甜姨姨 (耀華街)

營業中

休息中

雖然趕不上E先生的生日theme, 但其實一直都好想泥食佢d新式甜品同主打嘅大大個吸睛刨冰，可惜今日太凍，食唔到刨冰住，就食下特色bagel先，勁多口味都好似幾正，有咸有甜，晒啱當午餐、下午茶或甜品泥食~仲可以配埋招牌特飲，爽呀！✨辣辣辣餐肉Bagel - 好特別，佢係將餐肉整到薄薄咁，有d似肉乾feel, 但好香口，配埋芝士同名牌辣粉，好惹味😻✨狂脆朱古力Bagel - 邪惡之選，朱古力控一定中意，有朱古力雪糕， 阿華田脆脆，朱古力醬，配落bagel口感唔錯，有咬口，bagel本身淡淡地balance返個朱古力甜👍✨爆檸 - 好大杯！有檸檬同lime, 味道酸酸甜甜，幾開胃✨招牌奶茶 - 裡面有仙草同芋圓，夠晒fusion, 建議叫微甜會好d~另外仲叫左兩個外賣麻糬撻返屋企食，賣相幾唔錯❤️✨Lemon Mochi Tart - 淡淡檸檬青香，加埋mochi又幾過癮✨Matcha Mochi Tart - 又係百食不厭嘅抹茶同紅豆配搭，甜而不膩重點呢d天氣外賣tart都唔驚溶😂

銅鑼灣呢間新派甜品店一直想食，平時主打刨冰，近排出埋bagel，仲有鹹嘅甜嘅，仲有飲品，lunch同tea time食啱晒呀🥯辣辣辣餐肉 Bagel💰$88辣bagel都係第一次食，bagel煙韌，入面有好多脆身嘅餐肉，仲有芝士🥯狂脆朱古力 Bagel💰$78勁多朱古力，食完嗰辣bagel食朱古力，好似甜品咁，好多朱古力醬朱古力粉，仲要有朱古力雪糕！🍋爆檸💰$33好大杯檸檬茶，食完辣bagel飲啱晒🧋招牌奶茶💰$35自家製嘅仙草、珍珠，仙草比出面嘅軟滑，珍珠都較腍身但都有彈牙感，呢款我就鐘意，因為成日覺得太硬嘅珍珠會好難消化又滯，奶茶甜度剛好

小爵粉去打卡📸係港島區嘅甜品店有爵粉搞咗生日應援🎊🥳，當然要去全程力撐💪🏻。.由門口到店內都有好多打卡位😍，店內有一個專屬打卡位，爵粉們可以係度任影！！而且打卡位係免費🆓，唔需要任何消費架🙅🏻‍♀️。.為左慶祝Edan 生日🎂，仲有特設嘅My Apple Pie🍎🥧，叫呢款甜品仲有Edan 卡送💕。.呢個生日應援🎊🥳去到1月31日，爵粉們把握時間去打卡啦📸❣️.Always on your sideAlways in your life這守護你 的死硬派全程力撐My apple pie 🍎🥧

大家都好熟悉嘅甜姨姨，出名都係甜品、綿綿冰，而加新推出有埋Bagel 🥯, 仲有8款口味選擇，款款都勁吸引🤤辣辣辣餐肉Bagel 🥯 $88點解係辣辣辣🌶，因為佢係用名牌辣粉1493，小小就巳經好夠辣，非常惹味，而佢既餐肉都好特別，我開頭仲諗住係比錯我，點解我完全見唔到餐肉既😳，原來佢餐肉係烘到脆卜卜，好似脆既豬肉乾咁，超級香口，再配上邪惡芝士🤤，呢個包真係岩哂我口味👍🏻另外如果係Edan粉絲，即係爵屎既你😍，更加不能錯過，因為佢成間主題都係Edan, 一定要嚟打卡呀📸

第一次寫食評多多指教今日去銅鑼灣shopping諗起有間cafe想試下，點知都係好多人排隊，就去對面甜ee 望下。見甜ee做開甜品同日本刨冰，但係咁早又唔想食甜嘢，就想試下三文治系列，店員話原來因為太唔好賣，所以已經取消咗，由bagel系列代替。最後喺menu揀咗個蒜香味芝士bagel嚟試下。個人食嘢食得幾重口味，所以我呢款都唔知其他人接唔接受到。落完單等緊嘢食嚟…已經聞到一陣蒜香味圍繞成間舖頭。等多2-3分鐘，bagel已經送到，嚟到嗰陣蒜頭味都幾勁。但係食落又幾，因為有啲甜甜哋嘅醬配埋啲蒜茸，bagel唔會太乾，咸甜適中，幾開胃，一個包都飽飽。最衰冇跟餐叫嘢飲，原來有28蚊優惠換購價，最後都係放棄冇叫。總結嚟講，環境幾靚，有Edan主題，幾適合嚟打卡；店員幾nice，好有禮貌講解menu；嘢食幾好，係一開始冇跟餐具，唔知點食好，之後有畀番叉同羹，建議可以加埋刀畀客人。希望甜ee疫情下可以搵多啲生意，甜品鋪開咁早，6點又禁堂食真係冇人幫襯，環境幾靜，用嚟wfh一流（私心），下次再嚟試下啲刨冰

🍁【奶醬脆多】$98第一眼見到真係好啱打卡❤️但係一定要影得快 因為真係好快溶同變形😢面頭有啲豆奶味嘅cream 幾特別真係100%還原到奶醬多嘅味道🤫冰裏面仲有啲花生同埋芝麻味 有唔同嘅層次但係我覺得個整個味道甜左小小😂個人都係比較鍾意氷屋嘅口味多啲🤣

喺銅鑼灣食完晚飯，冇咩做梗係想食個甜品🍧啦。銅鑼灣話多唔多玩少唔少甜品店，搵一間有特色嘅甜品店真係花多眼亂🙈「甜姨姨」呢間點就真係好有特色，佢個甜品吸引咗我嘅眼球唔多講究竟佢個甜品有幾吸引眼球我🤩~髒髒冰~個名都夠曬特別大家有食棉花冰就知道喇，佢應該係棉花冰嘅進化版，叫咗個夏季特別版超級特濃朱古力髒髒冰，呢個一個畀佢個碗仲要多一倍有多嘅大冰山，只係個外型都已經夠曬吸引，全個冰山都係朱古力做嘅，外面仲要另上朱古力奶，再加兩條片朱古力餅，叫一份兩個人食分享啱啱好，味道當然出色，朱古力味特濃，食落去仲要畀棉花冰更棉嘅感覺，口感順滑，夏天食真係非常之爽兩個人食呀仲食出甜蜜來，值得一試。店舖好出名所以要排一陣隊，除咗髒髒冰仲有其他特色飲品，例如珍珠奶茶等等都有，不過當然要食佢最特色嘅產品啦，總括嚟講百幾蚊抵食抵玩又好睇大家去試下

終於嚟到啦！哥哥好鍾意Edan，Edan生日月點會唔嚟打卡😆。（其實媽媽都有私心想嚟嘅😏），1000-1400可以book 位，活動至今個月底，爵屎們仲有機會啊！孖寶好欣賞呢度嘅甜品，草莓乳酪冰$98 好睇又好食👍🏻入面有草莓乳酪粒，酸酸甜甜好好味😋，底部仲有啫喱和蒟蒻。還有專屬打卡甜品Edan My Apple Pie $138蘋果批外皮整得香脆可口，蘋果肉好新鮮，不過略為細份。薑汁迷你芝麻湯圓 $40細佬佬竟然揀呢個甜品，有薑味但又唔會好辣，仲有少許薏米係底。

第一次食依種刨冰即刻叫錯味😂本身係想叫成個都係朱古力味個種， 呢個寫住薄荷朱古力，我以為係朱古力味😂不過唔緊要依個都好好食😋 枱邊有食刨冰嘅教學，未嚟前仲諗緊點解釋刨冰都要教？黎到就知真係會跌架😂😂要由高食到底，外食到入～ 側邊仲擺咗個朱古力醬， 食到中間唔夠味可以加朱古力醬， 但我覺得其實唔使加個刨冰本身都好好食😋唔知點解我覺得呢個刨冰有啲似以前讀書時候好興嗰隻綿花冰定叫綿綿冰😂不過唔係一個碗同埋一坐山咁大，同埋依個刨冰靚勁多😍 下次上嚟試埋嗰個朱古力咪同榴槤味😋 佢頭殼頂嗰嚿係一嚿豆腐花好搞笑

終於食甜品啦😝都幾多人下 星期日下午都排哂隊 咁岩撞到Edan生日 成間鋪都好多Edan 既應援 大家有興趣要快啲去奶醬脆多刨冰 $98呢款口味好特別 所以就點左嚟試😆個份量真係好大 比佢嚇親🤣 好岩打卡 不過味道都好好食！花生醬勁香 面頭仲有啲豆腐既cream 好濃豆漿味 冰既入面有少少芝麻 花生咸 食每一啖都有唔同既口感同味道 個奶醬脆多好脆好香 夾埋啲冰一齊好夾 拉芝Bagel $68睇個樣已經覺得好邪惡🤣勁多芝士 要趁熱食先可以拉絲！個包整熱左仲脆脆地 加油拉絲芝士無得輸😝

21/1就到Edan既生日啦🥳 一眾爵屎要記得把握機會黎呢到朝聖😜呢道既佈置有好多Edan既相同紙牌，成塊花花牆🌸都有好多相～ 仲有寫住”爵安世一”既霓虹燈牌，門口仲有Edan唔同歌既歌詞🎶tim~ 而講起甜姨姨大家一定唔會陌生，呢到既刨冰🍧真係必食😋，size夠大夠壯觀之餘，每一隻味都有好多唔同既配料，層次豐富又好食😋 之前食過一直都未有時間出post，宜家趁住推Edan既主題就下定決心一氣過出翻先😜(5 😍 係滿分，🤩係半分）400次髒髒冰 ☕️🍫🍧 - $138 (好味指數：😍😍😍😍🤩)呢個係另一個長青既招牌🤩 所以一定要黎試下～ 刨冰🍧一樣綿密幼滑，上面有打左400次既咖啡泡沫☕️💭，真係好綿密fluffy，無左咖啡☕️既苦味，所以連唔鍾意咖啡☕️苦味既人都會鍾意😍 味道香濃，配埋下面既朱古力🍫就有mocha既感覺，配埋香甜鬆脆既KitKat威化，層次好豐富，整體味道亦都互相中和左唔會好甜，食得出朱古力味🍫好濃，果然係用左85%既可可粉同朱古力粒🍫，食到中間淋埋85%朱古力醬🍫就keep住都有香濃既朱古力味🍫🤩 亦有啲似食緊金莎既感覺，多重口感真係正😌Oreoaholic 🍪🍧 - $

🍧 醬爆 (奶醬脆多刨冰) $98⏩ 花生醬、煉奶、花生粉、花生脆脆、迷你脆多、豆腐忌廉💯 評分：🌕🌕🌕🌕🌕 (5/5)💬 3粒迷你多士都烘得恰到好處，食落仲係暖暖哋，口感亦做到外脆內軟。刨冰配奶醬超邪惡但太好味，加上花生粉同脆脆更添層次。豆腐忌廉都好軟滑，香甜嘅豆腐味同奶醬配合得天衣無縫，大大碗食完一啲都唔覺得膩。🤤🍮 黑糖蕨餅 (3粒) $18💯 評分：🌕🌕🌕🌕🌗 (4.5/5)💬 蕨餅口感煙韌彈牙，淋上黑糖漿甜而不膩。😋

甜姨姨私房甜品》💛 食物：🐷🐷🐷🐷/5環境：🐷🐷🐷.5/5CP 值：🐷🐷🐷/5黃到金 $98 真係名乎其名😆面頭真係有金（箔）🤣🤣開頭覺得用$100食個冰感覺好唔抵 但係佢裏面啲料好足 有五至六件大大嚿芒果 仲有芒果布甸同埋椰子脆脆😗所以食落好有層次😆🤤完全唔需要額外嘅芒果汁都好夠味🥰溫馨提示：記得由外食到內 如果唔係會雪崩😆

☞ 疫情期間香港人又無咗晚市堂食🤡🙄咁緊係要捉緊堂食的尾巴，去食啲好難外賣嘅嘢食🤓呢間bookmark咗好耐，見佢6點左右竟然唔使排隊就入咗去食！原來而家鋪頭做緊Edan呂爵安嘅期間限定主題店💩😳入面有好多Edan嘅佈置，仲有唔同嘅props俾爵屎們打卡📸🍴黑極（$98）❖ 呢個係芝麻豆腐味嘅刨冰🍧頭幾啖芝麻味好重，但會愈食愈淡，所以到時可以加返店員另外附上嘅芝麻醬❖ 刨冰中間亦都有舊芝麻雪糕🤤絕對滿足到芝麻控！☞ 佢另外仲有好多唔同口味揀，我下次會想試Oreo或者奶醬多味🥰😍而甜姨姨都好好啊，知道無咗晚市堂食驚啲爵屎嚟唔到打卡，佢而家會提早咗開放時間，而6點後爵屎們都可以照去打卡📸而主題店去到21號就會完㗎喇😆希望大家可以嘅話就晏晝時間去食個甜品，用行動去支持一下唔同嘅小店啦🥺💛

每次約朋友食飯後甜品 甜姨姨都係肥Glor嘅top3！最近禁左堂食 唯有食完lunch去食個甜品過吓口癮啦🙌🏻哩間甜品舖堂食座位都算多 就算要等位都唔會等好耐 甜品選擇都好多💛·奶醬脆多刨冰 $98店內有多款刨冰比客人選擇 有部份更加係加入左港式元素 其中一款就係哩款No.1 + 充滿港式茶餐廳風味嘅奶醬脆多刨冰～刨冰份量多 一拎過嚟店員就叫我地先食咗表面嘅多士脆粒 然後再食冰 食到中間覺得唔夠將嘅時候就可以自己加一啲花奶！三粒多士夠香脆 表面嘅花生醬撈埋豆腐奶蓋同冰一齊食可以解膩 食到中間嘅時候仲有花生粒同花生碎粉 令口感更有層次！·拉芝Bagel $68熱辣辣嘅煙靭脆皮嘅Bagel加埋超邪惡芝士拉絲 視覺效果滿滿 入口仲有濃郁嘅芝士味 值得一試👍🏻