甜圓坊

營業中

休息中

食完陳光記見仲有d肚，就諗起之前飲食網介紹過有一間芋圓小店，所以過來試一試。一到附近就見到有1X人係度排緊隊，相信就係我要搵既果間了，店內座位唔算多，大概20-30個座位，我地排隊等左20分鐘左右就有位，唔算太耐。一入到就叫咗仙芋奶凍+招牌綜合挫冰，本來期望都唔算高，因為睇openrice評語參次，估唔到質素又唔錯喎。首先講吓仙芋奶凍，感覺上同康瑞差不多，都係有好多配料，有西米、珍珠、紅豆、仙草、蕃薯圓、芋圓等，食落口感都唔錯，個人覺得蕃薯圓同芋圓都做得出色，蕃薯同芋頭味濃，正過康瑞，佢另外有ucc 花奶俾食客自己決定加唔加奶，夠細心👍🏼👍🏼👍🏼挫冰更加驚喜，一上來既時候，上面已經淋咗啲花奶，所以相對較甜，甜甜地既冰加埋芋圓一齊擺落口，感覺透心涼👍🏼👍🏼👍🏼。