甜意糖水小食

營業中

休息中

夜晚買咗個腐竹薏米糖水，番到屋企一打開就發現有隻昆蟲浮面。我好懷疑既然浮面，關蓋時會見唔到？食物賣哂唔係好聲好氣同客講，仲要兇神惡煞。味道方面，以前還好，起碼料會足，宜家薏米少之有少，味道過甜，腐竹薏米糖水既味道就好似只係求其倒包維他奶，再扔啲意米白果煲埋一煲一樣。雖知腐竹煲咗之後會融，但冇理由連少少少少腐竹碎都冇？另外糖甩有膠味，上面芝麻揶絲又有啲苦味，講真真係連評論都唔多想。連最基本衛生都做唔到，好極有限。兩個字：唔掂。

福安糖水小店，印象中都開左起碼10 年，呢晚同朋友行完海濱就過黎食下糖水，款多，花多眼亂，亦有小食供應。新款舊款既糖水講得出既都有，當然如果想食窩夫類就要稍移玉步去轉角另一間糖水舖啦，好耐無食大粒西米，正呀，口感好特別。自選既落單紙好搞笑，寫住 支持者。自選撈撈都係30幾蚊。希望小店可以繼續做落去，支持小店！

今日同老公去買宵夜比老爺奶奶，行到去看到門口牆上餐版，打算買芝麻糊和木瓜雪耳糖水比老爺奶奶，老公話不如買多碗勞勞返去一起食，那我就問坐在門口果位收銀嬸嬸，請問可以簡幾款水果，果位嬸嬸用好差既度話，上面未寫左啦，你自己唔識睇啊。。我心想我睇到說唔會問你啦。。但當時無同佢嘈，因為老公話買完就算，最多以後唔幫襯。。返到去發現。芝麻糊起舊，應該用粉開，木瓜雪耳糖水，完全係好煲過，只係將d雪耳和木瓜切左放入去d熱既糖開水度，個水果勞勞完全唔凍。。仲要將熱和凍既糖水包埋一包。。去幫襯買野仲要受佢氣而食物質素又差，真心無下次

今日去完烏溪沙睇心形石灘, 食完晚餐後當然要去食糖水啦~今次我就來到位於 馬鞍山福安花園地下6號舖 既 甜意糖水小食呢張就係餐牌, 雖然間鋪唔大, 但食物款式都唔少嫁~今次我就叫左薑汁番薯糖水 同 雜果涼粉西米撈 再加一點小食.薑汁番薯糖水個汁用左老薑去煮, 煮出來十分有薑味, 番薯份量也很多, 好抵食!推介!而雜果涼粉西米撈就同平時食開既無咩特別, 不過不失, 惟價錢方面較其他鋪頭略勝一籌!至於小食方面鋪頭有自家製的辣汁,當然你都可以選擇唔辣, 推介魷魚, 十分爽口!!!總括來說, 呢餐都叫抵食, 我同朋友兩個人都係食左$66, 比起出面食既平.

跟友人吃完飯後，抓我去吃甜品，希望可以為我打打氣，就來了這家老店。 抱歉因爲地方窄，人又多，所以沒拍店內環境。 本來沒打算寫食評，但在這裏竟然找到我心目中記憶中的芝麻糊！所以都要寫一寫！好大碗都係$21，一啲都唔小器！看上去非常杰身，陣陣芝麻香撲面而來，輕輕攪動，見那順滑的線條就知道果然是非常到位的自家磨製的芝麻糊！幼滑厚身夠杰身，吃下去香而不膩，不甜，整碗都是很純粹的芝麻，因為不甜，成分絕對天然，每一口滑入喉嚨，溫和又夠熱，吃完喉嚨很舒服，一點都不渴喉，身體很暖，雖然飲下了一碗強大的脂肪，但甜品的確有它的作用，雖然肥但情緒比較穩定。果然是中式甜品店，友人的五彩椰果涼粉配椰汁西米露底甫放下一看就知是普通貨色，稀，西米不多，整碗東西水汪汪，索價$24實在有點兒那個…這裏賣的好味大件夾抵食，所以什麽服務態度，環境情調都談不上邊，而且食完就好走，唔好阻住人地做生意，若然你要嚟談談情，建議去Bro and sis yogurt cafe會好啲，呢到只供欣賞中式甜品而已！下次要食雷沙湯丸！一定好好食！

油塘遊完，屯門拜完，大埔又去完。星期六的基本九龍新界一天遊，心情好時總愛做多一件事才回家。而這個，就是食邪惡的糖水甜品啦。心知家附近的馬鞍山仍有數間小糖水店要一試於是決今次不在大埔找糖水店，令是日的目的地，增加為四個。找了馬路邊的(預計唔會有警察咁得閒黎抄牌)既泊車熱點。在準備出發去找一家老未號人氣店之前。我們二人被這一檔傳傳統統的小店截停了。停下了，看見有簡單的西米露同楊枝甘露，我們就二話不說的入來，祈求簡簡單卅單地食碗糖水走。我要的就是椰汁芋頭西米露，凍的，味道清甜。而這一個西米露，並沒有分椰汁是主芋頭是配這一個樣子。在這一個簡單的椰汁芋頭西米露中，椰汁味同芋頭香非常之平均，而且芋頭夠粉夠綿，非常之香。若是熱食，味道會更加之可口。 楊枝甘露，芒果同柚子配搭得好好，丁點的淡奶香，甜酸味道均勻，有芒果的甜，有柚子肉的澀，而且奶油落得不重手，沒有膩的感覺。 前者是清甜、後者是香甜。來傳統的糖水店當然要叫返一些，露、糊、涼粉、豆腐花等等的傳統中式。晚上吃甜品的香港男女，好希望大家多欣賞我們中式的糖

星期五跟女朋友去放狗. 放到途中累了. 就找到這間糖水鋪.因為有狗隻的關係. 所以坐了在外面. 但環境有點臭臭的.女朋友叫了一個芒果涼粉. 我叫了一個刨冰. 和叫了魚蛋和魷魚.我的刨冰. 只見有兩粒紅毛丹. 太沒誠意了.椰果. 涼粉那些也不算太多.吃下去. 雖然味道算是OK. 但量是真的很不足.女朋友的芒果涼粉也是. 芒果太少了...至於魚蛋和魷魚. 魷魚OK. 但魚蛋太過彈了.彈得用膠羹切也切不開.本人不吃辣. 所以對他給我的辣汁沒有太大的感覺.總括而言. 我覺得份量太少了. 跟價錢不相符.而味道. 則是一般. 但不能吸引我再去光顧.

我係openrice從來都唔寫食評既，但真係今次嬲到唔寫唔得。以下係我覺得間野不知所謂既原因,細節唔講免得個位粗口老闆估到我係邊位：(1)伙記 送甜品黎到瀉落我身同埋張椅,(我朋友即刻換張椅)老闆全程睇到居然淨係走過黎拿走張椅去抹,對唔住都無不特只,紙巾或布都無比過我當無事發生 (個伙記一早閃左無講對唔住)。唸住街邊算數啦. 跟住。 我地order 左一樣甜係同其他一齊order既,其他都黎曬兼已經食左2/3都未黎,咁我就同老闆講(老細唔該跟下個xx糖水,仲未黎)。 老闆( 哦，賣哂)。 我(賣哂你唔講既?) 老闆(咁,我宜家話你聽), 當時我已經有d嬲,我答佢 (咁,得啦) 佢即刻走開用粗口係我地後面大大鬧個唔知係邊既阿姐(x你老x,無又唔話x比客聽,一日唔做乜xx,炒x佢,xxx母,個客咋x哂型) 重覆左好多次。其實個order係佢落既,大大聲係度鬧做場大龍鳳,我地比錢仲要受佢d粗口。 最興就係臨走聽到佢同個收錢唔知講d咩,凈係聽到xxx.....巴x閉。(我個friend 都聽到)。我真係唔知做左d乜野佢覺得我地巴x閉,或者我比錢沒好好用心聽佢d粗口,又或者我地累到佢伙記整污

本來都冇寫食評既習慣, 但係今次一定要寫...同女朋友去食, 叫左楊枝金露, 芒果豆腐花.. d野難食到唔知點形容.. 楊枝金露好酸但冇芒果味, 芒果豆腐花d豆腐好鞋口, 芒果唔新鮮, 帶有少少黑...最恐怖既係... 門口有一盤水, 原來用黎洗碗, 見佢用好快既速度洗下隻碗就算...唉!!! 勁dirty!!!!離譜既係.. 見到人地傷風後包左隻大雲吞掉落隻碗度... 一樣係咁洗, 衛生意識唔足夠....下次唔會再去!!!

坐低5個人叫左2樣野 "試一試" ...點知老闆話要一人起碼要叫一樣...吾係就收人頭費 10 蚊一個... 仲好串嘴咁講.. "我未落單咖... 你可以走".. 真係未見過D 咁既糖水鋪...心諗好食既... 先會咁串...好...叫晒五樣野...睇睇係咪咁堅先...點知真係吾掂... D 刨冰 冰粒大大粒... 食到"瓜瓜"聲...豆腐花用百福豆腐花...怪到爆... D 雞亦尖又少又吾好味... 仲有果兩樣都係麻麻地... 最正常都係雪榚...應該係買返黎既...一間好吾掂既糖水都咁多人食... 馬鞍山應該真係無好食既糖水鋪...

成日聽車會 ge 人去呢到食..........今日同阿媽姑姐係新港城食完飯諗住o黎呢到試下, 有幾多人贊同排隊 ge 糖水舖到食...............點知9點幾確係全店 full 晒 (不過數埋得4張枱16個位)我o地等o左 5-8mins. 期間有兩個人買外賣.終於都坐低. 我o地叫o左一碗雜果涼粉加花奶$18- : 涼粉都 ok 不過 d 生果真係唔多新鮮又唔夠凍 ; 一碗芒果荳腐花 $18- 吓~黑色的芒果, 不似荳腐花的荳腐花有成2cm厚 (我諗係荳漿加大菜) ; 最後一碟雷沙湯圓$12...............唉~算把啦放棄

今次輪到試這間好多人食的糖水舖，這間係我地成日駕車經過都好多人坐係條街度食糖水的舖頭，好耐之前都睇過這度有好多食評讚話好食，仲要d 係寫了好多食評的人，咁去到都真係好多人係度食緊，咪我地就坐底了睇下食什麼，好似都幾多款選擇，又有小食，我地就試了個楊枝甘露同埋個芒果布甸，咁個芒果布甸一食就知係用布甸粉整都唔好食，又冇芒果味，個楊枝甘露好細碗同埋好甜，仲有好稀，一d 芒果味都冇，這碗真係名正言順的糖加水呀!正如另一個食評家講佢地真係係條街洗碗，但係我地又見到個個食o野d 碗都係用外賣碗，都唔明點解仲要係開舖時間咁洗碗，俾我地感覺好唔環保，如果真係要拿返屋企就冇辦法，點解坐係度食都要用d 外賣碗呀？但係隔離枱d 人又好似食得好開心咁，其實我見到坐得後d 那些係冇燈光，佢地知唔知道自己係度食緊什麼呀？真係有時可能有隻蚊都睇唔到，佢d o野又唔係平過人，點解要坐係這些地方度食呀？真係有d傻呀!佢d 甜品唔係叫做不過不失，係好難食呀!我諗這區真係冇間好食呀!真係慘呀!

好耐之前食過這間兩次，但係之後唔食，佢真係幾方便俾d 駕車的人，但係見到佢地係好似以前d 舖咁係街邊洗碗，我就覺得好dirty呀!洗來洗去都係那桶水呀!見到都唔開胃，寧願駕車去遠d 去其他地方食呀!

其實呢間鋪我都幫襯了好多年,晚晚都見佢地人山人海,剛剛睇到頭先既食評,日我都在場,初頭都唔知咩事,後隱約聽到後面個四十幾歲既阿嬸話想分開d野食,但個女仔話兩串為之一碟,如果唔食得辣不如我幫你入去換d唔辣既汁啦,點知個阿嬸死都唔肯,仲發難敢問個女仔,乜d碟好貴既咩駛幾錢ar?個女仔答佢成本都要一蚊嫁,跟住個阿嬸話咁好我比多一蚊妳同我分開佢,個女仔就聽佢講拎入去,我聽到既就係咁喇,初初我都覺得佢地幾串嫁,不過幫襯咁耐佢地既甜品真係好好味,有時佢地可能太忙啦,忙中有錯梗有嫁啦,何必為小小事去嘈呢,我都試過買外賣,返到去發覺碗糖水錯啦,我都做過生意,知道做老闆之難處,我敢講無一個老板想倒自己米,我以前遇過D好衰既客,好似佢系客就大哂咁,態度好差,我都試過趕D客走,個個都話劉德華話今時今日咁既服務態度唔得,不如叫劉德華出招呼下呢d客人,睇下佢有咩反應,其實做客人都要有一個禮貌既態度,我相信客人禮貌D,做老板差極都會講唔好意思,我並唔系話個阿嬸態度差,內情我唔係太清楚,因為呢個世界個個都覺得自己o岩,錯一定系人地,我就當你真系好好禮貌咁叫佢換,佢唔換,唔食咪以後咪鬼幫襯囉,大自然物競天澤,如果佢咁

今天我去幫襯糖水及小食，先叫了一串芝士腸比亞仔食，後來補加了一串辣魚蛋比自己食。突然，醒起唔可以放埋一齊，阿仔唔食得辣，於是叫個侍應分開上。點知，冇分開上，佢話比我聽廚房唔記得，話冇辦法，點都要梗咗佢。我話唔係我搞錯，冇理由要我負責任。第二個亞姐嚟，話張menu寫明要「一次過至少叫兩串」，但我完全理解唔到這就是「兩串要放埋一齊」的意思，(我中文太差掛)我問佢你搵過第二個碟放就得，有幾難？她說個發泡膠兜要收$1，第一，起初搞錯的唔係我；第二，我堂食你一定要我用膠兜，仲要我比$1；第三，我落order你冇向我聲明。之後同佢理論，佢話係個員工搞錯，都冇辦法，但要個客負責任，仲話呢度的規矩係咁，你下次可以唔幫襯。態度差到離譜！