甜圓坊

營業中

休息中

大年初一本想去長沙灣市集搵食 點知去去十檔有八檔都收哂有開的又大排長龍 行左個圈就決定要走人上網搵到甜圓坊年初一會開 就行返落深水埗食 肉酥蛋餅 $28蛋餅外皮煎得脆 唔會淋哂 面頭的汁點到即止 唔會太重味 鹹酥雞 $30外皮炸得乾身香脆 雞肉食落嫰滑 亦唔會太重調味 酥炸排骨 $28呢個普普通通 有點失色 招牌迷你剉冰 $28行到身水身汗 個人好想食凍野雖然係迷你 但配料份量十足芋圓地瓜圓紅豆珍珠蒠米樣樣都有剉冰有牛奶的香味 唔會死甜 好滿足 嫰仙芋奶凍 $25加埋一盒仔奶精食 係幾香而且芋圓地瓜圓 真係食到有佢的味道 個人覺得台式小食唔錯佢地的芋圓就更出色 一定好食過同區另一間

收工前已經諗好食咩晚餐，彈閘後用左40分鐘行去呢度食飯（做定熱食食野麻，哈哈）。店內地方好細，但有bar凳，有二人枱同四人枱，我揀左坐bar凳，職員好快已經比左餐牌我喇。最後揀左...手工滷肉飯算好接近台灣食到既味道，飯好熱既，佢已經唔算用好肥既肉喇（台灣果D仲肥），我都會想再既的。起司蛋餅即係芝士+蛋+酥餅呢個比我想像中，普通，明明幾熱既，但入面既芝士竟然唔溶既？如果可以整到溶左，先至係食芝士既精髓麻。最後係我最想食既冰！招牌迷李挫冰（一人份）好耐冇食過冰喇，仲要係冬天食。我自己幾鐘意，有鍊奶，鍊奶加冰真係夾。遲下天氣熱返dd再食。

甜圓坊 燒仙草（嫩仙芋奶凍冬日版） $25 材料豐富，有芋圓、地瓜圓、湯圓，口感煙韌，燒過的仙草化成了甜甜的黑糖水，冬天吃下去暖笠笠，而且味道不錯，性價比高。招牌綜合挫冰 $30挫冰的材料更為豐富，有芋圓、地瓜圓、湯丸、紅豆、珍珠、薏米，淋在冰上的糖水均勻，吃到最後一口仍是甜滋滋的，一口透心涼的挫冰配上煙韌的地瓜、湯圓，Q彈的珍珠等，不過是三十元，比起坊間索價四五十元的芋圓糖水便宜得多，性價比極高，經過必吃。Ig:foodcityyy

台式甜品🍧～～～～～～～～～～～～～～～～～～一直都係香港搵緊一啲整芋圓好味嘅地方，呢間總算唔差，都算平民價錢，其實，食過台灣嘅芋圓，好難搵到間比台灣好味。🍧招牌迷你剉冰（$28）一人份量都已經可以感受到佢啲料有幾足，佢有芋圓、地瓜圓、湯圓、珍珠、紅豆、大紅豆、西米、薏仁。芋圓、地瓜圓個味唔算特別濃，但至少我唔係剩係得啲麵粉味，芋圓、地瓜圓、湯圓、珍珠全部都好煙韌彈牙，個冰應該係落咗蜜糖，整體上唔算好甜。🥣台式燒仙草（$25）離遠睇以為係龜苓膏，食落個質感都有啲似。材料其實同招牌迷你剉冰差不多，都係有芋圓、地瓜圓、湯圓、珍珠、紅豆、大紅豆、西米、薏仁，佢多咗樣嘢就係花生粒同埋煉奶，食落其實比較淡口，就好似食緊啫喱但入面有好多唔同材料咁。~~~~~~~~~~~~~~~~~~~~~~~~~~~~~~

吃了厚切的牛排後，當然是開動甜品模式，選了這間也很高人氣的芋圓，裝潢很簡單，樸實。叫了嫩仙芋奶凍，蛋餅，水果茶。芋圓甜品這間算是便宜，芋圓彈牙，但令人驚喜的反而是小丸子，仙草很嫩滑，很多配料，正。蛋餅很有台灣本土味，酥脆，蛋味濃。水果茶，滿壺都是水果，甜度不高，感覺全都是水果的甜味。

SSP除咗康x食芋圓好出名，哩間亦有好多人熱烈迴響話好正。專登抽時間試試佢時芋圓，地方好大，廁所好干淨，整體感覺好好。Menu 既野食同甜品各佔一半，價錢相宜，算平。最好既位係芋圓可以top up 再加，俾多幾蚊就有10幾粒，無限追加🥰🥰🤩🤩鐘意食煙刃芋圓地瓜丸既人超適合食哩間。叫咗個仙草芋圓，可以自己加奶,倒得靚靚地影反張相，哩間有樣好就係唔會特別甜，由於覺得太甜會好易膩同得個甜味會蓋過哂其他食物原來的味道，哩個芋圓仙草剛剛好。仲有蛋餅🥞，叫咗芝士蛋餅，幾十蚊好平都，好似台灣早餐店蛋餅的味道🥰🤩🤩整體而言，係會encore再黎食既餐廳

今次試左呢間係深水埗既台式餐廳 主打甜品 亦有台式小食😋我地毫不猶豫就叫左個手工滷肉飯同招牌綜合芋香剉冰泥試下啦 滷肉飯好好食☺️ 滷肉好夠味又夠淋 大大碗好足料 仲有一隻滷水蛋添 不過就偏硬左少少 不過整體泥講唔錯👍🏻另外個剉冰上枱真係好興奮 勁大盤有好多料 入面左芋圓 地瓜圓 芋頭 珍珠 白玉 紅豆 大紅豆 西米 薏米 勁足料丫款款都好多😍😍 剉冰加左練奶甜甜地幾好食 略嫌芋圓唔夠煙韌同味道較淡 反而紅豆 芋頭同珍珠就幾好味啦😋 性價比甚高👍🏻

自從台灣翻黎之後一直好掛住台灣嘅芋圓，見到深水埗呢間好多好評當然就要黎試試有無台灣嘅水準啦🤤今次就同朋友嗌左幾款～鹹酥雞 $30呢到嘅鹹酥雞係即叫即炸，所以送到上枱都係熱辣辣好香脆味道同台灣嘅差唔多，如果黎呢到真係可以一試～手工滷肉飯 $30呢個手工滷肉飯真係令我好驚艷，諗住嗌個飯食飽d，點知竟然係最好食嘅一樣🤤🤤個滷肉好香好入味，撈埋個飯食真好一流嫩仙芋奶凍 $25其實我係衝住芋圓而來，但最令我失望嘅係芋圓。佢嘅配料無咩特別都係一般嘅味道，入邊嘅小丸子同珍珠都幾煙un，唔錯唔錯🤤但個芋圓一咬就散，完全無咬口，無咩芋香味，可能係當日失手🤷🏼‍♀️普通急凍芋圓煮出黎仲好食d。本身係食甜點，結果鹹點係最好食😂

✨深水埗又有新增芋圓系列❤️試下另一間先「甜圓坊」😍💕👉🏻Loop ⏩一碗配料又係有「芋圓、地瓜圓、小丸子、珍珠、 西米、 薏米、 紅豆」，忌廉奶🥛另上‼️👉🏻芋圓地瓜圓，🍠味道有點唔夠重，同似色素，無粉粒都還煙算韌既！不過太細粒！👉🏻仙草又好軟滑 ，重好大舊，一啖啜唔哂入口😘份量重好多！👉🏻 好多料，配料都幾好，口感豐富💕好似重大碗過康瑞！share 都🉐都唔錯，但位置會遠點....👉🏻🤤鹹食幾有驚喜💖👉🏻「🍜蔥油拌麵」，簡單好味，即叫即煮，蔥油味勁香‼️重有隻滷🥚🍜👉🏻同個麵好夾，唔錯😋👍🏻都唔少麵‼️🔔🔔🔔🔔下午茶簡單食左兩樣野都幾滿意🔔🔔🔔🔔______________________芋圓💰$25 🍜蔥油拌麵$35深水埗-甜圓坊

突然挑起左食甜品既癮勁想食芋圓!!!但要搵到間好食既芋圓真係唔係咁簡單!平時如果去深水埗我會食開康X既但係今次就想轉下口味就黎左甜圓坊試下!!入到黎其實見都幾多人係食咸點都有好多台式既飯但我地係食飽飯先黎就只能食甜品了我就叫左店鋪推薦既招牌綜合挫冰朋友就叫左總匯QQ($25)先講講我叫果個只係$30 但佢既份量完全係比兩個人食既!!!仲要佢係比兩隻匙所有配料既份量都好多!!有小丸子、珍珠、薏米、紅豆同埋兩隻味既芋圓分別係芋頭味同番薯味!!芋圓都好Q彈 味道唔算好濃但會食到!!最鐘意係小丸子 煙煙UNUN!!珍珠都有咬口 又唔會太硬薏米係比較蓉既FEEL而紅豆就大大粒既而佢係底就係牛奶冰黎我相信係香港都好難再搵另一間有佢呢個冰咁抵食既冰架喇!!!!但因為我一個人食既關係D冰溶得好快 食唔切同埋佢既牛奶冰底應該係煉奶黎所以都幾甜下食到最後係變左牛奶湯XD而朋友既總匯QQ係熱既成個FEEL係傾向養生好香既紅棗味 甜度適中冬天既時候係呢個應該都好滋味~~~再去深水埗我都會想再黎食

好耐無去過深水埗今日專程去食呢個刨冰係台灣既味道呀！一上台已經忍唔住連講幾次好抵$30呢個價錢響坊間既甜品店淨係買到呢到既一份芋圓而呢到係包左牛奶冰底同8種配料包括左芋圓、南瓜圓、珍珠、圓子、紅豆、腰豆、薏米同西米呢到既冰刨得較大粒，無咁易溶適合同好朋友一邊食一邊傾計不過留意呢間店帶最低消費人均$20所以我地叫左多樣野叫個時都唔知佢係飲品其實佢就係加左仙草既紅豆冰好大杯 行完深水埗熱熱地飲番杯都唔錯

係香港搵間好食嘅芋圓有幾難 芋圓控一定明😭其實有時係台灣食都未必好食我立志要食哂世界上嘅芋圓 (如果唔會肥的話......) 終於試到呢間😂-每樣野都不錯芋圓 小丸子 同珍珠都好煙韌 不過芋圓蕃薯圓就唔算好濃味 呢樣可以再改善下💪🏻仲有紅豆 紅腰豆 西米同薏米 好足料連下面啲仙草都好食 又唔太甜重點係 $25咋！！😆整體好滿意啦😋

對上一次到訪已經接近一年前，事實上都係覺得普普通通，但我地喺呢頭食完飯，好想食甜野；但又唔想去某啲糖水店難為自己。唯有近近地行過黎。平日夜晚都仲係人頭湧湧，有啲人食糖水，有啲人食主餐。幸好我地係兩人，無需等位，不過鋪面真係太窄，我地身型太大份，坐靠牆位置，真係逼到冇朋友甜品依然係芋圓、仙草、西米露、剉冰及兩款甜湯，價錢唔貴，附近選擇太少，即使唔係特別出色，都再黎就係咁解，加上份量真係幾大。總匯QQ圓 $25除左芋圓、地瓜圓，仲有丸子、珍珠、桂圓、杞子、紅棗、雪耳，老實講以呢個價錢就真係幾抵食嘅，味道還好，算係幾滋潤。招牌綜合剉冰 $30唔知係咪太耐冇黎，上枱時我覺得份量好似大左咁，啲冰成座山仔咁，兩個人好勉強都食唔哂 (可能晚餐太豐富)。芋圓、地瓜圓各十幾粒，仲有珍珠、紅豆、薏米、紅腰豆、丸子、西米露。圓嘅味道比之前食算係明顯左，地瓜圓偏甜，口感實淨有噍頭，彈性欠奉。丸子煙韌；珍珠依然癡埋一舊。剉冰粗粒，不過天氣熱溶得快，所以唔洗狂剉。奶量多，偏甜一點，溶下溶下咁食，都唔算膩。

到深水埗第一次試，叫左一碗總匯QQ(熱食),睇相雖然唔吸引，差d想轉第二款，點知比預期既好，感覺好滋潤，唔太甜，味道適中，而且好足料！店員又有禮貌，下次會再幫襯

😻😻😻😻😻😻😻難得係香港遇到既高質台式甜品店🤟🏽係Instagram見到有人推薦呢間鋪頭，已經即刻叫男朋友陪我去試🤤🤤🤤因為呢餐係下午茶，我地費事叫咁多😂所以就order左招牌QQ 同埋鹹酥雞真係性價比高，而且高質首先嗰環境令人好舒服，唔會坐得好辛苦👍嗰餐單簡單得黎夠集中，基本上台灣特色野食都係曬度。鍾意食冰既絕對可以放心試，全部材料都有經過處理，會有味唔會淡繆繆😽另外有糖水陪芋圓，唔想食冰既都可以試最重要係份量夠曬多，老實講，係香港$30一碗糖水，並唔係有咩咁特別。但份量同埋質量咁足，就真係好少見❤️我地決定下次再黎試埋其他糖水同埋飯😋😋