星期日嘅朝早中環冇乜餐廳開門 竟然呢間咁靚嘅餐廳8am就開 叫咗半熟蛋薯蓉同Tiramisu Coffee 杯叻啡讚嘅👍🏻 上面Pat cream唔係求其 真係tiramisu個隻芝士cream 一開始就咁用匙羹舀黎食好正嘅 再攪勻撈落咖啡 杯咖啡唔會好甜又唔會好苦 但係個所謂半熟蛋薯蓉我真係呆咗 我知 我係要問下到底係咪嗰幅圖嘅 可能真係太天真啦 黎到你比半塊嘉頓白麵包 同一小杯半熟蛋加薯蓉 真係同幅圖相差太遠啦？ 只能說餐廳冇錯 因為佢冇指明個樣同幅圖一樣 但係我都覺得$52食嘉頓麵包真係好過份☹️

難得悠閑一天 約埋朋友去afternoon tea 其實早幾年已經聽過呢到嘅afternoon tea好食 不過近年愈來愈多選擇就一直冇試過😂 $260一人 有10樣野 份量適當 先講咸點 火腿芝士迷你牛角包-個包仲酥脆 不過就偏咸 鵝肝醬蛋糕-因為我本身唔食鵝肝 所以覺得麻麻 蝦tart-正常清新味道 煙三文魚餅乾-都係正常味道 到甜點 Scone-好香好鬆軟🤩 芒果pnancake-好食 唔膩 蘋果酥-酥脆 豆腐puff-好香豆腐味 好好食 玫瑰蛋糕-太甜 Macaroon-竟然冇過甜 好食 總括呢個tea set真係唔錯 份量剛剛好 又唔會甜到想嘔😆

同朋友去試呢間cafe 滿心歡喜 因為睇相好靚 以為會好正 見lunch hour唔係特別餓 就叫咗煙三文魚三文治 好多foodie吹棒到好誇張 又話個包係用丹麥包好特別 點知我一咬落去.... 個包完全冇烘過 又乾又硬 係真係好失望🤦🏻‍♀️ 啲餡就不過不失啦 朋友叫咗意粉沙律 又係得個樣🤦🏻‍♀️ 啲材料好頹 好失望 其實呢間餐廳環境好好的 但係食物質素真係強差人意 希望佢地可以改善下 唔好浪費咗個咁靚咁chill嘅環境😫😫

話說有日放工我趕住去銅鑼灣拎野再返中環上瑜珈 想快食沙律就係OpenRice search 搵到呢間鬧市中嘅cafe 以為係普通一間cafe 點知去到門口發現....夜晚佢係食set的😂 Staff話indoor已經book哂 得返outdoor 我話我快食個沙律嫁咋 outdoor都冇問題 (我反而驚阻到佢地張枱😅) 個staff勁有禮貌帶我坐低仲拎暖水比我 已經好耐冇遇過咁好嘅餐廳員工！ 叫咗呢份沙律 加埋一$98 全部勁fresh 份量剛剛好 下次一定會再食！

喂呀～真係好耐冇飛過🥺 好想返鄉下呀🇯🇵 唯有係香港食下日本野一解思鄉之苦😭 今次覓食黎到黃埔 本身我已經好喜歡食呢類型日式料理 叫幾樣菜式好豐富 所以對米氣好期待😆 Lunch menu都算多野揀 一個冷盤一個熱盤 有飯同飲品 價錢優惠👏🏻 我叫咗蕃茄牛肉 上面仲有隻溫泉蛋 份量都算多 不過有小小咸 冷盤叫咗茄子🍆❤️❤️❤️ 非常日式非常好食！ 每個餐仲有湯同漬物 正常食量一定飽或者食唔哂😂 掛住日本嘅去開呢邊我都推介你黎試👍🏻

難得一早帶埋隻狗黎西九 梗係要係到食埋野chill下 呢間coffee shop出名排長龍 當日我好早就到 本身話開12點 我11點50分就係出面排隊 點知12點半先開😰 叫咗最出名嘅matcha latte 店員好詳細解釋3隻茶粉有咩分別 我叫咗一隻苦啲一隻冇咁苦 味道真係好濃👍🏻 然後又要等到1點9先有野食叫🙃 好彩野菌米形粉、三文魚牛油果三文治同炸薯波都好食 如果唔係應該會嬲🌚 如果想食呢間 都suggest大家早啲到 因為weekend真係好多人.....

話說一直都好想試呢間泰國菜 因為每次都比佢嘅門面吸引到 今次終於有位 就去食lunch 同屋企人帶住個小朋友 小朋友話想食粉 枱面上得一個lunch set menu 我就問店員會唔會有其他menu 點知佢用非常不屑嘅表情同語氣答我：係得呢個 咁我地就照叫海南雞飯同黃咖喱牛腩飯 兩樣份量都好多 賣相都吸引 海南雞好滑 油飯好香 好彩小朋友肯食 黃咖喱唔辣 椰香重 牛腩都好淋 到叫飲品嘅時候 小朋友想飲沙冰 店員話冇沙冰 我望住隔離枱有杯 我問佢咁點解隔離位有？ 佢淨係答我冇沙冰 我再問第二個 今日有啲咩係冇 佢就答我西柚 又冇話沙冰冇 最後嬲嬲地叫lime soda算 有時開餐廳嘅老闆真係要了解下員工態度 幾好食都好 體驗差就係差

講笑咋？去Pancake店唔食Pancake食三文治？😂 認真呀 今日lunch time唔想食粥粉麵飯😅 咁啱行過呢間就比佢張三文治相吸引到 唔知大家同唔同意 日式嘅麵包係好好食 太耐冇旅行啦 所以我就入咗去～ Lunch set只有4款選擇 2款pancake 2款三文治 簡簡單單蛋沙律芝士加小小菜同蕃茄 塊包加咗牛油咁烘 非常脆 又香 不過入面嘅蛋沙律+2塊芝士就略嫌咸咗小小 另外on side仲有小小沙律 跟餐包飲品 叫咗杯咖啡 都不錯👍🏻 連埋加一今餐$97 唔錯👍🏻

平日真係好少去紅磡 今日約咗朋友食lunch 佢地提議食呢間黃店💛 Menu都算多野揀 有意粉、all day breakfast、沙律、risotto等等 咖啡仲多選擇 不過我驚飲完訓唔到就叫咗茶😋 Lunch set 叫咗黑松露醬大啡菇蘆筍意粉 $73 個意粉base係香蒜炒意粉 香蒜味就好重 黑松露味冇乜😅 而且真係好油 每一啖都會食到成個咀都係油 呢個位就比較令人失望 好彩跟餐有杯茶 可以去下油 如果唔係都難頂 (可能因為我平時好少食咁油嘅野)

住咗係荃灣廿幾年 見住荃灣愈來愈多好野食好開心😆 多到我都未有機會試哂 咁啱有朋友話想試初見 我都二話不說贊成！😆 見其他食評話牛肉唔錯 我就叫咗牛肉野菜鍋 ($88) 一人鍋份量 有4大塊牛 都幾多菜 有菇有芋絲等 仲有碗飯 正常女仔應該會食唔哂😆 加咗$35要埋湯、沙律同飲品 唔算非常抵 不過想食沙律所以加 沙律驚喜地fresh 唔係啲菜就難嘅感覺👍🏻 同行朋友食咗香草牛 都好好食同好大份 不過我地太肚餓唔記得咗影相😅 另外見仲有魚生飯食 下次可以試👍🏻