甜匠

營業中

休息中

「甜匠」內外裝潢簡約，走文青路線，深得我心。 印象中平日飯後時間，要等位。今日打風，加上時間尚早（才七點鐘），只得我們一枱。*「甜匠」走年輕簡約路線 從門外已感受到其乾淨舒適今次點咗兩份食物，分別係受歡迎的芒果同朱古力。照舊係相機食先，然後到我食😋 *價錢 $52雪糕面有一層薄薄的可可粉裝飾，雪糕朱古力味濃，質地結實，溶化速度較慢~ 差唔多成份食完時，都仲係雪糕的模樣😂 Brownie 好吃，質地唔乾。而且甜度適中，食落唔會咬到一口糖。底部有一層薄薄的朱古力慕絲，吃完超濃的雪糕球、brownie後才吃慕絲，造成味道太淡的錯覺。但是其實慕絲味道剛好，再有調整就會破壞咗件事🙈。 整體我給4.5/5分😋*補上close up一張 雪糕質感沙沙地 唔係好順滑個種 *價錢 $52 再睇一睇，雪糕球是不是圓得有點過份？🤔 haha 芒果頗甜，唔酸。配料配搭好好，唔同口感都有齊：茫果珠一咬就爆開、蘆薈珠有咬口；仲有果肉同芒果乾；底下嘅芒果布甸口都好滑，無令人失望！芒果這份，我會給滿分，5/5😋 *雪糕質地同朱古力味唔同 明顯比較軟滑這個價位在街外很難找到。加上店員（估計是老闆之一）製作用心、態度友好

中大夜粥暑假收咗爐。暑假都要開夜嘅同學冇宵夜食，唯有走去馬鞍山食糖水。熱屎辣辣嘅仲夏夜當然想搵透心涼甜品啦雖然緊雨川小學棒球場附近有間多年來屹立不倒的中式糖水。但凍左嘅中式糖水都冇寒天啫喱咁消暑經常被大排長龍嘅甜匠真係好高質好吸引，由於甜匠好少位只係大概得十二三個位，通常假日前夕都會大排長龍。閒日夜晚先食到。我雖然食到好飽但係真係好想食啲涼浸浸嘅甜品，所以揀咗一個好輕盈嘅黑糖薄寒天。鍾意食滋補野嘅女同學就揀咗雪耳甜品，白雪雪又靚又清新仲好滋潤。呢款用玻璃樽裝住嘅甜品有好多種口味，有雪糕有不同口味果凍加其他配料，一啲都唔單調啱晒貪心想食多幾款野嘅朋友。最欣賞嘅係呢款甜品可以連埋個玻璃樽外賣，只需要加＄20按金，下次還返黎鋪頭又可以退＄20，不過佢循例都會比隻膠匙同膠袋，想環保啲可以自己帶袋拎走。我已經試過無數次外賣返大學。其他食品也很受歡迎例如鐵板窩夫及台式芋圓鐵板窩夫冬天食嘅時候真係好正但夏天我真係推介食玻璃樽呢款

我諗呢一間甜品舖已經數一數二好嘅甜品舖了，佢間舖店面唔太大，不過裝修靚，好木系感，坐著嘅感覺好舒服，最好嘅係佢不限進餐時間，不過其他食客都自律唔會食完坐半日先走。我食過呢間幾次架啦，覺得好食所以先回頭服務員嘅態度十分好佢嘅甜品幾特別，有別於傳統甜品店有雪糕，窩夫，仲有一啲自創嘅甜品

上回眼見餐牌上琳瑯滿目的甜點還未曾嘗試，其中下午茶餐特別吸引。愚人節正好休假，下午的家務又比預期中理想，便一再到甜匠偷閒。四點多，店內沒有客人，但店員忙於準備食材，店舖整潔有序。我們二話不說就選了窗邊的座位，點了芒果窩夫+玫瑰花茶和紫薯糖水。芒果窩夫+玫瑰花茶 $52窩夫一如既往外脆內軟，水準一流。芒果雪糕伴芒果粒和芒果糖漿，果真很芒！可能因為芒果味道沒有宇治金時那麼複習，這次的忌廉和木糠的味道比上次突出，玫瑰花茶的茶香也非常怡情。紫薯糖水 $38可能因為本來沒有什麼期望，所以這甜品帶給我喜出望外的感覺。紫薯和紅豆的鬆化，加上三重丸子的柔韌，與青梅竹馬的蕃薯糖水味道似曾相識，但口感增加了另一重新鮮感後，更上一層樓。自己本人不是太好珍珠奶茶中的丸子，但此丸不同彼丸。此丸的韌性更像糯米，跟紫薯和紅豆配合得天衣無縫。總而言之，這紫薯不俗，可再一試。後記：$90結賬，沒有加一。今天的張國榮經典，感謝。

同班FD 食完晚飯之後，其中一個住馬鞍山既話有間新開甜品舖好食，所以就搭車入去試吓。位置都幾偏，如果唔係住果頭既朋友應該都要搵幾耐。當晚天氣係6度，街舖想搵個位擋風都冇，係我地前面仲有2枱4個人，間舖唔係大，坐到20個人左右，所以都等左幾耐。店舖行台式路線，有芋圓、雪花冰、waffle 之類甜品，價錢中等啦。呢個係我點既芒果waffle，我幾鍾意佢擺碟，出面好多間食waffle 既會將雪糕同cream 成大舊放晒係waffle 面，但佢地冇，反而係平均淋上mango jam，唔會令d jam 淨係掂到個框，呢樣我係非常欣賞既。芒果雪糕味道清新唔假，芒果肉夠淋又甜，仲有幾條柚子皮咬吓，幾有誠意。朋友叫既焦糖海鹽waffle海鹽雪糕配waffle 唔係幾岩我地口味。另外佢地叫左芋圓話好好食，料都夠多，上菜時熱到辣手，所以佢地食完好暖身，天氣凍一流。Staff 全部都係後生仔，服務態度幾好有禮貌，不過可惜間舖對我尼講太遠，如果唔係我都會再幫襯。

近來比較忙，在日曆上尋尋覓覓，終於找到了一個飯後的空檔，到這裡一嘗。點解咁難揾時間過來食甜品？因為我唔鐘意等位，而呢道好旺。我八點半到，都要等1張枱，好彩只係等左1分鐘。間舖裝修簡約，面積雖小，只有4張枱同埋bar枱，成間舖都係坐得18人，但樓底夠高，冷氣夠涼，音樂夠正，地方夠清潔，招呼夠親切——街坊鄰居生意嘛。揸車來嘅朋友可以坐窗口位睇住自己㗎車。一坐低，打開餐牌一睇，嘩，一啲都唔街坊，絕對唔係鄰居可以做到的甜品...唉，難得揾到一個時間來到，但係太多甜品想食，睇來要揾時間再來試其他甜品。幾經掙扎，叫左2個甜品。宇治金時窩夫 $52呢個應該都係招牌菜了，因為櫥窗有講佢地窩夫特別之處。（有乜特別？唔話你知，等你自己過來睇。）個甜品一上枱，一個字：物超所值！綠茶粉把賣相點綴得別緻，窩夫入口外脆內軟，甜度適中，唔會蓋過綠茶雪糕搭紅豆的宇治金時嘅甜味，窩夫的温暖與雪糕的冰凍形成對比，加上粟米片的脆卜卜同埋小丸子的柔韌，食完仲有木糠的餘香樸鼻。註：要一啖食晒以上的食物先會有呢個感覺。紅豆大大粒直得一讚，但可能正因為大粒，有啲硬，浸耐啲可能會好啲。綠茶雪糕可以綠茶味再重啲，但係呢個就人人口味唔同

馬鞍山係美食沙漠大家都知，本人喜歡甜食，之前係馬鞍山一路都搵唔到有質素嘅甜品舖，直到有網友介紹甜匠就去試下啦舖頭細細，裝修好有文青feel,打咭影相一流。不過晚飯後時間超多人，可能坐位唔多。講真，坐落真係有啲迫。不過，最緊要睇下啲野好唔好食啦～叫左兩款甜品都係即叫即做，等大概三個字度。開放式廚房，廚師竟然係三個後生仔，好surprise。見到佢地冇停過手，好認真（全程冇笑過⋯😅）講番正題先，叫左一個焦糖香蕉海鹽窩夫，一個紫薯雙芋圓薑汁糖水。個糖水薑味好重，食材份量十足，有兩三嚿紫薯，熱辣辣冬天食最啱！值得回購！（第二天小妹已忍不住再簡番呢款食至於個窩夫，有驚喜！除左即整之外，佢一啲都唔係粉漿味，外脆內軟，有啲似麥味又真係食到海鹽味個焦糖香蕉都係我意料之外，睇得出有心思！另外佢配個雪糕好滑好濃牛奶味，整個配搭好夾。甜匠仲有好多其他新穎的甜品，下次會再試埋其他支持年輕人支持小店

Sweet time , 今次專成去到馬鞍山， 呢到出名窩夫， 還有芋圓；奶凍；心太軟；燉蛋等等。但因為我太飽， 只叫了...抺茶奶凍（$42）仲有燒過下既白玉， 奶凍仲有層次😋熔醬抺茶蛋糕（$58）洋甘菊檸檬草本茶（$28）

最近同朋友係馬鞍山食完飯，意猶未盡，諗住搵個地方食下甜品繼續傾下偈。要知道馬鞍山實在太缺乏好既食店，甜水鋪就固然係啦。不過無意間發現呢間甜匠，確係令人耳目一新。- 玉桂蘋果金寶雖然size唔大，不過佢係即叫即焗，上枱仲好熱辣辣。蘋果、玉桂同牛油味好香，蘋果焗完又唔會太軟，都有d咬口。上面球雪糕雖然唔是好好既質素，不過夾埋一齊食已經好好味了。冰火在口中交融，完美配搭。- 熔岩抺茶蛋糕呢個都唔錯，要熔岩有熔岩，亦唔會似坊間既太甜，不過個皮有少少overcooked，略嫌有少少乾。另外三粒麻糬都幾好食，不過如果係配糖水既話可以會夾少少。其實呢間糖水以馬鞍山黎講算很好了，環境亦很舒服，樓底好高唔會有壓迫感，亦唔會好嘈，同朋友黎傾下偈都唔錯。

今日入來馬鞍山找朋友正當和朋友食完飯 想着要不要吃一點甜品朋友就馬上介紹這一間甜品店當天去到的時候是晚上接近10點半在店外等了大概5分鐘 就有位置一進店內整間店空間不大 裝修亦簡潔 沒有太多的花巧店員大多數是年青人 都有禮貌 有笑容坐下之後 我朋友告訴我這裏的招牌菜是窩夫我點了一個海鹽焦糖香蕉窩夫 伴雪糕等了大概10分鐘左右 窩夫就送到桌上並且能夠聞到窩夫的香味 窩夫的口感外面硬裏面軟 加上海鹽和奶油配合 味道不錯焦糖香蕉是把香蕉切半後 再淋上焦糖 焦糖雖然即叫即做 但是煮的時間太長 苦澀味太重 並且沒有做到焦糖香脆的口感 苦澀味加上海鹽鹹味 味道實在令人不敢恭維可以說是整個窩夫的敗筆雪糕方面口感說得上有幾分滑加上旁邊有放一些小配料 令口感更豐富總體而言 窩夫賣相不錯 但是味道方面還需努力

平時好少出去食糖水，但呢兩年去襯都係食甜匠，除咗佢裝飾夠晒文青，糖水一樣有睇頭，除咗西式野，中式一樣正！今次試呢個蕃薯芋圓糖水，手造芋圓好咬口，糖水甜而不膩，最欣賞佢地成日有新野出😙😙嚟緊聖誕，希望有時間再去食😻

食完飯想食甜品，見呢間幾多好評就試下。間野裝修好文青，坐低即叫左個凍紫薯芋圓。碗野一黎都見到唔對路，啲小丸子同芋圓痴實哂，好差。同埋地瓜圓、芋圓同小丸子得嗰幾粒仔。反而紫薯勁大舊，錯覺以為自己食緊蕃薯糖水。$38一碗真係唔值，我知馬鞍山係冇一間似樣嘅糖水鋪，都唔使搶錢架🤦🏻‍♀️

晏晝四點幾呢D尷尬既時間，行街行到肚餓，但係好快又食晚飯，所以就上開飯啦搵下附近有咩甜品食😳竟然就係咁，無意中比我搵倒驚喜，誤打誤撞去左甜匠呢度食甜品😎睇左一大輪，因為就咁普通叫一個窩夫都要$40以上，所以識揀緊係揀午後窩夫花茶系列，有窩夫雪糕仲有花茶，不過午後窩夫花茶系列只限星期一至日15:30-18:00供應架咋🤤👁‍🗨 海鹽牛奶拖肥伴香蕉窩夫配自選花茶（玫瑰白茶）（7.5/10）💲48為左吾想d雪糕咁快溶，一離到就食左雪糕先，發現佢既3.6牛乳雪糕好特別，咸咸地，不過牛奶味就吾夠濃😳至於個焦糖香蕉既焦糖就夠哂脆，夠哂香，主角窩夫亦都好有質素，整到外脆內軟，味道仲同平時食開既吾同Tim，重麥味似食緊麥包，好有咬口，飲埋杯清香既玫瑰白茶，好滿足😊👁‍🗨 宇治金時窩夫配自選花茶（玫瑰白茶）（7.5/10）💲48呢個窩夫其實真係好唔錯，食落去熱辣辣，外脆內軟，尤其係啲邊位真係好脆，但係又未去到燶，簡直恰到好處😛個味又同平時食開既好唔同，應該係用左全麥粉去整，感覺都健康啲🤤😂個抹茶雪糕球冰感略為重左少少，但係都有好濃既抹茶味🍵白玉個面係微微燒過，帶啲炭燒味，咬落去煙煙韌韌🙆🏻紅豆蓉就不過不

夜晚約左班朋友食糖水，九點九等位等到差唔多十點四先有位。間店細細間，得十幾個位到，其實唔係好傾到計，d聲好嘈。😣😣😣所以一食完就走，出面已經好多人等緊位。朋友叫左薑湯紫薯熱既，我試左一啖，因為我唔鐘意薑味，所以覺得麻麻，朋友就覺得整體唔錯，係甜得滯。呢個我冇影到餐牌，唔記得叫咩名，但係係期間限定既。有芒果雪糕、芒果肉、小丸子、荔枝、西米、蘆薈粒，全部都係我鐘意既野👍🏻👍🏻👍🏻另外朋友叫左窩夫，一送黎已經好香。我都試左少少，幾好味👍🏻👍🏻馬鞍山黎講甘既質素已經算唔錯

夜晚同左男朋友去呢間甜匠到食湯圓。夜晚10點幾度完全唔使等位。😍兩個人分別點左薑汁芝麻湯圓，同埋冰糖雪梨桂花雙丸凍食。薑汁芝麻湯圓個薑汁湯底勁辣，超級鍾意。另外冰糖雪梨桂花湯圓呢，個桂花湯並唔會做到太酸，口味啱啱好。大愛。