆窩夫，一如既往都係咁正其實上次嗌全份都覺得唔夠喉 不過今日想試多樣新野，所以就嗌左半份，結果係更加唔夠喉🤣另外嗌左個蜂蜜玉桂蛋糕🧁好香噴噴，蛋糕唔會乾爭爭。回頭率：🌟🌟🌟🌟CP值：🌟🌟🌟🌟🌟（五🌟為最高）

朋友住喺旺角，同佢食完晚飯之後就去左附近食糖水。打開餐牌，見到有好多好吸引既甜品啊！我地點左兩個甜品，其中一個係抺茶窩夫派對，鬆脆既窩夫上面有四球抺茶雪糕咁多！除左雪糕，仲鋪滿左忌廉、朱古力脆球、紅豆、曲球餅碎同埋杏仁，層次豐富！另一個甜品係水晶紅豆芋圓杯，呢個甜品入面有好多料啊，包括寒天水晶、芋圓、小丸子、紅豆、西米、脆珠同椰汁，好豐富！食落去唔會太甜，口感豐富，我最鐘意就係煙韌既小丸子同埋芋圓。

食物質素是沒問題的，份量和味道很好，但女待應(金髮)的態度差，提供食品建議時無奈，沒有心機和耐性，找數亦沒有多謝，最基本的禮貌也沒有，令顧客對店的服務扣了節扣！

平時食完飯，通常會向餐廳食埋甜品先走，但琴日間餐廳沒有甜品提供，所以我們吃飯後便到外面找甜品吃。這間甜品店，剛剛在我們餐廳的對面，所以我們店在這間甜品店開餐。餐廳提供多款甜品的選擇，有芋圓，西米露，紅豆沙，涼粉等等👍🏻我哋叫咗榴槤西米露同埋芒果芋圓涼粉。榴槤西米露真材實料，一上枱已經聞到濃烈的榴槤味，而且配上西米露嘅椰香，將榴槤嘅味道昇華到另一個層次😋芒果芋圓涼粉，成碗涼粉都係用芒果沙冰浸住，保持涼粉的冰感。而芒果沙冰，芒果味濃郁，非常好味。芋圓軟淋的感覺，口感非常好😍

疫情真係好令人困惑，常留在家間中都要出外找一點甜，所以就同朋友出旺角廣華街附近的「甜牙牙」食甜品開心一下。嚟到甜牙牙第一時間就點了「 抹茶窩夫配雪糕」，好掛住窩夫，所以必點嚟食。因窩夫是即叫即製，需耐心等候，等了10分鐘左右就上抬，滿滿的紅豆及又大又圓的抹茶雪糕，單看已吸引。味道方面，窩夫有抹茶味及蛋香，質地鬆軟，配上雪糕更添抹茶香，而紅豆又不太甜，非常好味。另一推薦「芒果涼粉」，份量為一半涼粉加一半芒果肉及芒果汁，芒果汁帶冰，入口不會太凍，芒果剛好熟透及甜香，涼粉爽口，食完真係透心涼快。

星期六晚食完晚飯 甜品胃又想滿足下 旺角廣華街附近既甜品店其實都好多選擇 今次想試新野😂去咗呢間食甜品😌🍮冰火燉蛋($48)最頂有一層蛋白加砂糖打成泡沫狀既 cream 再用火槍燒一燒個面🔥啡啡地色賣相吸引 再加咗兩款生果 有至愛既藍莓同芒果🤤下面個底係足料燉蛋 好正🤤🤤🥭芒果窩夫($60)好香芒果味🥭有芒果雪糕再加忌廉係面 再加埋啲曲奇餅碎 口感豐富🤤最值得讚係窩夫都仲好熱 最怕窩夫凍咗 口感真係會麻麻🤔

還記得曾經和一大班朋友在附近吃完晚飯就過來吃甜品再聚一聚，那重量級的窩夫及雪糕甜品最令我難忘。相隔一段時間再來吃點甜，發現餐牌已經轉了，每一款甜品都附有照片，很吸引呢，每人點一份分享吧。仙草芋圓西米露先吃碗西米露，椰奶香味重，配搭仙草吃，頓時冰涼透心。西米及芋圓都很嚼勁，芋圓多粒，驚喜的是不只普通的蕃薯或芋頭口味，還有些特別的抹茶、黑芝麻、紫薯口味，而且味道天然且濃郁，挺出色。抹茶心太軟製作需時、新鮮烤焗的甜品，以朱古力蛋糕包裹著抹茶朱古力醬，伴碟的還有抹茶雪糕、紅豆、杏仁碎粒、藍莓及草莓。相機食先，不過要把握時間，趁著抹茶漿仍是熱時切開蛋糕，才能做到流心效果。朱古力蛋糕灑上糖霜，外層烘焙得帶點脆口；切開蛋糕，內裡質感濕潤鬆軟，感受到抹茶朱古力從中湧出，茶色非常綠，味道也很香濃，配搭雪糕一起吃，一冷一熱，味蕾的衝擊。不過吃至後期有少許膩，可能因抹茶雪糕球奶味偏重，若然抹茶味道濃郁、回甘味重的話更加正宗。

琴晚happy friday同男朋友食完飯見時間仲早再去食多個甜品添啊男朋友叫咗芋圓涼粉芒果冰 $46好快就上枱喇，細細碗份量唔多幾啱細飽飯想食甜品又食唔到太多啊😂芋圓粒粒有唔同口味，芋頭、芝麻、綠茶等我試咗粒紫薯味，非常有味唔係只得粉嘅味我自己就叫咗一份朱古力心太軟 $55呢個就要等得耐少少啦，即叫即焗嘛今日天氣熱，我第一時間就食雪糕haha心太軟外面少少脆，一切開裡面流晒心，正！不過我就比較鍾意苦啲嘅朱古力味😆PS 店家喺防疫期間有設立隔板分開食客，細心！