甜姨姨私房甜品 (清風街)

營業中

休息中

星期四晚上10:30，甜姨姨依然多人，今次捨棄出曬名既芒果系列甜品，叫了未試過既芝麻豆腐西米露， 唔肯定佢係咪新嘢🤷🏻‍♀️ 4個人有三個叫咗同一款，我就再加$15芝麻湯圓。 起初以為會試到凍既湯圓，原來熱辣辣咁分開上，哇哇哇！加$15有6粒，薑湯底。芝麻豆腐西米露好有驚喜，香濃黑芝麻味道，黑芝麻控毫無疑問必食！西米露既西米唔係發漲發到淋bat bat果種，係細細粒，一咬就爆果種，同個黑芝麻豆腐非常配合，因為太好味，嫌佢太細碗。服務就無㗎喇！D客食完最緊要就快D走唔好阻住佢哋，就擋係香港特色啦～

天后嘅甜姨姨 開業十多年來主打「港式甜品」唔係住呢區都會專登揸車嚟食除咗款式選擇多，味道都保持水準✨榴槤奶凍口感好似雪條一樣入口即溶，加上榴槤肉味道超濃郁另外仲可以追加其他配料配多一球榴槤雪糕，超級正✨芒果大合奏將所有芒果製成嘅食材集合於一碟芒果乾．鮮芒果塊．芒果蓉．芒果布丁．芒果雪糕用嚟製成甜品，夠哂香甜實在難以抗拒✨流心芒果布丁芒果布丁 滑嘟嘟．震滕滕食咗兩啖裡面湧出流心芒果汁原來著校服仲有75折優惠唔怪得咁多學生幫襯啦

說到香港有名的港式甜品店《甜姨姨》就一定榜上有名😆他們也是TVB的御用甜品店畢竟是TVB的監製和藝人陳豪等人合資開的門口也貼了不少明星到訪的照片🤣‣ 雪白手工芋圓 ($58)這份芋圓材料非常豐富首先是以椰汁和豆腐花做底配料就包括手工三色芋圓、西米、薏米、紅豆、珍珠和紫米每一口都有吃到不一樣的食物豆腐花滿滿的黃豆味，很香濃芋圓和珍珠都很出色、很煙韌‣ 超級榴槤雪沙 ($118) 這份榴蓮雪沙真的好誇張😂份量驚人，可以2-3人一起吃材料包括榴槤雪葩、新鮮榴槤肉、榴槤雪糕並淋上榴槤忌廉汁最後以榴槤乾、榴槤威化餅做點綴💭 C͟o͟n͟c͟l͟u͟s͟i͟o͟n͟餐廳座位不少而且食物款式超級多、份量也很大喜歡吃港式甜品的朋友值得來試試看！💰Total: $176 ($88pp)📍甜姨姨｜@auntiesweethk天后清風街13號地舖銅鑼灣耀華街11號地舖鑽石山龍蟠街3號荷里活廣場1樓177號舖🙏🏻謝謝你的支持，成為我努力分享的動力💪🏻

早幾日同朋友想食小小野，又唔想食咁飽，就諗起呢間甜品店，以前成日食架，覺得好食, 今次坐底睇好多野價錢都唔平，我同朋友分別點左個5x幾蚊既甜品，佢叫左綠野仙蹤，佢話太甜，咁我就無跟佢嗌，我見到湯丸15蚊有6粒，咁我覺得呢個幾平又抵，叫返個黑芝麻湯丸，咁我就另外再睇有咩榴槤類甜品或者芒果類啦～ 睇中左芒果布丁，諗住叫😅但發雞盲點左芒果三重奏，唉～🥲 因為我唔想食芒果三重奏裡面既芒果干🫣🫣🫣但因為電話點餐都一定係自己落錯🥲🥲🥲🥲 整體感覺湯丸個姜底夠姜，湯丸裡面都好有芝麻味，芒果三重奏，芒果都甜，芒果布丁都好食既，芒果干佢係剪到一條條都叫做容易食，朋友個綠野仙蹤只聽到話甜，但她都食曬成碗, 我估計都ok 既 ～ 整體50分以前會好食有80，主要覺得賣相無咁好，而食物味道都比以前欠一點點～

尋晚，同個女飯後行經天后食糖水，入左里間糖水舖，店員示意QR Code 落 Order 如事者，同我個女各自Order左碗中式糖水，食完後埋單，佢收銀員同我講，$69. 我比完錢，佢再同我講，每人要最低消費$40. 兩個人即係要$80 ！咁我就話『下，您地無同事有講喎，落Order時又無顯示里句字眼』。當我仲同個女係到猶豫緊買多啲乜嘢好，個姐姐係收銀枱仲大大聲講『你倆個行開個，未阻住晒』。無奈之下，『被迫』買多兩個芒果班戟。焗我埋單$106先唔好講佢裏便啲食物質素如何但係咁樣樣嘅經營手法，除咗有屈客之嫌。我真係覺得冇其他形容詞可以形容呢一間舖頭，佢哋咁既經營手法，仲衰過的電話騙案@『天后甜姨姨』

食完飯想食糖水，本身想去銅鑼灣嘅甜姨姨，不過實在太多人排隊☹️最後行去天后睇吓，好彩天后嘅甜姨姨唔洗等位，即入🤟🏻✴️麻煩大少✴️雖然唔知點解要叫依個名，但整體都幾好食😆底下係豆腐花，唔算太香豆味～然後就係椰汁冰沙，幾重椰子味，清清地唔太甜👍🏻最上層就有香蕉、芒果、椰果同奇亞籽，增添口感😋✴️芒果大合奏✴️最底係芒果布甸，都幾大嚿吓，好飽肚😜芒果雪糕幾好食，唔似係普通來貨嘅味道～配搭上唔算有新意，但勝在味道夾得唔錯✌🏻

天后嘅甜姨姨真係由細食到大😆成日同朋友係銅鑼灣食完飯😌都會行過去天后清風街食埋甜品先散場😉芒果大合奏雖然而家加價加到60幾蚊😂但我仲係忍唔住叫咗呢碗芒果大合奏😍芒果控真係超大滿足！除咗有好甜好多汁嘅芒果之外😚仲有芒果乾、芒果雪糕、芒果沙冰！唔少得滑嘟嘟嘅布甸啦🤩榴槤奶凍無論同邊啲朋友去食甜姨姨🤣總係會有人叫榴槤嘅甜品😜每次見到佢地食得咁滋味‼️我諗食榴槤嘅人一定都唔可以錯過呢度嘅榴槤甜品！甜姨姨私房甜品 (清風街) (天后)天后清風街13號地舖

我見好耐冇去咪去下囉可能有本身帶有祈望， 所以就有失望貴得黎又吾好食 一枱人叫了幾碗甜品 質素吾會令你回頭光顧總括黎講就吾值呢個價位幸好...啲份量夠少 食完可以快d走人

坐喺度食嘢呢唔系享受完全喺度好似俾人鄙视咁样，服务员完全唔系服务客人的。间铺啲服务实在唔得，而且呢啲嘢又唔好食喎。即系你入间铺呢系冇人睬你㗎，服务员望到你有人坐低呢嗰阵呢会有人掉低个QR code俾你。太差劲了。香港是一个非常国际的城市，现在还有这样的服务其实是因为个别服务员的造成的，这家店关于这方面的投诉很多，但是可惜我去了后结果还是一样，证明一样嘢，有人认同态度差也是可以立足的。我以后永远回避。

其實食物性價比算係中上只不過:當時係夜晚八點半我係門口睇餐牌睇左三分鐘都无人理我當時裡面2枱客共4人已經等埋單樓面兩人算我見裡面枱面無歺牌攞埋嗰張痴立立歺牌入去坐低繼續睇坐低5秒後有個魅影喺我後面申隻手出嚟放低個QR code但係都无人同我講嘢我只感覺佢好似好想同我交换個歺牌冇人講嘢朕當然无理繼續睇之後我嘗試掃code掃唔到叫嗰兩個等收工过嚟有個新嚟嘅唔知可以点老一啲嗰個等收工員工用眼神向我極度清晰地表達我好麻煩嗰啲同你落完單对眼即刻用百分之一秒斜向上移开嗰隻呢重要戴住口罩都要清晰地向我表示佢黑緊面咁完美嘅經驗食物幾好都冇用我一講今晚嘅經歷幾個朋友都喺呢間舖有同樣嘅生還體驗其實如果天后依間諗住執嘅話不如撇脫啲啦

每次去天后食完飯都會去甜姨姨食個西米露為當日畫上句號🤣平時食開既西米露多數都系椰汁底，面呢度既豆腐西米露系沙冰底架！豆腐味濃而不膩，夏天食真系好爽！豆腐西米露（配芝麻雪糕）綠茶豆腐西米露（配豆腐雪糕）

呢間甜品舖真係細細個開始食，咁多年都仲係咁多人排隊 今日同朋友喺天后附近食飯，食完飯就決定過嚟幫襯下呢一間咁耐都冇食嘅甜品舖 我哋食完飯大概九點過嚟，都要等位，不過好快就入到去 我就叫咗木桶薑汁撞豆腐花，係我細細個最鍾意食嘅甜品，豆腐花充滿薑汁嘅香味，少少辣辣地嘅感覺，係童年嘅回憶 再加埋紅糖食非常好味，口感配搭上非常好 朋友就叫做芒果西米露，都係傳統嘅甜品，芒果都俾咗三大片，而且非常香甜，同朋友食完都非常滿足

呢一日係大坑食完飯，想食埋甜品，朋友就介紹左呢間係天后既甜品。鋪頭出名榴連同埋豆腐系列既甜品，因為我地都唔係好食榴連，所以大家叫左幾款唔同既豆腐甜品。🐷豆腐西米露 $42可以揀芝麻或者豆腐雪糕，呢個揀左芝麻，芝麻味雪糕好香，豆腐西米露口感類似豆腐沙冰既豆腐蓉，加埋西米好夾，豆味好濃，食得出係用鮮豆腐黎整唔係開粉溝出黎🐷芝麻豆腐西米露 $42呢個同樣有得揀芝麻或者豆腐雪糕，呢個再特別d, 豆腐蓉係加埋芝麻去打出黎，豆腐味同芝麻味都好出，兩樣唔會影響到大家超夾，呢個好好食👍🏻🐷芒果豆腐西米露 $44呢個無雪糕既，但有半個芒果放係面，賣相好吸引；芒果好甜，配豆腐西米露都係好夾，不過頭先果個芝麻太出色，呢個難免比下去🐷炸燒賣 (8粒) $30呢個等得比較耐，大概都等左3個字，糖水都差唔多食完先黎到。不過等左甘耐又無令我失望，燒賣炸出黎外脆內軟，點豉油同平時蒸燒賣好唔同，幾特別，值得一試

甜姨姨最近又推出咗新產品，今次係聯乘甄沾記，推出咗新口味嘅刨冰、心太軟同兩款飲品。🌟甄沾記椰子糖冰 $148今次推出嘅新口味係椰子糖，用上最靚嘅甄沾記椰子糖，逐粒拆開，敲碎再煮成椰子醬。最頂有粒椰子糖，仲會附送兩粒特濃椰子糖。刨冰味道比較清新唔會好甜，中間會有椰子片同雪糕，咬落脆卜卜，食到中間覺得唔夠甜，都可以自己再加椰子醬🌟焦糖椰子心太軟 $128心太軟一切開裏面嘅流心流晒出嚟，入面係焦糖椰子味，有一球椰子雪糕，下面鋪滿lotus 嘅餅乾碎，口感豐富。心太軟可以連埋上面cream同椰子片一齊食🌟芋泥桃膠仙椰汁 $58🌟芒果桃膠仙椰汁 $58呢款飲品有兩種口味，一款係芋泥一款係芒果，底部係桃膠。芒果口味會比較清新，芋泥口感綿密，比較濃稠。加咗QQ桃膠口感更好。

等咗好耐終於入咗，叫咗豆腐花，咩嘢大少同埋榴槤唔知咩。 嘢食質素正常，榴槤嗰個唔錯。份量都算係偏細碟甜品等咗比較耐先到，張單係啱嘅，但係又出錯甜品。呢度都比較等咗耐嘅時間。啲嘢一食完（成個進食過程其實只係一兩分鐘），個收銀姐姐立即收走啲嘢食，然後就直接叫我哋埋單，話出邊好多人等緊。都明白繁忙時間係比較多人，但冇需要以咁冇禮貌、態度好差嘅語氣趕人走，一句唔該請麻煩都冇，食完都一吐氣。食物質素一般，服務態度負分，唔推薦大家再去