甜圓坊

營業中

休息中

同男朋友街完街食完正餐～當然再食甜品女仔對於甜品係有第二個胃來放依次已經係第二次來依間鋪食事關覺得幾抵食又唔洗好似康瑞甜品甘排隊因為有最低消費每人$20（其實好合理）所以叫左兩樣 一個挫冰 一個鮮奶紅豆仙草依個挫冰真係好高CP值爆多料又芋圓、又珍珠、又薏米又西米、又小丸子又花生、又紅豆真係對於黏韌控既一大滿足但個人既小挑剔就係煉奶唔夠多同埋個糖漿味道一般～但$30甘大盆甘多料堅抵食！杯野似就味道平平紅豆無味道～有點太健康整體來講味道中上，價錢超值～

甜園坊大排長龍TSxLife |家鄉為台灣之好友非常喜歡吃口感煙韌 Q 彈的台式芋圓，其中吸引了很多人前來，而且長期爆場的這間食店SELL台式芋圓，款式以特色仙草配最有台式風味，另又有以台式飲品及甜品做主打，食店以台式芋圓及地瓜圓自家製作吸引點，形式像台灣的甜吃店。台式芋圓糖水系列除可配常見的仙草或西米露外，也有其他的口味如另可選擇薑汁 糖水、椰汁西米露等。甜品都不會獨沽一味的選擇呢，夏日更推出芋圓冰系列，以各式之冰配芋圓來吃，很棒。總的，吹得熾熱的風，不但台式食品店、台茶專門店，都加入戰團湊賣一番，台粉記得去。更重要呢，下午茶時分人流較少，不用等位可吃到，比別的地方味道更有台灣味，值得一去。觀感及口味而說，以不同顏色均包着不同之餡料芯如：芋蓉、紫薯及地瓜等，Q彈地道，好吃而且亦值得到這點嘗一下台灣的美食喔。

今晚食乜好，見到有人叫咗呢個排骨飯都幾唔錯咁，我都要試吓。嘩~塊排骨好香、鬆、脆，仲係即叫即做㗎，嚟到熱辣辣，好正! 唔少得嘅就係嘅青瓜同埋隻好入味嘅蛋，之前試過已經好鍾意😋個飯底同滷肉飯嘅一樣，好味😁

剛剛其實已經食飽左，但忍唔住要食返個甜品滿足下我~呢間真係隱世小店，深水埗落車後係要專登行返15分鐘先到大熱天時，係咩原因令你咁行法呀? 係真係咁好味呀定係自己為食呀?係"兩樣都係呀"!!!!!!都係果句，食飽左叫唔得多野食所以只係叫左個2樣野咋..招牌綜合冰，抵食又足料，點解佢唔係我屋企附近嫁?如果係,我願意日日黎食一碗呀!!!!!!鹽酥雞嘩!!!香口到呢~口入面有粒飛滋都唔理，係咁食係咁食!食完好似去左轉台灣，真心嫁!好地道既味道可惜我食飽左，唔係我要食埋佢既滷肉飯!!!!!我唔理，下次我要空肚黎呢度食大餐

今次試咗佢哋嘅滷肉飯，對我嚟講份量足夠， 我覺得佢啲滷肉比起阿元來了仲好食，入囗一啲都唔覺膩， 隻蛋仲好入味好香添， 同埋好鍾意嗰啲青瓜， 醃得好好味， 酸酸哋之餘仲好爽脆😋😋甜品試咗上次無試到嘅嫩仙芋奶凍， 基本上配料同剉冰嗰款無乜分別， 一樣都係咁鍾意， 我覺得好食過康瑞，啲糖水唔會蓋咗啲配料本身嘅味道，甜度適中，仲會俾埋creamer隨你落唔落都得，我就無落喇。呢間店整啲嘢真係好有heart❤👍🏻

這家店真的很滿意了，非常好吃，不過有最低消費，人均20，沒有吃簡餐所以不好評價好不好吃，但啊甜品好吃，連奶十足，芋圓和小丸子好好吃，沒有不好吃的配料了，兩個人吃一份足夠了，下次有機會再去試試炸雞麗吧！

之前係深水埗食過一間糖水舖嘅粉圓，覺得口感煙韌， 一試就愛上， 所以就搵下有冇其他舖頭有得食粉圓啦，俾我揾到呢間，佢唔單只有甜品食， 仲有其他台式食品。原本淨係諗住嚟呢度食碗粉圓就算，點知最後叫多咗份蔥油拌麵同埋鹹酥雞試吓😜因為我哋叫咗鹹食同埋甜品， 所以個甜品叫咗店員後上。 首先嚟咗個蔥油拌麵， 個麵好香， 仲有隻蛋添。 之後就係個鹹酥雞，好香口好酥脆，大大件，肉質juicy。 最後就係我好期待嘅粉圓喇，粉圓嘅甜品有幾款，我見到嫩仙芋奶凍都好吸引咁，但今次我叫咗個綜合剉冰試吓。個冰一嚟到嚇親我，無諗過咁大份，無兩個人以上都唔好叫。上面嘅配料有8款咁多，每款份量仲唔少㗎，全部都好好味好有咬口，喺冰上面仲有西米添，真係好豐富。冰上面淋咗花奶/煉奶，配合埋其他配料一齊食，味道更上一層😋😋但係啲冰溶得比較快，要食快啲呀， 唔係好快就變咗碟冰水㗎喇😅

嫩鮮芋奶凍 $25有8種配料加仙草底芋圓、地瓜圓、珍珠、紅豆、西米、薏米、小丸子、大赤豆滿足唔同口感😋😋😋😋 仲有奶仔比你中意落幾多都得唔落都得、落就就滑d香d更加有層次每啖仙草都可以配搭唔同既配料好豐富芋圓地瓜圓好Q彈仲食到有芋頭/蕃薯味🍠唔會得個彈字紅豆同大赤豆夠林👍🏿唔會硬實珍珠煲既時間都掌握好好有黑糖味又唔會過林其他配料都唔錯架性價比高返轉頭率100%中意我地既分享可以follow❤️

平日很少行經呢頭，今天係特意行來一試。叫了一個酥炸排骨肉燥飯　＋　剉冰肉燥飯最好食的竟是酸青瓜，因醃得味道剛好，不過酸而微甜，如果給多點就好了，哈！排骨炸得略乾，吃落有渣，味道則還可以；飯的份量是一個男生吃不飽的份量。至於卥蛋，我是覺得過咸。剉冰料很足，才好像是＄３０左右的價錢是很值。超豐富的有地瓜圓芋圓薏米丸子珍珠紅豆等等....... 冰是不太碎有咬口的，糖水也調得剛好，不算太甜。以往還有在這食過葱油拌麵、燒仙草、鹽酥雞等... ... 感覺是這小店的咸點都較細份，而甜點則較有看頭。好像在台灣吃的食店都是這樣的吧？

一直都想食芋圓今日食完飯朋友都心思思想食就上網搵到呢間 甜圓坊大約9點幾左右去到唔洗等就入座價錢唔算貴.. 每盒最低消費$20同朋友叫左兩碗 招牌綜合剉冰 $305-10分鐘就上一碗有啲驚訝我覺得一碗岩兩個人食...以為得地瓜圓/芋圓/小丸子原來仲有紅豆/珍珠之類其他配料啲冰以為得煉奶做甜味..再刮入面果啲 發現啲冰啡啡地食落甜甜地 唔會好甜 但食唔出咩味芋圓同地瓜圓一開始食軟軟地 唔太煙韌但食食下可能凍左硬左 唔再軟 好食左珍珠都煙韌唔錯紅豆就比較硬 整體我覺得呢個價錢 有咁既份量 同質素 係唔錯 抵食嫁！下次有機會試埋鹽酥雞先～

台式仙草芋圓令人失望2018/06/07光顧當日係雨季，我同朋友四人行，坐低後不時有飛蟻跌落枱，餐具都見到污漬😵。點了台式食物嘅招牌滷肉飯×2，蔥油撈麵。滷肉飯主要係肥肉粒😮，撈埋飯食都好好味。蔥油撈麵，麵比較乾，蔥油味香，但唔係特別好食，所有食物的份量也是一人份，以（$25）一碗來記算是合理😌。甜點方面，我非常期待🙆一嘗此店嘅燒仙草及店內招牌綜合剉冰，但兩項食物都令我極之失望🙅。依個綜合剉冰，凍得黎非常甜😨，好似成支煉奶倒哂落去咁，甜到入唔到口😱，我地四人都等佢啲冰溶到變水算喇。燒仙草，仙草落太多糖水😑，芋圓同地瓜圓唔知用咩粉整裡面粉粉地，好似未熟哂咁😱，珍珠都太甜，其他野都還可以。但如果食甜品我唔會再去依間🙅🙅，正餐可能考慮😫。

係深水埗基隆街食完飯，又唔想行咁遠就近近地食個糖水，朋友就搵左呢間 “甜圓坊”，經過間大牌檔就到，地點幾便利。鋪頭感覺幾新淨、乾淨舒服，今日係平日，比較少人出黎食飯，所以店內都係四成滿，直接唔洗等位。同朋友兩個人食完晚飯都飽飽地，所以就叫左份 招牌剉冰。珍珠配冰竟然超級好味!!!(大叫) 而且仲有好多其他配料個剉冰份量岩岩，又平 $30咋，不過因為鋪頭有 minimum charge, 每位最少消費$20，所以最後再加左份甜品外賣拎返屋企。

又嚟到深水埗，上次愛上佢哋嘅甜品，今次再試埋正餐，滷肉飯！幾好食，好有住家味，唔會太肥膩！隻蛋就硬咗啲，如果淋啲就 perfect！都係甜品最下次會試埋牛肉麵，再講吓好唔好味！

唔知點解咁多 bad comments，睇返都係2017年寫落嘅。本小姐就前幾日先第一次去，真心覺得唔錯，今天留 comments 為佢平反！下午茶，叫咗個店內強烈推介嘅嫩仙芋奶凍同鹹酥雞🐔！都係我致愛！港女怕生冷唔寒得，所以冇食刨冰，但又想消消暑，就點個奶凍，簡直係comfort food。好足料美味，唔會太甜，啱晒我港女！感覺好滋潤。鹹酥雞好香口，新鮮炸，夠晒熱！真係有回到高雄的感覺！地方又乾淨利落，我會再來支持！

完全不能夠相信呢一碗咁足料嘅芋圓只係賣緊30蚊，仲要無加一，抵食到咁，而且還要好好食。六款配料比足晒，地瓜芋圓還真有地瓜嘅味道，咬落去唔粉好煙韌有趙口，紅腰豆好少係其他食冰嘅地方見到，夠腍。本身個冰亦好夠味，有濃濃嘅奶味亦有蜜糖味，做到每啖都有味道，唔會食到落底就好似飲水咁淡貿貿。30蚊真係令人難以置信。而呢一杯仙草飲品20蚊，對比芋圓冰好似好唔抵，不過用料同樣相當對得住個價，奶味好濃好濃，而且黑糖糖漿亦出來清甜唔膩，仙草同西米毫不姑寒滿滿地呈上。今餐完全滿足咗我想食台灣芋圓嘅心，可惜今次食飽飯先來，下次要試埋佢地嘅咸食先得！