甜圓坊

營業中

休息中

繼韓國熱慢慢減退，開始見到台灣 嘢稍為彈起，尤其係大大碗嘅芋圓！之前諗著去同樣位於深水埗 嘅「誠記」朝聖，但真係太多人⋯所以放棄咗！今次醒目咗，預早少少去，好彩仲有兩個位，不過就要坐喺門口前，道門不停開開閂閂，都幾熱吓招牌綜合挫冰 $30［分數：7.5/10］份量都算幾足吓～數數啲配料，原來都有成8款咁多！冰底加咗黑糖 ，食落都幾甜下。主角芋圓同#地瓜圓 都夠煙韌同有口感～手工鹵肉飯 $30［分數：7/10］聞落好香，但食落就無預期咁好，論健康嘅話，佢唔太油膩係幾好嘅，之不過就少咗嗰份油香，同埋無入口即溶嘅感覺，可惜可惜其實野食問題唔算大，人手不足先係問題所在，樣樣野都要等好耐先到，尤其係炸野⋯趕時間真係千奇唔好做傻事⋯不過始終開業無耐又係小店，所以都唔會列佢入伏伏系列嘅～希望佢地之後會有改善啦💪🏻💪🏻💪🏻💪🏻💪🏻甜圓坊 (深水埗)深水埗基隆街205號地下

好失望 好難食 唔好去我係荔枝角番工Lunch time 有野搞去深水埗之前就係睇左雜誌一篇文話好食又抵所以就算唔順路都專程去買兩碗外賣番公司tea time 食我叫左兩碗總匯QQ但我打開既時候 得勁小 似桂棗雪耳多過似總匯我以為比錯左 後尾上網睇下其他先知原來真係咁既樣我想講唔好食 好失望!!!!!!!!!!D 料勁小 我睇雜誌編文話芋圓有芋味有咬口其實一d 都冇!!!!!!! 失望感倍增!!!!以後都係唔好信人地網上寫文既野可能係佢地人手食材唔夠 我都唔知呀總之大家試之前諗清楚 冇人地講到既咁好食

食完陳光記見仲有d肚，就諗起之前飲食網介紹過有一間芋圓小店，所以過來試一試。一到附近就見到有1X人係度排緊隊，相信就係我要搵既果間了，店內座位唔算多，大概20-30個座位，我地排隊等左20分鐘左右就有位，唔算太耐。一入到就叫咗仙芋奶凍+招牌綜合挫冰，本來期望都唔算高，因為睇openrice評語參次，估唔到質素又唔錯喎。首先講吓仙芋奶凍，感覺上同康瑞差不多，都係有好多配料，有西米、珍珠、紅豆、仙草、蕃薯圓、芋圓等，食落口感都唔錯，個人覺得蕃薯圓同芋圓都做得出色，蕃薯同芋頭味濃，正過康瑞，佢另外有ucc 花奶俾食客自己決定加唔加奶，夠細心👍🏼👍🏼👍🏼挫冰更加驚喜，一上來既時候，上面已經淋咗啲花奶，所以相對較甜，甜甜地既冰加埋芋圓一齊擺落口，感覺透心涼👍🏼👍🏼👍🏼。

兩點後先有芋圓，排骨飯要等半個鐘，一一食乜都冇。食左個滷肉飯。我諗都唔會再去幫襯。唔開心要乜冇乜，個飯好細碗另外啲汁唔夠撈埋啲白飯，隻蛋係暖嘅唔係熱。好失望講真。

自昨天社交平台的宣傳一出，今日一入門口就見到坐滿晒人，但服務員只得兩三個，明顯不足。服務員見到我同朋友第一句唔係幫我地搵位，而係一臉不耐煩咁問「你地睇openrice黎架?」，似係埋怨客人太多，令我同朋友感到不受歡迎。坐低左之後我同朋友落左一個凍嫩仙芋奶凍，等左好耐都未有，但係我地都明白新開張可能會慢啲所以冇催。點知等左足足大半小時後，服務員先同我地講冇晒仙草，「廚房爆唔到啲材料出黎冇辦法」，叫我地揀另一樣。唔通落單嗰陣佢地唔知材料就黎用完？難道唔可以預先話俾我地知，等我地考慮下揀其他食物？更令人氣憤係，嗰位服務員一句道歉都冇，好似唔憂做咁，態度極差，完全不知所謂。最後我同朋友白白等左半小時後咩都冇食到就一肚氣走左，而我好肯定我唔會再返黎亦唔推介任何人黎。

諗住黎食芋圓，結果等耐到無食到走左。。。間舖都幾大，但唔夠人，無人招呼，大家叫到有位就自己埋位。叫左一個滷肉飯，一個排骨飯，兩杯野飲同兩個芋圓。平心而論，兩個飯我都覺得好好，好過好多地方嘅滷肉飯，做到台灣嘅感覺，唔錯，而且價錢相宜。但講到服務就真係等到一肚火，叫人執枱叫你等，落單又係等啦，個飯黎到之後等野飲又係等啦，莫講話個芋圓唔知要等到幾時。。。最搞笑個服務員會大叫「邊個係幾點之前落order嘅？」大佬你唔知邊張單未出嘅咩？感覺好唔專業，仲有個服務員好似唔憂做生意咁，係咁對d客講「宜家前面有10幾個甜品要出」，如果態度好d都唔係等到一肚火。

唔會有下次。。野食唔好食，野飲咩都冇。。千里迢迢黎依到食野，點知咁唔值得黎。叫左杯珍珠奶茶，之後話成頁飲品都冇，但過多陣望到隔離有得飲。問職員佢答唔知道。。等個飯都成40分鐘。成班妹妹仔，好似冇一個大既睇坐咁

我們4個人 2份食物45分鐘後才到 就盛飯加滷肉是多難 應該都是現成的 食物馬馬虎虎 好吃都沒心情吃了 而且比我們晚的都吃完了在聊天 侍應生一直說有在催 最後發現還漏單 餓到我2個朋友走了不想吃 And NO SORRY at all 一點抱歉都沒有 服務態度需要大大改進 不會再來 Four of us waited for forty five minutes then only the first two dishes arrived. The other two dishes took too long our friends just left.

對於一個路痴的廚娘來說 ,如果遠離於旺市很多時在覓食當中都要找上google幫手、 今次也不例外見於網內看到一新的台灣小店子，但由於位置較為偏離於 平常旺市中心內， 一於帶著老花鏡尋尋覓看上地圖後、 在平時往市的地鐵出閘， 腳步往外走終於找到了。。。店子理應是台灣人過來開，由於路不熟所以路途上打個電話去店內查詢 、店員用以普通話跟我溝通大約要十二時半左右先開始營業， 到埗 剛好是十二時半 但原來客人已坐滿九分滿、 慶幸一人入座所以再找上位子也較為輕鬆~ 當日所見嚴重的缺乏人手落單, 由於樓面眼見只得一人， 所以有些客在等至不耐煩期間亦走上櫃位、在收銀處自行落單。。不急不忙的情形下我斯斯然的坐下身子， 等待女侍應有放慢腳步的現象下伸手輕輕招上、 果然侍應亦看到我的召喚便來到跟前, 眼見每枱都叫上滷肉飯 , 反之而當日便想吃上乾麵、 只可惜餐牌上的乾麵就只有(油蔥拌麵)HK$35. , 既來之則安之吧, 所以就喚來一個油蔥拌麵好了~上埸份量頗多， 不過賣相只是一般般 、有見自己在家做的可能外表還漂亮得多， 先夾一口麵質來試試吃 、麵身烹煮得不至於過稔， 不過所謂之油葱卻實在淡口很多、 不知

點講呢⋯⋯⋯⋯不如大家睇完之後再自行判斷要唔要嚟試下吧⋯⋯15:23 嚟到門口門口已有人龍，不過以星期六，FB又剛出左試食片段嚟講，唔算多人無店員係門口接待或安排帶位，係門口見到有人出嚟，望入去見到有位自己入去坐低就得枱面亦無餐牌，就嚟排到時最好望定貼係店門上嘅餐牌15:55 叫野食唔知係咪因為新開業，所有沙冰、珍珠奶茶、水果茶⋯⋯都無叫左咁多野先至$180，心諗都叫幾平吖本來係想先叫飯麵飲品，食到咁上下先至叫個挫冰，因為驚個挫冰太早嚟的話會溶，但店員話甜品製作需時，可能要等45分鐘至一個鐘，建議我地一齊落單。我問佢⋯⋯咁飲品呢，店員話都要等，但甜品等得更加耐⋯⋯好啦，既然係咁就同步落單啦16:00 先嚟杯 仙草紅豆撞奶⋯⋯咦，又話要等嘅，估唔到咁快，心裡暗覺好運🙈個人覺得唔夠凍，而且對於唔飲鮮奶嘅我嚟講太重奶味了⋯⋯但問朋友，佢又話唔夠奶香😅16:11 嚟個 古早味焢肉飯同之前上嘅撞奶相隔10分鐘，我同朋友都覺得有點耐⋯⋯但眼見呢張告示，就忍耐下了古早焢肉飯⋯⋯其實唔知同滷肉飯有乜分別。我個人估計係大舊用竹籤穿住個舊係焢肉，以面細細粒個啲係滷肉啲肉同汁都好香，就算對於平時唔多食飯嘅我

本身是台灣人因為想念台灣糖水專程去吃，到的時候排隊人龍很長，大概排了40分鐘，入座後沒人主動拿上餐單，突然店員大聲宣布說芋圓，湯圓，西米都沒有了，但去就是為了吃仙草芋圓啊~只好點蓮子桂圓湯加蕃薯圓，先生點了仙草紅豆奶，ok~等了40分鐘什麼都沒有，追單說紅豆沒有要不要轉西米但是剛才不是說沒西米只有紅豆？陸續又聽說菜沒有什麼沒有，外面還很多人傻傻排隊，不是應該提早告知嗎！仙草西米奶一批一起上了，等了55分蓮子甜湯依舊沒到……追單後才說馬上來……應該不會再有下次，蕃薯圓吃起來裡面粉粉一點都不Q,要去的人請三思

今日下午係Facebook無意中睇到尼間新開既台式餐廳，俾佢既手工芋圓同滷肉飯吸引左，所以收工後同男朋友特登搭車過去試，點知一去到門口見到條隊好長排到去3間舖位，排到仲有幾個就到我地，點知店員出黎話所有芋圓沽清，有小小失望但都排左禁耐都要食飯既所以照排，當排到望到入舖時發現原來舖入面跟本就有好多位，但店員完全無安排外面客人入店內等候，當時條街又熱又焗經已開始有啲“炆炆地”，但男朋友安慰我話吾緊要喇都就到，而且人地新店人手可能吾夠。10分鐘後...男朋友都開始有啲吾耐煩，終於入左舖頭問店員“點解入面禁多位吾安排我地入黎坐低等？”最後店員都安排左我地坐低點餐，我地兩個人點左1個滷肉飯，1個焢肉飯，1份鹽酥雞加1杯酸梅湯，先到個鹽酥雞味道好淡份量好少$30得幾粒🤦🏻‍♀️小食食完杯野飲先到，再20分鐘過後個飯都未到，格離枱比我地遲黎都已經食緊滷肉飯，而我地都仲未有得食，出餐太慢等緊途中不時見到好多人都因為出餐太慢而走左或取消🙁再吹左2次個飯終於到左👇🏼👇🏼👇🏼尼個就係滷肉飯原先我係fb睇介紹個飯有原隻滷蛋同跟湯，但上餐既時候半隻蛋都無又無湯😧尼間係台灣人開既餐廳但係滷肉飯竟然吾係配珍珠米😨😨個

滿心歡喜以為可以食到好食嘅芋圓，一點餐，嗰侍應就話要等一陣，我就話可以，心諗挫冰應該最多等20mins，點知等咗半個鐘先到。一黎到，賣相還好，但食落啲芋圓，地瓜圓，小丸子都好硬，完全冇qq感覺，唔夠2分鐘，啲冰已經溶到好似張相咁，唉，失望，冇下次！

滷肉飯及香酥排骨味道是相當不錯的，肉鬆皮蛋豆腐個汁都係好味既，皮蛋也是流心的，如果舊豆腐冇咁大個百福logo可能更好。但可惜新開張人手太不足夠，以致未有機會試到佢打正旗號賣的竽圓甜品。踏入店的時候是星期三下午2:45，應該是一般食肆快要下場的時間，但竟然全店滿座，我碰巧唔趕時間就坐下慢慢等。結果吃畢離開已是四點十分。除了咸點其實我們還點了紅豆牛奶沙冰，但親切的侍應姐姐話，大概要等一世，令人不禁莞薾，也不敢堅持要叫。下次等佢請多幾個廚房會回頭再試的。

誤打誤撞入左間新舖，原來係正宗台灣野食，我至愛呀🤤🤤🤤叫左個蔥油拌麵食，有我至愛既花生同蔥。份量十足，又吾太鹹，岩岩好好惹味，係無配菜，下次叫埋d小食一流！仲跟湯，好似話日日都吾同湯，仲要吾係味精湯仲要吾係味精湯，對我呢d成日岀街食飯既人係一個幸福，有得飲住家湯！之後都有叫左杯紅豆仙草撞奶(好似係咁叫，忘記左啦)，本身吾太鐘意太甜既飲品，呢個岩我呀！😭😭感動總括黎講，食到好滿足，正宗台灣嘢食，好小有咁高質又平，見到成條街都有車泊街，有渣車既人可以方便d！臨走見到隔離枱有人專登去收銀同台灣侍應講d芋圓好好食，听到個侍應話係台灣師傅自己手工做，下次試埋佢先🤤可能新開舖頭未上手，所以都要等要陣先有嘢食🤔不過寧願支持小店，起碼食得健康又有益