甜圓坊

營業中

休息中

諗住黎食芋圓，結果等耐到無食到走左。。。間舖都幾大，但唔夠人，無人招呼，大家叫到有位就自己埋位。叫左一個滷肉飯，一個排骨飯，兩杯野飲同兩個芋圓。平心而論，兩個飯我都覺得好好，好過好多地方嘅滷肉飯，做到台灣嘅感覺，唔錯，而且價錢相宜。但講到服務就真係等到一肚火，叫人執枱叫你等，落單又係等啦，個飯黎到之後等野飲又係等啦，莫講話個芋圓唔知要等到幾時。。。最搞笑個服務員會大叫「邊個係幾點之前落order嘅？」大佬你唔知邊張單未出嘅咩？感覺好唔專業，仲有個服務員好似唔憂做生意咁，係咁對d客講「宜家前面有10幾個甜品要出」，如果態度好d都唔係等到一肚火。