甜圓坊

營業中

休息中

叫左總匯QQ圓，芋圓無彈性，系粉感，白色既小丸子稍為好少少，呢個糖水其實系雪耳紅棗糖水加芋圓，整體太甜，好多糖水，一心梗系來食芋圓，可惜，不過另外叫左杯珍珠奶茶，呢杯仲差過碗糖水，因為杯奶茶，好水，好少奶，系茶溝水味，真系好稀好水，色一睇就知好淺，最好算系個鹽酥雞，但份量好少，而且雞粒無乜肉，脆炸粉多過肉，新開張，我體諒，無人抹枱，無人執枱，等左半個鐘有多先來杯奶茶同雞，呢d都可以體諒，但食物真系試好哂先開店吧

屋企附近有間新開嘅台灣食店 除咗芋圓之外 仲有麵/飯/小食 直頭可以甜品正餐一tick過🤘🏻•嫩仙芋奶凍 $25芋圓軟糯煙韌係基本 食落唔會淡口同粉感重 最正係芋香味好重❤️仙草口感滑溜爽口 西米同薏米都好棉密 而且啲西米口感都好煙韌 好似食緊迷你版珍珠咁💁🏽 食完真係覺得佢好過康瑞同誠記 佢啲芋圓真係食到芋頭味同番薯味 而且配料都比較多又大碗啲🤘🏻🤘🏻🤘🏻 •香酥排骨飯 $45排骨飯都幾大碗 但肉燥偏少 食咗後面會變咗白飯😩 排骨肉質尚算軟熟 但唔夠酥脆🤔跟餐加$10會有台式特飲 都幾好味 又多料☺️ •鹽酥雞 $30鹽酥雞係一定要叫!!!! 炸得非常脆口 咬落係有聲嗰種 仲要隔咗一陣先食都係咁脆😻而且肉質非常嫩滑仲有肉汁😻

行過見到入面都係台灣人，好似幾有保證試完最鍾意既芋丸真係好好食，好足料，芋丸同地瓜丸絕對唔係淡口冇味得個粉字呢碗奶凍值100分連續食左幾日....仲未厭，其他同事都話好好食前日試過鹽酥雞，雖然比較淡味，但肉質好juicy但可能新開，餐牌選擇好少，食lunch就唔考慮了，但甜品就絕對要試。不過每次都見人流好少，各位芋圓控快d去食，我唔想間野咁快執🤔😂😂😂$25一碗黎講係超值，以前食開另一間係因為冇選擇🤷🏻‍♀️