甜意糖水小食

營業中

休息中

其實我已經幫襯呢間糖水舖好多年，食足咁耐，只有一個原因：好味！我最喜歡食的糖水是楊枝金露，佢整得甜味啱啱好，d柚肉又夠香甜，每星期我都外賣一碗返屋企倍我睇足球，正！我又好喜歡食它的自選撈撈，20蚊有三種生果，加2蚊仲有刨冰，我鍾意海底椰，荔枝，香蕉加紅豆，聽落好似好怪，但其實好香，可以一試。此外，佢d腐竹和黑糯米都幾好。起初去呢度見佢由幾個後生仔女做，好似冇乜信心，但食過之後就覺得佢地做得好有心機，抵讚！

第一次見這店已經係四年前, 一直只係經過見到幾多人, 心想應該有一定水準.講了那麼久福安有落, 是晚都係第一次惠顧.店子細細, 坐得相當逼.自選撈撈世界$20: 8分, 天氣熱辣辣, 最好都係食生果消暑. 要了個自選撈撈世界, 選擇甚多, 最後係揀了鮮芒果, 鮮西瓜, 鮮哈蜜瓜同涼粉. 份量都不少, 入面已經有椰汁, 花奶同鮮果汁, 個汁底味道調得剛好, 不算太甜, 西瓜同哈蜜瓜都好鮮甜, 用來解渴, 收貨有餘.楊枝甘露: 6分, 點解個汁底同自選撈撈世界那麼似的? 最大問題係這個汁底太甜了, 而且係太多花奶, 怪怪的. 芒果肉就仲算鮮甜, 不過份量不太多.作為主打街坊生意的小店, 這裡係做得不錯.

唔知點解,無端端想食糖水甜品,但人在馬鞍山,唔知邊度有甜品舖,記得此店的食評好似唔錯,就黎試下...本黎想食糖水,但眼見糖水唔係咁平,就叫什果涼粉...今次又係涼粉多過什果,都唔大碗...什果就只有芒果,密瓜同埋西瓜...要求加花奶,總係比唔加的好食...什果新鮮,全都係甜...涼粉今次食落比上兩次的涼,係冰涼,都比上兩次滑...食完成個人涼哂...埋單$16,懷疑佢收少左$2...但都唔算抵食,始終份量仲係唔夠多,特別係什果,可以加多一至兩種...

熱燉奶很滑,很好吃~聽講不是成日有嫁!!

晚上跟女朋友仔到來，見天氣甚為乾燥，但女朋友仔又有兩聲咳嗽，故就棄掉傳統糖水，點了這裡的蘋果燉龍利葉。這裡的燉品是原盅燉製的，蘋果燉龍利葉內加了不小的南北杏，不太甜之餘蘋果及龍利葉的香味都能滲透至糖水內，不知是否心理作用，喉嚨當晚舒服得多，而女朋友仔的咳嗽亦舒緩不小。環境細細，坐位窄窄，見不小食客都是外賣為主。見其他燉品如杏汁海底椰、本瓜雪耳、蛋白燉鮮奶…，加上手磨芝麻糊等等，下次都要抽空試試。

終於放暑假啦,今日好鬼熱ar~~所以約埋d朋友去游水,游完水經過這間鋪頭見到有個大大的夏日消暑刨冰的招貼...當然急不及待走入去啦,我地每人點了個刨冰,d刨冰可以因應自己口味來選,選三種生果都係$20,仲有哂花奶,椰汁同芒果汁,初頭都怕咁多汁撈埋會唔會好怪...但原來食入口d果然係正,d芒果汁加埋d冰每入口都涼透心ar~~~~,有時間一定再^.^"

呢間糖水舖紫米露好正，無論係熱食或凍食都好滑好好有口感，唔似其他舖頭紫米露，一係就好稀，一係紫米就好似未煮熟咁。另外，我最鍾意佢糖水唔係太甜，好，唔會食完好口渴。除紫米露之外，雜果黑珍珠同蕃薯糖水都值得一試。雜果黑珍珠雜果新鮮，黑珍珠(我諗即係台灣花粉子)好爽，好得意。而蕃薯糖水就最冬天食，因為好有薑味，蕃薯仲煲到起晒"沙"添﹗正﹗

點解我會話呢間糖水舖係最突出，因為我係呢區都住左好多年，基本上呢度幾間糖水舖我都試過好多次，我同班朋友都話呢間最“正”。有次同班朋友去游水，之後我o地一行六人去幫襯，一去到已經人山人海，老闆二話不說就係門口開左張VIP檯比我o地。晚我叫個楊枝金露，聽老闆說呢個係鎮店之寶，吃落口果然啖啖芒果肉，d芒果好甜，d柚不會太酸太，一個字形容“正”，而我女朋友就叫個榴槤布甸，係好遠己經嗅到榴槤飄來的香味了，而我朋友就叫個熱辣辣芝麻糊，他說入口好香好滑，我們仲叫芒果奶王糯米和榴槤糯米，糯米個皮好軟熟，好好味，d咁好食，當然會介紹比朋友仔啦，仲做下考順仔買比屋企人食，不過原來他們有外賣送的，咁就仲好方便得多，嘻!!

個日同d朋友經過這間甜品店,見這間店成夜晚12點幾仲咁多人係到食野,咪同d朋友入去試下囉!d小食都幾好呀,我叫咗個楊枝金露,果然是老闆推介,正,嘻嘻,多芒果,又多汁,仲有個芒果奶王糯米糍,都好正ar,我朋友叫咗個芝麻糊,真係好滑,不像出面好多用粉開的,問下老闆原來他們是自己用石磨磨的,唔怪得會咁滑啦,最後一個是芒果布甸,d布甸好夠芒果味,好滑,經過我同朋友這第一次的幫襯,發覺這間糖水店的水準都是一流的,所以我們下次一定會再來幫襯的,^.^"

今日(1月15日)放工與同事一齊去食糖水,嘩!~~ 門口又係好多人, 不過都等...叫左個"紅毛丹菠蘿紫米露" , 凍既...再黎個"糯米卷" 熱喇喇, 正!本人覺得天氣凍食凍既糖水好正,再有個好味軟軟熱熱既糯米卷,簡直係一個好好既配合...最後叫多個"擂沙湯圓" , 知道好食嘛..點知今次食落好似冇餡係入面咁既!!?整體上都係好好食, 得閒再會去!!

自從黎左呢間新公司,就多左同同事食飯,亦多左放工同同事去食糖水!呢間糖水鋪我黎過幾次,食物水準都算係穩定,今次我叫左個桑寄生紅"祖"蛋茶,真係好好味,不過我d同事完全唔知係咩黎,碗茶甜度適中,但隻蛋老左少少,而d龍眼肉都唔算新鮮,我記得我媽咪煲到隻蛋好正,d龍眼仲係甜既...而另外再叫左最愛既擂沙湯圓,上次食都幾好,今次連個同事都覺得,點解食唔到D料,只係食到團粉?!價錢真係好平,$14就得,其他都係十多元ok,而且仲有外賣服務,唔怪得隔離街有另一間糖水鋪d人都唔去,迫到死等餐死都要黎啦!