甜意糖水小食

營業中

休息中

今天我去幫襯糖水及小食，先叫了一串芝士腸比亞仔食，後來補加了一串辣魚蛋比自己食。突然，醒起唔可以放埋一齊，阿仔唔食得辣，於是叫個侍應分開上。點知，冇分開上，佢話比我聽廚房唔記得，話冇辦法，點都要梗咗佢。我話唔係我搞錯，冇理由要我負責任。第二個亞姐嚟，話張menu寫明要「一次過至少叫兩串」，但我完全理解唔到這就是「兩串要放埋一齊」的意思，(我中文太差掛)我問佢你搵過第二個碟放就得，有幾難？她說個發泡膠兜要收$1，第一，起初搞錯的唔係我；第二，我堂食你一定要我用膠兜，仲要我比$1；第三，我落order你冇向我聲明。之後同佢理論，佢話係個員工搞錯，都冇辦法，但要個客負責任，仲話呢度的規矩係咁，你下次可以唔幫襯。態度差到離譜！